Morgunblaðið - 08.01.2014, Blaðsíða 11

Ljósmynd/Skarphéðinn G. Þórisson
Hamingja Þeir brosa breitt drengirnir tveir á fína bílnum enda á blússandi ferð í huganum um ævintýraakbrautir.
svo það leki ekki,“ segir Skarphéð-
inn. Ef menn eiga meiri pening er
notast við annað efni, eins og herta
steina og bárujárn.
Gildismatið er ólíkt því sem hér
þekkist en þó er markt sammerkt
með íbúum Chirombo og eyjar-
skeggjunum norður í Atlantshafi.
Innan kristnu kirkjunnar í Malaví
eru nokkrar deildir og þar eru líka
múslimar. „Allt er þetta í sátt og
samlyndi,“ segir Skarphéðinn sem
lýsir íbúum sem mjög kristnum. Eft-
ir sem áður er mikið um galdra og
tengsl við andaheiminn. Sú trú hefur
mikil áhrif á líf íbúanna enda eru þeir
meðvitaðir um ummyndaðar aftur-
göngur sem eru nornir sem fljúga
um á kústum eða í körfum. Úr anda-
heimum bera sérstakir sendiboðar
fregnir til mannheima og sé þessi
þjóðtrú sett í samhengi við íslenskan
veruleika þarf ekki að hugsa svo
langt til að muna eftir trú Íslendinga
á álfa og huldufólk sem kemst í sam-
band við mannfólkið og ber því tíð-
indi. „Þetta er ekkert mikið öðruvísi
en hjá okkur,“ segir Skarphéðinn og
vísar til þess hvernig ímyndunaraflið
fær byr undir báða vængi þegar eng-
in er raflýsingin.
Gaman veður að fylgjast með
því þegar bókin kemur út því hún
hefur að geyma ótal sögur af töfra-
flugvélum sem hröpuðu á leið á
nornaráðstefnu, lífríki, glaðværð,
hugarflugi og síðast en ekki síst vin-
áttunni.
Morgunblaðið/Steinunn Ásmundsdóttir
Śögur Skarphéðinn G. Þórisson.
DAGLEGT LÍF 11
MORGUNBLAÐIÐ MIÐVIKUDAGUR 8. JANÚAR 2014
Bók rithöfundarins Einars Más Guð-
mundssonar, Englar alheimsins, kom
út árið 1993. Einar fékk bókmennta-
verðlaun Norðurlandaráðs fyrir hana
tveimur árum síðar.
Sagan hefur hitt margan lesand-
ann í hjartastað enda snertir hún
streng í mörgum með einlægni sinni,
hlýju og húmor.
Árið 2000 var gerð bíómynd í leik-
stjórn Friðriks Þórs Friðrikssonar eft-
ir sögunni og hefur sú mynd fengið
fjölda verðlauna hér heima sem og
erlendis.
Þjóðleikhúsið kom sögunni á fjal-
irnar í apríl á síðasta ári í leikstjórn
Þorleifs Arnar Arnarssonar. Sýningin
hefur fengið einróma lof gagnrýn-
enda og hlaut Grímuverðlaunin sem
leikrit ársins í fyrra.
Englar alheimsins eru fyrsta sýn-
ingin sem Þorleifur leikstýrir í Þjóð-
leikhúsinu.
Hann hefur leikstýrt fjölda sýninga
bæði í Sviss og Þýskalandi en sjálfur
útskrifaðist hann árið 2009 sem leik-
stjóri úr Ernst Busch-leiklistarskól-
anum í Berlín.
Nú um helgina, dagana 10. og 11.
janúar, verða leikarar Þjóðleikhússins
á Akureyri og setja sýninguna upp í
menningarhúsinu Hofi. Sýningarnar
verða tvær, annars vegar á föstu-
dagskvöld klukkan 20.00 og hins
vegar á laugardaginn klukkan 15.
Með aðalhlutverk fara Atli Rafn
Sigurðarson, Ágústa Eva Erlends-
dóttir, Baldur Trausti Hreinsson, Egg-
ert Þorleifsson, Högni Egilsson, Jó-
hannes Haukur Jóhannesson, Ólafur
Egill Egilsson, Rúnar Freyr Gíslason,
Saga Garðarsdóttir, Snorri Eng-
ilbertsson, Sólveig Arnarsdóttir og
Ævar Þór Benediktsson.
Þjóðleikhúsið á ferð um Norðurland
Englar Þeir Jóhannes Haukur, Atli Rafn og Ólafur Egill í hlutverkum sínum
Englar alheimsins sýndir í Hofi
Páll Atli Rafn Sigurðarson í aðal-
hlutverki Engla alheimsins.
Stangarhyl 4, 110 Reykjavík, Sími: 520 7700
raestivorur.is
Rétt magn af hreinlætisvörum
sparar pening
– láttu okkur sjá um það
Hafðu samband og fáðu tilboð
sími 520 7700 eða sendu línu á
raestivorur@raestivorur.is
Heildarlausnir í hreinlætisvörum
Sjáum um að birgðastaða hreinlætis-
og ræstingarvara sé rétt í þínu fyrirtæki.
Hagræðing og þægindi fyrir stór og lítil fyrirtæki, skóla og stofnanir.
Hafðu samband og fáðu tilboð