Morgunblaðið - 06.02.2014, Blaðsíða 14

14 FRÉTTIRInnlent
MORGUNBLAÐIÐ FIMMTUDAGUR 6. FEBRÚAR 2014
Einrúm
Smiðjuvegi 9 · 200 Kópavogi · Sími 535 4300 · axis.is
Opnunartími: mán. - fös. 9:00 - 18:00
Sófi úr hljóðísogsefni sem býr
til hljóðskjól í miðjum skarkala
opinna skrifstofurýma, auk
þess að bæta hljóðvist rýmisins
Sturla Már Jónsson
Húsgagna- og
innanhússarkitekt
hannaði Einrúm
með mínum mannskap og svo tekur
hin áhöfnin næstu fjóra daga. Þetta
gefur góða raun Að áhafnirnar séu
tvær gefur góða raun. Menn þurfa
að taka pásur inn á milli, sjó-
mennskan er hark, þetta er talsvert
púl. Við förum út oft um klukkan tvö
á nóttunni og eru sjaldnast komnir í
land fyrr en undir kvöldmat og þá er
eftir að landa,“ útskýrir Sigurgeir.
Hann segir misjafnt frá degi til
dags, á hvaða mið er sótt. Stundum
séu menn að fiska í Ísafjarðardjúp-
inu eða við Rit. Besta raun gefi þó að
stíma talsvert á haf út. Þar sé veiðin
mest og besta fiskinn að fá.
Höfum frjálsar hendur
Fríða Dagmar er með 800 hestafla
vél og gengur um tólf mílur á
klukkustund. „Við erum rúmlega tvo
klukkuíma út á Halamið. Þar er oft
fínn afli. Þá sækjum við austur í
Drangál, austur og norður af Horn-
bjargi. Annars höfum við skipstjór-
arnir alveg frjálsar hendur með
hvert við sækjum. Megum láta eðl-
isávísunina ráða því hvert við sækj-
um í fisk,“ útskýrir Sigurgeir. Bætir
við að mest áhersla sé lögð á að ná
þorski enda hafi útgerðin rúmar
aflategundir í þeirri fisktegund. Í
fyrra bar Fríða Dagmar að landi alls
1.120 tonn af þorski sem allur var
verkaður í Bolungarvík. Þau 600
tonn af ýsu sem veiddust – sem og
steinbíturinn – hafa hins vegar að
talsverðu leyti farið til annarra verk-
enda eða á fiskmarkaði.
„Ég efst um að við náum aflameti
síðasta árs nokkru sinni aftur. Slíkt
kæmi mér að minnsta kosti talsvert
á óvart. Annars get ég sagt þér að
undanfarið er minna af ýsu á grunn-
slóðinni en áður. Núna í svartasta
skammdeginu erum við gjarnan
fimm til tíu mílur frá landi og núna
er þar þorskur svo til eingöngu. Því
má ætla að ýsan sé komin dýpra út í
kantana,“ segir Sigurgeir, sem er
fimmtugur að aldri. Hann byrjaði á
sjónum árið 1977, þá fjórtán ára.
Hefur verið skipstjóri síðastliðin 23
ár á ýmsum Bolungarvíkurbátum.
Við Fríðu Dagmar ÍS tók hann fyrir
um tveimur árum.
Afkoman fín þegar fiskast vel
„Já, vissulega eru vinnudagarnir
langir,“ segir Sigurgeir um þetta lifi-
brauð sitt. „Á móti kemur hins vegar
að þegar við erum þrír um borð þá
getur einn úr áhöfninni alltaf brugð-
ið sér frá og farið í koju, svo þetta er
ekki alveg stanslaust púl. Og árið
hefur ekki farið vel af stað. Hér var
bræla fyrir vestan stóran hluta jan-
úarmánaðar. Við komumst aðeins
sautján daga á sjó og oftast var farið
stutt. En annars snýst sjómennska
bara um að vera útsjónarsamur og
leggja sig allan fram. Og þegar
fiskast vel og best tekst til er afkom-
an fín. Aflamet síðasta árs er því
engin hetjudáð.“
Aflametið er engin hetjudáð
 Fiskuðu um 2.000 tonn í fyrra á 15 tonna bát í Bolungarvík  227 sjóferðir  Sækjast eftir þorski
og ýsan er dýpra úti  Á Halamiðum, við Rit og Hornbjarg  Skipstjórinn byrjaði til sjós fjórtán ára
Ljósmynd/Ágúst Svavar Hrólfsson
Sjósóknarar Skipstjórarnir Sigurgeir Þórarinsson, t.v, og Hagbarður Marinósson við Fríðu Dagmar í Bolungar-
víkurhöfn. Vinnudagur kappanna er langur en sjómennskan snýst um að leggja sig allan fram, segir Sigurgeir.
VIÐTAL
Sigurður Bogi Sævarsson
sbs@mbl.is
„Að vera á góðum bát, með fínan
mannskap og hafa þær aflaheimildir
að maður geti róið hvern þann dag
sem veður leyfir eru í raun forrétt-
indi,“ segir Sigurgeir Þórarinsson,
skipstjóri á Fríðu Dagmar ÍS 103 frá
Bolungarvík. Tvær áhafnir eru á
bátnum sem fiskuðu öðrum meira á
síðasta almanaaksári, það er í flokki
smábáta sem eru 13 til 30 tonn. Alls
komu skipverjar að landi með 1.992
tonn af fiski, eftir 277 sjóferðir.
Áhafnir tólf báta í áðurnefndum út-
gerðarflokki komust yfir 1.000 tonn-
in borið saman við níu báta árið
2012, að því er fram kemur á afla-
frettir.is.
Fiskuðu 26 tonn á einum degi
Fríða Dagmar ÍS er gerð út á veg-
um Salting ehf. í Bolungarvík. Segja
má að útgerð smærri báta sé hryggj-
arstykkið í útgerð í Víkinni, þaðan
sem sótt er á sjóinn á fjölda slíkra,
enda þarf oft ekki langt að sækja svo
komið sé á fengsæl mið.
„Oft komum við að landi með á
bilinu 6-7 tonna afla eftir daginn.
Alls erum við með 48 línubala og 450
króka í hverjum þeirra, 21.600 króka
í það heila. Líkurnar á því að fiskur
bíti á agnið eru því talsverðar. Í
fyrra fiskuðum við alveg sérstaklega
vel í júní og einn daginn alls 26 tonn
og það er okkar allra besti dagur.
Þetta var meira að segja helst til of
mikið sé horft til gæða aflans,“ segir
Sigurgeir.
Á sjóinn klukkan tvö á nóttinni
Með Sigurgeiri í áhöfn eru Gunn-
ar Þórisson og Rúnar Geir Guð-
mundsson. Hinn skipstjórinn Hag-
barður Marinósson og strákarnir
hans eru Ágúst Svavar Hrólfsson og
Þorlákur Ragnarsson. Þá skapar út-
gerð bátsins átta störf í landi við
beitingu, þar sem vanda þarf til
verka. „Fyrirkomulagið í útgerðinni
er þannig að ég tek fjóra daga í röð
Áhöfnin á Fríðu Dagmar gerði það
gott í fyrra. Í júní voru alveg ein-
stakar gæftir og þá fiskuðu strák-
arnir alls 273 tonn í 21 róðri, sem
þýðir að þeir komu að jafnaði með
þrettán tonn í land eftir daginn.
Bátarnir tólf sem komust yfir
1.000 tonna markið eru gerðir út
víða frá. Í öðru sæti varð Hálfdán
Einarsson ÍS í Bolungarvík en báð-
urinn hét áður hét Hrólfur Ein-
arsson. Fleiri bátar í Bolungarvík
eru á þessum lista en þar má sjá
happafley sem gerð eru út frá
Grindavík og úr höfnum á Snæ-
fellsnesi.
Þá voru alveg einstakar gæftir
SJÓMENNIRNIR GERA ÞAÐ GOTT
Bátur Fríða Dagmar ÍS við bryggju.
„Það er alveg ljóst að það hafa verið
mikil brögð að undanskotum í þessari
atvinnugrein,“ segir Skúli Eggert
Þórðarson ríkisskattstjóri, um út-
leigu á húsum, íbúðum og her-
bergjum til ferðamanna.
Lögreglan á höfuðborgarsvæðinu
heimsótti 35 íbúðir í desember í sam-
starfi við ríkisskattstjóra. Þetta voru
íbúðir þar sem gisting hafði verið
auglýst í fjölmiðlum og á samfélags-
miðlum á borð við Facebook og air-
bnb.com.
Um var að ræða leiðbeinandi eft-
irlit með gistileyfum og skattskilum
vegna tekna af sölu á gistingu og
verður unnið úr þeim gögnum sem
söfnuðust. Skúli Eggert segir að
húsaleiga hafi löngum verið erfið at-
vinnugrein hvað það varðar að fá
menn til þess að gefa upp tekjur af
henni og erfiðara sé við þetta að eiga
þegar húsnæði er leigt út tilfallandi
frá degi til dags.
Í mörgum tilfellum nær leigu-
starfsemin til ferðamanna ekki veltu-
mörkum og þá gera menn grein fyrir
starfseminni á skattframtali eftir árið
að sögn ríkisskattstjóra en í öðrum
tilfellum virðist útleigan vera nokkuð
umfangsmikill atvinnurekstur.
„Það var farið til 35 aðila í desem-
ber sem vísbendingar voru um að
væru nokkuð umfangsmiklir. Farið
var yfir málin með þeim, minnt á
skattskyldu og skoðuð tekjuskrán-
ingargögn og aðrar upplýsingar eftir
atvikum. Menn tóku þessu misjafn-
lega. Flestir voru jákvæðir en einn og
einn mætti þessu óvinsamlega,“ segir
hann.
Skúli Eggert segir að þessi starf-
semi færist í vöxt samhliða fjölgun
ferðamanna. Menn séu ýmist að
leigja út heilu íbúðirnar, hluta úr
íbúðum eða jafnvel herbergi inni í
íbúðum til ferðamanna. Lögreglan og
ríkisskattstjóri ætla að halda eftirliti
þessu áfram. omfr@mbl.is
Morgunblaðið/Ásdís
Gistihús Undir eftirliti.
Mikil brögð að
undanskotum
 Áfram eftirlit með útleigu á húsnæði
til ferðamanna, segir skattstjóri