Morgunblaðið - 06.02.2014, Blaðsíða 18
18 FRÉTTIRErlent
MORGUNBLAÐIÐ FIMMTUDAGUR 6. FEBRÚAR 2014
Við bjóðum öll afmælisbörn
velkomin og gefum þeim fría
n
eftirrétt í tilefni dagsins.
afmaeli?
Attu´
Til hamingju!!!
H
ug
sa
sé
r!
Afdrifarík breyting hefur verið gerð
á afgönskum hegningarlögum en
skyldmennum ákærðra einstaklinga
verður nú óheimilt að bera vitni gegn
þeim. Lögin hafa verið samþykkt á
afganska þinginu en mannréttinda-
samtök freista þess að beita forseta
landsins, Hamid Karzai, þrýstingi til
að undirrita ekki lögin.
Í landi þar sem ofbeldi gegn kon-
um viðgengst helst innan fjöl-
skyldna, og þar sem stórfjölskyldur
búa í litlum lokuðum samfélögum,
mun lagabreytingin gera það að
verkum að næstum ómögulegt verð-
ur fyrir konur að leita réttar síns.
Svokölluð heiðursmorð, þvinguð
hjónabönd og heimilisofbeldi munu
viðgangast í skjóli laganna, þar sem
hvorki fórnarlömbin né sjónarvottar
að ofbeldisverkunum munu getað
vitnað um atburði.
„Það er skrípaleikur að þetta skuli
eiga sér stað,“ sagði Manizha Na-
deri, framkvæmdastjóri góðgerða-
og baráttusamtakanna Women for
Afghan Women, við Guardian. „Það
verður ómögulegt að sækja mál er
varða ofbeldi gegn konum … Þeir
sem eru varnarlausastir munu ekki
fá réttlætinu fullnægt,“ segir hún.
Sem dæmi um mál, sem munu
ekki koma til kasta dómstóla sam-
kvæmt nýju lögunum, má nefna til-
felli Sahar Gul, barnungrar brúðar
sem var haldið í kjallara af tengda-
fjölskyldu sinni, svelt, brennd og
hýdd, þegar hún neitaði að vinna fyr-
ir þau sem vændiskona. Konur á
borð við hina 31 árs gömlu Sitara,
hverrar maður skar af henni nefið og
varirnar í lok síðasta árs, myndu
ekki fá að bera vitni gegn kvalara
sínum.
Mannréttindasinnar segja að losn-
að hafi um hömlur hjá afgönskum
stjórnvöldum, sem hafa á síðustu
misserum bæði stöðvað frumvarp til
að draga úr ofbeldi gegn konum og
fleytt þeirri hugmynd að endurvekja
þá refsingu að grýta fólk til dauða
fyrir hjúskaparbrot. Heather Barr,
sérfræðingur Human Rights Watch í
málefnum Afganistan, segir and-
stæðinga kvenfrelsis hafa sótt í sig
veðrið síðasta ár. „Þeir sjá tækifæri
til þess núna að byrja að snúa við
réttindum kvenna, það er engin
ástæða til að bíða til 2015,“ segir hún.
Komast upp með of-
beldi í skjóli laganna
EPA
Skrípaleikur Konur verða varnarlausar gegn ofbeldi eftir breytinguna.
Lagabreyting hefur afdrifaríkar afleiðingar fyrir konur
Sýrlensk börn hafa upplifað hræði-
legar þjáningar í átökunum þar í
landi, samkvæmt nýrri skýrslu Sam-
einuðu þjóðanna. Í skýrslunni eru tí-
unduð tilfelli beinnar misþyrmingar,
þar á meðal kynferðisofbeldis, en
einnig almenn brot gegn réttindum
barna, s.s. skólalokanir og takmark-
anir á aðgengi að mannúðaraðstoð.
Að sögn Ban Ki-moon, fram-
kvæmdastjóra Sameinuðu þjóðanna,
hafa hersveitir sýrlenska stjórn-
arhersins gerst sekar um hand-
tökur, handahófskennt varðhald,
slæma meðferð og pyntingu barna.
Þá hafa vopnaðir hópar uppreisnar-
manna neytt börn til að ganga í lið
með sér, bæði sem bardagamenn og
í stuðningshlutverkum, auk þess
sem þeir hafa staðið fyrir árásum
þar sem börn voru meðal fórnar-
lamba.
Í skýrslunni kemur fram að fjöldi
barna hafi horfið í átökunum og þá
er varað við því að mörg þeirra hafi
upplifað mikið áfall við að horfa upp
á fjölskyldumeðlimi pyntaða og
drepna.
EPA
Átök Börnin hafa m.a. upplifað að
sjá fjölskyldumeðlimi myrta.
Börnin
fórnarlömb
Hólmfríður Gísladóttir
holmfridur@mbl.is
Á dagskrá tyrkneska þingsins í gær
var umdeild netlöggjöf sem gagn-
rýnendur lýsa sem árás af hálfu for-
sætisráðherrans Recep Tayyip Er-
dogan gegn tjáningarfrelsinu,
upplýsingaaðgengi og rannsókn-
arblaðamennsku. Aðgerðasinnar
segja þegar vegið að netfrelsi
Tyrkja en tekið hefur verið fyrir að-
gang að þúsundum vefsíðna á grund-
velli laga frá 2007, auk þess sem yf-
irvöld hafa lagt fram ótal beiðnir til
að koma í veg fyrir aðgengi að
„óæskilegu“ efni.
Öryggis- og samvinnustofnun
Evrópu hefur sagt að lögin frá 2007,
„Law 5651“, samræmist ekki alþjóð-
legum viðmiðum um tjáningarfrelsi,
sjálfstæði og fjölræði fjölmiðla og
frjálst flæði upplýsinga. Með dóms-
úrskurðum hefur aðgangi að vef-
svæðum á borð við bloggsamfélagið
Wordpress og myndbandavefina
DailyMotion og Vimeo verið lokað
tímabundið. Sömuleiðis hefur verið
lokað á margar jaðarfréttasíður og
þá hefur fólk verið sektað og fang-
elsað fyrir ummæli á samfélags-
síðum.
Netritskoðun fest í sessi
Fyrirliggjandi viðaukar, sem nú
eru til umfjöllunar, ganga hins vegar
enn lengra. Samkvæmt AFP segir
Yaman Akdeniz, lagaprófessor við
Bilgi-háskólann í Istanbúl, að við-
aukarnir færi tyrknesku fjar-
skiptaeftirlitsstofnuninni, TIB, or-
wellsk völd. Þau felast m.a. í því að
TIB mun geta óskað eftir og safnað
samskipta- og umferðargögnum frá
gagnaveitum og -bönkum, án dóms-
úrskurðar eða réttmætrar ástæðu.
Lögin munu „færa Tyrkland fjær
Evrópusambandinu hvað varðar
netstefnu, ef til vill nokkur skref
nær Kína,“ segir Akdeniz.
Hollenski Evrópuþingmaðurinn
Marietje Schaake hefur sagt að í að-
ildarviðræðum við Tyrki verði yf-
irvöld í Brussel að ítreka við stjórn-
völd í Ankara að umrædd löggjöf sé
óviðunandi og að grundvallarréttindi
séu þungamiðja stefnumótunar Evr-
ópusambandsins. Þá hafa Blaða-
menn án landamæra sagt að mark-
mið laganna sé að „festa í sessi
netritskoðun, vald stjórnvalda yfir
netinu og eftirlit“.
Tyrknesk stjórnvöld hafa hins
vegar blásið á alla gagnrýni og Bu-
lent Arinc, aðstoðarforsæt-
isráðherra, meðal annars sagt að
það sé ekkert til sem heitir netrit-
skoðun. Erdogan hefur hins vegar
lýst yfir efasemdum sínum um ágæti
netsins opinberlega og kallaði sam-
skiptamiðilinn Twitter t.d. ógnun,
eftir að aðgerðasinnar notuðu vefinn
til að skipuleggja fjöldamótmæli í
júní síðastliðnum.
„Orwellsk“ netlöggjöf
AFP
Ritskoðun Löggjöfinni mótmælt í Istanbúl í janúar. YouTube var óaðgengilegt í Tyrklandi fram til ársins 2010.
Eftirlitsstofnun
fær óeðlilega mik-
il eftirlitsvöld