Morgunblaðið - 06.02.2014, Blaðsíða 34

34 MENNING
MORGUNBLAÐIÐ FIMMTUDAGUR 6. FEBRÚAR 2014
Major Lazer, þ.e. plötusnúðurinn Diplo, mætir
á Sónar með hópi twerk-ara og samstarfs-
mönnum sínum nýjum, Walshy Fire og The
Jillionaire og má búast við mikilli dansveislu.
Major Lazer flytur rafskotna popptónlist með
suðrænum keim en áhrifa gætir m.a. frá Ja-
maíku. Major Lazer starfaði m.a. með Bruno
Mars, Flux Pavillion og Ezra Koenig á nýjustu
breiðskífu sinni, Free the Universe, og má bú-
ast við því að fluttir verði smellir af henni, m.a.
„Get Free“, lag með söngkonunni Amber úr
Dirty Projector.
Major Lazer kemur fram laugardaginn 15.
febrúar í Silfurbergi kl. 00.50. Vefsíða Major
Lazer: majorlazer.com.
Valdir tónleikar á Sónar Reykjavík sem gestir ættu ekki að láta fram hjá sér fara
Major Lazer
Helgi Snær Sigurðsson
helgisnaer@mbl.is
„Sónar er tónlistarhátíð með áherslu
á nýja tónlist og það sem er að koma
upp í heiminum í dag. Við erum ekki
beint að selja rokktónlist, við erum
að selja dansvæna popptónlist og
svolítið „alternative“ tónlist. Þetta
er ný og fersk
tónlist, tónlist
sem er að komast
í gegn og verða
vinsæl, í bland við
það besta sem við
þekkjum hérna
heima,“ segir
Björn Steinbekk,
framkvæmda-
stjóri tónlist-
arhátíðarinnar
Sónar Reykjavík sem hefst fimmtu-
daginn 13. febrúar og stendur í þrjá
daga, til og með 15. febrúar.
Fjöldi heimskunnra tónlistar-
manna kemur fram á hátíðinni í ár
og má þar m.a. nefna Major Lazer,
Trentemöller, Ryuichi Sakamoto og
Jon Hopkins. Alls koma 67 tónlist-
armenn, hljómsveitir og plötusnúðar
fram á hátíðinni og þar af fjöldi Ís-
lendinga, m.a. Gus Gus, FM Belfast,
Ojba Rasta, Hjaltalín, Vök, Sísý Ey,
Moses Hightower og Högni Eg-
ilsson. Þegar rennt er yfir lista flytj-
enda er greinilegt að tónlistin kemur
úr ýmsum áttum og því ekki hægt að
eyrnamerkja hátíðina einni tegund
tónlistar.
„Við breytum Hörpu í rauninni í
risastóran næturklúbb, það er það
sem við erum að gera, með mis-
stórum sviðum,“ segir Björn en tón-
leikar hátíðarinnar fara fram á fimm
sviðum, m.a. í bílakjallara hússins
sem breytt verður í næturklúbb.
Silfurberg er stærsti tónleikasal-
urinn, rúmar um 1.500-1.600 gesti en
aðrir tónleikastaðir færri gesti,
Norðurljósasalur um 1.100 manns
og Kaldalón, bílakjallarinn og Flói
öllu færri.
Stórir listamenn, lítið rými
Nú eru nokkrir þeirra sem leika á
hátíðinni vanir því að koma fram á
mun stærri tónleikastöðum og leika
fyrir þúsundir manna, en í Hörpu er
allt miklu smærra, nándin mun
meiri. Er það eitt af markmiðum há-
tíðarinnar, að skapa þessa nánd?
„Já, okkar markmið er í raun að
Sónar verði á næstu árum hátíðin
þar sem stórir listamenn koma fram
í litlu rými. Við teljum að það sé sú
leið sem við getum farið með hátíð-
ina til að stækka hana efnahagslega.
Við getum hækkað miðaverðið, feng-
ið fleiri erlenda ferðamenn til lands-
ins sem eru tilbúnir til að borga það
miðaverð sem þarf til að reka svona
hátíð. Íslendingar eru alltaf að biðja
um mjög góða listamenn og vilja oft
á tíðum fá það besta en eru oftast
nær ekki til í að borga það miðaverð
sem þekkist annars staðar í Evrópu.
Okkar hlutverk sem tónleikahald-
ara, mitt og annarra, er að hluta til
að fræða fólk um það hvernig þessi
markaður er og um hvað hann snýst,
hvar peningarnir liggja,“ segir
Björn. Hann segir hátíð á borð við
Sónar dýra í framkvæmd og að að-
göngumiði á hana myndi kosta 150-
170 evrur að lágmarki væri hún
haldin erlendis. Miði á hátíðina alla í
Hörpu kosti 109 evrur eða 17.900
krónur. „Það eru 3.000 miðar í sölu,
þetta eru þrjú kvöld og David Gu-
etta, svo ég taki nærtækasta dæmið,
er einn listamaður með plötuspilara
og það kostar 9.900 krónur á hann,“
segir Björn og á þar við tónleika Gu-
etta sem haldnir verða í Laugardals-
höll 16. júní nk.
Miðasala 40% meiri
Spurður að því hvernig miðasalan
á Sónar Reykjavík hafi gengið segir
Björn að um 400 miðar séu eftir.
„Við erum að selja 40% fleiri miða en
í fyrra og það var markmiðið en auð-
vitað viljum við að þeir klárist og
helst áður en hátíðin byrjar.“
Spurður að því hvernig hafi geng-
ið að selja útlendingum miða á hátíð-
ina í ár miðað við í fyrra segir Björn
að 915 miðar hafi verið keyptir af út-
lendingum (viðtalið fór fram þriðju-
daginn sl. og gæti talan því hafa
hækkað). „Við vitum nákvæmlega
hverjir þeir eru, hvaðan þeir koma
og nokkurn veginn hvað þeir verða
hérna lengi. Þetta er aukning frá því
í fyrra um 350 ferðamenn, sýnist
okkur og við vorum búnir að setja
okkur það markmið að hingað kæmu
þúsund erlendir ferðamenn þannig
að enn vantar 85 upp á. En við seld-
um t.d. 25 miða í Bretlandi á síðustu
þremur dögum sem er mjög óvenju-
legt og við erum ennþá að selja miða
rétt fyrir hátíð fólki sem þarf að
kaupa sér flug og hótel.“
Nú er hátíðin varla fjármögnuð
eingöngu með miðasölu?
„Nei, við erum í samstarfi við Víf-
ilfell og Carlsberg, RÚV og Ice-
landair og svo fáum við styrk frá
Reykjavíkurborg næstu þrjú árin,
fjórar milljónir á ári úr borg-
arhátíðasjóði. Þannig og með miða-
sölu fjármögnum við hátíðina núna
en við reiknum frekar með því að
hún skili einhverju tapi á þessu ári
eins og hún gerði í fyrra. Við verðum
kannski komin á núllið á þriðja eða
fjórða ári, það er markmiðið,“ svarar
Björn. Það kosti sitt að koma hátíð á
borð við Sónar Reykjavík á mark-
aðinn þó hátíðin sé löngu orðin þekkt
erlendis, en hún hóf göngu sína í
Barcelona árið 1994 og hefur verið
haldin víða um lönd síðan.
Margt spennandi á dagskrá
Björn hefur í nógu að snúast við
skipulagningu Sónar því auk hátíð-
arinnar í Reykjavík hefur hann um-
sjón með öðrum Sónar-hátíðum á
Norðurlöndum, þ.e. hátíðinni í
Stokkhólmi og mun þriðja borgin að
öllum líkindum bætast við í haust, að
sögn Björns. Svo önnum kafinn er
hann að hann mun missa af þeim at-
riðum sem hann langaði mest að sjá
á Sónar Reykjavík. „Ég hlakkaði
mikið til að sjá Bonobo og Paul
Kalkbrenner. Ég er búinn að sjá
Major Lazer og það var ótrúleg upp-
lifun, þau voru frábær. Átta manns á
sviði og 90 mínútna sturlun. Ég
hlakka til að sjá Högna Egilsson
með sólóverkefnið sitt, ég held að
það sé 20-30 manna kór með honum
og hann hefur aldrei komið fram áð-
ur með þetta verkefni. Ég hlakka
líka mikið til að sjá Vök, það er eitt
af mínum uppáhaldsböndum í dag.
Svo er það James Holden og Trente-
möller er mjög spennandi, kemur
hingað með fimm manna hljómsveit.
Ég er mest að skoða íslensku tónlist-
armennina, er búinn að sjá marga af
hinum,“ segir Björn.
Hörpu breytt í risastóran næturklúbb
 Tónlistarhátíðin Sónar Reykjavík fer fram í annað sinn í Hörpu 13.-15. febrúar  Trentemøller,
Major Lazer, Paul Kalkbrenner, Bonobo, Starwalker og Ryuichi Sakamoto meðal flytjenda
Dansbolti Þjóðverjinn Paul Kalkbrenner er einn af risum evrópsku danstónlistarsenunnar og þykja tónleikar hans
stórkostleg skemmtun. Kalkbrenner leikur í Silfurbergi föstudaginn 14. febrúar og hefjast leikar á miðnætti.
Eftirtaldir listamenn, hljómsveitir og plötusnúðar
koma fram á Sónar Reykjavík 2014: Árni², Bernd-
sen, Bonobo, Cell7, DADA, Daphni, Diplo, DJ Frí-
mann, DJ Hendrik, DJ Margeir, DJ Yamaho,
Downliners Sekt, Einóma, Eloq, Evian Christ, Exos,
Fknhndsm, FM Belfast, Fura, Futuregrapher, Gísli
Pálmi, Gluteus Maximus, Good Moon Deer, Gus-
Gus, Halleluwah, HE, Hermigervill, Highlands,
Hjaltalín, Housekell, Introbeats, James Holden,
Jon Edvald, Jon Hopkins, Kenton Slash Demon,
Kiasmos, Kid Mistik, Kiriyama Family, Kölsch,
Kristinn Bjarnason, Low Roar, Major Lazer, Mind
In Motion, Moses Hightower, Muted, Ojba Rasta, Orang Volante, Paul
Kalkbrenner, Re-Pete and the Wolfmachine, Ryuichi Sakamoto & Taylor
Deupree, Sachiko M, Sísý Ey, Skurken, Sometime, Starwalker, Steindor
Jonsson, Stereo Hypnosis, Steve Sampling, Sykur, Tanya & Marlon, Ter-
rordisco, The Mansisters, Tonik, Trentemøller, Viktor Birgiss, Vök og
When Saints Go Machine.
67 atriði á þremur dögum
ÞEIR SEM LEIKA Á SÓNAR REYKJAVÍK 2014
HE, þ.e. Högni
Egilsson
Björn Steinbekk
Dagskrá Sónar Reykjavík, upplýs-
ingar um flytjendur og tóndæmi
má finna á vefsíðu hátíðarinnar,
sonarreykjavik.com. Þar má einn-
ig finna upplýsingar um miðasölu.
Daninn Andreas Trentemøller hefur leikið áð-
ur á Íslandi og þá sem skífuþeytir með fjölda
plötuspilara að vopni en mætir nú með hljóm-
sveit. Hann mun m.a. leika efni af nýjustu
plötu sinni, Lost, en meðal þeirra sem komu
við sögu á henni eru Low, Jana Hunter, Kazu
Makino úr hljómsveitinni Blonde Redhead og
Johnny Pierce úr The Drums. Trentemøller
þykir hafa tekið nýja stefnu með Lost án þess
að glata kraftinum sem hann er þekktur fyrir
og þeim hæfileika að koma hlustendum sínum
á óvart.
Trentemøller leikur í Norðurljósasal Hörpu
laugardaginn 15. febrúar kl. 00.45. Vefsíða
Trentemøllers: anderstrentemoller.com.
Trentemøller
Breski tónlistarmaðurinn Simon Green, sem
kallar sig Bonobo, er meðal brautryðjenda
þegar kemur að rafrænni tónlist í rólegri kant-
inum. Bonobo á um tíu ára feril að baki og hef-
ur veitt mörgum tónlistarmanninum inn-
blástur með verkum sínum, m.a. Gold Panda
og Shigeto.
Síðasta plata Bonobo, The North Borders,
kom út í mars í fyrra og hlaut mikið lof gagn-
rýnenda, m.a. í tónlistarritinu Clash. Tónlist
Bonobo hefur verið leikin í fjölda kvikmynda,
tölvuleikja og auglýsinga.
Bonobo kemur fram föstudaginn 14. febrúar
kl. 21.45 í Silfurbergi.
Vefsíða Bonobo: bonobomusic.com.
Bonobo
Jon Hopkins er einn af þeim stóru í heimi raf-
tónlistar og hefur starfað með mönnum á borð
við Brian Eno, David Holmes og hljómsveitinni
Coldplay. Hopkins hélt tónleika á Íslandi í
fyrra og snýr nú aftur þannig að þeir sem
misstu af honum geta tekið gleði sína á ný. Síð-
asta plata Hopkins, Immunity, kom út í fyrra
og þótti en besta raftónlistarplata ársins. Fyrir
hana var hann tilnefndur til Mercury-tónlistar-
verðlaunanna líkt og fyrir plötu sína Diamond
Mine árið 2011. Tónleikar Hopkins þykja ekki
síður sjónræn upplifun en tónlistarleg.
Hopkins kemur fram á Sónar föstudaginn 14.
febrúar kl. 01.15 í Norðurljósasal. Vefsíða
Hopkins: jonhopkins.co.uk.
Jon Hopkins