Morgunblaðið - 15.02.2014, Síða 1
L A U G A R D A G U R 1 5. F E B R Ú A R 2 0 1 4
FULLTRÚI ÍS-
LANDS Í EURO-
VISION VALINN
ÍSLENSKIR
MIÐLAR SEGJA
SÖGU SÍNA
SKIPTIR MÁLI
HVORT ÆFT ER
INNI EÐA ÚTI?
SUNNUDAGUR GUNNÞÓRA ÓLAFSDÓTTIR 10SÖNGVAKEPPNIN 2014 48
Morgunblaðið/Árni Sæberg
Hópur Sjömenningarnir sem leigja saman.
„Þetta er eini kosturinn fyrir fólk
sem hefur ekki miklar tekjur, því
stærra og því fleiri sem leigja sam-
an því ódýrara er það fyrir mann,“
segir Haukur Berg Guðmundsson
sem leigir stórt einbýlishús á höf-
uðborgarsvæðinu ásamt sex öðrum.
Fæst þeirra þekktust áður en þau
fluttu inn í húsið en í dag eru þau
góðir vinir og segja sambúðina
ganga vel. Það er ekki sjálfgefið.
Haukur á þrjú ung börn sem
koma til hans um helgar og eru þá
íbúar hússins tíu. Hann segir það
aldrei hafa verið neitt vesen en það
sé aftur á móti ekki algilt á leigu-
markaðinum að hægt sé að taka
börnin til sín, ekki nema að leigja
einn og það sé alltof dýrt, þá sé
næsti kostur að komast inn í komm-
únu þar sem allir eru sáttir. »20
Kemur vel saman
í kommúnunni
Breytt deiliskipulag
» Umhverfis- og skipulagsráð
fjallaði í vikunni um athuga-
semdir við breytt deiliskipulag
Austurhafnar.
» Harpa gerir t.d. athugasemd
við fækkun bílastæða og skert
aðgengi að bílakjallara.
Björn Jóhann Björnsson
bjb@mbl.is
Landbakki, eigandi lóðar á bygging-
arreit 2 við Austurhöfn og Hörpu-
reit, milli Geirsgötu og Tryggvagötu,
gerir alvarlegar athugasemdir við
breytingar á deiliskipulagi Austur-
hafnar. Áskilur félagið sér rétt til
skaðabóta frá borginni.
Byggingarmagn á reitnum var
minnkað um 4.500 fermetra vegna
færslu á Geirsgötu til suðurs, þar
sem nú á að mynda T-gatnamót við
Lækjargötu og Kalkofnsveg.
Landbakki keypti byggingarrétt á
lóðinni af Sítusi hf. í apríl í fyrra. Í
kaupsamningi var talað um lóð og
byggingarrétt fyrir skrifstofubygg-
ingu allt að 14.500 fermetrum auk
1.000 fermetra bílakjallara. Í lok síð-
asta árs var gildandi skipulagi frá
árinu 2006 breytt og byggingar-
magnið á reitnum minnkað í 10.000
fermetra. Bílakjallari er áfram 1.000
fermetrar en hámarksfjöldi bíla-
stæða minnkaður úr 414 í 286. Með
breyttri tillögu stækkaði til muna
reitur 6, sem er gegnt lóð Land-
bakka.
JP lögmenn sendu margháttaðar
athugasemdir, fyrir hönd Land-
bakka, í bréfi til umhverfis- og skipu-
lagráðs. Þar segir m.a. að um „gríð-
arlega“ skerðingu sé að ræða á
réttindum lóðarhafa og þau hafi ver-
ið færð öðrum. „Engar veigamiklar
ástæður geta réttlætt svo mikla
skerðingu á eignarréttindum hans
og svo verulegt frávik frá gildandi
deiliskipulagi svæðisins með þeim
hætti sem gert er,“ segir í bréfinu.
Júlíus Vífill Ingvarsson, oddviti
borgarstjórnarflokks Sjálfstæðis-
flokksins, á sæti í skipulagsráði.
Hann segir alvarlegt mál hér á ferð-
inni, og líklega í fyrsta sinn sem
borgin fari af stað með breytingar á
skipulagi þar sem fyrirséð er að þær
muni kalla á háar bótakröfur lóðar-
hafa. „Ég hef varað við því í borg-
arráði og skipulagsráði að fara af
stað með mál, sem borgin getur
stórskaðast á fjárhagslega. Auðvitað
verður að tryggja hagsmuni borgar-
innar fyrirfram en ekki eftir á. Ann-
ars verður að endurskoða þetta
skipulag upp á nýtt,“ segir Júlíus.
Áskilja sér
rétt til bóta
frá borginni
Lóðarhafi við Austurhöfn gerir alvar-
legar athugasemdir við deiliskipulag
Tölvumynd/Batteríið
Austurhöfn Byggingarreitur 2 er
milli Geirsgötu og Tryggvagötu.
Ljósmynd/Karin Törnblom
Annasamt ár Edda Magnason er
orðin stórstjarna í Svíþjóð.
„Faðir minn er íslenskur og býr
reyndar á Íslandi sem og öll föð-
urfjölskyldan mín,“ segir hin hálf-
íslenska Edda Magnason sem unnið
hefur hug og hjörtu Svía með
frammistöðu sinni sem Monica Zet-
terlund í kvikmynd um ævi sænsku
djasssöngkonunnar.
Edda var valin leikkona ársins
2013 í Svíþjóð þegar hún hlaut Gull-
bjölluna fyrir aðalhlutverkið í kvik-
myndinni en síðasta ár var einkar
viðburðaríkt hjá Eddu því hún und-
irritaði einnig plötusamning við
Warner Music og Sony/AtV-
tónlistarútgefandann. Edda er
þekktur tónlistarmaður í Svíþjóð og
ný plata í nafni Warner Music kem-
ur út með vorinu.
Faðir Eddu er Hjörtur Magna-
son, dýralæknir á Egilsstöðum, og
segir síðustu misseri hjá Eddu vera
eins og öskubuskusögu. „Hún er
valin þarna, ómenntuð leikkona, úr
stórum hópi fagfólks til að fara með
hlutverk Monicu Zetterlund. Þann-
ig að já, þetta kom manni svolítið á
óvart. Ég vissi auðvitað hversu góð
tónlistarkona hún er en hafði minni
vitneskju um þetta með leikinn,“
segir Hjörtur í samtali við Morg-
unblaðið. Edda er í viðtali við
Sunnudagsblað Morgunblaðsins.
Hún kemur reglulega til Íslands en
hún fæddist og ólst upp í Svíþjóð.
Hún segir Ísland vera stað sem hún
hvílist á og nýti til að hlaða batt-
eríin.
Eins og öskubuskusaga
Leikkona ársins í Svíþjóð, Edda Magnason, er hálfíslensk
Séu menn vel búnir, með húfu og vettlinga og helst á nagladekkjum, er frá-
bært að geta nýtt sér góðviðrisdaga til að hjóla, til vinnu eða til heilsubót-
ar. Töluvert hefur bæst við af hjólastígum í Reykjavík undanfarið og á
þessu ári á að verja 490 milljónum til viðbótar í slíkar framkvæmdir. »6
Viðrar vel til hjólreiða
Morgunblaðið/Golli
Húfa og vettlingar nauðsynleg í góða veðrinu
Áætlað er að
allt að 1.000 tonn
af blautu kjúk-
lingafiðri komi
frá sláturhúsum
á hverju ári. Þar
af eru um 500
tonn af vatni.
Sorpstöð
Rangárvallasýslu
tekur á móti 250
til 500 tonnum af
blautu fiðri á ári frá sláturhúsi
Reykjagarðs á Hellu. Sorpstöðin lét
nýlega gera tilraun með að breyta
kjúklingafiðrinu í moltu, en fiðrið
er nú urðað. »16
Gera tilraun til að
gera moltu úr fiðri
Fiður Mikið leggst
til frá sláturhúsum.
Sala á raftækjum
var ríflega 32%
meiri í janúar en í
sama mánuði í
fyrra. Þá seldist
tæplega 28%
meira af hús-
gögnum í janúar
en árið áður.
Sala á farsím-
um hefur rokið
upp. Hún var
þannig rúmlega 54% meiri í janúar
en í sama mánuði 2013 og salan á
stærri raftækjum jókst um 16,8%.
Þetta má lesa út úr þróun veltu-
vísitölu smásölu sem unnin er af
Rannsóknasetri verslunarinnar.
Leiða tölurnar í ljós að sala áfeng-
is jókst um 13,2% milli ára, þrátt fyr-
ir hækkun áfengisgjalds um áramót.
Verð stærri tækja gæti lækkað
Gestur Hjaltason, framkvæmda-
stjóri Elko, segir svigrúm hafa skap-
ast til verðlækkana á raftækjum
vegna styrkingar krónunnar.
Það séu einkum stærri raftæki
sem kunni að lækka í verði á næst-
unni, þegar núverandi birgðir verða
seldar og ný tæki keypt inn á hag-
stæðara gengi.
Almennt hafa farsímar lækkað í
verði um 2,9% og tölvur um 13% á sl.
12 mánuðum. Sala á tölvum eykst
um tæplega 32% milli ára. »6
Sala á raftækjum
hefur aukist mikið
Vinsælt Sala á far-
símum tók kipp.
Stofnað 1913 39. tölublað 102. árgangur