Morgunblaðið - 08.04.2014, Blaðsíða 8

MORGUNBLAÐIÐ ÞRIÐJUDAGUR 8. APRÍL 2014
8 BÍLAR
Hjóladagur Suzuki var haldinn á
laugardaginn í húsnæði Suzuki í
Skeifunni 17. Hayabusa-klúbb-
urinn á Íslandi, Gaflarar, Raftarnir
og fleiri mótorhjólaklúbbar mættu
á svæðið með sín hjól, sum hver
gömul Suzuki-hjól og voru um 40
mótorhjól á planinu þegar mest
var. Starfsmenn Suzuki voru
ánægðir með góða mætingu,
enda allar mótorhjólavörur og
mótorhjól á 15% afslætti og marg-
ir sem nýttu sér það.
njall@mbl.is Þessi fagurgljáandi og stífbónaði fákur er augnayndi.
Morgunblaðið/Árni Sæberg
Fólk á öllum aldri dreif að til að berja dýrðina augum, enda er áhugi á mótorhjólum ekki bundinn við aldur. Á Suzuki-sýningunni mátti gera ýmis góð kaup í mótorhjólavörum.
Margt góðra gripa, bæði hjól og menn, mátti sjá á Hjóladegi Suzuki sl. laugardag.
Vel heppnaður hjóladagur hjá Suzuki
Samkvæmt nýrri samþykkt Evr-
ópusambandsins (ESB) verða
bílaframleiðendur að lækka há-
vaða bíla með brunavél en gera
rafbíla háværari með notkun
sérstaks gervihljóðbúnaðar,
AVAS.
Evrópuþingið hefur samþykkt
lög sem hafa það að markmiði
að lækka hávaða nýrra bíla um
fjögur desibel í þremur áföngum
frá og með 2016. Sá fyrsti tekur
gildi 1. júlí það ár, annar áfangi
frá ársbyrjun 2020 og sá þriðji
frá ársbyrjun 2024.
Í fyrsta áfanga munu nýju há-
vaðamörkin einungis gilda um ný
módel og nýjar vélar. Í öðrum
áfanga lækka mörkin frekar og
ná til allra nýrra bíla sem smíð-
aðir verða frá og með öðru ári
eftir að hvor áfanginn tekur gildi,
þ.e. 2022 og 2025.
Bílsmiðum verður skylt að
nota sérstakar merkingar er
sýna hvað mikill hávaði stafar
frá sérhverjum bíl í desibelum
talið. Verða þessar merkingar
svipaðar þeim sem þegar eru
brúkaðar til að sýna skilvirkni og
hávaða dekkja sem seld eru í
Evrópu.
25% minni hljóðmengun
Þegar verkefni þetta er komið
að fullu til framkvæmda gerir
ESB sér vonir um að hljóð-
mengun frá bílum hafi minnkað
um fjórðung, 25%, þegar árið
2026 gengur í garð. Verða
hæstu hljóðgildi bíla þá 68 desi-
bel í stað 74 nú. Fyrsta lækk-
unarþrepið – fjögur desibel –
nær til fólksbíla, sendibíla,
strætisvagna og hópferðabíla.
Krafan er lægri, eða þrjú desibel,
frá þeim tíma varðandi vörubíla.
„Þetta er góð málamiðlun fyrir
alla sem mun vernda heilsu allra
Evrópubúa til frambúðar,“ sagði
fyrsti flutningsmaður frumvarps-
ins um samþykkt þess.
Í lögunum eru líka ákvæði um
að eftir fimm ára aðlögunartíma
verði allir rafbílar að gefa frá sér
gervihljóð til að vara gangandi
vegfarendur við nærveru þeirra.
Tilgangurinn er að auka umferð-
aröryggi og afstýra slysum.
agas@mbl.is
Bílsmiðir eins og Toyota hafa verið að gera tilraunir með gervivélarhljóð í
rafbílum sínum.
Lækka vélarhljóð en
auka hávaða rafbíla
Það er nóg af þeim út um allt;
sérvitringum með fulla vasa fjár
og metnað til að reisa sér brjál-
aðan en einstakan minnisvarða.
Spurning er hvort þar undir falli
ekki Richard Patterson, eigandi
fyrirtækisins Trion SuperCars í
Kaliforníu.
Fyrirtækið litla er með stór
markmið og glímir nú við að
smíða 2.000 hestafla ofur-
sportbíl. Til hvers aflið þarf að
vera svo mikið fylgir ekki fregn-
um, en til samanburðar er vél-
arafl í langflestum fólksbílum
um eða innan við 100 hestar.
Fræðilega gefur þessi
hestaflafjöldi möguleika á allt að
435 km/klst hraða og það er
kannski ofurhraðinn sem smiðir
Nemesis, Refsinornarinnar, eru
á eftir. Vélin er átta strokka, V8,
og búin tvöfaldri forþjöppu. Á
pappírunum ætti hún að hraða
bílnum úr kyrrstöðu í 100 km/
klst ferð á 2,8 sekúndum.
„Við ætlum að vera refsinorn
á Evrópumenn,“ segir Patterson
um smíðina, en með bílnum
hyggst hann skjóta framleið-
endum evrópskra sportbíla ref
fyrir rass í afköstum og getu. „Í
grískri goðafræði er Nemesis
gyðja hefnda. Synd og hroka
veitir hún makleg málagjöld,“
bætir hann við.
Ekki hyggst Patterson fara
fram sem hér segir í bók-
staflegri merkingu, en Nemesis
er samt ætlað að lækka rostann
í keppinautum á borð við Koe-
nigsegg Agera R One:1 og Bu-
gatti Veyron.
Sá fyrrnefndi er sænskur og
með uppgefinn 440 km/klst
topphraða og hröðun úr kyrr-
stöðu í 100 km á 2,8 sekúndum.
Eftir aðeins 12 sekúndur er hann
svo kominn á 300 km hraða og
400 nær hann 20 sekúndum
eftir ræsingu.
Bugatti Veyron Super Sports
er sagður með 431 km/klst
topphraða og 100 km hraða
nær hann 2,46 sekúndum eftir
að kúplingunni er sleppt. Og á
300 km hraða er hann kominn
eftir 14,6 sekúndur.
Samkvæmt áætlunum Trion
SuperCars hefst reynslu- og
þróunarakstur Nemesis síðar á
árinu. Gangi allt að óskum kem-
ur fyrsti framleiðslubíllinn á göt-
una á árinu 2016. Hann mun
kosta talsvert meira en ekki
neitt, eða um eina milljón doll-
ara, jafnvirði um 113 milljóna ís-
lenskra króna.
Margir hafa freistast til að
smíða öfluga ofursportbíla en
gefist upp á leiðinni. Stóra
spurningin er því hvort Nemesis
verði sín eigin refsinorn og ein-
ungis sérviturt fágæti. Eða vel
heppnaður og eftirsóttur of-
ursportbíll. Tíminn einn mun
leiða það í ljós.
agas@mbl.is
Nemesis er ætlað að ná 435 km hraða. Gangi allt að óskum kemur fyrsti framleiðslubíllinn á götuna á árið 2016.
Amerísk 2.000 hestafla refsinorn