Morgunblaðið - 24.04.2014, Side 8

MORGUNBLAÐIÐ FIMMTUDAGUR 24. APRÍL 2014
8 VIÐSKIPTI
Matvöruverslunin Uppskeran í Skeifunni 3a
er lýsandi dæmi um að góðir hlutir geta gerst í
smáum skrefum. Verslunin var formlega opn-
uð fyrir aðeins tveimur mánuðum en upphafið
að rekstrinum nær mun lengra aftur en það.
„Þetta hófst allt fyrir tveimur og hálfu ári
með framleiðslu okkar á drykknum Alpha
Daily, sem er heilsudrykkur gerður eftir æva-
fornri uppskrift úr eplaediki, hráhunangi og
jurtum. Vinsældir drykkjarins jukust jafnt og
þétt og smám saman tók fólk að birtast hér
hjá okkur til að skila tómum flöskum og fá
áfyllingu,“ segir Björn Ingi Stefánsson, eig-
andi Uppskerunnar, en verslunina rekur hann
með börnum sínum Stefáni Andra og Ester
Rós.
Hann sá þennan óvænta straum gesta sem
tækifæri, svo að hægt og bítandi varð til vísir
að verslun. „Smám saman höfum við bætt við
okkur vörum og hugmyndin er sú að verslunin
sé að stórum hluta umbúðalaus. Hingað kem-
ur fólk með sínar krukkur, flöskur og ílát og
getur keypt eftir vigt lífræna og heilnæma
vöru á borð við hnetur, rúsínur, krydd og aðra
hrávöru. Við byggjum búðina upp hægt og ró-
lega og aukum við úrvalið með hverri nýrri
sendingu. Nýjasta viðbótin er náttúrulegt
nammi úr lífrænt ræktuðu hráefni, þar sem
ekki er notaður neinn viðbættur hvítur syk-
ur.“
Mikið hefur verið skrifað um heilsu- og
næringarvakningu í íslensku samfélagi og
ekki ætti að koma lesendum á óvart að verslun
eins og Uppskeran eigi upp á pallborðið hjá ís-
lenskum neytendum, og þeir séu spenntir að
prófa að versla umbúðalaust. Björn bendir þó
á að þetta óvenjulega fyrirkomulag á sölunni
sé ekki bara til þess gert að minnka umbúða-
notkun og draga úr umhverfisáhrifum, heldur
sé með þessari söluleið líka hægt að bjóða upp
á betra verð.
„Því fylgir óneitanlega ákveðinn viðbótar-
kostnaður þegar vörum er pakkað inn í litlar
pakkningar. Í sumum tilvikum sjáum við að
með því að selja t.d. rúsínur í lausu úr magn-
pakkningum frekar en í smápakkningum er
hægt að lækka verðið til neytandas um u.þ.b.
helming. Vitaskuld gætum við vel að ending-
artíma og ferskleika vörunnar, sem geymd er
við kjöraðstæður á lager og fyllt á daglega í
hæfilegum skömmtum frammi í búðinni.“
ai@mbl.is
Svipmynd Björn Ingi Stefánsson
Hægt að versla
umbúðalaust
Morgunblaðið/Kristinn
Nýlunda Viðskiptavinir Uppskerunnar eiga helst að koma með eigin ílát með sér og kaupa
eftir vigt. Björn Ingi segir þetta gera umhverfinu gott og hjálpa til við að halda verðinu niðri.
Bygging nýju flugálmunnar númer tvö,
Terminal 2, við Heathrow-flugvöll í Lond-
on er langt komin, en meðfylgjandi mynd
var tekin þar í gær. Flugstöðina prýðir
meðal annars þessi mikilfenglegi skúlptúr
eftir breska listamanninn Richard Wilson
sem ber nafnið Loftröst (Slipstream).
Í flugálmunni munu starfa þau 23 flug-
félög sem mynda Star Alliance sam-
starfið, þar á meðal SAS, Lufthansa,
Swiss, United Airlines, Air Canada og
Singapore Airlines, auk Aer Lingus og
fleiri flugfélaga. Sérstök áhersla var lögð
á náttúrulega lýsingu við hönnun bygg-
ingarinnar.
Stefnt er að því að nýja flugálman verði
tekin í notkun 23. júní næstkomandi. AFP
Ný álma á
Heathrow
Fyrir skömmu voru haldnir Græn-
landsdagar í Reykjavík þar sem
meðal annars var rætt um tækifæri
Íslands á Græn-
landi. Umræðu-
efnið er spenn-
andi en eru þessi
tækifæri í reynd
innan seilingar?
Hér verður litið
nánar á olíu og
námugröft.
Á Grænlandi
er búið að út-
hluta um 100
leyfum til olíu-
leitar og 100 leitarleyfum eftir ýms-
um verðmætum málmum. Það er
ekki þrautalaust að ná árangri í
námugreftri og olíuborun við erf-
iðar aðstæðum á norðlægum slóð-
um. Fá grænlensk verkefni hafa
náð að sannað sig sem raunhæf og
arðbær.
Samgöngur til Grænlands eru
erfiðar. Frá Danmörku þarf að
fljúga til Kangerlussuaq, eina flug-
vallar Grænlands sem getur tekið
við stórum flugvélum. Þar er engin
byggð og þurfa því allir farþegar að
fara þaðan áfram í innanlandsflugi.
Öll sjófrakt þarf að fara í gegnum
Álaborg vegna einkaleyfis.
Frá Íslandi er hægt að fljúga nær
hvert á land sem er í Grænlandi.
Höfuðborgarsvæðið með vel tengd-
an alþjóðaflugvöll og íslausa frakt-
höfn gæti í fyrirsjánlegri framtíð
orðið miðstöð umsvifa á Grænlandi.
Nokkrir íslenskir aðilar starfa nú
þegar á Grænlandi eins og Ístak,
Flugfélag Íslands og Náma. Fleiri
aðilar eru farnir að horfa í þessa átt
eins og útgerðarfyrirtækið Brim
sem hefur keypt hlut í grænlensku
sjávarútvegsfyrirtæki.
Þó tækifæri séu innan seilingar
eru þau ekki um leið auðgripin.
Eins og sýrenurnar sem sungu til
Ódysseifs þá kalla tækifærin til sín
hugumstóra frumherja sem eru
óhræddir við að gera mörg strand-
högg þar til tækifærið er í hendi.
Tækifærin eru þó einungis í boði
fyrir þá sem þeirra leita. Sveltur
sitjandi kráka en fljúgandi fær.
Pistill frá Stjórnvísi
Grænland
tækifæranna
Óli Örn
Eiríksson
www.stjornvisi.is
Höfundur er deildarstjóri At-
vinnuþróunar hjá Reykjavíkurborg
Stjórn Samtaka atvinnulífsins fyrir
starfsárið 2014 til 2015 hefur verið
skipuð og er talsverð endurnýjun í
stjórninni. Formaður er sem fyrr
Björgólfur Jóhannsson og Margrét
Kristmannsdóttir varaformaður.
Nýir stjórnarmenn Samtaka at-
vinnulífsins eru Höskuldur H. Ólafs-
son, bankastjóri Arion banka, Sig-
rún Ragna Ólafsdóttir, forstjóri
VÍS, Eyjólfur Árni Rafnsson, for-
stjóri Mannvits, Guðrún Hafsteins-
dóttir, markaðsstjóri Kjöríss, Ari
Edwald, forstjóri 365 miðla, Ey-
steinn Helgason, framkvæmdastjóri
Kaupáss, Margrét Sanders, fram-
kvæmdastjóri Deloitte, Þórir Garð-
arsson, starfandi stjórnarformaður
Iceland Excursions-Allrahanda, og
Kolbeinn Árnason, framkvæmda-
stjóri LÍÚ.
Morgunblaðið/Kristinn
Samtök atvinnulífsins Björgólfur
Jóhannsson, formaður stjórnar SA
Endurnýjun
í stjórn SA