Morgunblaðið - 24.04.2014, Side 12

Gylfaflöt 16-18 •112 Reykjavik • Sími 553 5200 • solo.is
Gotti
Staflanlegur fjölnota stóll
með eða án arma
Fáanlegur í mörgum litum
Verð frá kr. 28.500
Gerum tilboð í stærri verk
www.facebook.com/solohusgogn
Íslensk hönnun og framleiðsla
Ný hönnun frá
Sturlu Má Jónssyni
Klettagörðum 5, 104 Reykjavík | stolpi@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpiehf.is
HAFÐU
SAMBAND
Búslóðageymsla ❚ Árstíðabundinn lager ❚ Lager ❚ Sumar-/vetrarvörur
Frysitgeymsla ❚ Kæligeymsla ❚ Leiga til skemmri eða lengri tíma
Réttarríkið Þóroddur Bjarnason
Gengi hlutabréfa tæknifyrirtækja í
Bandaríkjunum hefur hækkað mjög
að undanförnu og óttast margir
fjárfestar að ný tæknibóla sé í upp-
siglingu. Hlutabréf félaga á borð
við Tesla, Twitter og Facebook hafa
snarhækkað í verði og þá er
skemmst að minnast kaupa Face-
book á samfélagsmiðlinum Whats-
App fyrir nítján milljarða Banda-
ríkjadala, jafnvirði um 2.133
milljarða króna. Til samanburðar er
verg landsframleiðsla Íslands um
1.700 milljarðar króna.
Financial Times ræddi nýverið
við nokkra fjárfesta sem líst ekki á
blikuna. Þeir hafa á undanförnum
vikum losað um hluti sína í mörgum
tæknifyrirtækjum og segja að
ástandið sé mjög áþekkt því sem
var á fyrstu mánuðum ársins 2000.
Eins og kunnugt er sprakk tækni-
bólan fræga í marsmánuði sama ár.
Þetta gildir þó ekki um öll félög.
Þrátt fyrir hækkandi gengi hluta-
bréfa tæknirisans Apple hafa marg-
ir fært fyrir því rök að bréfin séu
ekki of hátt verðlögð, heldur þvert
á móti of lágt verðlögð.
Félagið mun í vikunni birta af-
komu sína fyrir fyrsta fjórðung árs-
ins. Fyrsti fjórðungur hvers árs er
yfirleitt sá rólegasti hjá félaginu og
telja greinendur að engin undan-
tekning verði á því að þessu sinni.
Helstu greiningardeildirnar spá til
dæmis engum tekjuvexti og að
hagnaður félagsins muni dragast
saman um fimm prósent. Það er
samkvæmt bókinni, enda hefur
hagnaðurinn nú dregist saman
fimm ársfjórðunga í röð.
Það er jafnframt ekki fyrr en á
seinnihluta ársins sem félagið kynn-
ir yfirleitt til leiks splunkunýjar
vörur, fjárfestum, og jú almenningi
öllum, til mikillar ánægju.
Litlar væntingar greinenda, til-
tölulega lág verðlagning og auknar
líkur á því að Apple greiði út arð í
náinni framtíð eru á meðal ástæðna
þess að þeir sérfræðingar sem Wall
Street Journal ræddi við segja að
nú sé kjörinn tími til að eiga hluta-
bréf í félaginu.
Lágar verðkennitölur
Í þeim verðmötum sem Wall Street
Journal hefur undir höndum er
reyndar gert ráð fyrir því að hagn-
aður félagsins snaraukist um átta
prósent á öðrum fjórðungi ársins –
þrátt fyrir að ekki sé útlit fyrir að
félagið svipti hulunni af nýjum
vörum á tímabilinu.
Kaup félagsins á eigin hlutabréf-
um hafa vakið heilmikla athygli. Af-
koma félagsins á seinasta ársfjórð-
ungi í fyrra olli töluverðum
vonbrigðum og hríðféllu bréf félags-
ins um átta prósent í kjölfarið. Af
þeim sökum ákvað félagið að kaupa
eigin bréf fyrir fjórtán milljarða
Bandaríkjadala, sem jafngildir um
1.570 milljörðum króna. Þremur
vikum síðar var hlutabréfaverðið
komið í fyrra horf.
Reiknað er með því að stjórn-
endur félagsins reyni að halda í
horfinu, að minnsta kosti á næstu
vikum, og kaupi áfram eigin bréf í
miklum mæli. Fjárfestar telja þó
líklegt að félagið greiði brátt út arð,
enda sitji það á 159 milljörðum
dala.
V/H-hlutfall félagsins er frekar
lágt um þessar mundir, eða 13,04,
sem er nítján prósentum undir
fimm ára meðaltalinu. Þróunin er
ólík því sem átt hefur sér stað hjá
öðrum tæknifyrirtækjum, þar sem
hlutfallið hefur hækkað ört. Þá er
arðsemi heildarfjármagns Apple um
27%, sem er einnig mun lægra en
hjá helstu keppinautum félagsins.
Góður tími til að eiga
hlutabréf í Apple
Hækkandi gengi hlutabréfa Apple
22. apríl 2013 21. apríl 2014
Verð í Bandaríkjadölum ($)
Heimild: Bloomberg
600
550
500
450
400
350
531,17
398,67
Sokkinn
kostnaður
Kristinn Ingi Jónsson
kij@mbl.is
Það er algengur misskilningur að
halda að virkni markaða ráðist ein-
ungis af því hve mikið seljist. Það
sem ekki selst getur engu síður verið
ágætt heilbrigðismerki.
Það er margra mat að nýlegt út-
boð á hlutabréfum HB Granda í
tengslum við væntanlega skráningu
félagsins á markað hafi ekki tekist
sérlega vel. Magn bréfa sem seldust
var við neðri mörk þess sem var til
sölu, þrátt fyrir að útboðsverðið hafi
farið nálægt neðri mörkum þess
verðbils sem boðið var. Miðað við þá
margföldu umframeftirspurn sem
verið hefur í nýlegum hlutabréfaút-
boðum þótti þetta heldur slök út-
koma.
En þegar allt er metið er þetta lík-
lega jákvætt heilbrigðismerki fyrir
hlutabréfamarkaðinn í heild. Fáir
efast um að HB Grandi er öflugt fé-
lag í góðum rekstri; lykilfélag í und-
irstöðugrein íslensks efnahagslífs.
En þrátt fyrir það þótti mörgum fjár-
festum félagið verðlagt hátt og voru
ekki tilbúnir til þess að gerast hlut-
hafar á uppsettu verði. Þeir hafa sem
sagt ekki trú á því að hlutabréfin á
útboðsverði komi til með að færa
þeim þá ávöxtun sem þeir krefjast af
sinni fjárfestingu.
Það er gott og nauðsynlegt að fjár-
festar hugsi með þessum hætti. Það
er hættumerki þegar fjárfestar láta
hlutabréfakaup ráðast af einhverju
öðru en væntu virði þess rekstrar
sem þeir eru að kaupa hlutdeild í.
Skammtímaviðhorf sem ráðast af
stemningu á markaði eða væntingum
um hegðun annarra fjárfesta eru ekki
grundvöllur til þess að byggja á við-
skipti með eignarhluti í fyrirtækjum.
Því var niðurstaðan í útboði HB
Granda í raun jákvæð fyrir hluta-
bréfamarkaðinn, því þótt æðstu
markmiðum seljenda væri ekki náð
þá seldust bréf innan skilgreindra
marka útboðsins. Seljendur geta því
litið svo á að markmiðum útboðsins
hafi verið náð og verður fróðlegt að
sjá hvernig hlutabréf fyrirtækisins
munu spjara sig í Kauphöllinni frá og
með morgundeginum.
 Útherji
Að selja eða ekki selja,
þarna er efinn