Morgunblaðið - Sunnudagur - 10.08.2014, Blaðsíða 12
12 MORGUNBLAÐIÐ SUNNUDAGUR 10.8. 2014
H
ollywood-myndin
Dracula Untold, þar
sem Þorvaldur
Davíð Kristjánsson
fer með hlutverk,
verður frumsýnd í október en ekki
er enn ákveðið hvort frumsýningin
verður í Los Angeles eða London.
Leikstjóri myndarinnar er Gary
Shore og með aðalhlutverk fara
Luke Evans, Dominic Cooper, Sam-
antha Barks og Sarah Gadon.
Myndin fjallar um manninn sem
varð Drakúla og Þorvaldur Davíð
leikur yfirmann í herdeild soldáns-
ins í Tyrklandi sem fer í stríð við
Transylvaníu, heimaland Drakúla.
Þrjú ár eru síðan Þorvaldur Dav-
íð útskrifaðist úr Juilliard-
listaháskólanum í New York, en
hann er fyrsti Íslendingurinn sem
útskrifast hefur af leiklistarbraut
skólans. Leikferill hans hófst með
glæsibrag, hann lék í íslenskum
kvikmyndum, Svartur á leik og
Vonarstræti, sem vakið hafa hrifn-
ingu og fór nýlega með aðal-
hlutverkið í leiksýningu Borgar-
leikhússins Furðulegt háttalag
hunds um nótt. Og nú líður að
frumsýningu á fyrstu Hollywood-
mynd hans. Þorvaldur Davíð er bú-
settur hér á landi ásamt eiginkonu
sinni Hrafntinnu Karlsdóttur og
ungri dóttur þeirra. „Ég bý á Ís-
landi og fer út að vinna þegar kallið
kemur. Að sumu leyti er ég eins og
nútímasjómaður: með annan fótinn
á landi og hinn fljótandi í óviss-
unni,“ segir hann.
Stefnirðu á búsetu í Hollywood?
„Nei, ég myndi frekar búa í New
York ef ég þyrfti að búa einhvers
staðar í Ameríku. Þar er meiri sál
og kúltúr að mínu skapi. En ég fer
oft á vesturströndina til að funda og
það er alltaf fínt að skreppa út í
sólina. Annars er búseta nokkuð af-
stæð í þessum bransa því ef maður
er duglegur og lánsamur getur
maður unnið úti um víða veröld. Ég
var til að mynda rúma fjóra mánuði
í Belfast á síðasta ári við tökur á
Dracula Untold. Það er einn þriðji
af árinu 2013.
Annars snýst þetta allt um hvar
hjartað er – svo ég leyfi mér nú að
vera smá væminn.“
Spennandi verkefni
fram undan
Fyrsta Hollywood-mynd þín verður
frumsýnd fljótlega. Hvernig var að
koma fram í Hollywood-mynd?
„Það var frábær upplifun að fá að
taka þátt í þessu verkefni. Í svona
stórum verkefnum eru miklir pen-
ingar í spilunum og myndin kostaði
um það bil 13 milljarða í fram-
leiðslu. Það var allt til alls á töku-
stað og allur aðbúnaður til fyrir-
myndar: einkabílstjórar, topp hótel
og fagfólk á öllum vígstöðvum. Ég
kynntist fullt af fínu fólki, þótt auð-
vitað væru ekki allir skemmtilegir,
en þannig er það nú líklega alltaf á
stórum vinnustöðum. Ég gerði í það
minnsta mitt besta og lagði mikið á
mig fyrir öll bardagatriðin. Ég svaf
með æfingasverðin mín í rúminu á
hótelinu – ég er ekki að grínast
með það.
Ég hef reyndar ekki séð myndina
svo ég veit ekki hversu mikið sést
af mér í henni. Ég var alls ekkert
með stórt hlutverk enda er þetta
fyrsta stóra myndin mín í útlöndum
og því ekki við öðru að búast. Það
má vel vera að stór hluti af atriðum
mínum hafi verið klipptur út. Hver
veit. Það er einfaldlega ekki í mín-
um höndum og það vita allir leik-
arar sem taka þátt í svona verk-
efnum. En sama hvernig fer var
þetta skemmtilegur tími og mikil
upplifun fyrir mig persónulega. Það
að hafa tekið þátt í verkefni af þess-
ari stærðargráðu hefur þegar haft
jákvæð áhrif á feril minn. Nú
standa mér til boða nokkur spenn-
andi verkefni bæði hér heima og er-
lendis. En þar sem þessi bransi er
svo óútreiknanlegur kýs ég að segja
sem minnst.“
Ertu mikill kvikmyndaáhugamað-
ur?
„Já, svo sannarlega. Ég var límd-
ur við sjónvarpsskjáinn heima í
Sundunum þegar ég var krakki og
fór ótal ferðir í vídóleiguna hjá
Kalla til að leigja VHS-spólur. Ég
lifði mig svo sannarlega inn í kvik-
myndirnar, hermdi eftir leikurunum
og fannst að ég væri hluti af leik-
araliðinu. Mér fannst eitthvað svo
eðlilegt að vera hluti af hópnum
sem sást á skjánum. Í dag er ég
orðinn eilítið meðvitaðari, enda orð-
inn einn af þeim sem sjást á skján-
um, og horfi því á kvikmyndir til að
læra af þeim. Ég á til að hrista
hausinn yfir lélegum senum eða
heimskulegum söguþræði. Ætli ég
hafi því ekki orðið aðeins leiðinlegri
með aldrinum.“
Áttu þér uppáhaldsleikara?
„Það er enginn einn sem stendur
upp úr hjá mér. Ég held þó mikið
upp á þessa gömlu góðu eins og
Christopher Plummer og Marlon
Brando. Ég var mikið hjá afa og
ömmu sem barn og afi var mikill
séntilmaður. Ég hef alltaf verið
hrifinn af gömlum séntilmönnum og
hinum gamla klassíska tíma í kvik-
myndum og horfi mikið til eldri
leikara. Allir góðir leikarar hafa
sína sérstöku eiginleika, sumir eru
hvatvísir og skemmtilegir, aðrir búa
yfir ákveðnu áreynsluleysi og glæsi-
leika.“
Á ákveðnum tímamótum
Þú lékst nýlega í Vonarstræti, kvik-
mynd sem fékk afar góða dóma og
mikla aðsókn. Þú hlýtur að fagna
því hversu vel tókst þar til?
„Það eru þrjú ár síðan ég útskrif-
aðist úr leiklistarskóla og frá þeim
tíma hef ég verið svo lánsamur að
taka þátt í tveimur verkefnum hér
heima sem hafa að mínu mati mark-
að ákveðin þáttaskil í íslenskri kvik-
myndagerð, sem eru Svartur á leik
og Vonarstræti. Þessar myndir eiga
það sameiginlegt að vera verk
ungra íslenskra kvikmyndagerð-
armanna sem eru hluti af kynslóð
sem ólst upp við að horfa á kvik-
myndir og þekkja myndmálið því
mjög vel. Það er ákveðinn næmni
fyrir díalóg, takti og myndmáls-
uppbyggingu sem þessir leikstjórar
hafa. Og það var einstaklega gef-
andi fyrir mig að fá að taka þátt í
verkefnum með fólki sem er á svip-
uðum stað og ég, nýkomið úr námi,
er að marka sér spor og hefur
metnað og orku til að framkvæma.“
Hvenær vissirðu að þú vildir
verða leikari?
„Tíu ára gamall rambaði ég inn á
braut leiklistarinnar og þá varð ekki
aftur snúið. Í kjölfarið komu símtöl
héðan og þaðan þar sem mér var
boðin vinna innan leiklistargeirans.
Það má því segja að bernskuár mín
hafi verið fremur óeðlileg miðað við
bernskuár flestra jafnaldra minna.
Ég vann í leikhúsinu meðan aðrir
fóru út í flöskustút eða eina krónu.
Ég veit í rauninni ekki ennþá
hvað ég ætla að verða þegar ég
verð stór. Ég er ennþá í stöðugri
sjálfsskoðun og mótun. Ágætur
maður, Nathan Myhrvold, fyrrver-
andi tæknistjóri hjá Microsoft, sagði
einu sinni við son sinn og mig:
„Einbeitið ykkur að ákveðnu verk-
efni og spyrjið eins margra spurn-
inga og þið getið um þetta tiltekna
verkefni og glímið við það eins lengi
og þið getið. Eftir það getið þið
yfirfært þann þankagang og það þol
sem þið hafið skapað yfir á önnur
svið.“
Ég hef eytt miklum tíma í að aga
mig í leiklistinni og starf leikarans á
það til að vera skemmtilegt og er
oft á tíðum afar krefjandi. Hvað ég
geri í framtíðinni veit ég ekki
ennþá. Ég er á ákveðnum tímamót-
um.“
Geturðu hugsað þér að starfa við
eitthvað annað en leiklist?
„Já, hugurinn er ekki farinn frá
leiklistinni en ég get vel hugsað
mér að vinna við ýmislegt annað og
þá í tengslum við fólk og samskipti.
Mér finnst hið mannlega afar
heillandi, er forvitinn að eðlisfari og
framkvæmdaglaður. Mig hefur allt-
af langað til að prófa að kenna og í
haust kenni ég námskeið í Versl-
unarskólanum fyrir fimmtu- og
sjöttubekkinga um leiklist þar sem
ég varpa fram spurningunni: Hvað
er leiklist? og mun ásamt nemend-
unum leitast við að svara því. Ég
mun einnig takast á við fyrsta leik-
stjórnarverkefnið mitt í vetur og er
afar spenntur fyrir því. Það verk-
efni verður kynnt síðar. Og svo var
verið að kjósa mig formann SÍNE -
Samtaka íslenskra námsmanna er-
lendis. Þannig að það verður nóg að
gera næsta vetur.“
Efaðist stundum
um sjálfan mig
Þú lærðir í hinum virta Juilliard-
leiklistarskóla í New York. Þar
hlýtur að hafa verið samkeppni á
milli nemenda.
„Ég hef aldrei keppt við neinn
annan en sjálfan mig. Ég veit að að-
ferðarfræði sumra er að stilla ein-
hverjum upp sem andstæðingi sem
markmiðið sé að vinna. Ég hef aldr-
ei hugsað þannig, en hef þess í stað
reynt að læra af þeim sem eru góð-
ir í faginu. Námið í Juilliard var
mjög krefandi því að kröfurnar
voru miklar og nemendur allir mjög
hæfileikaríkir og góðir. Þar af leið-
andi efaðist ég stundum um sjálfan
mig og hugsaði: „Ég er ekki svona
góður, ég get þetta ekki, en samt
Svaf með
æfingasverðin
í rúminu
SENN LÍÐUR AÐ ÞVÍ AÐ FYRSTA HOLLYWOOD-MYNDIN
SEM ÞORVALDUR DAVÍÐ KRISTJÁNSSON LEIKUR Í VERÐI
FRUMSÝND OG ÝMIS VERKEFNI ERU FRAM UNDAN.
ÞORVALDUR DAVÍÐ RÆÐIR UM HOLLYWOOD-MYNDINA,
FERILINN OG FRAMTÍÐINA, EN HANN SEGIST
VERA Á ÁKVEÐNUM TÍMAMÓTUM.
Kolbrún Bergþórsdóttir kolbrun@mbl.is
* Það var frábær upplifun að fá aðtaka þátt í þessu verkefni. Í svonastórum verkefnum eru miklir peningar
í spilunum og myndin kostaði um það bil
13 milljarða í framleiðslu. Það var allt til
alls á tökustað og allur aðbúnaður til
fyrirmyndar: einkabílstjórar, topp
hótel og fagfólk á öllum vígstöðvum.
Svipmynd