Morgunblaðið - 14.06.2014, Blaðsíða 2

2 FRÉTTIRInnlent
MORGUNBLAÐIÐ LAUGARDAGUR 14. JÚNÍ 2014
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Þórunn Kristjánsdóttir
thorunn@mbl.is
„Hraðamyndavélar myndu halda
hraðanum niðri á Þingvöllum,“ segir
Eiríkur Bjarnason, forstöðumaður
áætlanadeildar Vegagerðarinnar.
Að setja upp hraðamyndavélar í
þjóðgarðinum á Þingvöllum hefur
verið skoðað en engin ákvörðun hef-
ur verið tekin um hvort af því verði.
Ólafur Örn Haraldsson, þjóð-
garðsvörður Þingvalla, lýsti áhyggj-
um sínum af auknum umferðaþunga
og hraðakstri í þjóðgarðinum í
Morgunblaðinu í gær.
Hraði langt yfir mörkum
Hámarkshraði í þjóðgarðinum er
50 km/klst. Vegagerðin hefur mælt
hraðann þar og er hann að jafnaði
20-25 km/klst meiri en löglegt er.
„Umferðin sættir sig greinilega ekki
við þennan hámarkshraða,“ segir
Eiríkur og bendir á að ein leiðin sé
að koma upp hraðamyndavélum en
einnig sé hægt að fara aðra leiðir á
Þingvöllum en þá sem flestir fara.
Ein leið er til dæmis um Nesja-
velli en sá vegur er ekki með bundið
slitlag alla leið og því kjósa færri að
aka þá leið. „Þingvellir eru aðdrátt-
araflið í sjálfu sér sem ferðamenn
vilja skoða en ferðunum þangað
fylgir aukinn umferðaþungi,“ segir
Eiríkur og bætir við að umferðar-
öryggið sé ekki lakara en víðast hvar
annars staðar.
Umferðarþungi einnig við
Gullfoss og Geysi
Annar fjölsóttur ferðamanna-
staður á Suðurlandi er Gullfoss og
Geysir í Haukadal.
Að sögn lögreglunnar á Selfossi
hefur umferðin þar verið nokkuð
þung en engin stórvægileg óhöpp
hafa orðið.
Eiríkur segir að vegurinn um
Gullfoss og Geysi á Biskupstungna-
braut sé heilt yfir nokkuð góður en
efsti hlutinn þyrfti lagfæringar við.
Verið er að vinna að breikkun hluta
vegarins, slitlagið endurgert, eftir
því sem fjármagn leyfir.
Aka yfir hámarkshraða
Ljósmynd/Einar Á. E. Sæmundsen
Hraði Jafnan er ekið 20-25 km/klst
yfir hámarkshraða á Þingvöllum.
 Skoðað að setja
upp hraðamynda-
vél á Þingvöllum
Ingveldur Geirsdóttir
ingveldur@mbl.is
Árgangur barna fæddra 2014 virðist
ætla að verða stór á Íslandi ef fram
fer sem horfir. Fjöldi fæðinga hefur
verið yfir meðaltali á flestum fæð-
ingardeildum á landinu og allt lítur
út fyrir sumarsprengju nýbura.
„Þetta er svolítið fjörugt ár. Það
eru komnar talsvert fleiri fæðingar
þetta árið en var á sama tíma í fyrra.
Ef fer sem horfir verður þetta ár
talsvert stærra í fæðingum en 2013,“
segir Kristín Gunnarsdóttir ljós-
móðir á Heilbrigðisstofnun Suður-
lands á Selfossi, sumarið stefni sér-
staklega í að verða fjörugt, margar
fæðingar séu bókaðar í ágúst og enn
fleiri í september.
„Það virðist eitthvað vera í loft-
inu,“ segir Hulda Magnadóttir ljós-
móðir á Sjúkrahúsinu á Akureyri.
Þar lítur út fyrir líflegt sumar þó
veturinn hafi verið í meðallagi. „Júní
virðist ætla að verða frekar stór,
jafnvel ágúst líka,“ segir Hulda.
Á Heilbrigðisstofnun Vesturlands
á Akranesi hafa verið 123 fæðingar
það sem af er þessu ári en á sama
tímabili í fyrra voru þær 103. „Í júní
2013 fæddist 21 barn en núna eru
skráðar 27 fæðingar og þær gætu
orðið fleiri, því það bætist yfirleitt
við þann fjölda sem er skrifaður hjá
okkur. Þá eru skráðar 24 konur í
júlí,“ segir Ásthildur Gestsdóttir
ljósmóðir. „Það er búið að vera mun
meira að gera hjá okkur á þessu ári
en í fyrra, enda fæddust 224 börn
hjá okkur þá en stefnir í að þau verði
um 270 á þessu ári sem er reyndar
svipaður fjöldi og var 2012. Það dró
úr fæðingum á öllu landinu í fyrra.“
Fimmtíu konur fæddu börn á
Heilbrigðisstofnun Suðurnesja
fyrstu fimm mánuði ársins, það er
óvenjulega mikið að sögn Steinu
Þóreyju Ragnarsdóttur ljósmóður á
HSS, þar sé búist við töluvert fleiri
fæðingum en í fyrra.
Flest börn fæðast á Landspítal-
anum í Reykjavík en þar fæddust
215 börn í apríl og 250 börn í maí,
sem er aðeins yfir meðallagi. Sum-
arið lítur vel út en toppinum verður
líklega náð í ágúst þegar um 300
fæðingar eru áætlaðar.
Ljósmæðurnar segja enga skýr-
ingu hægt að gefa á barnafjölgun-
inni, um eðlilega sveiflu sé líklega að
ræða, kannski sé hægt að kenna veð-
urfarinu í fyrra um og þá gefi þetta
vonandi vísbendingu um gleði Ís-
lendinga.
Sprengja í barneignum í sumar
 Fæðingar með mesta móti  20 fleiri fæðingar á Akranesi það sem af er 2014
en á sama tímabili í fyrra  „Það virðist eitthvað vera í loftinu,“ segir ljósmóðir
Morgunblaðið/Kristinn
Nýfædd Árgangur Íslendinga
fæddra árið 2014 verður líklega stór.
Þeir sem leita á Landspítalann
vegna minniháttar meiðsla eða veik-
inda sem ekki teljast alvarleg eða
bráð geta átt von á langri bið, því
mikið álag er á bráðamóttökunni.
Á föstudaginn fyrir viku var að-
sóknin á bráðavaktina 40% yfir með-
allagi. Svipað var uppi á teningnum í
gær því á Facebook-síðu spítalans
var varað sérstaklega við því að for-
gangsraða verði málum og biðin geti
verið löng fyrir önnur en bráða-
tilfelli. Sjúklingum sé forgangsraðað
eftir alvarleika meina sinna á bráða-
móttöku, en ekki raðað eftir komu-
tíma.
Mikið álag á
bráðadeild
Icelandair hefur
ákveðið að fella
niður 65 flug-
ferðir á mánudag,
16. júní, vegna
boðaðs sólar-
hringsverkfalls
Flugvirkjafélags
Íslands. Aðgerðin
hefur áhrif á um
tólf þúsund far-
þega, aðallega er-
lenda ferðamenn skv. tilkynningu
Icelandair.
Deiluaðilar komu saman til fundar
í húsnæði ríkissáttasemjara um
miðjan dag í gær en fundurinn stóð
aðeins í um tvo tíma, að sögn Marí-
usar Sigurjónssonar, formanns
samninganefndar flugvirkja.
„Þetta var ákvörðun Icelandair.
Þeir vildu fá tíma til að undirbúa nið-
urfellingu á ferðum. Ég skil það svo-
sem en ég skil ekki af hverju má
ekki tala saman þó það sé,“ segir
Maríus sem taldi grundvöll til að
halda viðræðunum áfram. Fundur
hefur verið boðaður kl. 14 á morgun.
Samninganefndir leikskólakenn-
ara og sveitarfélaganna funduðu
einnig í gær. Fundi þeirra var slitið
kl. 17 og hefur annar fundur ekki
verið boðaður fyrr en kl. 10 á mánu-
dagsmorgun. Náist samningar ekki
áður munu leikskólakennarar leggja
niður störf fimmtudaginn 19. júní.
Fella
niður 65
flugferðir
Flug gæti raskast
enn hjá Icelandair.
 Deiluaðilar hittast
næst á morgun
Bátar Hvals hf, Hvalur 8 og Hval-
ur 9, hafa undanfarna daga verið
gerðir klárir fyrir komandi ver-
tíð.
Samkvæmt ráðgjöf Hafrann-
sóknastofnunar má veiða 154
langreyðar á þessu fiskveiðiári. Í
fyrra veiddu skip fyrirtækisins
134 dýr, en vertíðinni lauk í
seinni hluta september. Veiðarnar
gengu erfiðlega í fyrra vegna
þrálátrar brælu á miðunum.
Hvalur hf. gerði einnig út tvö
skip til veiðanna í fyrra. Alls
unnu þá 150 manns við veiðarnar
og vinnslu hjá fyrirtækinu. Afurð-
irnar voru unnar í hvalstöðinni í
Hvalfirði, í frystihúsi félagsins í
Hafnarfirði og á Akranesi. Hval-
veiðar voru ekki stundaðar árin
2011 og 2012.
Hvalveiðar voru heimilaðar aft-
ur árið 2009 til fimm ára og í lok
síðasta árs ákvað sjávarútvegs-
ráðherra að heimila hvalveiðar
áfram næstu fimm árin.
Hvalbát-
ar gerðir
klárir
Morgunblaðið/Þórður
Hvalur hf má veiða 154 langreyðar á þessu ári
Lagt af stað Hvalur 8 lagði úr Reykjavíkurhöfn um hádegisbilið í gær. Allt er til reiðu fyrir vertíðina.
30. MAÍ - 6. JÚLÍ 2014
ALLT AÐ
60%
AFVÖLDUMVÖRUM Í VERSLUN
ÚTSALA
ILVA Korputorgi, s: 522 4500 www.ILVA.is
laugardaga 10-18, sunnudaga 12-18, mánudaga - föstudaga 11-18:30