Morgunblaðið - 14.06.2014, Blaðsíða 27

FRÉTTIR 27Erlent
MORGUNBLAÐIÐ LAUGARDAGUR 14. JÚNÍ 2014
Yfirvöld í Brasilíu taka enga áhættu þegar kemur að
öryggismálum í tengslum við heimsmeistaramótið í
knattspyrnu. Hafa hermenn þar í landi m.a. aðstoðað
löggæslusveitir við að hafa hemil á mótmælendum auk
þess sem æfð hafa verið viðbrögð við efnavopna- og
sýklaárásum. Til mótmæla kom í São Paulo í tengslum
við opnunarhátíð mótsins og þurftu öryggissveitir að
beita táragasi, hvellsprengjum og gúmmíkúlum.
Yfir 170.000 manns sinna öryggismálum á heimsmeistaramótinu
AFP
Mótmælendur teknir föstum tökum
Kristján H. Johannessen
khj@mbl.is
Á sjötta tug manna slasaðist þegar
farþegaferja skall utan í brimbrjót
nærri kínverska sjálfstjórnarhér-
aðinu Macau í gærmorgun.
AFP-fréttaveitan greinir frá því
að slysið hafi átt sér stað um klukkan
hálftíu að staðartíma þegar ferjan
var í þann mund að sigla inn í hafn-
armynnið. Rakst hún þá skyndilega
utan í steinsteyptan brimbrjótinn
með fyrrgreindum afleiðingum.
„Alls voru um 220 farþegar og 13
skipverjar um borð í ferjunni. Fimm-
tíu og sjö farþegar hlutu minniháttar
meiðsl, þar af voru tveir þeirra með
ríkisfang í Kóreu og einn í Japan,“
hefur AFP-fréttaveitan eftir tals-
manni Shun Tak skipafélagsins sem
sér um rekstur farþegaferjunnar.
Ferjan var á leið frá Hong Kong
til Macau en sú siglingaleið er mjög
fjölfarin og tekur siglingin um eina
klukkustund. Orsök slyssins er sem
stendur óljós en yfirvöld vinna nú að
rannsókn málsins.
Ferjuslys tíð á svæðinu
Þetta er í þriðja skipti á átta mán-
uðum sem farþegaferja lendir í
óhappi á siglingaleiðinni milli Hong
Kong og Macau. Í nóvember síðast-
liðnum sigldi ferja á óþekktan hlut
með þeim afleiðingum að 87 manns
slösuðust.
Þá slösuðust samtals 33 manns,
þar af tveir alvarlega, í síðasta mán-
uði þegar farþegaferja og flutninga-
skip skullu harkalega saman. Voru
þá 162 farþegar um borð í ferjunni.
Fjölmargir eru uggandi yfir tíðum
óhöppum tengdum mikilli skipaum-
ferð á hafsvæðinu í grennd við Hong
Kong. Velta margir fyrir sér hvort
öryggi sjófarenda sé ábótavant.
Þrátt fyrir tíð óhöpp að undanförnu
er fremur sjaldgæft að sjófarendur
láti lífið vegna þeirra. Seinast gerðist
það í október árið 2012 en þá létust
39 manns þegar farþegaferja og
skemmtibátur, með um 120 innan-
borðs, rákust saman undan strönd-
um Hong Kong.
Slysið leiddi til umfangsmikillar
rannsóknar yfirvalda á öryggi sjó-
farenda. Leiddi hún m.a. í ljós að
finna má „raðir mistaka“ í þeim ör-
yggisstöðlum og -reglum sem gjarn-
an er miðað við þegar kemur að ör-
yggismálum á hafsvæðinu.
Hátt í 60 slasað-
ir eftir ferjuslys
 Rakst skyndilega utan í brimbrjót
AFP
Hafið Árið 2012 létust 39 í ferjuslysi
úti fyrir ströndum Hong Kong.