Morgunblaðið - 08.11.2014, Qupperneq 36

36 MINNINGAR
MORGUNBLAÐIÐ LAUGARDAGUR 8. NÓVEMBER 2014
✝ Jón EinarHjartarson var
fæddur á Klöpp á
Seltjarnarnesi 3.
maí 1931. Hann lést
á Heilbrigð-
isstofnun Suður-
lands, Selfossi, 24.
október 2014. For-
eldrar hans voru
Sveinbjörg Jóns-
dóttir, húsmóðir
sem ættuð var frá
Bæjarskerjum í Miðneshreppi, og
Hjörtur Björgvin Helgason, bóndi
og kaupfélagsstjóri í Sandgerði
sem ættaður var frá Lykkju á
Akranesi. Jón Einar var næst-
yngstur fimm systkina. Látnar
eru Sveinsína Ingibjörg og Lilja,
en eftir lifa bróður sinn Guðrún
og Erla.
Árið 1952 kvæntist Jón Sig-
urhönnu Gunnarsdóttur frá Húsa-
vík. Hennar foreldrar voru Elín
M. Jónsdóttir og Gunnar Mar-
íusson. Sigurhanna er elst af tólf
systkinum.
Börn Jóns og Sigurhönnu eru;
Elín Björg sem er gift Davíð O.
Davíðssyni. Synir þeirra eru Ein-
ar Örn og Olav Veigar. Barna-
börnin eru þrjú.
Hjörtur Bergmann er kvæntur
Hrönn Guðmundsdóttur. Börn
þeirra eru Hákon, Hrafnhildur
Hlín og Sigurhanna Björg. Barna-
börnin eru þrjú.
Gunnar Hrafn er
kvæntur Berglindi
Sigurðardóttur. Syn-
ir þeirra eru Þráinn
Ómar, Zophanías
Friðrik og Sigurjón
Einar. Barnabörnin
eru fimm.
Yngsti sonur
þeirra lést stuttu eft-
ir fæðingu.
Jón ólst upp á Sel-
tjarnarnesi og á Melabergi í Mið-
neshreppi. Síðan lá leiðin á Hér-
aðsskólann á Laugarvatni og í
Iðnskólann í Reykjavík þar sem
hann nam módelsmíði.
Árið 1961 keyptu Sigurhanna
og Jón jörðina Læk í Ölfusi og
hafa búið þar síðan. Fyrst bjuggu
þau með hefðbundinn búskap þess
tíma og stundaði Jón vörubíla-
akstur samhliða búrekstrinum.
Hann rak plastverksmiðjuna
Plastmótun til fjölda ára þar sem
nám hans og hugmyndauðgi naut
sín í hönnun og framleiðslu vara.
Jón var mjög virkur í fé-
lagsmálum og þá sérstaklega í
Lions sem og í Tónum og trixi sem
er sönghópur eldri borgara í
Sveitarfélaginu Ölfusi.
Útför Jóns Einars fer fram frá
Þorlákskirkju í Þorlákshöfn laug-
ardaginn 8. nóvember og hefst at-
höfnin kl. 14.00.
Elsku pabbi, með nokkrum
orðum langar okkur að þakka
þér fyrir hvað þú varst alltaf góð-
ur við okkur, hafðir alltaf tíma
fyrir okkur og gafst okkur góð
ráð. Ráðin voru gefin eftir góða
yfirlegu og rökin voru alltaf til
staðar. Jafnaðargeð og glaðværð
einkenndu þig, það þekkir allt
samferðafólk þitt svo vel.
Þú hafðir sterkar skoðanir á
þjóðfélagsmálum og deildir þeim
jafnan með okkur, varst tilbúinn
að skýra afstöðu þína og hlustað-
ir á rök annarra. Eiginleikinn að
greina tækifæri, taka ákvörðun
og koma henni til framkvæmda
var einstakur.
Þú hafðir alltaf gott lag á
börnum og þess vegna hafa börn
alltaf laðast að þér, viljað vera
með þér í starfi og leik. Þú hafðir
ávallt tíma fyrir barnabörnin og
svo hin síðari ár hafa barna-
barnabörnin fengið að njóta sam-
veru með afa á Læk sem gaf ykk-
ur öllum svo einstakar
samverustundir og gleði.
Ást þín á mömmu og fyrir allri
fjölskyldunni, umhverfi þínu og
samferðafólki var einstök, svo
einstök að eftir því var tekið.
Garðurinn ykkar mömmu á Læk
ber gott vitni um það enda er
hann oft nýttur til veisluhalda
fyrir stórfjölskylduna og félaga-
samtök.
Jafnlyndi og æðruleysi var
sterkur eiginleiki þinn sem kom
sér vel í veikindum þínum síð-
ustu ár og gerði þann tíma okkur
öllum svo miklu bærilegri.
Við erum óendanlega þakklát
fyrir að hafa átt þig, elsku pabbi,
og kveðjum þig í dag með sökn-
uði og þakklæti.
Hjörtur Bergmann,
Gunnar Hrafn, Elín Björg.
Þú þreyttur varst orðinn og þrekið
smátt,
um þrautir og baráttu ræddir fátt
og kveiðst ekki komandi degi.
(Hugrún)
Þetta ljóðbrot lýsir vel síðustu
stundum í lífi tengdaföður míns,
Jóns Einars Hjartarsonar, sem
lést á Sjúkrahúsi Suðurlands 24.
október síðastliðinn eftir erfið
veikindi. Hlutskipti sínu tók
hann með einstakri ró og æðru-
leysi, kvartaði aldrei og sagðist
bara vera ágætur þegar hann var
spurður um líðan sína.
Ekki ætla ég að fara yfir lífs-
hlaup hans, það gera aðrir, en
mig langar að þakka fyrir þann
tíma sem við áttum saman. Aldr-
ei í þau þrjátíu og átta ár sem
eru liðin síðan ég kom í fjölskyld-
una hefur fallið skuggi á okkar
samskipti. Það var einstaklega
gott að leita til Jóns og alltaf var
hann tilbúinn að hlaupa undir
bagga með okkur öllum, hvort
sem það var að mála glugga,
parketleggja stiga eða skutla.
Ekki voru mörg orð höfð um
hlutina, hann vann sín verk
hljóðlega og vandvirkari mann
var ekki hægt að hugsa sér og
heimili okkar ber ýmis merki
þess.
Jón var einstaklega barngóður
maður. Öllum börnum fannst afi
á Læk skemmtilegastur. Hann
gerði ýmislegt til að gleðja þau,
m.a. að leika jólasvein með
Lionsklúbbi Ölfuss o.fl. Ein saga
sem hefur yljað okkur í gegnum
tíðina fylgir hér og lýsir honum
vel í þessum efnum. „Lions bar
út pakka frá jólasveininum á að-
fangadag og kom til okkar. Það
komu tveir jólasveinar og bönk-
uðu upp á og einn sprellaði og lét
öllum illum látum uppi á götu í
dálítilli fjarlægð. En þegar börn-
in voru spurð hvort ekki hefði
verið gaman að fá pakka frá jóla-
sveininum þá játtu þau því, en
þeim fannst mest gaman að sjá
þennan skemmtilega jólasvein
sem lét svo illa uppi á götu og var
með gleraugu eins og afi á Læk.“
Með þessum parti úr vísum
Vatnsenda-Rósu kveð ég þig,
kæri tengdapabbi, með innilegu
þakklæti fyrir allt og allt.
Þó að kali heitur hver,
hylji dali jökull ber,
steinar tali og allt hvað er,
aldrei skal ég gleyma þér.
Hrönn Guðmundsdóttir.
Elsku afi.
Kærar þakkir fyrir ást og
hlýju, fyrir athyglina sem þú
veittir okkur barnabörnunum,
ljósunum þínum, fyrir gleðina,
hláturinn og fjörið. Bestu þakkir
fyrir leiðbeiningarnar, fyrir að
hafa alltaf tíma til að hlusta,
íhuga hlutina og miðla af reynslu.
Takk fyrir rauðan opal og
kaffisopann. Takk fyrir að setja
kindurnar í Opelinn og fyrir að
hnerra svo hátt að myndir
skekktust á veggjum. Hafðu
þakkir fyrir að kenna okkur að
binda bindishnút. Bestu þakkir
fyrir að kenna okkur að Haukur
Morthens sé aðal. Við vildum að
við gætum þakkað fyrir harm-
onikkutónlistina.
Takk fyrir að deila skoðunum
þínum með okkur, fyrir sögurn-
ar, útskýringarnar og fyrir að
setja hlutina í samhengi. Takk
fyrir að kenna okkur mikilvægi
þess að vera réttlátir og sann-
gjarnir og að lifa samkvæmt eig-
in lífsskoðunum. Takk fyrir að
kenna okkur að hjartað er
vinstra megin. Takk fyrir að
sýna ást þína á ömmu og allri
fjölskyldunni umbúðalaust á
hverjum degi. Bestu þakkir fyrir
leiðsögnina, afi.
Einar Örn og Olav Veigar.
Jón Einar
Hjartarson
 Fleiri minningargreinar
um Jón Einar Hjartarson bíða
birtingar og munu birtast í
blaðinu næstu daga.
ÚTFARARÞJÓNUSTA
Vönduð og persónuleg
þjónusta
Sími: 551 7080 & 691 0919
ATHÖFNÚTFARAÞJÓNUSTA - athofn@athofn.is - www.athofn.is
Inger Steinsson
IngerRósÓlafsdóttir
Virðing,
reynsla
& þjónusta
Allan
sólarhringinn
571 8222
Svafar:
82o 3939
Hermann:
82o 3938
Ingibjörg:
82o 3937
www.kvedja.is
svafar & hermann
Faðir minn og vinur,
MATTHIJS DE JONG,
lést síðastliðið vor á Indlandi.
Bálför hefur farið fram og jarðsett í Sóllandi.
.
Fylkir de Jong,
Gríma Eik Káradóttir.
✝
Innilegar þakkir til allra sem sýndu okkur
samúð og hlýhug við andlát og útför
ástkærrar móður okkar, tengdamóður,
ömmu, langömmu og langalangömmu,
INGVELDAR JÓNASDÓTTUR,
Seljahlíð, heimili aldraðra.
Sérstakar þakkir til starfsfólks hjúkrunar-
deildar Seljahlíðar fyrir frábæra umönnun.
María Jónsdóttir, Axel Stefán Axelsson,
Leifur Jónsson, Bryndís Petersen,
barnabörn, barnabarnabörn
og langalangömmubarn.
Þökkum af alhug vináttu og samúð sem
okkur var sýnd við andlát og jarðarför
hjartkærs eiginmanns, föður, tengdaföður,
afa og langafa,
PÁLS STEINARS BJARNASONAR,
Tjarnarbrú 3, Höfn,
sem lést á hjúkrunarheimilinu Skjólgarði
á Höfn þann 2. október síðastliðinn.
Þá viljum við einnig þakka hina frábæru umhyggju og alúð sem
hann naut hjá starfsfólki Skjólgarðs þá erfiðu tíma sem hann
dvaldist þar. Þess munum við minnast um ókomin ár.
Guð veri með ykkur.
.
Gróa Ormsdóttir
Helga Lilja Pálsdóttir, Sturlaugur Þorsteinsson,
Birna Þórunn Pálsdóttir, Sigurður Grímsson,
Páll Rúnar Pálsson,
Jón Pálsson, Hrönn Björnsdóttir,
Björk Pálsdóttir, Geir Þorsteinsson,
barnabörn og fjölskyldur.
Elskulegur faðir okkar, tengdafaðir, afi
og langafi,
VIÐAR BREIÐFJÖRÐ
frá Hellissandi,
til heimilis að Hátúni 10a,
lést á heimili sínu þriðjudaginn
4. nóvember.
Útförin fer fram frá Langholtskirkju föstudaginn 14. nóvember
kl. 15.
.
Kristín Viðarsdóttir, Jónas Rútsson,
Sigríður Viðarsdóttir, Oddur S. Jakobsson,
Harpa Björk Viðarsdóttir,
barnabörn og barnabarnabörn.
Elskuleg móðir okkar, tengdamóðir, amma
og langamma,
HELGA EGILSDÓTTIR
frá Njarðvík,
lést í faðmi fjölskyldunnar á heimili sínu,
Hlévangi Reykjanesbæ, þriðjudaginn
4. nóvember.
Útför hennar fer fram frá Ytri-Njarðvíkurkirkju
fimmtudaginn 13. nóvember kl. 13.00.
.
Jónas Jóhannesson, Erla Hildur Jónsdóttir,
Snorri Jóhannesson, Sigurveig Long,
Sigríður Jóna Jóhannesdóttir, Gísli Grétarsson,
barnabörn og langömmubörn.
Elskuleg móðir okkar, tengdamóðir, amma
og langamma,
BRYNDÍS GUÐMUNDSDÓTTIR,
Bólstaðarhlíð 34,
lést á líknardeildinni í Kópavogi
miðvikudaginn 5. nóvember.
Útförin fer fram frá Háteigskirkju föstudaginn 14. nóvember kl.
15.00.
Þeim sem vilja minnast hennar er bent á hjúkrunarþjónustu
Karitas, karitas.is
.
Jónína Gissurardóttir, Bragi Ragnarsson,
Símon Már Gissurarson, Mariam Heydari,
Hulda Kristinsdóttir,
Örn Sigurjónsson,
barnabörn og barnabarnabörn.
✝
Innilegar þakkir til allra sem sýndu okkur
samúð, hlýhug og vináttu við andlát og útför
elsku pabba okkar, tengdapabba, afa og
langafa,
EINARS JÓNSSONAR
húsasmíðameistara,
Nestúni 2,
Hvammstanga.
Jón Rúnar Einarsson, Kristín Valborg Sævarsdóttir,
Anna Einarsdóttir,
Herdís Einarsdóttir, Indriði Karlsson,
Aðalheiður Sv. Einarsdóttir, Jón Ingi Björgvinsson,
Hlynur Einarsson
og fjölskyldur.
✝
Móðir okkar, fóstra, tengdamóðir, amma
og langamma,
ANNA BJÖRNSDÓTTIR,
Ásabyggð 12,
Akureyri,
sem lést sunnudaginn 26. október, verður
jarðsungin frá Akureyrarkirkju mánudaginn
10. nóvember kl. 13.30.
Halldóra Ólafsdóttir, Kjartan Mogensen,
Sigurður Ólafsson, Klara S. Sigurðardóttir,
Anna Ingeborg Pétursdóttir, Mitch Weverka,
Matthildur og Auðun, Míra Kolbrún,
Helga Kristín og Gunnlaugur, Ólafur Kim
og barnabarnabörn.
✝
HARALDUR ÁRNASON
Ási Hveragerði,
ættaður frá Vík í Mýrdal,
lést á Ási þriðjudaginn 21. október.
Útförin hefur farið fram í kyrrþey.
Fyrir hönd ættingja,
Arnar Árnason.