Málfríður - 15.10.2008, Blaðsíða 16

1 MÁLFRÍÐUR
Í  júnímánuði  hélt  hópur  frönskukennara  til  Vichy 
í  Frakklandi  þar  sem  sumarnámskeið  félagsins 
var  haldið  að  þessu  sinni.  Fyrir  þá  sem  ekki  vita 
er  Vichy  lítil  borg  í  norðurhluta  Auvergne-héraðs 
í miðju Frakklandi. Þegar minnst er á Vichy dettur 
líklega flestum í hug hin illræmda Vichy-stjórn, sem 
var leppstjórn nasista í hernumdu Frakklandi seinni 
heimstyrjaldar. Vichy er líka fræg fyrir heilsulindir 
sínar því að allt frá tímum Loðvíks XIV hefur borg-
in verið vinsæll áfangastaður  franska aðalsins sem 
þangað hefur leitað til að fá lækningu við alls kyns 
kvillum, með vatnsþambi og böðum.
Vichy  er  líka  aðsetur  CAVILAM  (Centre  d’App-
roches  Vivantes  de  Langues  et  des  Médias)  og 
það  var  einmitt  þess  vegna  sem  frönskukennarar 
ákváðu að halda þangað. CAVILAM er stofnun sem 
rekin  er  í  samvinnu  Vichy-borgar  og  háskólans  í 
Clermont-Ferrand.  Hún  býður  upp  á  margvísleg 
tungumálanámskeið en þó fyrst og fremst námskeið 
í  frönsku  sem  erlendu  máli  og  endurmenntunar-
námskeið fyrir frönskukennara. 
Námskeiðið sem íslenskir frönskukennarar sóttu 
bar  yfirskriftina  „Actualisation  des  connaissances 
en civilisation française“ og eins og nafnið ber með 
sér, hugsað sem eins konar „uppfærsla“ á þekkingu 
frönskukennara á franskri menningu í dag. Þátttaka 
var með afbrigðum góð því að frá okkar litla félagi 
héldu  15  félagar  utan.  Námskeiðið  var  niðurgreitt 
með styrk frá EHÍ og þátttakendur fengu auk þess 
styrk  frá  Alþjóðaskrifstofu  háskólastigsins  til  þess 
að greiða niður ferðakostnað. 
Námskeiðið stóð í fimm daga frá 9. til 13. júní og 
var  víða  komið  við  í  franskri  nútímamenningu  og 
lögðu  leiðbeinendur áherslu á þær breytingar  sem 
hafa orðið á frönsku samfélagi á undanförnum árum 
og áratugum. Meðal þeirra atriða sem tekin voru til 
umfjöllunar má nefna frönsk stjórnmál og hlutverk 
Frakklands  í ESB, hinn frönskumælandi heim (þ.e. 
menningu  og  tungu  í  frönskumælandi  samfélög-
um  utan  Frakklands),  þróun  talmáls  í  Frakklandi, 
málefni  innflytjenda  og  aðlögun  þeirra  að  frönsku 
samfélagi, menntamál, bókmenntir, kvikmyndir og 
tónlist.  Leiðbeinendur  voru  þau  Michèle  Albero, 
Martine Vidal og Christian Rodier og lögðu þau sig 
fram  um  að  skapa  umræður  um  þau  málefni  sem 
voru  til  umfjöllunar,  t.a.m.  með  því  að  kalla  eftir 
samanburði við íslenskt samfélag og aðstæður þar. 
Leiðbeinendur studdust við ýmiss konar gögn, s.s. 
ljósrit, vefsíður og myndefni og reyndu eftir fremsta 
megni að benda þátttakendum á gögn sem þeir geta 
nýtt í eigin kennslu. Enn fremur fengu þátttakendur 
þjálfun  í  notkun  raunefnis  í  frönskukennslu,  svo 
sem vefsíðna. 
Þátttakendur  voru  sammála  um  að  námskeið-
ið  hefði  verið  mjög  áhugavert  og  allt  skipulag  til 
fyrirmyndar.  Þrátt  fyrir  að  flest  okkar  hafi  búið  til 
lengri  eða  skemmri  tíma  í  Frakklandi  eða  öðrum 
frönskumælandi  löndum  kom  í  ljós  á  þessu  nám-
skeiði  hversu  erfitt  það  getur  verið  að  viðhalda 
tengslum við menningu viðkomandi landa. Jafnvel 
þó að upplýsingatæknin geri okkur auðveldara en 
áður  að  fylgjast  með,  breytast  samfélög  svo  ört  að 
erfitt er að halda  í við þær breytingar. Það sama á 
við um tungumálið sjálft sem er auðvitað í sífelldri 
þróun. Þetta kom glögglega í ljós á þessu námskeiði 
enda var ýmislegt sem kom okkur í opna skjöldu.
Þrátt  fyrir  langa  dagskrá  á  námskeiðinu  gafst 
þátttakendum  tækifæri  til  þess  að  kynnast  sjálfri 
borginni  Vichy  en  margir  höfðu  ekki  komið  áður 
á þessar slóðir  í Frakklandi. Auvergne-hérað hefur 
upp á ýmislegt að bjóða og borgin sjálf er virkilega 
falleg. Það var svo ekki síður mikilvægt að þátttak-
endum gafst kostur á að kynnast betur, ræða ýmis 
málefni  er  varða  frönskukennslu  á  Íslandi  og  bera 
saman bækur sínar. Það má því segja að þetta nám-
skeið hafi verið ákaflega gagnlegt bæði  faglega og 
félagslega.
Eyjólfur Már Sigurðsson
Tungumálamiðstöð HÍ.
Eyjólfur Már
Sigurðsson
Eyjólfur Már Sigurðsson
Sumarnámskeið frönskukennara
í Vichy 2008