Selfoss - 30.01.2014, Blaðsíða 2

2 30. janúar 2014
Nýtt safn um mikla atburði í Vestmannaeyjum:
Boðið upp á ævintýralegt ferðalag í Eldheimum
Það rís upp af hrauninu í Vestmannaeyjum. Tákn um mikla atburði. Sannkallaðir Eldheimar.
Auglýst hefur verið eftir safnstjóra að þessum ævintýraheimi. Nýja safninu sem ber nafn með rentu.
„Eldheimar er hluti af þriggja heima sýn sem bæjarstjórn Vestmannaeyja samþykkti árið
2007,“ segir Margrét Rós Ingólfs-
dóttir, verkefnastjóri Eldheima.
„Fyrir eru Sagnheimar, byggða- og
sögusafn Vestmannaeyja, Sæheimar
fiska- og náttúrugripasafn og þriðji
heimurinn bætist nú við, Eldheim-
ar. Þar verður gossögunni gert hátt
undir höfði.“
Þungamiðja safnsins verða rústir
af Gerðisbraut 10, sem grófst und-
ir ösku í eldgosinu 1973 og eru
Eldheimar byggðir í kringum það
hús. Safnið verður á tveimur hæð-
um, alls tæplega 1.200 fermetrar.
Arkitekt hússins er Margrét Kristín
Gunnarsdóttir, landslagsarkitekt
er Lilja Kristín Ólafsdóttir og sýn-
ingarhönnuður er Axel Hallkell
Jóhannesson. Axel hefur sett upp
fjölda sýninga og er m.a maðurinn á
bakvið hið sívinsæla Landnámssetur
í Borgarnesi.
„Hugmynd sýningarinnar er að
fara í ævintýralegt ferðalag úr nú-
tímanum aftur til áranna fyrir gos
og þaðan aftur fram til dagsins í dag.
Áhersla er lögð á tilfinningalega upp-
lifun þar sem mannlegi þátturinn er
í fyrirrúmi, en auk þess er fræðilegri
nálgun svo sem jarðfræði gerð góð
skil,“ segir Margrét Rós.
Nú er Vestmannaeyjabær að aug-
lýsa eftir safnstjóra Eldheima. Gert
er ráð fyrir að ráðið verði í starfið í
mars og fari nýr safnstjóri í vinnu við
að kynna safnið og undirbúa opn-
un þess en allar framkvæmdir eru á
áætlun og gert er ráð fyrir formlegri
opnun í maí. „Ferðamannafjöldi til
Vestmannaeyja hefur margfaldast
með tilkomu Landeyjahafnar og eru
ferðamenn sérlega áhugasamir um
Eldheima“, segir Margrét Rós. „Þá
eru Eyjamenn ekki síður áhugasamir
um verkefnið enda er um að ræða
atburð sem hafði, og mun alltaf hafa
áhrif á sögu Eyjamanna. Við gerum
því ráð fyrir að safnið muni njóta
verulegra vinsælda og við þorum að
fullyrða að sú sýning sem Axel er að
hanna í samstarfi við Vestmanna-
eyjabæ sé þessum atburði og sögu
til sóma.“
Margrét Rós, verkefnastjóri Eld-
heima, veitir frekari upplýsingar um
stöðu safnstjóra Eldheima. Netfang
hennar er margret@vestmannaeyjar.
is og sími 488-2000. Umsóknar-
frestur er til 15. febrúar.
ÞHH
Skeifunni 8 • 108 Reykjavík • Sími: 517-6460
www.belladonna.is
Verslunin Belladonna á Facebook
Flott föt fyrir flottar konur
st. 40 – 58
Núna færð þ
ú 25% viðbótar
-afslátt
af öllum úts
öluvörum
ÚTSÖLULOK
stærðir 38-58
Njálurefillinn er
orðinn eins árs
og yfir 11 metrar!
Kvenfélagið Eining í Holtun-um og Kvenfélag Skeiða-hrepps komu til okkar á
sunnudaginn var til að sauma og
njóta lífsins. Þær skildu eftir sig
mörg fín spor í reflinum og voru
bara ánægðar með verkið, má lesa á
fésbókarsíðu Njálurefilsins.
Njálurefillinn verður 1 árs á
sunnudag, 2. febrúar og hefst dag-
skrá í tilefni afmælisins kl. 14. Þá
verður hægt að grípa í saumnálina
og njóta góðrar dagskrár. Það var
Vilborg Arna, pólfari, sem tók fyrsta
sporið en síðan hafa verið saumaðir
yfir 11 metrar og er það langt um-
fram björtustu vonir aðstandenda
refilsins.
Þriðjungs-
fækkun á næstu
þremur árum
„Ég held reyndar að við séum með um 30% of mörg skip í bolfiski á miðunum og sé
því fyrir mér þriðjungsfækkun á
næstu þremur árum eða svo. Það
eru mjög mörg skip, sem eru ekki
nýtt að fullu og ljóst að menn
verða annaðhvort að sameinast um
rekstur eða sameina fyrirtæki,“ seg-
ir Pétur Pálsson, framkvæmdastjóri
Vísis hf. í Grindavík í samtali við
vefmiðilinn kvotinn.is.
Pétur segir að mikla álögur hafi
verið lagðar á greinina og einhverjir
neyðist til að hætta, eins og það hafi
reyndar alltaf verið.
Framtíðarhlutverk Selfossflugvallar
og möguleikar kennsluflugs
Kennsluflug á Selfossflugvelli er mikið tækifæri til atvinnusköpunar á staðn-
um, auk þess að tryggja fluginu á Íslandi fyrsta flokks aðstöðu skammt frá
höfuðborgarsvæðinu.
Eins og fram hefur komið í fréttum
að undanförnu er stefnan sú að allt
kennsluflug verði lagt af á Reykja-
víkurflugvelli frá og með næsta
ári. Bæjaryfirvöld í Árborg hafa að
undanförnu verið í viðræðum við
hagsmunaaðila um hvort raunhæft
væri að flytja kennsluflugið á Sel-
fossflugvöll. Umræða um starfsemi
kennsluflugs á Selfossflugvelli er
ekki ný af nálinni og hefur oft kom-
ið upp á undanförnum árum. Nú
blasir sú staðreynd við að kennslu-
flugið er víkjandi í Reykjavík og
því rétti tímapunkturinn núna að
láta reyna á það til fulls að flytja
það á Selfossflugvöll. Þegar hefur
verið fundað með aðilum frá Flug-
klúbbi Selfoss og Flugmálafélagi Ís-
lands vegna málsins. Niðurstaðan
af þeim viðræðum er sú að fram-
kvæmdastjóra sveitarfélagsins var
falið að vinna drög að breytingum
á orðalagi aðalskipulags varðandi
aukna notkun Selfossflugvallar.
Undirritaður fagnar því mjög að
hreyfing er komið á málið, og fyrstu
skrefin tekin í frekari uppbyggingu
flugvallarins.
Hagkvæmni svæðisins.
Það er mín skoðun að þegar rætt er
um nauðsyn þess að koma upp nýrri
aðstöðu fyrir æfinga og kennsluflug
sé horft til þeirra mörgu möguleika
sem Selfossflugvöllur hefur uppá að
bjóða. Völlurinn er til að mynda
með tveimur flugbrautum, sem
eru 800 metrar að lengd og önnur
brautin er með ágætum ljósabúnaði.
Þá er lokið við að undirbyggja báðar
flugbrautirnar fyrir bundið slitlag.
Svæðið býður einnig uppá nægt
landrými fyrir flugskýli og önnur
mannvirki sem fylgja myndi slíkri
uppbyggingu. Ljóst er að kostnað-
ur við nauðsynlega aðstöðusköpun
yrði aðeins brot af þeim kostnaði
ef ætti að koma upp nýrri aðstöðu
fyrir æfinga- og kennsluflug annars
staðar. Það yrði kærkomin viðbót
við atvinnulíf í sveitarfélaginu ef
hér yrði öflug starfsemi flugskóla og
flugkennslu. Ef ekki tekst að finna
kennsluflugvöll í nágrenni höfuð-
borgarinnar sem sátt er um er hætta
á því að flugnemar leiti í auknum
mæli erlendis til flugnáms. Ljóst er
að mikill missir væri fyrir íslenskt
flug að missa kennslu úr landi, þar
sem hér eru oft á tíðum erfiðar að-
stæður til flugs vegna veðurs. Því
er mjög mikilvægt fyrir flugöryggi
að flugmenn hafi bæði þjálfun og
reynslu af flugi í því umhverfi sem
þeir eiga eftir að vinna í til framtíð-
ar. Kennsluflug á Selfossflugvelli er
mikið tækifæri til atvinnusköpunar
á staðnum, auk þess að tryggja flug-
inu á Íslandi fyrsta flokks aðstöðu
skammt frá höfuðborgarsvæðinu.
Nú reynir á samstöðu allra sem
að málinu koma, svo af þessu geti
orðið.
Eggert Valur Guðmundsson,
bæjarfulltrúi Samfylkingarinnar
Selfossflugvöllur. „Það yrði kærkomin viðbót við atvinnulíf í sveitarfélaginu
ef hér yrði öflug starfsemi flugskóla og flugkennslu,“ segir Eggert Valur.
Mynd: ÞHH
Eggert Valur Guðmundsson.
Kvenfélagskonur úr Holtunum og
Skeiðahreppi skildu eftir sig sín spor.
Mynd: Ólafur Snorrason