Selfoss - 30.01.2014, Blaðsíða 4
4 30. janúar 2014
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. auglýsingastjóri: Ámundi Ámundason, Suðurlandsbraut
54, 108 Reykjavík. Auglýsingasími 578 1190, netfang: auglysingar@fotspor.is. Ritstjóri:
Þorlákur Helgi Helgason, netfang: torlakur@fotspor.is Myndir: ÞHH og ýmsir aðrir.
Umbrot: Prentsnið, Prentun: Ísafoldarprentsmiðja, 9.500 eintök. dreifing: Íslandspóstur
Fríblaðinu er dreiFt í 9.500 eintökum á öll heimili á suðurlandi.
SELFOSS
2. TBL. 3. ÁRGANGUR 2014
Selfoss inn á hvert heimili!
Verðtryggingarbrella
eða varanleg lausn
Ef tekið er mið af sögulegri reynslu mun einungis ríkasti fjórðungur þjóðarinnar ráða
við að kaupa hóflegt húsnæði á óverð-
tryggðum íslenskum vöxtum. Það er
staðreynd sem einnig kemur vel fram
í tillögum hópsins og ríkisstjórnin
hefur engar útfærðar tillögur um hvar
afgangur þjóðarinnar á að búa.
Gott var að fá skýrslu nefndar
forsætisráðherra um boðað „afnám“
verðtryggingarinnar. Vísitölubinding
lána og lífeyris hefur verið viðhöfð
síðan Ólafur Jóhannesson, þáverandi
formaður Framsóknarflokksins og
forsætisráðherra, leiddi lög þess efnis
í gegnum þingið. „Ólafslögin“ um
verðtryggingu. Þá sett sem hálfgerð
neyðarráðstöfun þar sem lífeyrir og
sparnaður brunnu upp á báli verð-
bólgu og lán voru gjöf til útvaldra
innanbúðargæðinga: Verðbólgan
greiddi þau upp.
„Móðir allra kosningaloforða“
svikin
Verðtrygging er fyrst og fremst
birtingarmynd á ónýtu peninga-
kerfi. Verðlitlum gjaldmiðli sem
æðir upp og niður þegar gefur á
bátinn eða vel árar um skeið. Verð-
tryggð króna í höftum er að sönnu
stærsta óleysta vandamál samtím-
ans og skýrslan dregur eitt og annað
fram sem undirstrikar staðreyndir
máls.
Til dæmis það að upphafið lof-
orð Framsóknarflokksins um afnám
verðtryggingar strax eftir kosningar,
og flutningur allra lánasafna yfir í
óverðtryggð, var lýðskrum án inni-
stæðu. Verðtrygging verður ekki af-
numin á verðlitla mynt í höftum.
Það er ávísun á enn verra ástand
sem við landsmönnum blasti við
setningu Ólafslaga árið 1979.
Eina leiðin út úr vandanum til
lengri tíma er myntsamstarf. Þá fyrst
er hægt að afnema verðtryggingu og
brúka stöðuga mynt á lágum við-
varandi vöxtum. Það tekur tíma en
er innan seilingar berum við til þá
skynsemi að fara þá leið í gegnum
samstarf 28 lýðræðisþjóða í Evrópu.
En sem dæmi þá eru vextir á neyt-
enda- og húsnæðislán í Evrópu á
bilinu 0,5-1,8%. Vaxtamunurinn
við Ísland skiptir milljarðatugum
ár hvert og yrði mesta lífskjarabót
sem hægt er að hugsa sér.
Það varpar skýrasta ljósinu á inni-
stæðuleysi loforðsins um tafarlaust
afnám verðtryggingar, sem oft er
nefnt „móðir allra kosningaloforða,“
að eina tillagan sem hönd á festir hjá
nefndinni skuli vera sú að banna
þau verðtryggðu lán til 40 ára. Lán
sem framsóknarmenn komu á árið
1999 og áttu þá að gera öllum kleift
að eignast húsnæði án vandræða.
Ef tekið er mið af sögulegri reynslu
mun einungis ríkasti fjórðung-
ur þjóðarinnar ráða við að kaupa
hóflegt húsnæði á óverðtryggðum
íslenskum vöxtum. Það er staðreynd
sem einnig kemur vel fram í tillög-
um hópsins og ríkisstjórnin hefur
engar útfærðar tillögur um hvar af-
gangur þjóðarinnar á að búa.
Klæðalaus keisari og
skynsemi Færeyinga
Ríkisstjórnin virðist draga þá
ályktun af verðtryggingarbölinu
að höfuðvandamál þjóðarinnar sé
að meðaltekjufólk eigi húsnæði.
Lausn á skuldavandanum á því ekki
að felast í stöðugri gjaldmiðli eða
lægri vöxtum, heldur því að gera
venjulegu launafólki illa kleyft að
kaupa íbúðir.
Vandinn er mikill og kallar á
stórtæka lausn. Sú eina sem enn
hefur verið dregin fram er aðild að
myntbandalagi Evrópu. Eða skyldi
það vera tilviljun að frændur okkar
Færeyingar skuli festa sína krónu
við þá dönsku sem er föst við evru
og áður mark?
Nei, varla. Kostnaðurinn við
krónuna er á annað milljarða-hund-
ruð ár hver. Þann kostnað þarf að
losna við ásamt verðtryggingu og
höftum með raunhæfum lausnum.
Ekki innistæðulausum loforðum
rétt fyrir kosningar og stendur
nú keisarinn klæðalaus með verð-
trygginguna í fanginu.
Björgvin G. Sigurðsson,
fyrrverandi þingmaður |
og ráðherra.
„Vandinn er mikill og kallar á stór-
tæka lausn. Sú eina sem enn hefur
verið dregin fram er aðild að mynt-
bandalagi Evrópu. Eða skyldi það vera
tilviljun að frændur okkar Færeyingar
skuli festa sína krónu við þá dönsku
sem er föst við evru og áður mark,“
segir Björgvin G. Sigurðsson.
Lífshlaupið
miðvikudaginn
5. febrúar
Opnað hefur verið fyrir skráningu í Lífshlaup-ið sem er heilsu- og
hvatningarverkefni Íþróttasam-
bands Íslands.
Lífshlaupið höfðar til allra
landsmanna og gefst þátttakend-
um kostur á að taka þátt í vinnu-
staða-, grunnskóla- og einstak-
lingskeppni, þar sem hver og einn
getur skráð inn sína hreyfingu
allt árið.
Hægt er að skrá sig á www.
lifshlaupid.is.
100 færra á atvinnuleysisskrá
á Suðurlandi en fyrir ári
„Við eigum gott samstarf við at-vinnurekendur bæði um hefð-bundna vinnumiðlun en líka
í gegnum samstarfssamninga um
starfsþjálfun og reynsluráðningar,“
segir Ragnheiður Hergeirsdóttir,
forstöðumaður Vinnumálastofn-
unar Suðurlandi.
„Það er alltaf nokkur hreyfing
á atvinnuleysisskránni hjá okkur,
nýtt fólk bætist í hópinn og aðrir
fara út í vinnu,“segir Ragnheiður
Hergeirsdóttir. „Í dag eru 455
manns á skrá. Af þeim eru 215
með lögheimili í Árborg, 53 í
Vestmannaeyjum, 40 í Ölfusi og
43 í Hveragerði. Á þessum tíma
í fyrra voru um 550 manns á skrá
hér á Suðurlandi.
Skráð atvinnuleysi í desember sl.
var 4,2 % á landinu en 3,3 % (449
manns) á Suðurlandi samanborið
við 5,7 % á landinu í desember
2012 og 4,2 % á Suðurlandi í des-
ember 2012.
Af þeim 455 sem eru á skrá í dag
hafa 181 nýtt meira en 12 mánuði
af 36 mánaða bótarétti.“
Ragnheiður segir marga at-
vinnuleitendur á námskeiðum í
janúar og febrúar á vegum Vinnu-
málastofnunar. „Það hefur verið
frekar lítið um starfaauglýsingar
síðustu mánuði og framhaldið
sýnist mér enn nokkuð óljóst. Við
leggjum mikið upp úr því að fólk
fái tækifæri til að styrkja stöðu sína
á vinnumarkaði t.d. með námskeið-
um eða lengra námi og gerum þá
sérstaka samninga þar um.
Vinnumiðlunarhlutverk Vinnu-
málastofnunar er mjög mikilvægt
og við eigum gott samstarf við
atvinnurekendur bæði um hefð-
bundna vinnumiðlun en líka í
gegnum samstarfssamninga um
starfsþjálfun og reynsluráðningar.
Það er oft mjög árangursríkt fyrir-
komulag, hjálpar atvinnuleitanda
að komast í vinnu og atvinnurek-
anda að efla starfsemi sína,“ segir
Ragnheiður Hergeirsdóttir.
Leiðsögn um skúlptúra
Rósu Gísladóttur
í Listasafni Árnesinga sunnudaginn 2. febrúar kl.15
Rósa Gísladóttir mun segja frá tilurð listaverka sinna sem eru til sýnis í Listasafni
Árnesinga í Hveragerði. Tækifæri
gefst til þess að ræða við hana á
sunnudag. Stóru verkin hennar
voru sérstaklega unnin fyrir sýningu
sem sett var upp í hinu virta safni,
Mercati di Traiano, í Róm sumarið
2012. Rósa hefur hlotið viðurkenn-
inga og á að baki fjölmargar samsýn-
ingar og einkasýningar bæði hér á
landi sem erlendis. Verkin sem eru
til sýnis í Listasafni Árnesinga eru
unnin í gifs og jesmonite. Verk eftir
Rósu er að finna í safneign Listasafns
Reykjavíkur, Listasafns Íslands og í
einkasöfnum.
Undir yfirheitinu Hliðstæð-
ur og andstæður, kallast sýningin
Rósa Gísladóttir – skúlptúr á við
aðra sýningu í safninu; Samstíga –
abstraktlist bæði í tíma og rúmi og
saman draga þær fram sjónarhorn á
listasöguna sem gefur tilefni til um-
ræðu. Sýningartíminn hefur verið
framlengdur til 23. febrúar, allir
velkomnir og enginn aðgangseyrir.
Stórmeistarajafntefli
sveitarstjóra á skákdegi
Íslands á Hvolsvelli
Jón Viktor Gunnarsson stór-meistari og Stefán Bergsson rétt
sluppu yfir Hellisheiði í Hvolsskóla
áður en henni var lokað síðastliðinn
föstudag. Það var líka eins gott því
að í skólanum biðu 33 nemendur á
öllum aldri spenntir eftir því að tefla
við þá fjöltefli. Allir nemendurnir
stóðu sig með stakri prýði þrátt fyrir
að aðeins vinningur hafi komið til
þeirra en Aron Sigurjónsson sigraði í
sinni skák. Þegar fjölteflinu var lokið
skelltu þeir félagar sér í sund ásamt
Ísólfi Gylfa sveitarstjóra og vígðu þar
sundtafl sem ætlað er sundgestum.
Eftir nokkra vel valda leiki bauð Jón
Viktor Ísólfi stórmeistarajafntefli
sem hann þáði. Taflið er hægt að fá
lánað í afgreiðslu sundlaugarinnar á
Hvolsvelli endurgjaldslaust.
rósa Gísladóttir.
ragnheiður Hergeirsdóttir.
Auglýsingasími: 578 1190
S U Ð U R L A N D