Selfoss - 23.10.2014, Side 4
4 23. Október 2014
Dúkasaumur Unnar Sigursteinsdóttur
Unnur Sigursteinsdóttir sýn-ir hannyrðir í Bókasafni Árborgar á Selfossi. Eða
öllu heldur brot af hannyrðum sín-
um. Unnur sem er fædd á Selfossi 4.
júlí 1932 hefur búið á Selfossi utan
fárra ára er hún bjó í Hafnafirði.
Hún naut skólagöngu hér á Selfossi
og að Laugarvatni.
Unnur var virk í félagsstarfi og
starfaði í áratugi með Kvenfélagi
Selfoss og í ITC (Jórum).
Hún hefur frá unga aldri verið
mikið fyrir hverskonar hannyrðir og
hafa þær legið vel fyrir henni, enda
mjög vandvirk og fljót að sauma.
Dúkarnir sem hér eru sýndir eru
aðeins brot af því sem hún hefur
unnið frá árinu 2011 til dagsins í
dag. Þessi tómstundaiðja hefur gef-
ið henni mikla gleði og stytt henni
stundir.
Sýningin stendur til 30. október
2014.
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. auglýsingastjóri: Ámundi Ámundason, Suðurlandsbraut
54, 108 Reykjavík. Auglýsingasími 578 1190, netfang: auglysingar@fotspor.is. Ritstjóri:
Þorlákur Helgi Helgason, netfang: torlakur@fotspor.is Myndir: ÞHH og ýmsir aðrir.
Umbrot: Prentsnið, Prentun: Ísafoldarprentsmiðja, 9.500 eintök. dreifing: Íslandspóstur
Fríblaðinu er dreiFt í 9.500 eintökum á öll heimili á suðurlandi.
SELFOSS
20. TBL. 3. ÁRGANGUR 2014
Selfoss inn á hvert heimili!
„Gætum gert geðheilbrigði að mæli-
kvarða á hversu gott samfélagið er“
Fjórða hvert barn í grunnskól-um á Íslandi tekst á við geð-röskun eða geðsjúkdóm. Þá
eru ótalin þau börn sem lifa í skjóli
foreldra eða með systkinum sem
glíma við geðveiki eða geðræna kvilla.
Því miður greinist aðeins helmingur á
skólaaldri og um fjórðungur ekki fyrr
en eftir 25 ára aldur. „Það má segja að
ég hafi hrifist með í þeirra hugarfars-
breytingu sem nú er að eiga sér stað
varðandi geðsjúkdóma og geðraskan-
ir. Þeir sjúkdómar sem tengjast geð-
heilsu okkar hafa verið feimnismál og
viðhorfin til þeirra hafa valdið fólki
sársauka og án nokkurs vafa hægt á
bata og gert líf sjúklinga og aðstand-
enda miklu erfiðara en ella. Nú er
þetta að breytast mikið,“ segir Sig-
ríður Ingibjörg Ingadóttir þingkona
um tilurð tillögu til þingsályktunar
sem hún lagði fram á Alþingi og sem
samþykkt var í byrjun árs. Í kjölfarið
er hafin vinna við mótun geðheil-
brigðisstefnu og aðgerðaáætlun á veg-
um heilbrigðisráðherra í samvinnu
við félags- og húsnæðismálaráðherra.
Kynningarfundur um stefnumótun-
arvinnuna var haldinn á Grand hóteli
sl. föstudag.
Þriðji hver sjúklingur á spítala
glímir við vandann.
Kristján Þór Júlíusson heilbrigðis-
ráðherra hefur skipað stýrihóp til að
leiða stefnumótunarvinnuna og var
fundurinn á Grand hóteli haldinn á
vegum þess hóps. Þegar liggur fyrir
ákvörðun um að skipta verkefninu í
smærri einingar eftir afmörkuðum
viðfangsefnum og verða settir á stofn
fimm starfshópar um hvert þeirra.
Þessi viðfangsefni eru:
• Geðrækt og forvarnir.
• Meðferð, fyrsta stigs þjónusta,
samspil milli þjónustusstiga og
þjónustusviða.
• Viðkvæm lífsskeið, börn, aldraðir,
jaðarhópar.
• Fordómar og mismunun.
• Geðfatlaðir – réttindi, heilbrigðis-
og félagsþjónusta.
Það kom fram á kynningarfund-
inum sl. föstudag að talið er að rekja
megi komu þriðja hvers sjúklings á
sjúkrahús til geðraskana eða geðsjúk-
dóma. 3,5 milljörðum króna er varið
til lækninga og forvarna á geðsviði.
Það hrekkur skammt ef þriðjungur
sjúklinga er talinn glíma við vand-
ann. Umræðan er mikilvæg:
Mælikvarði á gott samfélag.
„Opin umræða um geðheilbrigði út
frá sjónarhóli þeirra sem hafa tekist á
við geðröskun eða geðsjúkdóm hefur
breytt miklu á síðustu árum. Sam-
tök sjúklinga, aðstandenda, áhuga-
fólks og svo auðvitað fagfólks hafa
heldur betur hrist upp í hlutunum.
Smátt og smátt eykst skilningur á
geðrænum kvillum og það dregur
úr skömminni. Mér finnst geðheil-
brigðismálin mjög samfélagspólitísk.
Næstum þannig að við gætum gert
geðheilbrigði að mælikvarða á hversu
gott samfélagið er. Við búum í sam-
félagi sem er flókið og það er mikið
áreiti á okkur. Hraðinn og streitan
er mikil og því þurfum við stefnu
sem vísar veginn til að verja okkur
slíkum heilsuspillandi þáttum,“ segir
Sigríður Ingibjörg.
Við eigum ótrúlega mikið af
góðu fagfólki á þessu sviði.
„Í störfum mínum í velferðarnefnd
Alþingis hef ég líka séð hversu oft
geðheilbrigðismálin koma inn á
borð nefndarinnar. Þau tengjast
auðvitað heilbrigðismálunum með
beinum hætti en koma oft til tals
þegar við ræðum áfengis- og vímu-
varnarmál, lýðheilsumál, málefni
barna, aldraðra, fólks með fötlun og
svo mætti lengi telja,“ segir Sigríður
Ingibjörg. „Við eigum ótrúlega mik-
ið af góðu fagfólki á þessu sviði sem
brennur fyrir málaflokkinn. Hluti
af viðfangsefnunum í málaflokkn-
um eru á ábyrgð ríkisins en sveitar-
félögin koma einnig að honum á
mörgum sviðum. Síðan eru frjáls
félagasamtök með mikilvægt gras-
rótarstarf sem og einkaðilar. Þegar
ég áttaði mig á því að það væri ekki
til opinber stefna í geðheilbrigðis-
málum ákvað ég að leggja slíkt til.
Slík stefna er svo mikilvæg því hún
mótar sýn okkar á geðheilbrigði til
framtíðar, hvernig við komum í veg
fyrir að fólk veikist og hvernig við
samhæfum og bætum þá þjónustu
sem stendur til boða. Auðvitað vant-
ar fjármuni inn í málaflokkinn og
við lögðum áherslu á að kostnaðar-
mat og áætlun um fjárframlög fylgdi
aðgerðaráætluninni. En það er líka
mikilvægt að nýta þá fjármuni sem
þegar renna til málaflokksins betur
með meiri samvinnu.
Ég er mjög ánægð með þá vinnu
sem Kristján Þór Júlíusson heil-
brigðisráðherra hefur sett af stað á
grundvelli þingályktunarinnar. Og
við sjáum það á opna fundinum
sem stýrihópur um mótun geðheil-
brigðisstefnu hélt á Grand hóteli á
föstudag að áhuginn á málefninu
er mikill. Þar mættu hátt í 200
manns.“
Það fór vel á því að Fjölbrauta-
skóli Suðurlands skyldi á dögunum
fá viðurkenningu sem heilsueflandi
framhaldsskóli. Þemað að þessu
sinni var geðrækt. Til hamingju.
ÞHH
Unnur Sigursteinsdóttir
Þingsályktunin eins og hún
var samþykkt: „Alþingi álykt-
ar að fela heilbrigðisráðherra, í
samvinnu við félags- og húsnæð-
ismálaráðherra, að móta geðheil-
brigðisstefnu og gera aðgerðaáætl-
un til fjögurra ára þar sem fram
komi m.a. greining á núverandi
geðheilbrigðisþjónustu, hvar
þörfin sé mest fyrir þjónustuna
og hvernig megi mæta henni,
ásamt stefnumótun til framtíðar
í geðheilbrigðismálum fyrir alla
landsmenn. Með aðgerðaáætlun-
inni fylgi áætlun um fjárframlög.
Ráðherra leggi slíka geðheilbrigð-
isstefnu fram á vorþingi 2015.“
Sigríður Ingibjörg Ingadóttir.
Fjölmenni var á kynningarfundi um mótun geðheilbrigðisstefnu sem haldinn
var sl. föstudag.Unnið var markvisst í hópum og gafst þátttakendum kostur
á að taka þátt í öllum vinnuhópunum.
FSu hlaut Gulleplið fyrir skólaárið 2013/2014 sem heilsueflandi framhaldsskóli.
Þema ársins var geðrækt. Illugi Gunnarsson, mennta- og menningarmálaráð-
herra, afhenti Gulleplið sem er árleg viðurkenning. Olga Lísa Garðarsdóttir
skólameistari tók við viðurkenningunni fyrir hönd skólans ásamt Svani Ingv-
arssyni verkefnastjóra. (Mynd af vef FSu)