Selfoss - 23.10.2014, Blaðsíða 12
Skeifan 8 | 108 Reykjavík | sími 517 6460 | www.belladonna.is
Nýjar vörur í hverri viku
23. Október 2014
Haustið er yndislegur tími fyrir matáhugafólk. Uppskeran af grænmeti
og sláturtíðin kveikja margar hug-
myndir að góðum og hollum mat.
Mat sem er ekki bara hollur - því
að nú í sláturtíðinni er innmatur
mjög ódýr. Líklega það eina sem
nær viðmiðum ríkisstjórnarinnar í
matarinnkaupum. Í fréttum hefur
maður séð fjallað um verð afurða til
bænda og útflutning og innflutning
á búvöru. Það er gaman að sjá að
þessi umræða er ekki ný af nálinni.
Það er oft gaman að kíkja í rit og
sjá gömul skrif. Þessi bútur er úr
Búnaðarritinu 1890 þar sem fjallað
er um hvað afurð sauðkindarinnar er
betri af holdmiklu fé en rýru.
„Kroppurinn af 150 pd. (punda)
sauð er að vísu ekk tvöfalt þyngri
en af 100 pd. sauð, en hann er
samt í minnsta lagi tvöfalt meira
virði til fæðis. Beinin eru minni að
tiltölu, en einkum er miklu minna
af vatni í kjótinu, kjötið er þjettara
og langtum feiti meira. Eitt pund
af feitu sauðakjöti er því eins gott
til fæðis og 172 pd. af rýru kjöti.
Kaupmenn gjöra því ætíð langt of
lítinn verðmun á kjöti eftir gæðum.
Þeir gefa of mikið fyrir rýra kjötið,
en of lítið fyrir hið feita svo alltjafnar
sig fyrir þá, en það jafnar sig ekki hjá
bændum þegar einn lætur sauðakjöt,
en annar gamalærkjöt; sá sem læt-
ur sauðakjötið, verzlar sjer í skaða,
þó að hinn, sem ljet ærkjötið, hafi
hag eða sje skaðlaus. En það er ekki
kroppurinn einungis, sem er tvö-
falt betri af 150 pd. sauð en af 100
pd. sauðnum, mörinn er venjulega
meira en tvöfalt meiri og gæran og
innmatur er einnig hjer um bil tvö-
falt meira virði. Það mun óhætt að
fullyrða, að það sje skaði að láta 150
pd. Sauð fyrir minna en 24—25 kr.,
ef maður fær 12 kr. fyrir
100 pd. sauð. Í verzlunarfjelagi
Dalasýslu hefir verið gjörður fylli-
lega svoua mikill verðmunur og á
því svæði, sem nefnt fjelag nær yfir,
munu menn varla hjer eptir gjöra
sig ánægða með minni verðmun en
þetta.
Fjárverzlun verðum vjer auðvit-
að að hafa og aðalstraumur hennar
stefnir til Englands og það er eðlilegt
horf og hlýtur að verða oss til mikils
hags, ef vjer kunnum með að fara og
kaupum ekki of mikið af kornvöru,
munaðarvöru og glingri fyrir það.
Gamla fjárverzlunin - að salta fjeð
niður í tuunur og senda það til Dan-
merkur, getur ekki þrifist til lengdar,
og líklegt er, að sú verzlun fari rj-
enandi úr þessu. Saltað kjöt kemst
aldrei í hátt verð, en nýtt kjöt er jafn-
an í háu verði á Englandi. Undan-
farin 3 ár hefir fjárverð á Englandi
verið fjarska lágt til móts við það,
sem var langan tíma þar á undan,
en samt hafa kaupmenn hjer varla
getað borgað fjeð eins vel og enskir
fjárkaupamenn, og langt frá því eins
vel og pöntunarfjelöginhafa fengið.“
(Búnaðarritið 1. tölublað 1.1.1890)
Ég kaus að elda lifur í dag en
hjörtu og nýru eru ekki síðri matur.
Uppskrift af góðri lifur.
1 lifur
1-2 laukar eftir stærð
½ pakki beikon
Hvítlaukur eftir smekk
1 rauð papríka
2-3 lárviðarlauf
6-7 einiber
2 tsk villibráðrakraftur (Vildt frá Oscar)
Sveppir
1-2 græn epli
Matreiðslurjómi
Sojasósa frá Kikkoman
Salt og pipar eftir smekk
Smá hveiti til að velta lifrinni upp úr
Smá olía til að steikja úr
Steinselja til að klippa yfir þegar
pannan fer á borðið
Snyrtið lifrina vel og skerið í frem-
ur þunnar sneiðar. Veltið þeim upp
úr hveiti og steikið á pönnu með smá
olíu. Takið þær til hliðar og geymið.
Sneiðið grænmetið og beikonið.
Látið það mýkjast á sömu pönnu
og lifrin var steikt á – má bæta við
olíu. Bætið við lárviðarlaufi, eini-
berjum og kraftinum. Látið malla
smástund svo að kryddið gefi bragð.
Bætið við matreiðslurjómanum og
sojasósunni. Látið suðuna koma upp
og setjið þá lifrina og eplin út í. Látið
sjóða smástund því að lifrin verður
seig ef hún sýður of mikið.
Nýjar kartöflur, rófur og gulrætur
er frábært meðlæti. Rifsberjasulta
passar mjög vel við þennan rétt.
Gangi ykkur vel
og verði ykkur að góðu.
Kv, KS
12
Að hætti hússins
Kristjana Sigmundsdóttir
kristjanasig@simnet.is
HAUSTIÐ ER
YNDISLEGT!