Selfoss - 23.10.2014, Blaðsíða 13

Skeiða- og Gnúpverjahreppur óskar eftir áhugasömum og metnaðar-
fullum aðila til að taka að sér rekstur og uppbyggingu ferðaþjónustu
í Árnesi frá og með 1 júní 2015. Um er að ræða rekstur félagsheimilis-
ins í Árnesi, tjaldsvæðis og Þjórsárstofu frá júní til september ár hvert.
Auk möguleika á takmörkuðum rekstri frá október til maí.
Í félagsheimilinu Árnesi eru salarkynni sem henta vel fyrir ýmis konar
veitingarekstur samhliða gestastofunni.
Fallegt tjaldsvæði er við Árnes, það hefur nýlega verið rafvætt.
Þjórsárstofa er gestastofa fyrir ferðamenn sem er opin yfir sumartím-
ann. Þar er að finna margmiðlunarsýningu um Þjórsá og Þjórsárdal,
sögu, náttúrufar og mannlíf í Skeiða- og Gnúpverjahreppi.
Þekking á aðstæðum æskileg.
Menntun á sviði ferðaþjónustu æskileg.
Áhugasamir aðilar setji sig í samband við sveitarstjóra Skeiða- og
Gnúpverjahrepps á skrifstofu sveitarfélagsins í Árnesi, 801 Selfoss eigi
síðar en 28 október næstkomandi
Sími 486-6100 og 861-7150 netfang kristofer@skeidgnup.is
Í Skeiða og Gnúpverjahreppi eru um 530 íbúar aðalatvinnuvegur er landbúnaður. Auk
þess er ferðaþjónusta og iðnaður stundaður í nokkrum mæli. Þéttbýliskjarnar eru við
Árnes og Brautarholt. Grunnskóli, Leikskóli, sundlaugar og bókasafn er í sveitarfélaginu.
Náttúruperlur og sögustaðir eru margir í sveitarfélaginu. Nefna má Þjórsárdal og Ás-
hildarmýri.
Veitingarekstur-
ferðaþjónusta í Árnesi-
rekstraraðili óskast
1323. Október 2014
Þarf allt að sogast til Reykjavíkur?
Ágúst Sigurðsson, sveitar-stjóri Rangárþings ytra, Ísólfur Gylfi Pálmason,
sveitarstjóri Rangárþings eystra og
Björgvin G. Sigurðsson, sveitarstjóri
Ásahrepps hafa mælt með því að
landmót hestamanna verði haldið
utan höfuðborgarsvæðisins. „Engar
brigður skulu af okkur bornar á að
sómi sé af mótahaldi á höfuðborgar-
svæðinu, nema síður sé. Þar er allt til
alls og fjölmenni borgarinnar á bak
við. Hins vegar vaknar spurningin:
þarf allt að sogast til Reykjavíkur?
Þarf líka að fara með Landsmótið
þangað eftir áratuga vel heppnað
mótahald úti á landi sem hefur
getið af sér mikla uppbyggingu t.d.
á Gaddastaðaflötum á Hellu sem
öll hestamannafélögin á Suðurlandi,
utan eitt, standa að og eiga? Nei, er
okkar svar við því.“ Sveitarstjórarnir
benda á að þarna fari meðal mestu
viðburða mannlífs og íþrótta.
Sem kunnugt er hefur stjórn
Landssambands hestamanna sagt
af sér eftir að tillaga stjórnar um
staðsetningu landsmótsins var felld
á aðalfundi. Fundi var frestað fram
í nóvember og þá verður kosin ný
stjórn. Máli þessu er því hvergi nærri
lokið.
ÞHH
Tekjur hæstar
í Vestmannaeyjum
Staðgreiðsla á hvern íbúa á Suðurlandi er hæst í Vest-mannaeyjum á yfirstand-
andi ári. 11 sveitarfélög nýta sér
að leggja á hæsta útsvar sem leyfi-
legt er eða 14,52%. Lægst er út-
svarsprósentan í Ásahreppi. Það
skýrir að nokkru að staðgreiðslan
er lægst þar. Nokkur sveitarfélög á
Suðurlandi fá tekjujöfnunarfram-
lög úr Jöfnunarsjóði sveitarfélaga.
Þannig fær Árborg rúmlega 153
millj. kr. Rangárþing ytra 55,6
millj. kr. Hveragerðisbær 117,6
millj. kr. og Flóahreppur ríflega
47 millj. kr.
Heilbrigðiseftirlit Suðurlands mælir með
að börn verði ekki látin út að óþörfu fari
styrkur yfir 600 µg/m3 enda tilheyra þau
viðkvæmum hópi einstaklinga
Heilbrigðiseftirlit Suðurlands hefur sent grunnskólum bréf
þar sem forsvarsmönnum er bent á
að skoða loftgæði reglulega með úti-
vist barna í huga. Þar kemur fram
að kanna þarf loftgæði á hverjum
morgni inn á heimasíðu Veðurstof-
unnar og vef Umhverfisstofnunar
og fylgjast með fram eftir degi.
Slæm loftgæði vegna brennisteins-
díoxíð fyrir viðkvæma eru þegar
styrkur fer yfir 600 µg/m3.
Áætluð staðgreiðsla á Suðurlandi tekjuárið 2014
Staðgreiðsla á
hvern íbúa Útsvar (brúttó) %
Hornafjörður 412174 14,52
Vestmannaeyjar 445510 13,98
Árborg 371032 14,52
Mýrdalshreppur 338532 14,52
Skaftárhreppur 330772 14,52
Ásahreppur 265876 12,48
Rangárþing eystra 315685 14,52
Rangárþing ytra 316937 14,52
Hrunamannahreppur 296101 14,52
Hveragerðisbær 324174 14,52
Ölfus 370184 14,52
Grímsnes- og Grafningshr. 304365 12,44
Skeiða- og Gnúpverjahr. 323681 14,48
Bláskógabyggð 307272 14,52
Flóahreppur 283983 14,52
Meðaltal á Suðurlandi 362872
Landsmeðaltal 386775
Heimild: samband.is, Vinnsla: ÞHH
30 metrar að baki
í Njálureflinum
5 þúsundasti gesturinn
Það var stór áfangi sem náð-ist í Njálurefilsstofunni í vikunni þegar skrifað var í
gestabók refilsins í 5 þúsundasta
sinn. Svo skemmtilega vildi til að
það var Helga Sigurðardóttir úr
Fljótshlíðinni sem ritaði nafn sitt
númer 5000 en Helga hefur verið
einn allra ötulasti saumarinn síðan
byrjað var að sauma og hefur hún
komið á hverju þriðjudagskvöldi
síðan í febrúar 2013. Nú hafa
yfir 30 metrar verið fullkláraðir í
Njálureflinum.
Helga Sigurðardóttir varð sú 5 þús-
undasta!
Okkar konur unnu
16. okt. fór fram í íþróttahús-inu á Hellu HSK hraðmót í blaki kvenna. Að þessu sinni
voru það 7 sunnlensk lið sem tóku
þátt. Dímon-Hekla var með tvö lið
skipuð eldsprækum konum. A liðið
gerði sé lítið fyrir og tók gullið. Í
öðru sæti varð Hamar og í því þriðja
Laugdælur.