Hafnarfjörður - Garðabær - 01.02.2013, Side 8

8 1. febrúar 2013
Námskeið í Klifinu í febrúar:
Íkonagerð, skrímsli og poppmenning
Á vornámskeiðum Klifsins er að finna ýmis námskeið fyrir skapandi börn, unglinga og
fullorðna sem finnst gaman að teikna,
mála og hanna.
Í byrjun febrúar hefjast fjölbreytt
myndlistarnámskeið í Klifinu. Sköp-
unin tekur á sig ótal myndir og eru
viðfangsefnin og tjáningin í forgrunni.
Áhersla er lögð á styrkja þátttakendur
í listsköpun sinni þar sem þeir eru
staddir og þeim leiðbeint í gegnum
ýmsa tjáningarmiðla. Námskeiðin
eru einu sinni í viku á laugardags-
morgnum.
Sem dæmi um námskeið þá munu
yngstu börnin (5-7 ára) skapa sinn
eigin ævintýraheim með Hörpu Rún
Ólafsdóttur myndlistarkonu. Við
vinnum með skrímsli, skúlptúra og
teikningar með 8 – 10 ára hópnum sem
Harpa Rún myndlistarkona og Rúna
Thors vöruhönnuður stýra.
10 – 12 ára hópurinn fær þjálfun í
teikningu hjá Guðnýju Rúnarsdóttur
myndlistarkonu og notar Guðný mjög
fjölbreytta miðla í sköpun sinni. Ung-
lingarnir í hópnum 13 – 16 ára takast
á við japanska poppmenningu ásamt
ýmsum verkefnum sem þjálfa teikn-
ingu og örva ímyndunaraflið.
Í vor verða einnig í boði myndlistar-
námskeið fyrir fullorðna, þar sem við-
fangsefnið er fjöll og firnindi. Á fyrra
námskeiðinu verður unnið að sköp-
uninni inni á vinnustofu, en á seinna
námskeiðinu sem haldið er í apríl og
maí verður farið út af vinnustofunni
og málað í faðmi náttúrunnar.
Fyrir þá sem vilja læra handbragði
gömlu meistaranna þá bjóðum við
í þriðja sinn upp á íkonagerð með
skreytilistamanninum Konstantinos,
en hann hefur áratuga reynslu af
forvörslu, íkonagerð og fleiru því
tengdu.
Námskeiðin fara fram í Flata-
skóla Garðabæ og eru opin öllum
áhugasömum.
Skráning er hafin á námskeiðin á
vefsíðu Klifsins www.klifid.is og í síma
565 0600.
Allsherjaratkvæðagreiðsla
Tillögur uppstillingarnefndar og stjórnar Verkalýðsfélagsins
Hlífar um stjórn, skoðunarmenn reikninga, stjórn sjúkrasjóðs
og stjórn orlofsheimilasjóða félagsins fyrir árið 2013, liggja
frammi á skrifstofu Hlífar frá og með 25 janúar 2013.
Kosið er samkvæmt B-lið 22. gr. laga Hlífar í eftirtaldar stöður:

1. Varaformann og tvo meðstjórnendur til tveggja ára
2. Þrjá varamenn í stjórn til tveggja ára
3. Tvo félagslega skoðunarmenn reikninga og einn til vara til
eins árs.
4. Stjórn sjúkrasjóðs, formann, varaformann og ritara til eins
árs og jafn marga til vara.
5. Stjórn orlofsheimilasjóðs, formann, varaformann og ritara
til eins árs og jafn marga til vara.
Öðrum tillögum ber að skila á skrifstofu Hlífar, Reykjavíkurvegi
64, Hafnarfirði, fyrir kl. 16:00 mánudaginn 4. febrúar 2013 og er
þá framboðsfrestur útrunninn.
Til þess að bera fram lista eða tillögu þarf skrifleg meðmæli
eða stuðning 1/10 hluta fullgildra félagsmanna þó ekki fleiri en
100.
Kjörstjórn Vlf. Hlífar.
Hjartaspaðar- leikhúsrýni
Stuð á elliheimilinu
Tveir fulltrúar HAFNAR-FJARÐAR, þau Guðný Helga Haraldsdóttir og Þórir Snær Sig-
urðarson, kíktu á leikritið Hjartaspaða
sem var frumsýnt í Gaflaraleikhúsinu
þann 12. janúar síðastliðinn en þetta er
samstarfsverkefni leikhússins og Skýja-
smiðjunnar.
Leikritið fjallar um tvo félaga, Grím
og Hannes, sem búa á dvalarheimili
fyrir aldraða. Þegar Gréta gamla flytur
á dvalarheimilið umturnast líf þeirra og
þeir finna leiðir til að lífga uppá lífið
og tilveruna til að drepa leiðindin. Þeir
beyta ýmsum brögðum til þess, þegar
þeir eru ekki að spila skák og hirða af
hvorum öðrum úrin þá eru þeir að reyna
að heilla Grétu gömlu upp úr skónum.
„Greinilega vel æft“
Að mínu mati þá stóðu leik-ararnir sig alveg frábærlega, mér fannst sérstaklega gaman
að því hvernig þeir túlkuðu leikritið,
það var greinilegt að þetta var vel æft.
Það var mikið lagt upp úr því að láta
áhorfendur hlæja og skemmta sér en
eitt af mínum uppáhaldsatriðum var
einmitt þegar Grímur og Hannes eru
að reyna að vinna hylli Grétu með því
að dansa við lagið Gold Digger. Tón-
listin var einstaklega góð en það var
ekki bara spiluð þessi hefðbundna tón-
list heldur voru spiluð brot úr þáttum
sem eru á Rás 1. Það voru einnig sett
inn leikhljóð sem gerðu þetta allt
miklu fyndnara. Nú leikmyndin var
frekar einföld, það voru þarna tveir
stólar, taflborð og svo bekkur en á bak-
við var svo eitt stykki rúm. Allt í allt
þá fannst mér þetta mjög athyglisverð
sýning og einmitt sú fyrsta sem ég fer
á þar sem er ekkert talað. Leikstjórinn
stóð sig með prýði og greinilegt að
þessi sýning hefur náð langt.
Guðný Helga Haraldsdóttir
Tónlistin mikilvæg- líka á klósettinu
Hér er á ferð óvenjulegt verk miðað við það sem við eigum að venjast. Í fyrsta lagi
er um látbragðsleik að ræða, sem eins
og nafnið bendir til, byggist eingöngu
á líkamlegum hreyfingum leikaranna
án þess að þeir mæli orð af munni.
Þeim tekst með afar skemmtilegum
hætti að skapa áhugaverðar persónur
með þessum hætti auk þess sem sögu-
þráðurinn kemst vel til skila, ekki
síst vegna þess að leikararnir klæðst
grímum, sem gerir það að verkum
að ekki er unnt fyrir þá að sýna til-
finningar með svipbrigðum, líkt og í
þöglu myndunum frá því í gamla daga,
heldur er allur líkaminn notaður til
túlkunarinnar.
Þar sem ekkert er talað í sýningunni
skiptir tónlist miklu máli. Samspil leik-
ara og tónlistar er afar skemmtileg og á
köflum ákaflega fyndin. Sem dæmi má
nefna bráðfyndna klósettferð einnar af
aðalpersónunum þar sem hann gerir
þarfir sínar í takt við Ungverskan
dans nr. 5 eftir Brahms. Til að brjóta
upp er einstaka sögulestrum og dag-
skrárkynningum á Rás 1 skotið inn
í verkið þegar félagarnir tveir sitja
við taflborðið og spila upp á úr hvors
annars, sem er skemmtilegt uppbrot.
Leikmyndin í sýningunni er frekar
einföld en afar skýr. Uppistaðan er
pappírsklædd skilrúm sem auðvelt er
að færa til eftir þörfum. Þeim til við-
bótar voru ýmsir leikmunir notaðir til
að gefa til kynna í hvaða rými atriðin
gerast. Talfborð, tveir stólar og setu-
bekkur gáfu til kynna setustofu elli-
heimilisins en þegar áhorfendur voru
færðir inn á herbergi vistmannanna
voru skilrúmin færð og rúm dregið
fram. Sviðsmennirnir voru sjálfir
klæddir sams konar búningum og
leikararnir, sem gerir þá að hluta af
sýningunni.
Hér er um tilfinningaríkt verk
að ræða sem er á köflum það sem
stundum er kallað Chaplinskt, þ.e.
fyndið og sorglegt í senn. Lokaatriði
sýningarinnar er stórfenglegt en það
minnir einmitt mikið á lokaatriði
kvikmyndarinnar Nútíminn (Modern
Times) eftir Chaplin, þar sem aðal-
persónurnar þrjár ganga með ferða-
töskur í átt burt frá áhorfendunum
inn í birtuna. Enn er ein sýning eftir
af þessu verki svo ég hvet þá sem hafa
áhuga á óvenjulegu leikverki á borð
við þetta til að gera sér ferð í Gafl-
araleikhúsið og lýta á dýrðina. Þú
munt ekki verða fyrir vonbrigðum.
Þórir Snær Sigurðarson
Guðný Helga Haraldsdóttir.
Þórir Snær Sigurðarson.