Hafnarfjörður - Garðabær - 21.02.2014, Blaðsíða 2

2 21. febrúar 2014
Gaaraleikhúsinu
565 5900
midi.is
gaaraleikhusid.is
Sýningar
Sunnudagur
23. febrúar
kl.20.00
Sunnudagur
2. mars
kl 20.00
Sunnudagur
9 mars
kl 20.00
Sunnudagur
16 mars
kl 20.00

Miða
pantanir
Það er alltaf gaman í
ÓMAR ÆSKUNNAR
Sögur af sérstæðu fólki
einstök kvöldstund með Ómari Ragnarssyni
Brýnt að verja friðlandið
Talning á fuglum í Hafnar­firði sýnir að fuglalíf á vatna­svæðum er í góðu gengi, en
fuglafræðingar telja brýnt að bæjar­
yfirvöld haldi vöku sinni.
„Sérstaklega þarf að verja friðlandið
Ástjörn,“ segja Jóhann Óli Hilmars­
son, fuglafræðingur og Ólafur Jó­
hannsson, en þeir sáu um talningu
fyrir Hafnarfjarðarbæ.
Þeir segja í skýrslu sinni til bæjar­
ins að friðlandið hafi mikla þýðingu
fyrir náttúru landshlutans og sé auk
þess eitt af höfuðvígjum flórgoðans
á Íslandi. Þeir segja að einungis tveir
flórgoðaungar hafi komist þar á legg
í fyrra, og það sé lítið.
Þeir leggja til að samin verði sérstök
verndaráætlun fyrir svæðið, gæsla
verði tekin upp að nýju, fræðsla aukin
og sett upp skoðunarskýli.
Fram kemur í skýrslu þeirra að
fuglar voru taldir á Ástjörn, Hval­
eyrarvatni og Hamarkotslæk. Síðast
var talið árið 2006 við Ástjörn og
Hvaleyrarvatn, en ekki hefur verið
talið við Lækinn síðan árið 2000.
Fuglalíf á öllum stöðum var í góðu
standi miðað við fyrri ár, segja fugla­
fræðingarnir.
Gunnar Axel efstur
Gunnar Axel Axelsson varð efstur í flokksvali Samfylk­ingarinnar sem fram fór um
síðustu helgi. Hann hlaut 400 atkvæði
í fyrsta sætið. Margrét Gauja Magnús­
dóttir hlaut 354 atkvæði í 1. ­2. sætið.
Þau eru bæði sitjandi bæjarfulltrúar.
Adda María Jóhannsdóttir, fram­
haldsskólakennari, hlaut örugga
kosningu í þriðja sætið, en bæjar­
fulltrúinn Eyjólfur Þór Sæmundsson
hlaut fjórða sætið.
Í fimmta og sjötta sæti lentu
Ófeigur Friðriksson og Eyrún Ósk
Jónsdóttir. Friðþjófur Helgi Karlsson
varð í sjöunda sæti og Eva Lín Vil­
hjálmsdóttir í því áttunda.
Rúmlega 900 manns greiddu at­
kvæði í flokksvalinu sem mun vera
um þriðjungs kjörsókn.
Næstum fimmtungur kvótans
Fiskistofa fer nú yfir kaup ÚA, Síldarvinnslunnar og Gjögurs á veiðiheimildum Stálskipa í
Hafnarfirði. Stálskip fengu úthlutað
um 1,2 prósentum af heildarkvóta
á Íslandsmiðum, mælt í þorskíg­
ildistonnum. Fiskistofa getur gert
athugasemdir ef aðilar – eða tengdir
aðilar – fara upp að eða upp fyrir
mörk leyfilegs heildarkvóta.
Samkvæmt lögum um stjórn fisk­
veiða má heildaraflahlutdeild fiski­
skipa í eigu einstakra eða tengdra að­
ila ekki fara yfir 12% af samanlögðu
heildarverðmæti aflahlutdeilda allra
tegunda. Einnig er kveðið á um há­
mark í einstökum tegundum.
ÚA, Síldarvinnslan og Gjögur eru
öll tengd innbyrðis. Samherji á ÚA og
stóran hlut í Síldarvinnslunni. Eins
á Gjögur hlut í Síldarvinnslunni.
Þá hefur útgerðin Bergur­Huginn
úr Vestmannaeyjum verið keypt til
Síldarvinnslunnar. Hins vegar mun
vera óvíst hvort þessi félög teljast vera
„tengdir aðilar“ í skilningi laganna.
Ef marka má upplýsingar á vef
Fiskistofu um kvótaúthlutun sem
birtar voru nýlega, eftir að kvóta­
kaupin áttu sér stað, nema sam­
anlagðar aflaheimildir Samherja,
ÚA, Síldarvinnslunnar, Gjögurs og
Bergs­Hugins hátt í 18 prósentum af
heildarkvótanum við Ísland, í þorskí­
gildistonnum mælt.
Hafnarfjarðarbær bíður með
viðbrögð sín í málinu meðan Fiski­
stofa hefur það til umfjöllunar, en
hann hefur viljað fá forkaupsrétt á
aflaheimildum Stálskipa.
Ursus vill eignast vatnsveitur, hafnir, raflínur og vegi:
Fjárfestar í innviðum samfélagsins
Samlagshlutafélagið Ursus I sem keypt hefur stóran hlut í HS veitum hefur það eina markmið
að eignast fyrirtæki í grunnþjónustu
samfélagsins og hagnast á slíkum
kaupum. „Félagið mun fjárfesta með
arðsemi hluthafa félagsins að leiðar­
ljósi,“ segir í stofnskrá sem send var
fyrirtækjaskrá 23. ágúst í fyrra.
Félagið hefur nú keypt ríflega þriðj­
ungshlut í HS veitum af ýmsum sveitar­
félögum á Reykjanesi og Orkuveitu
Reykjavíkur.
HS veitur færa íbúum á Reykjanesi
og víðar neysluvatn, heitt vatn og
rafmagn. Fram kemur í tilkynningu
Reykjanesbæjar um söluna til Kaup­
hallarinnar í vikunni, að Ursus I slhf. sé
í meirihlutaeigu lífeyrissjóða, en ekki er
greint frá því í sams konar tilkynningu
Orkuveitunnar.
„Með kaupum á eignarhlut í HS
Veitum er stórt skref tekið í átt að
aukinni fjárfestingu lífeyrissjóða og
annarra fagfjárfesta í innviðum lands­
ins,“ er haft eftir Heiðari Má Guð­
jónssyni, fjárfesti og fyrirsvarsmanni
Ursusar I, í áðurnefndri tilkynningu
Reykjanesbæjar.
Hvaða lífeyrissjóðir?
Enginn lífeyrissjóður hefur lýst því
yfir að hann hafi tekið þátt í þessum
viðskiptum. Heiðar Már Guðjónsson,
sagði í samtali við blaðamann að um
væri að ræða níu sjóði. Hann vildi
ekki upplýsa hvaða lífeyrissjóðir þetta
væru, en sagði að þeir ættu „mikinn
meirihluta“ í Ursus I.
Samkeppniseftirlitið er að sögn að
fara yfir viðskiptin og segjast aðilar
málsins ekki munu ræða það frekar
fyrr en að þeirri skoðun lokinni.
Ætla að hámarka
„arðsemi“
Reykjanesbær verður áfram stærsti
hluthafinn í HS veitum, með ríflega
helmings hlut. Hafnarfjarðarbær ætlar
að halda sínum 15 prósentum en Ursus
I eignast ríflega 34 prósent. Fyrir hlutinn
greiðir félagið ríflega 3 milljarða króna.
Fram kemur í hluthafasamkomu­
lagi sem gert var samhliða sölunni til
Ursusar I, og Hafnarfjörður/ Garðabær
hefur í höndum, að 2/ 3 hluthafa þurfi
til að taka allar meiriháttar ákvarðanir
í félaginu.
Þar segir enn fremur að hluthafarnir,
Reykjanesbær, Ursus og Hafnarfjarðar­
bær, skuldbindi sig til að vinna m. a. að
„arðsemi félagsins sé ávallt hámörkuð“
og fjallað um að hluthafar eigi að fá
„bestu mögulegu ávöxtun“ af fjár­
festingu sinni.
Fullnægi þörfum
almennings
Tilgangur starfsemi HS veitna er
hins vegar ekki að greiða eigendum
arð, ef marka má lög um vatnsveitur
sveitarfélaga. Þar segir meðal annars að
sveitarfélög í þéttbýli skuli „starfrækja
vatnsveitu í þeim tilgangi að fullnægja
vatnsþörf almennings, heimila og at­
vinnufyrirtækja“. Ekki verður séð af
gögnum til fyrirtækjaskrár að tilgangi
samlagshlutafélagsins Ursusar I hafi
verið breytt.
Sveitarfélögin hafa undanfarin ár
tekið hátt í milljarð króna út úr félaginu
í formi arðgreiðsla, ef marka má árs­
reikninga HS veitna.
Heimildarmynd um Hraunavini
Tvær bandarískar kvikmynda­gerðarkonur hafa verið á ferð hér á landi og unnið að heim­
ildarmynd um baráttu Hraunavina
gegn vegagerð í gengum Gálgahraun.
Eins og fram hefur komið hér í
blaðinu hafa níu verið ákærð fyrir
að óhlýðnast fyrirmælum lögreglu,
þegar til stóð að halda vegagerð áfram
í október í fyrra. Fjölmargir voru hand­
teknir og ýmist dregnir út af svæðinu
eða settir í fangaklefa. Fyrirtaka í máli
þeirra verður í héraðsdómi Reykjaness
á mánudaginn.
„Við fengum styrk frá skólanum
okkar til að gera myndina,“ segja þær
Ashley Moradipor og Katie Ywist, en
þær stunda nám við háskóla í Suð­
ur­Kaliforníu í Bandaríkjunum. „Við
heyrðum um mótmælin og hugsuðum
strax að þetta yrði gott efni.“
Þær greina blaðamanni frá því að
þær hafi lesið slatta af greinum um
málið á netinu. Mótmæli vegna vega­
gerðar vöktu athygli þeirra, en þær
vissu ekki um ákærur og dómsmál
fyrr en þær komu hingað. Þær voru
viðstaddar fyrirtöku málsins í héraðs­
dómi Reykjaness fyrir skömmu.
Þær segja að það hafi komið á óvart
að réttað sé yfir fólkinu. Þær þekki
engin slík dæmi úr Kaliforníu. „Að
vegagerð sé svona umdeild kemur á
óvart. Síðan eru þetta friðsöm mót­
mæli og allt friðsamt fólk. Okkur finnst
þetta mjög óvenjulegt,“ segja Ashley
og Katie.
Þær vonast til þess að fá mynd sína
sýnda á stöðinni PBS, sem er almanna­
þjónustusjónvarp þar vestra.
Kvikmyndagerðarkonurnar ræða við ragnhildi Jónsdóttur sem er í hópi
hinna ákærðu.
Gunnar axel og Margrét Gauja.
adda María Jóhannsdóttir.
flórgoði Mynd: Wikipedia.