Hafnarfjörður - Garðabær - 21.02.2014, Blaðsíða 8
8 21. febrúar 2014
„Markmiðið er að sigra“
Kvennalið Hauka leikur til úrslita gegn Snæfelli í bikarkeppninni á morgun.
Leikið verður í Laugardalshöll og hefst leikurinn klukkan 13:30. Snæfell
hefur haft nokkra yfirburði í vetur, en Haukarnir ekki langt undan. Hafnar-
fjörður/Garðabær settist niður með Guðrúnu Ósk Ámundadóttur, fyrirliða
og Bjarna Magnússyni þjálfara, og spáði í spilin fyrir leikinn.
„Stemmingin í hópnum er mjög góð
og allir spenntir fyrir því að fá að tak
ast á við þetta verkefni,“ segir Guðrún
Ósk Ámundadóttir, fyrirliði kvennaliðs
Hauka í körfuknattleik.
Á morgun verður leikið til úrslita
í bikarkeppni kvenna. Haukastúlkur
keppa þá við Snæfell, en bæði lið hafa
sýnt góða takta í vetur. Snæfell hefur
verið á toppnum í deildinni í vetur og
hefur þegar tryggt sér deildarmeistara
titil, en Haukastúlkur hafa einnig átt gott
tímabil og verið skammt undan.
Hörkuleikur
Ljóst er að barist verður um bikarinn.
„Þetta verður án efa hörkuleikur og
við förum í þennan leik eins og alla aðra
leiki með það markmið að sigra. Snæfell
var að tryggja sér deildameistaratitilinn
og hafa verið að spila mjög vel upp á
síðkastið svo við þurfum að hitta á okkar
besta leik til að ná sigri.“
Fimmtán leikmenn eru í hópnum og
tveir þjálfarar hafa verið með liðinu auk
sjúkraþjálfara sem hefur verið til taks á
bekknum.
Að því sögðu, eru allar heilar?
Hvernig er staðan á liðinu með tilliti
til meiðsla?
„Hún er bara góð,“ segir Guðrún Ósk,
„eitthvað af smávægilegum meiðslum
en það verða allir klárir í þeinnan leik.“
Hún hefur sjálf glímt við slitin kross
bönd, en reiknar ekki með öðru en að
vera til með í slagnum á morgun.
Góð tilfinning
hjá þjálfaranum
Bjarni Magnússon tók við kvennaliði
Hauka sumarið 2011 og er því á sínu
þriðja tímabili með liðið. Hann segir að
„góð blanda“ sé í liðinu. Nokkrir leik
manna hafi leikið lengi í efstu deild, en
einnig séu í liðinu stúlkur sem séu að
stíga sín fyrstu skref með meistaraflokki.
En hvernig er tilfinningin fyrir leiknum
á morgun?
„Tilfinningin er góð, mikil tilhlökkun
hjá leikmönnum, þjálfurum og hjá þeim
sem standa hvað næst liðinu. Allir stað
ráðnir í að gera sitt besta, skemmta sér
og njóta stundarinnar,“ segir Bjarni.
Allt getur gerst
í bikarnum
Spurður um hvort hann sé sigurviss
segir hann að Haukastúlkur geri sér
grein fyrir því að andstæðingarnir
séu sterkir. Snæfell hafi haft nokkra
yfirburði í deildinni í vetur og hafi
þegar tryggt sér deildarmeistaratitil,
enda þótt enn séu nokkrir leikir eftir. Á
pappírunum sé Snæfell þannig sterkara
lið og ekki sé hægt að ákveða neitt fyr
irfram um sigur.
„En ég veit það að við komum vel
undirbúnin í þennan leik, staðráðin
í að gera okkar besta og gera þetta
að spennandi leik. En að sama skapi
vitum við að til að ná í sigur þá þurfum
við að eiga topp leik og á sama tíma
vonast til að Snæfell komi ekki alveg
eins vel stemmdar. En er það ekki róm
antíkin við bikarkeppni, það getur allt
gerst!“
Gott tímabil
Bjarni segir að tímabilið í vetur hafi
gengið nokkuð vel. Byrjunin hafi þó
ekki verið eins og vonast hafi verið
eftir. Liðið sé hins vegar í öðru sæti í
dag „og markmiðið að vera í því sæti
þegar deildarkeppni líkur og úrslita
keppni hefst. Þannig að við erum sátt
við hvar við erum í dag og erum bjartsýn
á framhaldið.“
Guðrún Ósk segir að góður andi sé
í hópnum og stúlkurnar nái vel saman.
Félagslífið sé bæði innan vallar og utan.
En körfuboltinn sé líka tímafrekur. „Það
fer mikill tími í æfingar og undirbúning
fyrir leiki og æfum við mjög mikið, en
sem betur fer ekki mikið af ferðalögum.“
Frábærir stuðningsmenn
„Við eigum frábæra stuðningsmenn
og ég skora á Hafnfirðinga og alla
aðra sem vilja styðja okkur að mæta á
þennan leik,“ segir Guðrún Ósk. Undir
þetta tekur Bjarni.
„Ég vona svo innilega að
körfuknattleiksunnendur, Hafn
firðingar sem og vinir okkar í Hólm
inum fjölmenni á völlinn og styðji sín
lið og njóti dagsins, því þessar stelpur
eiga það skilið að fá góðan stuðning.
Svo er voðalega fátt sem toppar það
að mæta á svona úrslitaleiki og upp
lifa stemminguna sem getur myndast
í slíkum leikjum. Þannig að ég hvet alla
til að ná sér í miða í forsölu í Schenker
höllinni og mæta í rauðu á leikinn, frítt
fyrir 12 ára og yngri.“
Bæði Guðrún Ósk og Bjarni lýsa
ánægju með hvernig búið hefur verið
að liðinu. Einnig eru þau þakklát
fyrir stuðninginn í vetur. „Aðsóknin
á völlin hefur verið fín en maður vill
alltaf sjá fleiri mæta í stúkuna,“ segir
Guðrún Ósk. Og Bjarni bætir því við
að stuðningsmenn hafi verið frábærir.
„Auðvitað vildum við stundum fá fleiri
til að styðja okkur, en þessi kjarni sem
hefur verið að styðja okkur í vetur og
síðustu ár hefur verið alveg frábær. Al
veg sama á hverju hefur gengið inn á
vellinum þá fáum við alltaf frábæran
stuðning. Þannig að við bíðum spennt
eftir að heyra í þeim á laugardaginn í
Höllinni.“
Bæjarblaðið Hafnarfjörður/Garða
bær óskar Haukum góðs gengis í
leiknum og hvetur alla sem geta til að
mæta og styðja sínar konur.
Guðrún Ósk Ámundadóttir. bjarni Magnússon.
Í leik gegn Kr í vetur. Mynd: Karfan.is Mynd: Karfan.is