Hafnarfjörður - Garðabær - 21.03.2014, Blaðsíða 4

4 21. mars 2014
Ljósveituvæðing
í Hafnarfirði
Tvöföldun hraða á Ljósveitu á völdum stöðum
Míla áformar að tvöfalda hraða á ljósveitukerfi sínu á völdum stöðum á þessu
ári en með því gæti hraði á heimilis-
tengingum náð allt að 100 Mb/ s. Þá er
þróun á allt að 1 gígabita tengingum
langt komin.
Mikil uppbygging hefur verið á
Ljósveitunni í Hafnarfirði síðustu
misseri. Um 80% heimila í Hafnarfirði
hafa nú þegar möguleika á að nýta sér
háhraðaþjónustu fjarskiptafyrirtækj-
anna um Ljósveitu Mílu og áætlað er
að lokið verði við að tengja öll íbúða-
hverfi í Hafnarfirði fyrir árslok 2014.
Þessa dagana er verið að vinna við upp-
setningu götuskápa í Kinnum og við
Selvogsgötu og Öldugötu, svo eitthvað
sé nefnt. Verkáætlanir Mílu er hægt að
skoða á heimasíðu fyrirtækisins www.
mila.is undir liðnum Ljósveita.
Uppbygging á Ljósveitu Mílu hefur
staðið yfir um allt land, samhliða upp-
byggingu á höfuðborgarsvæðinu. Um
65% heimila á íslandi geta nú tengst
þessu öfluga háhraðaneti Mílu. Nú
þegar hafa um 85 þúsund heimili tengst
Ljósveitunni og hafa þá möguleika á
að nálgast háhraðaþjónustu hjá sínu
fjarskiptafyrirtæki. Samkvæmt áætlun
Mílu fyrir 2014 mun heimilum með
aðgang að Ljósveitu fjölga um 15 pró-
sentustig og hafa þá um 80% heimila
aðgang að þessari fjarskiptalausn.
Ljósveitan er opið aðgangsnet sem
öll fjarskiptafyrirtæki geta haft aðgengi
að. Ljósveitan veitir heimilum 50 Mb/
s tengingu internethraða til sín og
25Mb/ s frá sér sem uppfyllir þarfir
flestra heimila og vel það, því að auki
er mögulegt er að horfa á fimm mis-
munandi sjónvarpsrásir eða tvær mis-
munandi háskerpurásir í einu, án þess
að uppgefinn 50Mb/ s internethraði
skerðist.
Míla hefur sett stefnuna á að byrja
að bjóða 100 Mb/ s á völdum svæðum
á þessu ári, og þá er þróun á 1Gb/
s tengingum langt komin. Ef spár
ganga eftir þá verður 1Gb/ s tengingar
komnar í gagnið innan þriggja ára.
Tenging við Ljósveituna er einföld og
hagkvæm fyrir viðskiptavini því sjaldn-
ast þarf að breyta innanhússlögnum.
Hvorki er þörf á framkvæmdum á
lóðum eða í húsum þeirra sem vilja
tengjast. Nútímatæknin nýtir fyrirliggj-
andi lagnir við símstöð eða götuskáp.
Þar tekur öflugur ljósleiðari við gagna-
flutningnum og hraðinn bæði til og frá
heimilum margfaldast.
Hraði og öryggi tengingarinnar
skapar kjöraðstæður til fjarvinnu,
afþreyingar og samskipta. Hraði
Ljósveitunnar er það mikill að streymi
í tölvu hefur ekki áhrif á móttöku sjón-
varpsefnis eða nettengdrar leikjatölvu
og snjallsíma, svo dæmi séu tekin.
Almenn notkun á rafrænum
gögnum hefur aukist jafnt og þétt og
er hún ekki eingöngu bundin við tölvur
og snjallsíma, því rafræn miðlun marg-
vísleg afþreying er þegar mikil og sér
ekki fyrir endann á þessari þróun.
Míla starfar eingöngu á heildsölu-
markaði og veitir öðrum fjarskipta-
fyrirtækjum aðgang að netum sínum,
þar með að Ljósveitunni. Til að kaupa
þjónustu að Ljósveitu Mílu þarf að hafa
samband við það fjarskiptafyrirtæki
sem óskað er eftir að eiga viðskipti við.
Á http:/ / www. mila.is/ adgangsnet/
ljosveitan/ vidskiptavinir/ má sjá þá
þjónustuaðila sem veita þjónustu á
Ljósveitu Mílu.
Árangursrík endurfjármögnun
- Hafnarfjörður kominn með sama lánshæfismat og Kópavogur
Hafnarfjarðarbær er með lán í erlendri mynt hjá FMS Wert-management í Þýskalandi
sem er með reglulegum afborgunum
ársfjórðunglega ásamt stórum loka-
gjalddaga í desember 2015. Í bæjarráði
13. mars sl var kynnt lánstilboð frá
Íslandsbanka til að endurfjármagna
erlent lán Hafnarfjarðarbæjar hjá FMS.
Vinnunni sem er að ljúka með til-
komu lánstilboðs Íslandsbanka hófst í
júní á síðasta ári. Við sem höfum komið
að þessari vinnu fyrir sveitarfélagið
höfum að sjálfsögðu lagt áherslu á mik-
ilvægi þess að vel takist til við endur-
fjármögnunina. Þó svo að lokagjald-
dagi erlenda lánsins hjá FMS/ DePfa sé
ekki fyrr en í lok árs 2015 töldum við
mikilvægt að hefja strax undirbúning,
ekki síst vegna þeirra gjaldeyrishafta
sem í gildi eru hér á landi.
Lykillinn að árangursríkri endur-
fjármögnun er að tryggja aðgengi að
meira fjármagni en þarf að nota. Með
lánsloforði Íslandsbanka allt að 13
milljörðum króna, hefur bærinn náð
að tryggja það og er þar með í betri
samningsstöðu gagnvart kaupendum
skuldabréfa og öðrum mögulegum
lánveitendum. Það er því ólíklegt að
allt fjármagnið sem felst í lánstilboði
Íslandsbanka verði nýtt.
Lánatilboð eins og það sem Íslands-
banki hefur nú samþykkt er staðfesting
á tryggri og ábyrgri fjármálastjórn
sveitarfélagsins. Þetta sést líka í láns-
hæfismati Reitunar sem hefur metið
lánshæfi Hafnarfjarðar sem i. BBB1
(sem er besta B-einkunn), sama láns-
hæfiseinkunn og bæði Kópavogur og
Arionbanki hafa.
Nú er beðið viðbragða Seðlabanka
Íslands við umsókn bæjarins um
undanþágu frá gjaldeyrishöftum til
að fyrirframgreiða erlenda lánið. Hins
vegar tryggir samþykkt lánatilboðs Ís-
landsbanka endurfjármögnun erlendra
lána sveitarfélagsins að fullu óháð því
hvert svar Seðlabankans verður.
Fjárhagsstaða Hafnar-
fjarðarbæjar enn sterkari
en áður
Með endurfjármögnun erlenda láns-
ins styrkist fjárhagsstaða Hafnarfjarðar
enn frekar. Greiðslubyrði lækkar,
endurfjármögnunaráhættu hefur verið
eytt og verulega dregur úr gjaldeyr-
isáhættu sem reyndar hverfur alveg
ef Seðlabanki Íslands heimilar upp-
greiðslu á láninu.
Fjárhagsleg staða Hafnarfjarðar-
bæjar hefur styrkst jafn og þétt. Á kjör-
tímabilinu hefur núverandi meirihluti
Vinstri grænna og Samfylkingar unnið
að endurskipulagningu á rekstri
sveitarfélagsins ásamt undirbúningi
að að endurfjármögnun á erlendu láni
sveitarfélagsins.
HAFNARFJÖRÐUR / gARÐAbæR
6. TbL. 4. ÁRgANgUR 2014
Útgefandi: Fótspor ehf. Ábyrgðarmaður: Ámundi Ámundason, sími: 824 2466,
netfang: amundi@fotspor.is. framkvæmdastjóri: Ámundi Steinar Ámundason, netfang:
as@fotspor.is. auglýsingastjóri: Ámundi Ámundason, Suðurlandsbraut 54, 108 Reykjavík.
Auglýsingasími 578 1190, netfang: auglysingar@fotspor.is, Veffang: fotspor.is, Ritstjóri:
Ingimar Karl Helgason, sími: 659-3442 netfang: ingimarkarlhelgason@gmail.com,
Matarblaðamaður: Svavar Halldórsson. Sími. 869-4940. Netfang. svavar@islenskurmatur.is,
Umbrot: Prentsnið, Prentun: Ísafoldarprentsmiðja, 13.500 eintök. dreifing: Póstdreifing.
Fríblaðinu er dreiFt í 13.500 e intökum
í allar íbúðir í HaFnarFirði / Garðabæ
Það er umhugsunarefni að einn af hverjum fjórum sem svarað hefur í skoð-anakönnunum Félagsvísindastofnunar Háskóla Íslands segist ætla að kjósa óskrifað blað.
Björt framtíð hefur hvorki kynnt frambjóðendur né sýn í málum Hafnarfjarðar, en
mælist með 15 prósenta fylgi.
Svipaða sögu er að segja af Pírötum. Þeir mældust með upp undir 10 prósenta fylgi
í upphafi mánaðarins. En nú hafa þeir gengið frá lista. Oddviti flokksins, Brynjar
Guðnason, er í viðtali hér í blaðinu og greinir frá áherslumálum flokksins.
Nú vill svo raunar til að meirihluti Vinstri grænna og Samfylkingarinnar hefur þegar
efnt að minnsta kosti eitt kosningaloforð fyrir Pírata. Enda eru þeir fleiri sem hafa
gegnsæi á stefnuskránni.
Hafnarfjarðarbær hefur gengið hvað lengst, ef ekki allra lengst, allra sveitarfélaga í
landinu í að auka gegnsæi í stjórnsýslunni, til að mynda með því að birta fylgigögn
með fundargerðum sem birtar eru á vef bæjarins. Það er sjálfsögð þjónusta við íbúa.
Svo má vitaskuld hrósa fyrir það framtak, sem raunar tíðkast víða, að senda beint
út frá bæjarstjórnarfundum á netinu. Fólk hefur góð tækifæri til að fylgjast með
kjörnum fulltrúum sínum.
Brynjar nefnir einnig beint lýðræði. Góð reynsla er af þátttöku íbúa í ýmsu sem
varðar mikilvæg mál úti í heimi, líka gerð fjárhagsáætlana. Mikilvæg grunnvinna í
þessum efnum hefur verið sett í gang í Reykjavík. Framkvæmdin er ekki gallalaus, en
tilraunin er allrar athygli verð. Sömuleiðis hefur var unnið ötullega að þátttökulýðræði
í innanríkisráðuneytinu á síðasta kjörtímabili. Það er gott að málið sé á dagskrá.
Nýju fólki fylgja stundum nýjar hugmyndir og ný sýn. Björt framtíð er óskrifað blað í
Hafnarfirði. Píratar eru að byrja að kynna stefnu sína og frambjóðendur. Það verður
fróðlegt að sjá hvernig þeim reiðir af í vor. Spyrja má hvort skoðanakannanafylgið
komi til af ímynd og framgöngu samnefndra flokka á Alþingi. Kannski af því að
flokkarnir urðu til eftir Hrun?
Aðrir flokkar verða væntanlega dæmdir af verkum sínum, en stefnan er yfirleitt skýr
hvað varðar hina rótgrónari flokka. En einstrengingsleg framganga ríkisstjórnarinnar
getur haft áhrif á viðhorf fólks til sveitarstjórnarkandídata stjórnarflokkanna. Það
verður fróðlegt að sjá hverju fram vindur.
Ingimar Karl Helgason
Óskrifuð (og
skrifuð) blöð
Leiðari
Höfundur er
Guðrún Ágústa Guðmundsdóttir,
bæjarstjóri
Höfundur er
Sigurrós Jónsdóttir,
deildarstjóri Samskipta hjá Mílu.
Miðbærinn okkar
Á heimasíðu Hafnarfjarðar-bæjar þar sem fjallað er um hverfin og skipulag segir m.
a. um miðbæinn: „Miðbær Hafnar-
fjarðar er miðstöð opinberrar þjón-
ustu í Hafnarfirði og verður efldur
sem einn af helstu kjörnum verslunar,
þjónustu og menningar á höfuð-
borgarsvæðinu. Markmið skipulagsins
er að í miðbæ Hafnarfjarðar sé mikið
framboð verslunar og þjónustu og
þar sé líflegt mannlíf og menningar-
starfsemi sem laði að bæði íbúa og
ferðamenn.“
Verslun og þjónusta.
Nú vitum við öll að miðbærinn er
hvorki miðstöð opinberrar þjónustu
né einn af helstu kjörnum verslunar,
þjónustu og menningar á öllu höfuð-
borgarsvæðinu. Sýslumaður flutti á
Bæjarhraunið og ÁTVR mun flytja
úr Firði þannig að opinber þjónusta
fjarlægist miðbæinn sem er miður. Á
sama tíma hefur jákvæð þróun verið
t. d. á Strandgötu. Þar hafa vinsælar
verslanir með handverk og veitinga-
og kaffihús opnað og Víkingaþorpið
sem á engan sinn líka er þar starfrækt.
Allt er það góð þróun fyrir miðbæ-
inn. Einnig hafa nokkrar verslanir fest
sig í sessi í Firði sem á eftir að eflast
þegar fram líða stundir. Nýtt hús með
verslunarkjarna mun rísa fljótlega á
Strandgötunni aftan við Fjörð sem
mun styrkja starfsemi í miðbænum því
skortur er á góðu verslunarrými þar.
Skipulagið
Þó svo að umgjörð miðbæjarins sé
ein sú besta á landinu frá náttúrunnar
hendi ber skipulag miðbæjarkjarn-
ans þess ekki merki að svo sé. Því
miður hafa skammtímahagsmunir
oftar en ekki ráðið för í skipulaginu
þar sem stórar byggingar hafa orðið
fyrir valinu í stað lágreistar, þéttrar
og samfelldrar byggðar sem hefði
fallið betur að byggðinni í kring
með tilheyrandi þjónustu. Unnið er
að skipulagi svæða við miðbæinn þ.
á. m. á Dvergsreitnum þar sem gert
verður ráð fyrir húsum sem samsvara
sig að nærliggjandi byggð. Einnig
hefur svæðið frá Drafnarslippnum
að Flensborgarhöfn verið til umfjöll-
unar en mikilvægt er að skipulagið
þar byggi á þjónustumiðaðri byggð
þar sem við bæjarbúar og aðrir geti
notið handverks og veitinga í návist
við höfnina. Miðbær Hafnarfjarðar
hefur alla burði til þess að verða einn
af helstu kjörnum verslunar, þjónustu
og menningar á höfuðborgarsvæðinu.
Við Hafnfirðingar höfum tækifæri í
skipulaginu og þurfum að sameinast
um að byggja upp miðbæinn okkar
til framtíðar en ekki með skamm-
tímahagsmuni að leiðarljósi.
Höfundur er
Ó. Ingi Tómasson,
situr í skipulags- og byggingaráði
fyrir Sjálfstæðisflokkinn