Hafnarfjörður - Garðabær - 21.03.2014, Blaðsíða 6

21. mars 2014
Hver er fallegasti staðurinn á Íslandi?
Vestfirðir. Konan mín er frá Flateyri
þannig að ætli fallegustu konurnar
komi ekki þaðan líka.
En í Hafnarfirði?
Finnst alltaf gaman að koma í Hellis-
gerði en minn uppáhaldsstaður er klár-
lega Gaflaraleikhúsið.
Eftirlætis íþróttafélag?
KR (hef ekki alltaf búið í Hafnarfirði)
og Liverpool
Hvað áttu marga „vini“ á Facebook?
Eitthvað yfir 200
Uppáhaldstónlistarmaður eða tón-
listarstefna?
Hef alltaf verið mest fyrir þungarokk
og ætli Zakk Wylde og Dave Mustaine
séu ekki mínir menn þar. Hér heima
er það hljómsveitin Dimma sem heillar
mig mest þessa dagana.
Hvaða bók eða listaverk hefur haft
mest áhrif á þig og hvers vegna?
Tinnabókin Veldissproti Ottokars kon-
ungs. Þessi bók var til á sveitabæ þar
sem ég var í vist þegar ég var fimm ára
og mér fannst svo pirrandi að geta ekki
lesið hana að ég ákvað að læra að lesa
og var orðin fluglæs þegar ég byrjaði
í grunnskóla.
Hvert sækirðu afþreyingu?
Ætli það sé ekki sjónvarpið og þá helst
góðir þættir. Er núna að horfa á bresku
útgáfuna af Shameless. Síðan hef ég
alltaf lesið mikið en geri það mest-
megnis á iPadinum í seinni tíð þar
sem mér finnst rafbækur alger snilld.
Nóg að taka með sér eitt tæki hvert
sem maður fer í staðinn fyrir að troða
bókum í hvert skúmaskot í töskunni.
Síðan er netið í upplýsingaöflun hvort
sem það eru fréttir eða lærdómur.
Hvert var fyrsta starfið, og hvað
hefurðu tekið þér fyrir hendur fram
að þessu?
Fyrsta alvöru starfið mitt (fyrir utan
blaðaútburð) Var í fiskvinnslu í Ólafs-
vík þegar ég var 13-14 ára og var mest í
saltfisknum. Síðan var ég lagerstjóri hjá
Apple umboðinu sáluga. Síðan vann
ég í Hampiðjunni, Plastos og Kassa-
gerðinni áður en ég fór í Iðnskólann
Af hverju leiklist?
Þetta er gömul baktería sem tók sig
upp þegar Sædís Enja dóttir mín
ákvað þetta vildi hún gera í fram-
tíðinni. Ég setti mig í samband við
LH og fór á opin fund hjá þeim fyrir
nokkrum árum. Var svo beðin um
að koma í stjórnina og hef verið þar
síðan. Við Sædís lékum svo saman í
Fúsa froskagleypi sem var einstaklega
gaman og gaf okkur feðginunum tæki-
færi til að eyða góðum tíma saman í
sameiginlegu áhugamáli. Nú er yngsta
dóttirinn komin með þennan áhuga og
vonandi náum við öll að vera í sömu
sýningu í framtíðinni. Það eru ekki
mörg áhuagamál sem bjóða börnum
og foreldrum upp á að stunda það
saman.
Hvað er skemmtilegast við leik-
listina?
Það er þessi sköpun sem á sér stað í
leikhúsinu. Sem áhorfandi finnst mér
alltaf gaman að koma í salinn og sjá
sviðið uppsett en geta kannski ekki gert
mér grein fyrir hvaða tilgang hlutirnir
á sviðina hafa en sjá þetta svo allt lifna
við eftir því sem líður á sýninguna.
Síðan er einstaklega gaman að fá að
vera einhver annar í smástund og fá
að taka þátt í því að láta söguna lifna
við. Að leika níræðan fallbyssukóng
var td alveg frábær upplifun.
Ef þú værir ekki að vinna við það sem
þú gerir, hvað gerðir þú þá?
Myndi ekkert slá hendinni á móti því
að vera leikari.
Áttu þér fyrirmynd í leik eða starfi?
Held að börnin mín séu mínar fyrir-
myndir í dag.
Hvað er að þínu mati mikilvægast
fyrir Hafnarfjörð?
Að hafa nóg upp á að bjóða fyrir börn
og unglinga hvort sem það eru íþróttir,
leiklist, tónlist, myndlist eða eitthvað
annað. Þetta eru einfaldlega bestu
forvarnir sem hægt er að bjóða upp
á. Hafnarfjörður hefur sem betur fer
staðið sig með sóma hvað þetta varðar
þó að ég myndi vilja sjá meira lagt í
menningarhlutann í þessum málum.
Að því sögðu, hvað mættu bæjaryf-
irvöld gera betur?
Hvað okkur í leikfélaginu varðar
myndi ég vilja sjá framtíðarlausn í
húsnæðismálum félagsins og er ég
ekki í nokkrum vafa um að sú lausn
muni finnast og að við getum sett meiri
kraft í unglingastarfið hjá okkur og
haldið áfram að setja upp metnað-
arfullar sýningar sem bæjarbúar geti
verið stoltir af.
Hvaða stundir í lífinu eru gleðileg-
astar?
Góðu stundirnar ekki spurning.
Hvað finnst þér skemmtilegast að
gera?
Að fara í leikhús er í uppáhaldi hjá
fjölskyldunni og er dóttir mín nánast
með lögheimili í Gaflaraleikhúsinu þar
sem Leikfélag Hafnarfjarðar er með
aðstöðu.
Leiðinlegast?
Hvað gerir þú þegar þér leiðist eða
ekki í góðu skapi?
Reyni að finna mér eitthvað annað að
gera og það virkar oftast
Hvenær líður þér best?
Þegar ég geri eitthvað skemmtilegt,
hvort sem það er með fjölskyldunni,
í leikhúsinu eða að grúska í einhverju
tæknitengdu.
Hvað er framundan hjá Styrmi Bolla?
Nú um helgina ætla ég að sjá Hið
vikulega sem er nýtt verkefni hjá LH
sem nær yfir fjórar sýningarhelgar. Þar
munu handritshöfundar hafa viku til
að skrifa stuttverk sem leikararnir
hafa svo aðra viku til að æfa og setja
svið á laugardagskvöldi. Á meðan
eru höfundar að skrifa ný verk fyrir
næsta laugardagskvöld sem leikarar
fá afhent daginn eftir fyrstu sýningu
og svo gegnur þetta koll af kolli. Fyrir
þá sem vilja kynna sér þetta nánar má
fara inn á www.leikhaf.is Þar er einnig
hægt að skrá sig á póstlistann okkar til
að fá sendar tilkynningar um sýningar
og námskeið og svo erum við að sjálf-
sögðu á facebook.
Síðan fer ég á árshátíð Liverpool
klúbbsins á Íslandi þar sem sjálfur
Robbie Fowler verður heiðursgestur og
er bara nokkuð spenntur fyrir því líka.
Lífsmottó:
You'll Never Walk Alone.
6
Styrmir Bolli Kristjánsson:
Lærði að lesa á Tinnabók fimm ára gamall
Styrmir Bolli Kristjánsson prentsmiður og hönnuður hjá Prentun.is, býr í
Hafnarfirðinum ásamt konu sinni og hefur átt hér heimili í hátt í tveggja
áratuga skeið og lengi starfað í bænum. Hann hefur lengi verið virkur
í Leikfélagi Hafnarfjarðar og er meðal annars varaformaður félagsins
nú um stundir og heldur úti heimasíðu félagsins, www.leikhaf.is. Hann
á þrjár dætur, sem hann telur til sinna allra mestu sigra og fyrirmynda
ekki síður. Eftirlætis staðurinn hans í Hafnarfirði er Gaflaraleikhúsið, en
svo er hann líka „Poolari“ og finnst það ekki leiðinlegt hlutskipti þessa
dagana. Styrmir Bolli Kristjánsson er í yfirheyrslunni að þessu sinni.
styrmir Bolli hefur tekið að sér mörg hlutverk hjá Leikfélagi Hafnarfjarðar.
Hér má sjá hann í Fúsa froskagleypi.