Kópavogur - 21.11.2014, Page 10

10 21. Nóvember 2014
Víða stuðningur við tónlistarskólakennara í verkfalli:
„Ekkert annað en
ferlega hallærislegt“
„Ég lýsi frati á það skilningsleysi sem virðist ríkja gagnvart tónlistar-
kennurum; þeirri stétt sem hlúði að okkar frábæra tónlistarfólki í æsku og
á unglingsárum. Það er ekkert annað en ferlega hallærislegt að koma svona
fram og ég mun minnast þessarar framkomu þegar kosið verður í næstu
sveitastjórnarkosningum. Ég vona að fleiri séu sömu skoðunar,“ segir Jón
Ólafsson, tónlistarmaður um verkfall tónlistarkennara.
Á þriðja hundrað kennara
Tónlistarkennarar í Félagi tónlist-
arkennara hafa nú verið í verkfalli í
rúmar fjórar vikur og ekki sést enn
til lands í samningarviðræðum þeirra
við Samband sveitarfélaga. Nokkur
fjöldi tónlistarkennara í Kópavogi er
enn í verkfalli en þeir sem eru félagar
í FÍH eru við störf. Tugir eða jafnvel
á annað hundrað tónlistarkennara í
nágrannasveitarfélögunum eru einnig
í verkfalli og nemendurnir skipta þús-
undum. Ljóst er að verkfallið hefur
töluverð áhrif.
Mikil efnahagsleg áhrif
Ágúst Einarsson, prófessor og hag-
fræðingur, vann ítarlega skýrslu
um hagræn áhrif tónlistar á íslenskt
samfélag fyrir fáum misserum. Hann
hefur bent á að tónlist velti milljörðum
króna á ári hverju og veiti þúsundum
vinnu. Menningin sé drjúgur hluti af
landsframleiðslunni, um 4 prósent af
heildinni. Tónlistin skipti þar miklu
máli. Menningin vegi meira í lands-
framleiðslunni en öll veitustarfsemi
og „þrefalt meira en landbúnaður
annars vegar og ál- og kísiljárnfram-
leiðsla hins vegar“.
Landkynning
og gjaldeyrir
Fleiri taka í svipaðan streng um kjara-
deiluna og Jón Ólafsson. Grímur
Atlason, framkvæmdastjóri Airwaves
hátíðarinnar sem haldin var nýlega
er ómyrkur í máli: „Við Íslendingar
hömpum listamönnum ekki síst tón-
listarmönnum fyrir árangur þeirra á
erlendri grundu. Við tökum glöð við
gjöfunum sem þeir færa okkur í formi
þroska, gleði, ferðamanna, landkynn-
ingar og gjaldeyris. En okkur virðist
svona upp til hópa slétt sama um
hvort þeir hafi til hnífs eða skeiðar
eða hvort aðbúnaður þeim til handa
sé boðlegur,“ segir Grímur.
Til framtíðar geti þetta þýtt fábreytt
samfélag og gleðisnautt. „Við getum
ekki alltaf bara staðið upp fyrir stétt-
irnar hvers verkföll snerta okkur hér
og nú. Það er mikilvægt að halda
úti öflugu tónlistarskólastarfi. Það
skilar okkur menningu og betri bú-
setuskilyrðum. Það skilar okkur líka
alveg helling af peningum sem því
miður virðist vera það eina sem vekur
áhuga fjöldans. En við skulum fyrst og
fremst hafa þetta í huga: Sjálfsmynd
samfélaga koðnar niður þegar menn-
ingin hverfur,“ bætir hann við.
BLIKKÁS –
Smiðjuvegi 74 – Sími 515 8701
Nánari upplýsingar á www.funi.is
Úrval áhalda
fyrir eldstæði
FR
U
M
„Tónlist og
tónlistarnám
hefur marg-
vísleg jákvæð
áhrif. Þannig
hafa áhrif tón-
listarnáms á
ýmsa þætti hjá
ungmennum,
eins og einkunnir, reykingar,
áfengisneyslu og hassneyslu, verið
rannsökuð. Þessar rannsóknir hafa
leitt í ljós að þeir sem stunda tónlist-
arnám reykja miklu síður en aðrir
[…] Grunnskólanemar sem stunda
tónlistarnám reykja 60% minna en
aðrir […] Ungmenni sem stunda
tónlistarnám drekka 40% minna en
önnur ungmenni.“
- Einar Ágústsson, Hagræn áhrif
tónlistar, Háskólinn á Bifröst, 2012,
bls. 73
Einar Ágústsson.
Klukkan tifar
Sú spurning vaknar hvers vegna ekki
er hægt að semja, ef stór sveitarfélög
eða fyrirsvarsmenn þeirra kalla eftir
samningum, eins og dæmi eru um, en
það eru jú sveitarfélögin sem mynda
Samband sveitarfélaganna.
„Þú veltir fyrir þér hvernig það megi
vera, að þegar svo mörg sveitarfélög
og/eða stofnanir og kjörnir fulltrúar
þeirra taka heilshugar undir okkar
sanngjörnu kröfur um launaleið-
réttingu og að það sé eðlileg og réttmæt
krafa að við séum á sömu launum og
aðrir kennarar, eins og við vorum fyrir
efnahagshrunið, hvers vegna svo illa
gangi að semja,“ segir Sigrún Grendal,
formaður Félags tónlistarskólakennara
í skriflegu svari við fyrirspurn blaðsins.
„Við veltum þessari spurningu líka
fyrir okkur og þegar það eru meira en
ellefu mánuðir síðan viðræðuáætlun
var undirrituð milli aðila þá getum
við ekki annað en
túlkað það sem
svo að þeir sem
semja við okkur
hafi ekki umboð
til að semja við
okkur á sömu
nótum og aðra
kennara, að nú eigi að undanskilja
okkur meginsamningsmarkmiði
Sambands íslenskra sveitarfélaga
um jafnrétti í launasetningu,“ bætir
hún við.
Það undirstriki þetta að á öllum
þessum tíma, síðast á mánudag, hafi
tónlistarkennurum verið „stillt upp
andspænis kröfum sem við getum
ekki orðið við og öllum okkar hug-
myndum hefur verið ýtt út af borðinu.
Ef samningsborðið væri taflborð þá
er viðhöfð ákveðin þráskák og slíkt
myndu skákmenn varla leyfa sér í
tafli ef notuð væri klukka. Við erum
hins vegar í verkfalli og því getur það
þjónað öðrum markmiðum sveitar-
félaga að stilla okkur aftur og aftur
upp með þeim kröfum sem þeir vita
að við getum ekki orðið við, meðan
klukkan tifar.“
Ekki hefur náðst í Ingu Rún Ólafs-
dóttur, sviðsstjóra
kjarasviðs Sam-
bands sveitarfé-
laga, þrátt fyrir
ítrekaðar til-
raunir og hefur
hún ekki svarað
skilaboðum. Sigrún Grendal. Inga Rún Ólafsdóttir.
Jón ólafsson.
Grímur Atlason.
fotspor.is