Fréttir - Eyjafréttir - 30.04.1998, Síða 19
Fimmtudagur 30. aprfl 1998
Fréttir
19
Handboltinn: Magnús Bragason, formaður handknattleiksdeildar, gerir upp veturinn
Draumurinn að eiga topplið
einsoou skipað Eyjamönnum
Handboltinn var með slútt á
laugardaginn þar sem leikmenn
fengu viðurkenningar fyrir árang-
urinn og styrktaraðilum þakkaður
stuðningurinn á tímabili. Að því
tilefni var rætt við formann hand-
knattleiksdeildar.
Þegar blaðamaður FRÉTTA náði
tali af Magnúsi Bragasyni, formanni
handknattleiksdeildar, var að Ijúka
fundi hjá handknattleiksráði. Þeir sem
skipa ráðið, ásamt Magnúsi, eru:
Eyþór Harðarson gjaldkeri, Jóhann
Pétursson ritari, Viktor Ragnarsson,
Kári Vigfússon og Sigurður Rich-
ardsson meðstjómendur. En þegar
menn líta yfir farinn veg, eru menn þá
sáttir við árangurinn og eru menn
bjartsýnir á framhaldið?
„Ég held að ef að menn líta yfir
farinn veg, þá geta þeir ekki verið
annað en sáttir. Fyrir síðasta tímabil
missum við 5 menn, en fáum tvo í
staðinn. Okkur var spáð falli í deild-
inni, en við föllum út í 8-liða úrslitum
fyrir Fram og komumst í undanúrslit í
bikamum gegn Val. Þetta held ég að
sé alveg ásættanlegur árangur,” segir
Magnús. „ Einnig er vert að minnast
þess góða samstarfs, sem karla- og
kvennadeildimar í handbolta hafa átt í
vetur og einnig hafa engir meiriháttar
árekstrar verið á milli handknatt-
leiksdeildar og knattspymudeildar.
Þess ber þó að geta að þetta er fyrsta
árið sem nýja félagið er starfandi,
þannig að það er ekkert skrýtið þó að
einhverjir hagsmunaárekstrar séu, þar
sem allir eru jú auðvitað að passa sitt.
En ég er bjartsýnn á að þetta eigi eftir
að verða betra og betra með
tímanum.”
Tímamótasamningur
Hvemig hefur rekstur deildarinnar
gengið? „ Það er mjög ánægjulegt að
geta sagt að rekstur deildarinnar hefur
verið réttu megin við núllið síðustu
tvö ár, og á Eyþór gjaldkeri stærstan
heiðurinn að því. en hann hefur haldið
mjög vel utan um þau mál. í nóv-
ember var síðan gerður þriggja ára
samningur við Shell, sem er mikill
léttir fyrir reksturinn. Síðan munum
við sjá um sýninguna Vor í Eyjum,
sem fer fram seinni hlutann í maí.
Þannig að við erum með ýmis jám í
eldinum.” segir Magnús.
Leikmannamál
Magnús segir að enn eigi eftir að
hnýta nokkra hnúta, hvað varðar
leikmannamál fyrir næsta vetur, en
þeir vonist til að geta haldið sama hóp
og jafnvel bætt við einum til tveimur
leikmönnum. „Guðfinnur Krist-
mannsson og Haraldur Hannesson
verða áfram; Robertas er með
samning við ÍBV, en hann mun spila
með Litháen í Evrópukeppninni f
sumar, og ef hann fær mjög gott tilboð
frá einhverju atvinnumannaliði eftir þá
keppni, þá er möguleiki að hann fari,
en annars verðu hann áfram með
okkur. Davíð Hallgrímsson verður
Ifklega áfram. fer kannski í skóla.
Hinir ungu og efnilegu Ríkharð Þ.
Guðmundsson og Davíð Egilsson,
verða líklega áfram. En þetta eru
björtustu vonir ÍBV-liðsins. Það er
ekki frágengið með Svavar Vignisson,
en góðar líkur eru á að hann verði
áfram. ErlingurRichardsson, verður
bamapía í Reykjavík en spilar líklega
með IBV. Sigmari Þresti finnst hann
vera orðinn of gamall en aðrir vita
betur. Emil Andersen verður hér og
veriðeraðsemjaviðBelló. Sigurður
Bragason hefur ekki tekið ákvörðun
hvað varðar skólagöngu, en verður
vonandi hér. Hjörtur Hinriksson er að
klára skólann hér, en framhaldið er
óljóst. Amar Pétursson er samnings-
bundinn ÍBV, en það er enn óljóst
hvar hann mun spila næsta vetur. Að
lokum standa yftr viðræður við Þor-
berg Aðalsteinsson, um áframhaldandi
þjálfun,” sagði Magnús.
Hann segir að tveir erlendir
leikmenn séu inni í myndinni og það
hjálpar mikið til að Belló sé orðinn
íslenskur ríkisborgari. En þess má til
gamans geta að nú heitir Belló;
Zophanías Bragi Belánýi.
Sætur sigur á móti
Aftureldingu
En hvað var eftirminnilegast frá
nýafstöðnum vetri ?
„Innan vallar var það sæti sigurinn
á Aftureldingu á útivelli, í áttaliða
úrslitum bikarsins og það skemmti-
lega við það var að á sama tíma
tryggðu stelpumar sér einnig sæti í 4 -
liða úrslitum, með því að vinna
Hauka, líka á útivelli. Síðan áttum við
markahæsta mann deildarinnar og
besta markamanninn, sem var lfka
mjög ánægjulegt. Utan vallar var
eftirminnilegust sú nýbreytni hjá
hópnum að fyrsta sunnudag í aðventu.
fór allur hópurinn í kirkju. Astæðan
var sú að liðið var í lægð og í staðinn
fyrir að vera með grill eða halda
einhvern krísu fund, þá fóru menn
bara í kirkju. Þetta hafði góð áhrif á
mannskapinn og þess má til gamans
geta að af næstu 8 leikjum hjá liðinu,
þá tapaðist einn en 7 unnust,” sagði
Magnús. „Draumur okkar er
náttúrlega að vera eingöngu með
Eyjamenn í liðinu og vera jafnframt í
toppbaráttunni og að því stefnum við”,
sagði Magnús Bragason að lokum.
Eygló Kristinsdóttir, sem hér er ásamt Grími Guðnasyni eiginmanni sínum, er
að láta af störfum fyrir handboltann eftir 20 ára starf.
Zóphanías Bragi Belánýi skal hann heita
Markahæstu leikmenn meistarflokks voru Sandra Anulyte og Zoltán Belányi
sem verður íslenskur ríkisborgari á þessu ári. Hann hefur tekið sér nafnið
Zóphanías Bragi Belánýi. Braganafnið tekur hann til heiðurs Braga
Steingrímssyni, guðföður sínum.
Bestu leikmenn 2. flokks voru Guðbjörg Guðmannsdóttir og Ríkharð Þ. Guð-
mundsson.
Bestu leikmenn voru Ingibjörg Jónsdóttir og Sigmar Þröstur Óskarsson sem
varði flest skot í deildinni í vetur.
Krístján og ívar
meiddir
Kristján Georgsson og ívar Bjark-
lind, hjá meistaraflokki ÍBV í knatt-
spyrnu eiga við meiðsli að stríða.
Kristján fékk slæmt spark í leik
gegn Sindra frá Homafirði í síðustu
viku og fer hann í skoðun í vikunni.
Síðan var talið að fvar Bjarklind
hafi meiðst mjög illa í leik gegn
Val, en nú er komið í Ijós að meiðsli
hans voru ekki eins alvarleg og talið
var í fyrstu, en hann gæti samt sem
áður verið frá í tvær til þrjár vikur.
Jafntefli hjá ÍBV
Eyjamenn léku gegn Val í deildar-
bikamum í síðustu viku, en þess má
geta að Valur hefur á að skipa einu
grófasta liðinu á landinu. Leik-
menn ÍBV náðu ekki að sýna sitt
rétta andlit í þessum leik og endaði
leikurinn með jafntefli. 3-3. Mörk
ÍBV í leiknum skomðu þeir Stein-
grímur Jóhannesson, Kristinn Haf-
liðason og Sindri Grétarsson.
Sigur hjá stelpunum
IBV stelpumar gerðu góða ferð til
Reykjavíkur, þegar þær mættu
Haukum í deildarbikamum. Eyja-
stúlkur sigruðu leikinn, 4-7 og fór
Bryndís Jóhannesdóttir á kostum í
leiknum. Bryndís gerði 4 mörk.
Olga 2 og Hjördís 1. ÍBV á að spila
við Akranes á morgun og dugar
stelpunum jafntefli, til að komast í
4-liða úrslitin.
Bæjarins bestu sigr-
uðu í hópaleikinn
Nú liggja fyrir úrslitin í hópaleik
IBV. Bæjarins bestu unnu nokkuð
sannfærandi og em sigurlaunin ekki
af verri endanum, en það er ferð
fyrir tvo á leik í enska boltanum. í
öðru sæti var Don Revie og hljóta
þeir að launurn helgarferð til
Reykjavíkur. í þriðja sæti var síðan
ER en þeir fá mat fyrir tvo á
veitingastað hér í bæ. Þess má geta
að Mondrad-leiknum vinsæla er
ekki enn lokið.
Fimleikasýning
Fjáröflunarsýningfimleikafélagsins
Ránttr verður á laugardaginn 2. maí,
í íþróttamiðstöðinni. Sýningin hefst
kl. 13:00, frítt er inn og frjáls fram-
lögeru vel þegin.
Sigur á HK
Á þriðjudagskvöldið spiluðu HK
og ÍBV í 16-liða úrslitum deild-
arbikars karla. Leikurinn fór 6 - 2
fyrir okkar menn. Kristinn Lárusson
skoraði fjögur, Kristinn Hafliða eitt
og Hjalti Jóhannesar eitt. í átta liða
úrslitum mætir ÍBV annaðhvort
Tindastól eða KR og fara þau fram
á laugardaginn.
Leiörétting
í 14. tölublaði, þar sem sagt var frá
árangri félaga úr Ægi sem er
íþróttafélag fatlaðra, urðu þau
mistök að ekki var farið rétt með
árangur Sigríðar Þóm Ólafsdóttur.
Hið rétta er að Sigríður varð í 2.
sæti í 100 m fjórsundi kvenna, í 2.
sæti í 100 m bringusundi og í 4. sæti
í 50 m baksundi og 4. í 100 m
skriðsundi. Þórarinn Á. Jónsson
varð í 2. sæti í 50 m baksundi karla.