Fréttir - Eyjafréttir - 23.07.1998, Blaðsíða 6

6
Fréttir
Fimmtudagur 23. júlí 1998
Aukin biónusta
írið gæludýr í Eyjum
Aðstandendur Gufunnar, Jóhannes Egilsson, Guðmundur Kristinsson, Andrés
Berg Sigmarsson, Kristinn Týr Gunnarsson, Júlíus Ingason og Tryggui Már.
Sæmundsson.
Vestmannnaeyjaútvarpið Gufan
FM 104,7 hóf útsendingar í gær
klukkan 16:00. Þjóðhátíðarútvarp
hefur verið starfrækt fyrir og um
Þjóðhátíð í tíu ár þar af undir
Gufunafninu í sjö ár. Að sögn
þeirra sem standa að útvarpinu er
markmiðið með því að efla Þjóð-
hátíðarstemmningu með Eyja-
mönnum og tekur dagskráin mið af
því, enda fullyrða þeir að Þjóð-
hátíðin sé hafin að minnsta kosti
óformlega um leið og Gufan fer í
loftið.
Beinar útsendingar og öflug
dagskrárgerð verður frá klukkan 07:00
á inorgnanna til 01:00 eftir miðnætti,
en að næturlagi mun hljóma tónlist
undir stjóm Bínu fínu og Rögnvaldar
Random. „Við erum að tala um góða
tónlist og gluggatjöld,“ eins og einn
frumlegur dagskrárgerðarmaður Guf-
unnar orðaði það. „Við viljum reyna
að hafa dagskrána eins fjölbreytta og
kostur er, og viljum reyna að ná til
allra aldurshópa. Sérstaklega þó til
eldra fólks og í því augnamiði mun
Hafsteinn Guðfinnsson verða með
þátt þar sent Eyjalögin verða spiluð,
en þau verða þó að sjálfsögðu spiluð á
öðrum tímum líka.“
I gær voru þeir í beinu sambandi
við fréttaritara sinn í Júgóslavíu sent
var með beina lýsingu frá leik ÍBV og
FK Obilik í Meistarakeppni Evrópu.
Meðal fastra dagskrárliða má telja
hinn magnaða þátt Þjóðhátíðarspjall,
sem mun verða í loftinu milli klukkan
14:00 og 16:00, en þar mun verða
spjallað við þekkta Vestmannaeyinga.
A morgnana munu koma í hljóðver,
ekki óknáari menn en Gaui Bæjó, Jói
á Hólnum, Hildur Oddgeirs, Gummi
Þ.B., Biggi Gauja og Silli og margir
fleiri. Að sjálfsögðu verða dagskrár-
gerðarmenn lika í stöðugu sambandi
við skemmtikrafta Þjóðhátíðar. Á
sunnudaginn mun skríbentinn og
fjölmiðlavinurinn Þorsteinn Gunnars-
son stjóma Þjóðhátíðarspjallinu og fá
til sín leika og lærða, og spila
Eyjalögin með stæl.
Gufan FM 104,7 verður einnig með
dagskrána á Intemetinu og hægt að
nálgast upplýsingar um útvarpið á
heimasíðu Þjóðhátíðar: http://eyjar,-
is/eyjar 1998/
Þeir Gufumenn segja að Sigurður
Einarsson hafi lánað þeim húsnæði
undir starfsemina endurgjaldslaust af
sinni alkunnu mildi og vilja þeir
félagamir koma á sérstöku þakklæti til
hans fyrir það. „Græjurnar eru hins
vegar héðan og þaðan og fullnægja
þeim kröfum sem nauðsynlegar em til
að skapa skemmtilegt og fjölbreytt
útvarp fyrir Vestamannaeyinga."
Rekstur Útvarps Gufunnar FM
104,7 er byggður upp á styrkjum en án
þeirra segja Gufumenn að téð ljós-
vakaviðleitni væri ekki fram-
kvæmanleg. Einnig munu þeir bjóða
fyrirtækjum að auglýsa á Gufunni.
Gufumenn vilja koma miklu og
þægilegu þakklæti til allra þeirra sem
ljáð hafa Gufunni lið með styrkjum og
annari viðleitni til eflingar útvarpi
Þjóðhátíðar.
Þeir sem standa að Gufunni FM
104,7 og sjá munu um dagskrárgerð
eru: Kristinn Týr Gunnarsson, Júlíus
Geir Ingason, Jóhannes Egilsson,
Guðmundur Kristinsson, Tryggvi
Már Sæmundsson, Andrés Sigmars-
son, Sigurður Oli Hauksson, Frosti
Gíslason. Fríða Hrönn Halldórsdóttir.
Emil Magnússon, Guðmundur L.
Þorvaldsson, Jónatan Guðbrandsson,
Jón Helgi Erlingsson, Viktor
Ragnarsson, Kristinn Þór Jóhann-
esson, Stefán Jónasson og sfðast en
ekki síst Geir „FmmGUFUkvöðull"
Reynisson.
Útsendingarsími Gufunnar er 481 -
1102 og auglýsingasímar: 481-1103
og 481-1104.
Komið hefur verið upp aðstöðu
fyrir dýralækni í Vestmanna-
eyjum. Aðstaðan er í gamla lík-
húsinu, Villunni, en hluti neðri
hæðarinnar hefur verið tekinn
undir þessa starfsemi. Það er
Dýralæknaþjónusta Suðurlands
sem mun sjá unt þjónustuna og
standa straum af kostanði við hana,
en bæjaryfirvöld í Vestmanna-
eyjum útveguðu húsnæðið og sjá
um rekstur þess.
Páll Stefánsson framkvæmdastjóri
Dýralæknaþjóustu Suðrulands segir
að frant að þessu haft aðstöðuleysi
hamlað mjög dýralæknaþjónustu í
Vestmannaeyjum. „Með auknum
kröfum unt hreinlæti og fjölgun
gæludýra var nauðsynlegt að koma
upp þessari þjónustu. Þetta er eitt
herbergi sem við fáum, þar sem sett
var upp handlaug, skápar og borð til
skoðunar.“
Páll segir að reyndar sé ekki mikið
unt bráðaútköll. „Mig minnir að það
hati komið upp eitt tilfelli í vor. En að
mestu snýst þetta um þjónustu við
gæludýraeigendur, eins og bólusetn-
ingar, geldingar ög það sem til fellur.“
Páll segir að meiningin sé að vera
hér einu sinni í mánuði, en þó muni
eftirspum einnig ráða tíðni þjón-
ustunnar við Eyjar. „Við vorum tvo
daga síðast, en einu sinni til tvisvar í
mánuði ætti að fullnægja eftirspum.
Það er alltaf að aukast gæludýraeign
og áður en þessi aðstaða kom til
vorum við að leysa ýmis vandamál í
gegnum sínta sem var allsendis
ófullnægjandi."
Það eru fimm dýralæknar starfandi
hjá Dýralæknaþjónustu Suðurlands og
Páll segir að nauðsynlegt sé að koma
þessari þjónustu í fastar skorður.
„Dýralæknir mun næst verða í Eyjum
miðvikudaginn 12. ágúst og 2.
september og sfmanúmerið hjá
Dýralæknaþjónustu Suðurlands er
482-3060.
Keikómenn ánægðir með dvölina í Eyjum
Þeini fer fjölgandi Bandaríkja-
mönnunum sem hingað koma
vegna komu Keikós í september.
Þeir staldra misjafnlega lengi við.
Fréttir ræddu við tvo þeirra sem
vinna að samsetningu kvíarinnar.
Michael Parks er einn þeirra sem
vinnur við samsetningu kvíarinnar
fyrir Keikó. Hann hefur unnið mikið
við samsetningu á kvíum í Alaska og
Karíbahafinu. Hann er frá Alaska og
segir að Vestmannaeyjar minni
nokkuð á eyjaklasa úti fyrir ströndum
Alaska. „Að vísu er dýralífið með
nokkuð öðrunt hætti en hér, en samt
sem áður þá er dagsbirtan svipuð.
Staðurinn sem ég kem frá er á 58°
norðlægrar breiddar en Vestmanna-
eyjar á 67° norðlægrar breiddar."
Michael segist ekki hafa getað farið
rnikið um Heimaey vegna þess
hversu mikið sé að gera. „Maður
bíður eftir því að komast á rétt ról og
helgarfrí til þess að getað skoðað sig
eitthvað sig um. Það er svo mikið að
gera þannig að maður hefur engan
tfma til þess að láta sér leiðast. Það
væri gamán að geta rölt í búðir í góða
veðrinu, eða kannski hjólað. Jim
hvatti mig til þess að hafa með mér
hjól og ég gerði það. Ég hef samt
talað við nokkra Eyjamenn og mér
virðast þeir mjög vingjamlegir og
ekkert mikið uppteknir af þessum
framkvæmdum, þó að fólk renni
hingað til þess að líta á hvemig verk-
inu miðar."
Michael á fjölskyldu í Alaska,
vinkonu og þriggja ára son. „Við
fórum til Oregon einu sinni til þess að
heimsækja Keikó og sonur minn varð
mjög hrifinn. Það var ekki nema
glerþykktin á milli þeirra og honum
þótti þetta mikil upplifun."
Ertu sjálfur hriftnn af hvölum?
„Já mér líka þeir ágætlega. Keikó
er frábært tækifæri fyrir ungt fólk til
að læra og tileinka sér ný viðhorf og
fræðast um á náttúruna. Þetta verður
vonandi grunnur að nýjum hugs-
unarhætti fyrir fólk um allan heim.“
Verður þú hérna áfram eftir að kvíin
er klár og Keikó mættur á svæðið?
„Nei ekki geri ég ráð fyrir því. Ég
er bara héma til þess að setja kvína
saman, en það er nú ekki gott að segja
enn þá hversu langan tíma það tekur.
En allt gengur samkvæmt áætlun
núna,“ segir Michael að lokum.
Vestmannaeyingar úrræðagóðir
Paul Gordon er verkstjóri við
samsetningu kvíarinnar á vegum
Strait Mooring Intemational Inc.
Hann er frá New Brunswick í
Kanada. Hann segir Vestmanna-
eyinga mjög góða í viðkynningu,
bæði vingjamlega og hjálpsama.
Einnig eru þeir klárir og út-
sjónarsamir við að redda hlutunum ef
eitthvað vantar. „Náttúran er líka
alveg einstök og mjög hreinlegt og
snyrtilegt hér og veðrið leikur við
mann.“
Fyrirtækið Strait Mooring sem
Paul vinnur hjá er með starfsemi út
um allan heim. „Þetta er frekar ungt
fyrirtæki eða fjögurra ára. Það hefur
tekið að sér stærri verkefni en kvína
hans Keikós, en hún er samt
heilmikið fyrirtæki.“
Hvað em margir rnenn héma á
vegum Strait Mooring?
„Við erum fjórir og þar af einn
kafari. Við reynum að halda okkur
við efnið, svo allt verði tilbúið í tæka
tíð.“
Hann segir að þeir muni fara þegar
samsetningu kvíarinnar er lokið, en
menn frá fyrirtækinu ntuni þó koma
hingað til þess að fylgjast með
hvemig kvínni reiðir af með Keikó
innan borðs. En heldur Paul að Keikó
hafi nóg pláss í kvínni?
„Já ég hef engar áhyggjur af því.
Mér skilst að þessi kví sé líka stærri
heldur en það aðsetur sem Keikó
hefur núna til umráða.“
MichaelLv.ogPauler
ánægðirmeðallar
aðstæðurogveru
sínaíEyjum.
Barcelona - Benidorm - Costa del Sol - Heimsferðir, umboð í Eyjum - Straumur s. 481-1119