Fréttir - Eyjafréttir - 08.06.2000, Blaðsíða 12

12
Fréttir
Fimmtudagur 8. júní 2000
Fréttirtaka púlsinn á nokkrum nemendum s(
Laugardaginn 20.
maí sl. útskrifuð-
ust nemendur frá
Framhalds-
skólanum í
Vestmannaeyjum.
Fimmtán stúd-
entar útskrifuðust
auk þess sem
tveir útskrifuðust
af 2. stigi vél-
stjórnarbrautar,
fjórir af sjúkra-
liðabraut og þrír
af grunndeild
rafiðna. Fréttir
reyndu að ná í
nokkra útskrift-
arnema til þess
að kanna hvernig
þeim líkaði námið
og hvaða stefnu
ætti að taka í
framtíðinni í
framhaldi af
útskrift.
Sigríður Gísladóttir útskrífaðist af sjúkraliðabraut
Að læra að læra
Sigríður Gísladóttir útskrifaðist af
sjúkraliðabraut, en hún hefur
stundað námið síðan 1995.
Hún segist hafa byrjað námið í
rólegheitum, enda með fjölskyldu og
hún þess vegna ekki getað sinnt
náminu af fullum krafti af þeim
sökum. „Ég hef aukið við námið
smátt og smátt,“ sagði Sigríður. „En
það var frekar erfitt að byija í náminu.
Eiginlega varð ég að byrja á því að
læra að læra, en svo kom þetta hægt
og rólega, en síðasta önnin var nú
frekar létt, því ég var bara í einu fagi.“
Sigríður segir að námið haft verið
erfítt en líka gaman. „Það gat verið
erfitt í fyrstu vegna þess að ég var
með miklu yngra fólki, þó ég haft nú
ekki verið í tímum með eigin bami.
Mér fmnst starfið eiga allvel við mig,
því ég hef alltaf viljað hjálpa öðmm.
Starf sjúkraliðans getur samt verið
erfitt jafnt andlega sem líkamlega, en
ég hef ekkert verið að láta það á mig
fá. Ég var búin að stefna að þessu
námi, svo það þýddi ekkert að hætta
við og er mjög kát og glöð með að
þetta er búið.“
Sigríður segist hafa byijað að vinna
á Heilbrigðisstofnuninni í Vest-
mannaeyjum við afleysingar á skipti-
borðinu. „Ég byrjaði svo að vinna við
aðhlynningu og síðan sem sjúkra-
liðanemi og er búin með 9 vikur af 16
vikna verklegu námi til þess að fá íúll
réttindi. I sumar mun ég svo starfa á
æðaskurðlækningadeild Landsspítal-
ans í Fossvogi og kjára þessa tíma til
að fá full réttindi. Ég er líka búin að
sækja um starf á Heilbrigðis-
stofnuninni í haust, en hef ekki fengið
staðfestingu á vinnu þar. En ég vonast
til að fá vinnu og stefni að því að
starfa við þetta í framtíðinni, þrátt
fyrir að launin séu kannski ekkert til
þess að hrópa húrra fyrir.“
LÓA Skarphéðinsdóttir aðalkennari á sjúkraliðabraut, ásamt Ástu Gústafsdóttur, Elsu Gunnarsdóttur
og Sigríði sem útskrifðust í vor.
Harpa Sigmarsdóttir útskrifaðist af tveimur brautum á stúdentsprófi:
Leið frá verslunarstörfunum
Harpa Sigmarsdóttir útskrifaðist
af félagsfræðibraut og náttúru-
fræðibraut nú í vor. Hún segist
hafa byrjað í skólanum árið 1994,
en hætti í skólaunum vorið 1995.
Hún tók sér frí frá námi til 1997,
þegar hún ákvað að byrja aftur.
„Eg hætti vorið 1995 vegna þess að
mér gekk ekki vel og hafði engan
áhuga á námi," sagði Harpa. „Eg
fór þá að vinna í Vöruvali og í
rauninni bjóst ég ekki við að byrja
aftur í námi, en ég sá svo að vinna í
búð var ekki það sem ég vildi, svo
ég byrjaði aftur 1997 og sé ekki
eftir því.“
Þegar Harpa byrjaði nám í fyrra
skiptið sagðist hún hafa byrjað á
félagsfræðibraut og hélt sig við
hana þar til húnfór í náms-
kynningu hjá HI siðasta vor sá
hún að hugurinn stefndi frekar á
raungreinar í Háskólanum en þá
yrði hún að útskrifast af náttúru-
fræðibraut. Hún átti að útskrifast
um síðustu jól af félagsfræðibraut,
af bæði sálfræði- og félagsfræði-
línu. Átti hún eftir fimm fög en
Harpa sá að með því að bæta við
sig tíu fögum og lengja námið um
eina önn gæti hún útskrifast af
náttúrufræðibraut.
Harpa er gift Baldvin Þór
Svavarssyni og eiga þau eina
dóttur, Valdísi Báru sem er
fjögurra ára. Harpa segir enn
fremur að námið hafi gengið mjög
vel þrátt fyrir að hún væri móðir
og sæi um heimili „Kennararnir
voru mjög liðlegir og tóku tillit til
þess. Hins vegar tók ég ekki neinn
þátt í félagsh'finu utan við hefð-
bundin skóladag, enda var ég líka
eldri en samnemendur rnínir. Hins
vegar náðum við mjög vel saman í
náminu og ég á góða vini og
minningar úr því.“
En hvað ætlar Harpa nú þegar
hún hefur lokið stúdentsprófinu?
„Maðurinn minn útskrifaðist í
fyrra af náttúrufræðibraut og
hann ætlar að fara í tölvunarfræði
í Háskólanum, en ég ætla í
umhverfis- og byggingaverkfræði.
Eg fer í fræðilínu sem tekur þrjú
ár sem lýkur með BS-prófi. Þá
tekur við meistaranám í
byggingaverkfræði sem tekur tvö
ár. Eg tek öll fimm árin í HI en mig
langar samt að taka tvö síðustu
árinútiefég get. Ég hlakka til að
byrja en kvíði því dálítið líka, en
þetta er það sem mig langar til og
þess vegna held ég ótrauð áfram.“
HARPA er gift Baldvin Þór
Svavarssyni og eiga þau eina
dóttur, Valdísi Báru sem er
fjögurra ára.