Fréttir - Eyjafréttir - 19.06.2003, Blaðsíða 7

Frcttif / Fimmtudagur 19.júní2003
7
Frestaði afgreiðslu á
girðingarmáli
landnytjanefndar
Landnytjanefnd fundaði þann 5. júní
sl. þar sem m.a. var samþykkt að beita
Dalfjall og að girðingin standi á sama
stað og verið hefur. Einnig mælti
nefndin með í öðru máli á dagskrá að
bærinn leggi til girðingarefni og að
landnotendur sjái um uppsetningu. Að
viðhald verði í höndum bæjarins og
tekið verði hóflegt leigugjald fyrir
afnot af landinu. Tekið skal tillit til
ífamlags landnotanda við uppsetningu
girðingar. Sömu reglur skulu gilda um
önnur almenn beitarsvæði en taka skal
tillit til aðstæðna á hverjum stað.
Bæjarráð frestaði öðru máli en
samþykkti fundargerðina að öðru
leyti.
Sigurður Friðriksson og Sigurjón
Ingvarsson sendu landnytjanefnd bréf
varðandi lundaveiði í Stórhöfða þar
sem þeir fara fram á að fá að aflífa
lunda í Stórhöfða. Nefndin var
samþykk erindinu svo fremi sem
hefðbundnar veiðiaðferðir verði
notaðar, þ.e. háfur. Nefndin felur
ritara að komast að samkomulagi við
Veiðifélag Stórhöfða.
2 milljónir í vegbætur í
Dalnum
Vestmannaeyjabær hefur úthlutað
tveimur milljónum úr sjóðum Vega-
gerðarinnar til endurbóta á vegi í
Herjólfsdal. Verður hann greiddur út
eftir að framkvæmdum er lokið eða
þeim að ljúka og fulltrúi Vegagerð-
arinnar hefúr tekið verkið út.
Guðfinnur Þár Balsscn, farstöðLmaður Iferjólfe í Brfuti - Boðar hre/tingar á bókunarkEsrfi
Staðfesta þarf bókun fyrir bíl með greiðslu
Þarf hun að hafa borist fyrir hádegi dagim áður
-KONAN las það á Eyjafréttum að fbúum hafði fjölgað um fjóra frá 1. desember sl. og hún hringdi í mig og spurði
hvort það gæti verið við en það er víst ekki hægt að segja það þar sem Björgvin flutti burt með fjölskyldu sinni
sem telur einnig fjóra, segir Guðnnnur sem segir að fjölskyldu sinni líði vel í Eyjum og vel hafi verið tekið á móti
þeim hér.
Það mæðir mikið á for-
stöðumanni Samskipa í Vest-
mannaeyjum þessa dagana
enda er Herjólfur, þjóðvegur
Vestmannaeyinga milli lands
og Eyja, undir hans umsjón.
Guðfinnur Þór Pálsson gegnir
því starfi og tók hann við því
af Björgvin Arnaldssyni sem
flutti til Englands. Guðfinnur
er borinn og barnfæddur
Reykvíkingur eins og hann
orðar það sjálfur en flutti til
Eyja ásamt konu sinni og
tveimur börnum um síðustu
áramót.
„Konan las það á Eyjafréttum að
íbúum hafði fjölgað um fjóra frá 1.
desember sl. og hún hringdi í mig og
spurði hvort það gæti verið við en það
er víst ekki hægt að segja það þar sem
Björgvin flutti burt með fjölskyldu
sinni sem telur einnig fjóra,“ segir
Guðfmnur sem segir að fjölskyldu
sinni líði vel í Eyjum og vel hafi verið
tekið á móti þeim hér. „Þetta hafa
verið mikil viðbrigði fyrir okkur þar
sem við bjuggum í Reykjavík, sam-
félagið héma er rólegt, ólfkt því sem
við kynntumst í Reykjavrk, hér er
engin fösmdagsstreita eins og í
Reykjavík þar sem fólk er að fara á
límingunum yfir engu,“ sagði Guð-
finnur og bætti við að hans reynsla
væri sú að Eyjamenn tækju vel á móti
aðkomufólki.
Ekki ERFITT AÐ KOMAST UM
HELGAR
Guðfinnur sagði að rekstur Heijólfs
gangi þokkalega og þeir væru sæmi-
lega sáttir. „Farþegafjöldi hefur staðið
nokkurn veginn í stað fyrstu mánuði
ársins miðað við í fyrra en það ber að
hafa í huga að mikil Ijölgun varð bæði
árið 2001 og 2002. Við gerðum ráð
fyrir tveggja prósenta fjölgun og hefúr
það staðist nokkum veginn."
Guðfinnur sagði það að öllu jöfnu
ekki rétt að erfítt sé að komast hingað
um helgar. „Það em vissir álags-
punktar eins og t.d. í kringum peyja-,
pæjumót og Þjóðhátíð og í ár bætist
goslokahelgin þar við. I kringum
þessar helgar er vissulega erfiðara en
ella að komast en þó hægt enda er enn
laust pláss í kringum goslokahátíðina
til dæmis. Fólk miðar oft við að ef
fullt er á bfladekkið, þá hljóti skipið að
vera fullt. Þetta er langt Irá því að vera
reyndin, það er enn pláss íyrir farþega
í kringum þessar helgar."
PANTA EN MÆTA EKKI
Guðfmnur sagði að bókanir stæðust
oft ekki og því miður væru dæmi um
það að fólk sé að panta ferðir fram og
til baka yfir nokkrar helgar, bara til
öryggis. „Þetta er vandamál og gott
dæmi um þetta kom upp í síðustu
viku, þá var búið að vera fullbókað á
bfladekkið í margar vikur og margir
búnir að fá það svar þegar þeir ætluðu
að bóka en svo þegar til kom var pláss
fyrir níu bfla. Þetta er náttúrulega
eitthvað sem gengur ekki upp,“ sagði
Guðftnnur og bætti við að nú væri
verið að vinna að því að breyta
bókunarkerfi Herjólfs þannig að fólk
þurfi að staðfesta bókun degi fyrir
brottför með greiðslu.
„Þetta á einungis við um bfla og er
ætlunin að þeir sem ekki hafa gengið
frá pöntun sinni um hádegi daginn
fyrir brottför detti út og eins ætlum við
að koma upp biðlistakerfi þannig að
bflar detta þá inn með ágætis fyrir-
vara. Með þessu teljum við að
þjónustan við Eyjamenn og reyndar
alla landsmenn lagist. Þetta ætti að
verða til þess að bókunarmynstrið
breytist þannig að fólk geti aftur tekið
skyndiákvarðanir um að fara án þess
að allt sé fullt af pöntunum sem aldrei
stóð til að nota.“
Guðfinnur sagði að fjölmargir
hefðu komið að máli við sig vegna
þessa vandamáls og sagði hann
greinilegt að Eyjamenn létu málefni
Herjólfs ekki fram hjá sér fara og allir
hefðu skoðanir á skipinu. „Enda er
það ekkert óeðlilegt þar sem Heijólfur
ber þungann af samgöngum við Vest-
mannaeyjar.“
VEGAGERÐIN TEKUR
ÁKVARÐANIR
Þegar rætt var við Guðfinn um þá
kröfu sem hávær hefur verið að
Herjólfur sigli næturferðir með gáma
til þess að skapa meira pláss á bfla-
dekkinu segir hann það vissulega vera
eina leið til þess að takast á við
vandamálið en hann hefur sínar
efasemdir um að sú leið virki. „í fljótu
bragði sé ég ákveðna vankanta á þessu
og ég veit til þess að viðskiptavinir
okkar eru ekkert sérstaklega spenntir
fyrir þessu. Eins verður að líta á það
hvemig það hentar flutningsaðilum.
En þegar öllu er á botninn hvolft er
þetta ekki endanleg ákvörðun okkar,
Vegagerðin tekur ákvarðanir um allar
breytingar og þetta er bara samnings-
atriði á milli aðila. „Síðasta hálfa árið
hefur umræðan um Herjólf verið
heldur róleg, alla vega miðað við um-
ræðuna á síðasta ári,“ og segir
Guðfmnur umræðuna ekki hafa komið
sér á óvart. „Eg var búinn að heyra af
þeirri miklu umræðu sem hér var en
ákvað strax með sjálfum mér að horfa
fram á veginn og ekki vera í ein-
hverjum sagnfræðirannsóknum.“
Þreifa FYRIR SÉR MEÐ BÓKANIR
Á Netinu
Nýtt hjá Samskipum hefur verið bók-
anir á netinu, þetta hefur ekki verið
mikið auglýst enda segir Guðfinnur
kerfið enn í þróun. „Við höfum ekki
viljað auglýsa þetta mikið enda verður
svona kerfi að virka algjörlega. í dag
er einungis hægt að panta fyrir
farþega, ekki bfla og ekki kojur. Ekki
er heldur hægt að borga með eining-
um sem kemur sér afar illa fyrir þá
sem mest ferðast með skipinu. í
íramtíðinni verður þetta kerfi lagað að
þessum kröfum."
Það ER AFGREIÐSLA í
Reykjavík
Annað sem hefur kannski lítið verið
auglýst er afgreiðsla fyrir Herjólf í
höfuðborginni. „Það er afgreiðsla fyrir
Herjólf hjá Landflutningum í Reykja-
vík, að Skútuvogi 8 og er það
aðalsölustaðurinn í Reykjavík. Þar er
opið frá 9.00 - 17.00 alla virka daga
nema á föstudögum en þá er opið 9.00
til 16.00. Þar er hægt að ganga ffá öllu
og eins er hluti af símaþjónustu okkar
þar þannig að á álagstímum flytjast
símtöl frá afgreiðslu okkar hér í
Eyjum þangað. Við höfum nýlega
bætt við fólki til þess að sinna þessu í
Reykjavík.“
Guðfinnur upplýsti í lokin um þær
aukaferðir sem ákveðnar hafa verið
þegar álag verður mest í sumar. „Það
verður ein aukaferð í kringum Shell-
mót, um er að ræða kvöldferð sunnu-
daginn 29. júní og verður brottför
héðan klukkan ellefu. Einnig verður
farin kvöldferð goslokahelgina,
sunnudaginn 6. júlí og aftur verður
farið af stað frá Eyjum klukkan ellefu.
Næturferð er svo fyrirhuguð aðfara-
nótt þriðjudags eftir Þjóðhátíð og er
brottför héðan klukkan eitt eftir
miðnætti." Hann vildi að lokum
hvetja þá sem enn hafa ekki pantað og
jafnvel halda að fullbókað sé að hafa
samband. „Það er ekkert því til
fyrirstöðu að fólk komist til Eyja í
kringum goslokin, það er nóg pláss
fyrir farþega í Heijólfi, ég get ekki
lofað fari fyrir bflinn en hér er rekin
góð leigubflaþjónusta sem hægt er að
nýta og eins og veðrið hefur verið, þá
ættu gönguferðir að vera vel inn í
myndinni," sagði Guðfinnur að
lokum.
Vilja fá svör frá Guðjóni vegna Ofanbyggjara
Gatnagerðargjöld Ofanbyggjara vom
aftur til umræðu í bæjarráði á mánu-
dag en eins og greint var frá í Fréttum
í síðustu viku sendi Ámi Johnsen
íýrrverandi alþingismaður bréf úl for-
manns ráðsins, Guðrúnar Erlings-
dóttur fyrir hönd Ofanbyggjara þar
sem hann fór fram á að gatnagerð-
argjöld yrðu felld niður á svæðinu.
Jóhann Pétursson lögfræðingur
skilaði greinargerð vegna málsins og
var hún tekin fyrir á fundi bæjarráðs á
mánudag. Þar kemur fram að
álagningarheimild á fasteignir vegna
B gatnagerðagjalda varð til þegar að
framkvæmdum vegna bundins slit-
lags lauk um vorið 1994. Heimildin
varði í fimm ár og lauk því um vorið
1999. Eftir það var ekki hægt að
leggja gatnagerðagjald á eigendur
fasteigna sem vom til þegar að
slitlagið var sett á.
Ný lög tóku gildi árið 1997 sem
heimila sveitafélögum að leggja
gatnagerðagjöld á úthlutaðar lóðir og
byggingarleyfi sem og stækkanir við
eldri hús eftir að lögin tóku gildi. Ef
um slík tilvik er að ræða við Ofan-
leitisveg þá er hægt að leggja gatna-
gerðargjöld á þær eignir samkvæmt
nýju lögunum. Jóhann bendir sér-
staklega á það að engin tengsl em á
milli gatnagerðar við viðkomandi
götu sem fasteign er við og álagningu
gatnagerðagjaldanna eins og var
samkvæmt eldri lögum.
Gatnagerðagjöld samkvæmt nýju
lögunum em aðeins lögð á einu sinni,
þ.e. þegar lóð er úthlutað eða bygg-
ingarleyfi fæst og skiptir engu máli
hvort gatnagerðarframkvæmdum sé
lokið eða þær yfirleitt hafnar við
viðkomandi götu.
Bæjarráð frestaði málinu þar sem
ekki lágu fyrir svör Guðjóns Hjör-
leifssonar fyrrverandi bæjarstjóra og
ítrekaði ráðið að þau svör liggi íýrir á
næsta fundi bæjarráðs.
Selma Ragnarsdóttir (D) bókaði
þá. „ Öll gögn liggja nú þegar fyrir í
málinu og bæjaryfirvöldum því
ekkert að vanbúnaði að gæta hags-
muna Vestmannaeyjabæjar."
Guðrún Erlingsdóttir og Stefán
Jónasson (V) ítrekuðu þá í bókun að
svör íýrrverandi bæjarstjóra liggi ekki
fyrir. „Og er það nú í hans höndum
hvenær Vestmannaeyjabær fær
tækifæri til þess að gæta hagsmuna
bæjarins. ítrekum við því enn og aftur
að skrifleg svör liggi fyrir í síðasta
lagi 23. júní nk.“