Fréttir - Eyjafréttir - 30.12.2003, Blaðsíða 2

2
Fréttir / Þriðjudagur 30. desember 2003
Vinabæjar-
sambandið
við Götu
Andrés Sigmundsson, formaður
bæjarráðs, lagði fyrir ráðið bréf vegna
vinabæjarsamskipta milli Vestmanna-
eyjabæjar og Götu kommunu í
Færeyjum.
Þar kemur Andrés inn á ferð sína til
Færeyja síðasta sumar þar sem hann
fór sem fulltrúi Vestmannaeyjabæjar
til að stofna formlega til vinarbæjar-
sambands. Fór hann ásamt konu sinni
með hópi Kiwanismanna úr Eyjum
sem hafði áður undirbúið ferðina til að
afhenda stóra eftirlíkingu af fótbolta
sambærilegum og er hér við Hásteins-
völl.
Skrifað var undir samkomulag um
vinabæjarsamband sunnudaginn 15.
júní og kom það í hlut Andrésar og
Halldóru Ranghamar bæjarstjóra
Götu. Upplýsti Andrés einnig í
bréfinu að það hafi verið samkomulag
á milli þeirra að Eyjamenn listuðu upp
félög og samtök í bænum sem með
starfsemi sinni gætu eflt og styrkt
samstarf og vináttu á milli bæjar-
félaganna.
Guðmundur Þ.B. Ólafsson íþrótta-
fulltrúi vann listann og var hann
lagður fram ásamt bréfi Andrésar.
Fjárhagsáætl-
un í lok janúar
Samþykkt var á fundi bæjarráðs 22.
desember sl. að nefndir á vegum
bæjarins skulu skila tillögum sínum
vegna íjárhagsáætlunar fyrir næsta ár
fyrir 18. janúar. Fór fjárhagsáætlun í
gegnum fyrri umræðu í bæjarstjóm
18. desember sl. Má því búast við að
áætlunin verði afgreidd úr bæjarstjóm
í lok janúar eða byijun febrúar.
Styrkja áramótaball
Körfuknattleiksdeild ÍV sendi
bæjarráði tölvupóst í síðustu viku þar
sem farið er fram á 150 þúsund króna
styrk til að halda áramótadansleik
fyrir 16 til 18 ára unglinga eins og
samþykkt var á síðasta ári. Bæjarráð
samþykkti erindið.
Fjárhagsáætlun Vestmannaeyja fyrir árið 2004:
Heildartekjur 1.470 milljónir króna
-Gjöld verða 1.382 milljónir - Laun og launatengd gjöld eru 855,6 milljónir eða um 58% af útgjöldum - Vöm- og þjón-
ustukaup eru 482,2 milljónir, eða um 33% af útgjöldum. Styrkir og framlög eru 106,6 milljónir eða um 7% af útgjöldum
Bæjarstjóri fylgdi fjárhagsáætlun
Vestmannaeyja fyrir árið 2004 úr
hlaði á fundi bæjarstjómar síðasta
þann 18. desember sl. Þar kemur fram
að útsvarshlutfall er óbreytt frá fyrra
ári, eða 13,03% og em tekjur áætlaðar
926 milljónir króna. Álagður fast-
eignaskattur er áætlaður 93,2 m. kr.
sem er hækkun um 3% milli ára.
Elías Bergur Ágústsson, bæjarstjóri,
sagði að fjárhagsáætlunin fyrir árið
2004, sem lögð var fram til fyrri
umræðu á fundinum, væri unnin í
samræmi við nýjar reglur um bókhald
sveitarfélaga og byggði á hugmyndum
um rammafjárhagsáætlun og því væri
ekki um hefðbundna áætlun að ræða
frá því sem verið hefur. „Þær breyt-
ingar sem urðu á bókhaldi sveitar-
félaga gera allan samanburð við fyrri
ár erfiðan ef ekki ómögulegan. Er það
bæði að uppsetning fjárhagsáætlun-
arinnar er með breyttu sniði og einnig
eru nokkrar breytingar á bókhaldi hjá
hinum ýmsu rekstrareiningum.
Nú skiptist rekstur sveitarfélagsins í
A- og B-hluta, þar sem A-hlutinn er
einingar sem að mestu leyti eru
íjármagnaðar með skatttekjum meðan
B-hlutinn er að mestu fjármagnaður
með eigin tekjum. Jafnframt eru nú
skarpari skil milli A- og B-hluta fyrir-
tækja en verið hefur og vextir
reiknaðir á milli eininganna. A-hlutinn
skiptist í aðalsjóð, eignarsjóð, Áhalda-
hús, Malbikunarstöð og grjótnám en
B-hlutinn skiptist í hafnarsjóð,
fráveitu, líkamsræktarsal, félagslegar
íbúðir og Hraunbúðir," sagði Bergur
Elías.
Hann sagði að til hagræðis, og í
samræmi við ný lög um bókhald
sveitarfélaga, sé áætluninni skipt í
aðalsjóð, sem er nokkum veginn
gamli bæjarsjóðurinn, aðra sjóði og
stofnanir og loks samstæðu. „Þessi
nýja framsetning á fjárhagsáætlun og
ársreikningi er í takt við það sem
almennt gerist í atvinnulífinu og gefur
gleggri mynd en áður af afkomu
heildarinnar.
Áætlunin var að mestu unnin af
bæjarstjóra, framkvæmdastjórum og
íjáimálastjóra. Gert er ráð fýrir því að
milli umræðna taki forstöðumenn og
nefndir við og geri sínar tillögur til
bæjarstjórnar. Þar sem hér er um
rammafjárhagsáætlun að ræða, og í
fyrsta skipti sem slík er gerð hjá
Vestmannaeyjabæ, er líklegast að
áætlunin taki þó nokkuð miklum
breytingum milli umræðna. Það er þó
kostur við fyrirliggjandi ramma að
allar breytingar eru gagnsæjar og
fljótlegt að taka ákvarðanir um fjár-
mögnun ef þörf krefur.“
Tekjuforsendur - Útsvar:
Útsvarshlutfall er óbreytt frá fyrra ári,
eða 13,03%. Gert er ráð fyrir tekju-
aukningu um 4,5% í samræmi við spá
Sambands íslenskra sveitarfélaga og
eru tekjur áætlaðar 926 milljónir
króna, þar af staðgreidd útsvör 906 m.
kr. og eftirágreidd útsvör 20 m. kr.
Gert er ráð að atvinnustig á árinu
2004 verði ekki lakara en það var á
árinu 2003.
Fasteignaskattur:
Álagður fasteignaskattur er áætlaður
93,2 m. kr. sem er hækkun um 3%
milli ára. Á þessari stundu liggur ekki
fyrir niðurstaða fasteignamats í Vest-
mannaeyjum frá Fasteignamati
ríkisins en það er vonandi að ofan-
greind hækkun sé varlega áætluð.
Gert er ráð fyrir því að framlag
Jöfnunarsjóðs sveitarfélaga vegna
fasteignaskatts verði 67 m. kr. á móti
framlagi að upphæð 63,7 m. kr. á
árinu 2003.
Holræsagjald:
Holræsagjald verður 37,2 m. kr. en var
36,1 m. kr. árið 2003. Holræsagjaldið
tekjufærist nú undir Fráveitu í B-hluta
samstæðunnar.
Jöfnunarsjóður:
Þjónustuframlag verður 50 m. kr. og
grunnskólaframlag 30 m. kr. Er um
verulega lækkun að ræða á grunn-
skólaframlaginu en á árinu 2002
bárust 61,5 m. kr. og 30 m. kr. árið
2003. Samkvæmt upplýsingum frá
félagsmálaráðuneytinu eru þó nokkuð
miklar sveiflur á þessu framlagi milli
ára og eru sveiflur jafnaðar tvö ár aftur
í tímann miðað við álagningu útsvars.
Það veldur því að mjög erfítt er að
gera raunhæfa áætlun um þennan
tekjustofn og er mikil óánægja hjá
sveitarfélögum vegna þess.
Aðalsjóður - Rekstur:
Aðalsjóður skilar hagnaði að upphæð
87.8 m. kr. og veltufé frá rekstri er
88.9 m. kr. þegar tekið hefur verið tillit
til reiknaðra liða, s.s. afskrifta.
Gjöld eru 1.382 m. kr. samtals og
tekjur 1.469,7 m. kr. Laun og launa-
tengd gjöld eru 855,6 m. kr. eða um
58% af útgjöldum. Vöru- og þjón-
ustukaup eru 482,2 m. kr. eða um
33% af útgjöldum. Styrkir og framlög
eru 106,6 m. kr. eða um 7% af út-
gjöldum. Aðrir liðir vega minna en
það er nokkuð sérstakt að fjármagns-
liðir sýna jákvæða útkomu. Er það
vegna þess að reiknaðir eru vextir
milli aðalsjóðs og annarra sjóða og
stofnana. Þar ber hæst vaxtareikning
milli Eignarsjóðs og Aðalsjóðs að
upphæð 86 m. kr.
Fjárfestingar:
Helstu fjárfestingar Aðalsjóðs eru 40
m. kr. til byggingar menningarhúss, 5
m. kr. til undirbúnings að nýjum
leikskóla, 25 m. kr. til gatnagerðar, 10
m. kr. til að ljúka framkvæmdum við
íþróttamiðstöð og 15 m. kr. úl sérstaks
átaks í upplýsingatækni í grunn-
skólum bæjarins.
Aðrir sjóðir og stofnanir:
Aðrir sjóðir og stofnanir sýna rekstr-
arhalla að upphæð 132,2 m. kr. en
skila jákvæðu veltufé frá rekstri sem
nemur 20 m. kr. þar sem afskriftir
nema 152,3 m. kr.
Eignarsjóður:
Þar eru flestar eignir bæjarins sem
notaðar eru til eigin nota, þ.e. ekki í
útleigu til annarra. Eignarsjóður skilar
20,5 m. kr. en afskriftir eru 33,6 m. kr.
Ekki er gert ráð fyrir viðhaldi
húsnæðis í fyrirliggjandi áætlun. Það
þarf því við síðari umræðu um
fjárhagsáætlunina að ákveða hversu
miklu skuli varið til viðhalds húsnæðis
og jafnframt ákveða hvemig það skuli
fjármagnað.
Áhaldahús og skyld starfsemi:
Gert er ráð fyrir venjubundnum rekstri
en ívið minni umsvifum en oft áður.
Áhaldahúsið er með rekstrarhalla að
upphæð 21,9 m. kr. og em afskriftir að
upphæð 2,3 m. kr. Malbikunarstöð og
gijótnám em gerð upp á núlli eins og
venjan hefur verið lengi.
Hafnarsjóður:
Rekstur er óbreyttur frá fyrra ári.
Hafnarsjóður er með rekstrarhalla að
upphæð 84,5 m. kr. en afskriftir nema
103,4 m. kr. Veltufé frá rekstri er því
um 19 m. kr. Áætlaðar fjárfestingar
nema nettó 125 m. kr. og er gert ráð
fyrir lántöku til fjármögnunar því sem
á vantar í fyrirliggjandi áætlun.
Fráveita:
Fráveita sýnir rekstrarhalla að upphæð
3,8 m. kr. en þá hefur verið tekið tillit
til ffamkvæmda að upphæð um 25 m.
kr.
Líkamsræktarsalur:
Er nú í fyrsta skipti gerð sérstök
áætlun um Líkamsræktarsal íþrótta-
miðstöðvar í samræmi við úrskurð
Samkeppnisstofnunar. Rekstur salar-
ins sýnir hagnað að upphæð 247 þús.
krónur
Félagslegar íbúðir:
Félagslegar íbúðir eru reknar með
halla að upphæð 28,8 m. kr. en þar að
auki er gert ráð fyrir fjárfestingu að
upphæð 25 m. kr. Gert er ráð fyrir
lántöku til fjármögnunar á þessu.
Hraunbúðir:
Gert er ráð fyrir halla að upphæð 13,9
m. kr. í rekstri Hraunbúða.
Samstæða:
Samstæðan sýnir rekstrarhalla að
upphæð 44,4 m. kr. en jákvætt veltufé
frá rekstri að upphæð 109 m. kr.
Fjárfesting er að upphæð 245 m. kr„
afborganir lána nema 234,7 m. kr. og
ný lán eru 364,7 m. kr.
Lokaorð:
„Rekstur Vestmannaeyjabæjar verður
nokkuð þungur á árinu 2004 og á ég
ekki von á því að það fari að sjá
batamerki fyrren á árinu 2005. Ýmsar
aðgerðir em þó í gangi sem ég vona að
skili okkur fram á veginn s.s. hug-
myndir um fasteignafélag og athugun
á skuldasamsetningu.
Vil ég í lokin þakka þeim sem
unnið hafa að gerð áætlunarinnar um
leið og ég legg hana fram til fyrri
umræðu í bæjarstjóm Vestmanna-
eyja,“ sagði Bergur Elías að lokum.
Þann 22. desember var haldinn
fundur númer 2700 í bæjarráði.
Hann sátu Páll Einarsson, Andrés
Sigmundsson, Stefán Jónasson,
Bergur Elías Ágústsson og Arnar
Sigurmundsson.
FRÉTTIR
Útgefandi: Eyjasýn ehf. 480278-0549 - Vestmannaeyjum. Ritstjóri: Ómar
Garðarsson. Blaðamenn: Sigursvejnn Þórðarson, Guðbjörg Sigurgeirsdóttir. íþróttir:
Júlíus Ingason. Ábyrgðarmenn: Ómar Garðarsson & Gísli Valtýsson.
Prentvinna: Eyjasýn/ Eyjaprent. Vestmannaeyjum. Aðsetur ritstjórnar: Strandvegi
47. Símar: 481 1300 & 481 3310. Myndriti: 481-1293. Netfang/rafpóstur:
f retti r @ eyjaf retti r. is. Veffang: http//www.eyjafrettir.is
FRÉTTIR koma út alla fimmtudaga. Blaðið er selt í áskrift og einnig í lausasölu á Kletti,
Tvistinum, Toppnum, Kránni, Vöruval, Herjólfi, Flughafnarversluninni, Krónunni,
ísjakanum, Bónusvideó, verslun 11-11, Skýlinu í Friðarhöfn og í Jolla í Hafnarfirði
og afgreiðslu Hejrólfs í Þorlákshöfn. FRETTIR eru prentaðar í 2000 eintökum.
FRÉTTIR eru aðilar að Samtökum bæjar- og héraðsfréttablaða. Eftirprentun,
hljóðritun, notkun Ijósmynda og annað er óheimilt nema heimilda sé getið.