Reykjavík - 15.10.2011, Síða 2

2 15. október 2011
Reykjavíkurborg gaf út þá stefnu að öllum börnum, sem þess æsktu, yrði útvegað
leikskólapláss á því ári sem þau
yrðu tveggja ára. Árgangurinn sem
fæddist árið 2009 er fjölmennasti
árgangur Íslandssögunnar, en alls
fæddust 5.026 börn á landinu það
ár, en það eru 110 fleiri börn en
fæddust árið 1960, sem var fjöl­
menn asti árgangurinn fram að
því. Samkvæmt fréttum í apríl, var
foreldrum 1300 barna í Reykjavík,
sem fædd voru árið 2009 eða fyrr,
boðið leikskólapláss að loknum
sumar leyfum í ágúst.
Hildur Sigurðardóttir sótti um
leikskólapláss fyrir tveggja ára son
sinn á Drafnarborg, sem sam ein­
að ist Dvergasteini við sam eining­
ar leikskóla. Fjölskyldan varð að
vonum ánægð þegar svar barst
frá Reykjavíkurborg að dreng­
ur inn væri kominn með pláss á
Dvergasteini. „Síðan komu yfir­
lýs ing ar í fjölmiðlum um að þetta
myndi hefjast með haustinu, þannig
að maður gerði ráð fyrir að það
yrði í lok ágúst að minnsta kosti,
en síðan hefur það dregist,“ segir
Hildur í samtali við Reykjavík. Þar
sem árgangurinn er fjölmennur var
ljóst að stækka yrði Dvergastein og
var gripið til þess ráðs að bæta við
einu húsi á lóðinni og þar einmitt
stendur hnífurinn í kúnni. Börnin
hafa ekki fengið plássið sitt þar sem
húsið er ekki tilbúið. Hildur segir að
sam kvæmt nýjustu upplýsingum eigi
börnin loks að komast að í byrjun
nóvember. Hún segist ekki mjög
bjartsýn á að það standist miðað
við hvernig húsið er í dag. Hún
segist engar haldbærar skýringar
hafa fengið á töfinni. „Fyrst var það
grenndarkynningin sem gleymdist,
en ég veit að leikskólinn er á fullu
við að reyna að ráða fólk. Það er bara
beðið eftir að húsið klárist og það
virðist bara einn maður hafa verið
að vinna í því.“ Hildur segir að þetta
ástand komi að sjálfsögðu illa við
hana og fjölskylduna. Hún er með
vinnu, en hefur ekki getað stundað
hana þar sem sonur hennar bíður
enn eftir leikskólaplássinu sínu.
„Ég er búin að vera heima síðan að
hann fæddist, en ég hef sagst ætla
að byrja að vinna í haust þegar hann
kæmist inn í leikskóla. Ég er bara
heppin að vera með þolinmóðan
og skilningsríkan vinnuveitanda,
sem er eiginlega farinn að hlægja
að þessum farsa.“ Hildur segist því
halda vinnunni, ennþá að minnsta
kosti, en hún aflar hins vegar engra
tekna á meðan þetta ástand varir.
Hún segist viss um að aðrir séu ekki
eins heppnir með vinnuveitendur
og einhverjir hafi sjálfsagt misst
vinnuna vegna þessarar tafar. Þá
hafi einhverjir sagt upp plássi hjá
dagmömmum í þeirri trú að börnin
kæmust á leikskólann Dvergastein
á þeim tíma sem stefnt var að. „Ég
hitti föður sem ég þekki sem var
mjög svekktur. Þau voru búin að
vera með dagmömmu í limbói
frá því í haust. Alltaf að segja upp
plássinu, bara ekki alveg strax,
því það breytist á nokkurra vikna
fresti.“ Hún segir að þegar tilkynnt
var að sonur hennar hefði fengið
leikskólapláss, þá væri miðað við
að hann gæti byrjað í leikskólanum
þegar hinn hefðbundni sumarleyfis­
tími er á enda, í lok ágúst eða
byrjun september, á þeim tíma
sem foreldrar þurfa að mæta á ný
til vinnu eða til náms. Hún hefur
tak markaða trú á að litlu jólin verði
haldin í þessum leikskóla. „Ég er
farin að efast um það, ætli drengur­
inn verði ekki ennþá í aðlögun um
jólin,“ segir Hildur Sigurðardóttir
sem er orðin langþreytt á biðinni
eftir að leikskólahúsið verði klárað
þannig að sonur hennar geti hafið
þar nám og hún sjálf snúið til vinnu.
Ekki náðist, áður en Reykjavík
fór í prentun, í þann starfsmann hjá
framkvæmda­ og eignasviði Reykja­
víkurborgar, sem er með þessar
fram kvæmdir á sinni könnu, en
upplýsingar fengust hjá sviðinu um
að áætluð verklok hafi upphaflega
verið um miðjan september, eða
fyrir mánuði. Á meðan bíða börnin
eftir að komast í leikskólann sinn,
foreldrar eftir að komast til vinnu og
vinnuveitendur eftir að fá starfs­
menn sína, það er að segja þeir sem
gátu beðið.
leiðari
Eins og fram kemur í þessu tölublaði Reykjavíkur sýna tölur að dregið hefur úr afbrotum á höfuðborgarsvæðinu og ber að fagna því. Lögreglustjórinn á höfuðborgarsvæðinu segir að hjá
embættinu hafi verið lögð sérstök áhersla á að fækka innbrotum og
samkvæmt þeim tölum sem hann leggur fram, hefur tekist afar vel til.
Það er vel, því þeir sem hafa lent í því óláni að brotist hafi verið inn til
þeirra hafa oft lýst þeirri reynslu sem afar sárri. Ekki bara vegna þeirra
verðmæta sem þjófarnir höfðu á brott með sér, stundum jafnvel munir
eins og erfðagripir margs konar, sem ekki fást bættir. En ekki síður hafa
þeir sem lent hafa í þessum ófögnuði sagt, að þeim finnist sem heimilið,
sem á að vera griðarstaður hvers manns, hafi verið saurgað. Og það er
blettur sem erfitt er að má af.
Í blaðinu kemur einnig fram að fjárframlög til lögreglunnar á
höfuðborgarsvæðinu í því fjárlagafrumvarpi sem Alþingi hefur nú til
afgreiðslu, aukast um tæp 7% frá fjárlögum yfirstandandi árs. Því ber
að fagna einnig, en þó segja þessar tölur ekkert um hver raunveruleg
fjárþörf embættisins er. Því þótt stefnt sé að því að það fái rúmlega 200
milljónum króna hærri fjárveitingu á komandi ári, er erfitt að átta sig
á því hversu þungt það vegur.
Þetta leiðir hugann að þeirri kjarabaráttu sem lögreglumenn eru í
og starfsandanum sem kann að vera innan hópsins. Eins og flestum er
kunnugt, eru lögreglumenn afar ósáttir við þær kjarabætur sem þeim
eru skammtaðar. Það er vont, bæði fyrir samfélagið í heild og ekki síður
nærsamfélagið eins og höfuðborgarsvæðið, þegar ein af grunnstoðunum
telur illa komið fram við sig og að störfin séu ekki metin að verðleikum.
Það væri skaði ef fólksflótti yrði úr stétt lögreglumanna, þar sem dýrmæt
reynsla og þekking færi forgörðum.
Önnur grunstoð samfélags okkar eru leikskólarnir. Það er góðra gjalda
vert að Reykjavíkurborg lofi öllum börnum leikskólaplássi á árinu sem
þau verða tveggja ára og það loforð hefur ekki verið svikið, en dæmið um
tafir vegna stækkunar leikskólans Dvergasteins, er dæmi um hvernig má
ekki standa að málum. Það var ljóst í árslok 2009 að árgangurinn það
ár, væri sá fjölmennasti í sögunni og því ljóst að taka þyrfti til hendinni
svo hægt væri að gefa loforð um pláss. Sem og að á flestum heimilum er
gengið út frá því að skólastarf, í leikskólum sem annars staðar, hefjist
að loknum hefðbundnum sumarleyfistíma. Spurningin vaknar því um
hvort ekki hefði mátt hefjast handa fyrr.
Hugað að
grunnstoðum
Reykjavík vikublað óskar eftir að komast í samband við borgar búa sem
sjaldan eða aldrei hafa veitt viðtöl en væru til í að segja skoðun sína
í blaðinu eða veita stutt viðtöl. Vinsamlegast sendið okkur tölvu póst á
ritstjorn@fotspor.is eða hringið í síma 698-6789.
Viltu segja skoðun þína?

Reykjavík vikublað 38. Tbl. 2. áRganguR 2011
Útgefandi: Fótspor ehf. Ábyrgðarmaður: Ámundi Ámundason, sími: 824 2466, netfang: amundi@fotspor.is.
framkvæmdastjóri: Ámundi Steinar Ámundason, netfang: as@fotspor.is.
auglýsingastjóri: Ámundi Ámundason, Suðurlandsbraut 54, 108 Reykja vík. Auglýsingasími 578-1190, netfang: auglysingar@fotspor.is.
Ritstjóri: Haukur Holm, netfang: haukur@fotspor.is. Myndir: Ýmsir, netfang: ritstjorn@fotspor.is, sími: 698-6789.
Prentun: Ísafoldarprentsmiðja. Upplag: 46.000 eintök. dreifing:
Reykjavík vikublaði eR dReift í 45.600 eintökum ókeypis í allaR íbúðiR í Reykjavík.
enn beðið eftir leikskólAnum
sem átti Að verA tilbúinn í
síðAstA mánuði
Hildur Sigurðardóttir segist
heppin að eiga þolinmóðan og
skilningsríkan vinnuveitanda.
Viðbótin við Dvergastein átti að vera tilbúin fyrir miðjan september, en alls er óljóst hvenær verklok verða.
reykjAvíkurgetrAunin
hver byggði þettA hús og bjó hér
fyrstur?
Húsið stendur í Þing­
holtunum á hornlóð.
Þetta er reisulegt hús
og það lét byggja karl
sem skipar stóran sess
í sögu Íslands.
Svarið er á blaðsíðu 14.