Harmoníkan - 01.10.1992, Blaðsíða 19
F.H.U.R. á íslands-
viku í Finnlandi
Snemma árs fréttist af fyrirhugaðri
Islandsviku í borginni Rovaniemi í
Norður-Finnlandi (Lapplandi) með
þátttöku ýmissa aðila frá íslandi á sviði
söngs og hljóðfæraleiks ásamt öðrum
fulltrúum menningar og matargerðar-
listar. Voru þar nefndir Rangæingakór-
inn í Reykjavík, Barnakór Tónlistar-
skóla Hafnarfjarðar, Kirkjukór Grinda-
víkurkirkju, söngkonan Elín Ósk Ósk-
arsdóttir ásamt píanóleikaranum Ólafi
Vigni Albertssyni.
Þessar upplýsingar bárust Þorvaldi
Bjömssyni hljómsveitarstjóra F.H.U.R.
og jafnframt boð um að félagið sendi 6-
8 manna harmoníkuhljómsveit til þátt-
töku í hátíðarhöldunum. Því miður sáu
sumir þeirra „nikkara", sem leitað var
til, sér ekki færi á að fara en þeir sem
fóru vom: Þorvaldur Bjömsson, Reynir
Jónasson, Jakob Yngvason, Sigurgeir
Björgvinsson, Þorleifur Finnsson, Jón
Ingi Júlíusson, Gunnar Pálsson og Þórir
Magnússon, sem sá um trommuleikinn.
Eiginkonurnar skipuðu svo „klapplið-
ið“ . Einnig var formaður F.H.U.R.
Yngvi Jóhannsson og frú með í hópn-
um.
Farið var utan 15. júní og lent í
Rovaniemi kl. 2 e.h. að staðartíma og
haldið rakleitt til lokahátíðar mikillar
vörusýningar, og beint upp á svið í einu
horni hússins og þar fékk hver sinn
hljóðnema til umráða, nikkutónarnir
náðu þó skammt út í hinn víðáttumikla
sal.
íslandsvikan hófst svo daginn eftir
með hátíðlegri athöfn í Lappia-húsinu,
lista- og menningarmiðstöð þeirra í
Rovaniemi þar sem menntamálaráð-
herra Ólafur G. Einarsson opnaði sýn-
ingu á bókum og fleiru á vegum Nor-
ræna hússins í Reykjavík.
Síðdegis sama dag hófst svo
skemmtunin í tónleikasal hússins þar
sem íslenska harmoníkuhljómsveitin
byrjaði dagskrána með hressilegum
Harmoníkumarsi eftir Ágúst Pétursson
ásamt fleiri íslenskum lögum. Síðan
sungu kóramir einn eftir annan svo og
söngkonan Elín Ósk Óskarsdóttir við
undirleik Ólafs Vignis Albertssonar.
Einnig sáu heimamenn um ýmis söng-
og skemmtiatriði inn á milli.
þann 17. júní skörtuðu margar ís-
lensku kvennanna þjóðbúningum og
urðu við það mjög vinsælar ljósmynda-
fyrirsætur hvar sem þær fóru. Á þessari
íslandskynningu lék hópurinn við ýmis
tækifæri svo sem við Ráðhúsið, á úti-
samkomu við byggðasafnið, í stórri
verslunarkringlu, á elliheimilinu og
Jón Ingi.
víðar, alls 13 sinnum í þessari viku sem
ferðin stóð. Síðast upp á Onisvara-hæð
fyrir utan borgina, þar sem þarlendir
halda sína hátíð á Jónsmessunótt. Ekki
er fráleitt að halda að handleggir sumra
hafi lengst nokkuð við að bera hljóð-
færin upp og niður klettana.
Síðasta daginn var farið í alllanga
ferð um Norður-Lappland í veðri sem
við Islendingar þekkjum mætavel, úr-
hellisrigningu. Var ferðin þó hin á-
nægjulegasta og komið víða við. Á
meðan á dvölinni stóð var gist á hinu
glæsilega Hotel Lapponia þar sem
„lobbíinu" var breytt í dansstað á
hverju kvöldi með góðu samþykki hús-
ráðenda.
Þakka ferðafélögum bæði úr „nikku-
hópnum" og öðrum ánægjulega sam-
fylgd.
Jóm Ingi
Harmoníkumót í Erlangen
Síðastliðið sumar fórum við hjónin
að keyra um Evrópu, eins og stundum
áður. Við lögðum af stað til Luxem-
borgar miðvikudaginn 15. júlí, í þriggja
vikna ferðalag. En áður hafði ég frétt af
harmoníkumóti í hljómsveitakeppni og
„grúppukeppni“ i Bayem. Mótið átti að
vera laugardaginn 18. júlí í Erlangen,
bæ sem er álíka stór og Reykjavík, en
hann er rétt norðan við Numberg.
Við tókum stefnuna þangað eftir að
við höfðum gist eina nótt í Rínardaln-
um og vorum komin til Erlangen um
miðjan dag á fimmtudegi, þar fengum
við upplýsingar um mótsstaðinn og
fundum hann, en það var nýlegt í-
þróttahús við fjölbrautarskóla. Gistingu
fengum við í litlu þorpi utan við bæinn,
þar var þorpshátíð þessa helgi. Við
skoðuðum okkur um í sólskini og blíðu
og höfðum það gott.
Á laugardagsmorgun byrjaði keppn-
in kl. 8:00. Sjötíu og ein hljómsveit og
24 „grúppur“ kepptu í 9 flokkum og fór
keppnin fram samtímis í 4 sölum. Það
sem við heyrðum var allt mjög
skemmtilegt og sumt alveg frábært,
enda var þar meðal keppenda hljóm-
sveit frá Numberg sem var í þriðja sæti
á alþjóðlegu móti í Innsbruck síðastlið-
ið vor. Eftir góðan dag var haldið í
þorpið, litið aðeins á þorpshátíðina, og
daginn eftir haldið í Alpafjöllin, þar
sem ferðin hélt áfram með meiri músík.
Þorvaldur Björnsson
Ein af stœrri hljómsveitunum í keppninni.
19