Harmoníkan - 01.10.1992, Síða 22
Harmoníkuhljómsveit frá Böbingen
Akkordeon Orchester Böbingen.
Fimmtudagskvöldið 30. júlí s.l.
kom til Akureyrar 30 manna hópur
þýskra harmoníkuleikara „Akkordeon
Orchester Böbingen" sem var á ferð
um landið. Þau höfðu komið með
flugi til landsins daginn áður og gistu
í Biskupstungunum um nóttina, og
komu síðan norður yfir Kjöl. Það var
á stjórnarfundi hjá F.H.U.E. 27.
marsl991 að tekið var til umræðu
bréf sem borist hafði frá Hans
Joachim Ingelmann í Þýskalandi, fyr-
ir hönd harmoníkuhljómsveitar
Böbingen, þar sem farið var fram á að
félagið yrði innan handar ef hljóm-
sveitin kæmi til íslands sumarið
1992. Efni bréfsins var rætt á fundin-
um og niðurstaðan varð sú, að þetta
væri mál landssambandsins, og var
bréfið sent þangað. Þjóðverjarnir virt-
ust ekki hafa áhuga á samvinnu við
landssambandið, því sumarið eftir
barst annað bréf, þar sem þeir óskuðu
eftir að félagið byði þeim til Akureyr-
ar, því þau þyrftu að vera í boði fé-
lags til að fá styrk til íslandsfarar.
Þeir Sigurður Indriðason formaður
F.H.U.E og Atli Guðlaugsson skóla-
stjóri Tónlistarskóla Eyjafjarðar svör-
uðu bréfinu og buðu þau velkomin.
Tekið var á móti Þjóðverjunum í
Lundarskóla og var þeim borinn mat-
ur, sem þær Gunnlaug Heiðdal og Fil-
ippía Sigurjónsdóttir sáu um. Að
borðhaldi loknu lék stórsveit
F.H.U.E. nokkur lög undir stjóm Atla
Guðlaugssonar. Við fengum mjög
góðar undirtektir hjá þeim þýsku og
urðum að spila 2 eða 3 aukalög. Á
eftir lék þýska hljómsveitin nokkur
lög fyrir okkur og fengu þau mjög
góðar viðtökur. Þarna sýndi þetta
kornunga fólk, sem var að meirihluta
til stúlkur, að harmoníkan á greinilega
framtíð fyrir sér í Þýskalandi.
Föstudaginn 31. júlí var farið með
Þjóðverjana í skoðunarferð um Akur-
eyri og nágrenni. Klukkan 14:30 lék
hljómsveitin í eina klukkustund í
blíðskapar veðri. Mikill mannfjöldi
var í göngugötunni og kunnu menn
vel að meta skemmtilega og góða
spilamennsku á góðviðrisdegi. Jón
Björnsson félagsmálafulltrúi Akur-
eyrarbæjar afhenti stjórnanda sveitar-
innar Wolfgang Hángel gjöf frá Akur-
eyrarbæ. Síðdegis fór helmingurinn
af hópnum í skoðunarferð inn í Eyja-
fjörð en hinn hlutinn fór inn að Mel-
gerði og fór á hestbak, og gekk þar á
ýmsu. Þó þeir séu ekki stórir íslensku
hestarnir getur víst verið vont að detta
af baki, en það fengu þrjú af þeim að
reyna, og á einn af þeim þurfti að
setja á gifs á handlegg. Það var þó á-
nægður hópur sem við Atli Guðlaugs-
son keyrðum í Lundarskóla um
kvöldið frá Melgerði, en Atli var
milligöngumaður með hestaferðina
(ég var bara bílstjóri).
Laugardaginn 1. ágúst hélt hópur-
inn ásamt nokkrum úr stjórn F.H.U.E.
til Siglufjarðar á Sfldarævintýrið sem
þar var haldið. Á Siglufirði spilaði
hljómsveitin fyrir mikinn fjölda á-
heyrenda sem þar var staddur, og
fengu þau mjög góðar undirtektir.
Bæjarstjórinn á Siglufirði afhenti
stjórnanda hljómsveitarinnar Wolf-
gang Hángel, borðfána með merki
Siglufjarðar og þáði gjöf frá hljóm-
sveitinni. Að lokinni spilamennsku
þáðu Þjóðverjarnir kaffi hjá Siglfirð-
ingum, sáu síldarsöltun og skoðuðu
sig um.
Síðdegis var haldið til Akureyrar.
Um kvöldið var kveðjuhóf í Lundar-
skóla, þar sem ræður og þakkir voru
fluttar og skipst var á gjöfum. Þjóð-
verjarnir ferðuðust um landið í hóp-
ferðabifreið er þau tóku á leigu í
Reykjavík. Á meðan þau ferðuðust
um Eyjafjarðarsvæðið var Cristel
Waltersdóttir leiðsögumaður og þótti
hún standa sig með afbrigðum vel,
bæði sem leiðsögumaður og túlkur.
Sunnudaginn 2. ágúst héldu Þjóð-
verjamir austur í Mývatnssveit og var
Cristel leiðsögumaður þann dag
einnig, en eftir það var Margrét Bóas-
dóttir leiðsögumaður þeirra meðan
þau dvöldu í Þingeyjarsýslu. Frá
Þingeyjarsýslu héldu Þjóðverjarnir
austur og suður um land og munu
hafa endað dvöl sína hérlendis með
tónleikum í Ráðhúsinu í Reykjavrk.
Þriðjudaginn 4. ágúst fór undirrit-
aður austur á Húsavík og hlýddi á
tónleika harmoníkuhlj ómsveitarinnar
frá Böbingen í sal barnaskólans á
Húsavík. Tónleikarnir tókust mjög
vel og þurfti hljómsveitin að leika
nokkur aukalög. Tónleikagestir voru
á milli 60 og 80 en kynnir var Mar-
grét Bóasdóttir söngkona.
Harmoníkuhljómsveitin frá
Böbingen er skipuð 14 harmoníku-
leikurum, 2 hljómborðsleikurum og
trommuslagara en stjómandi er Wolf-
gang Hngel. Þetta er alltsaman ungt
fólk og meirihlutinn stúlkur. Farar-
stjóri var Hans Joachim Ingelmann.
Efnisskráin var fjölbreytt t.d. Eine
kleine Nachtmusik eftir W. A. Moz-
art, Ungverskur dans No 5 eftir J.
Brahms, Memory eftir A. L. Webber,
Down by the river side, Snjóvalsinn,
Alte Kameraden eftir Carl Taike,
When the saints - og mörg fleiri lög,
marsar, polkar og valsar.
Jóhannes B. Jóhannsson
22