Harmoníkan - 01.10.1992, Blaðsíða 23
TONLEIKAR
FLAVIAN ENSAMBLE
FLAVIAN ENSAMBLE -Christoph Marks,
Alexander
I maí sl. voru tónleikar með Fla-
vian Ensamble,hinir fyrstu á Akur-
eyri, síðan í Bolungarvík og þeir
síðustu í menningarmiðstöðinni
Hafnarborg í Hafnafirði. Oft fer
mikil kynning fram í fjölmiðlum á
allskonar listafólki sem sækir okkur
heim. List þeirra rómuð fjálglega á
alla kanta með orðum sem fengin
eru að láni úr fjölmörgum tungum
þannig að venjulegur Jón skilur
sáralítið af því sem um verið að
ræða. Til þess að þetta megi verða,
er eins og einhver ákveðinn hópur
fólks hérlendis verði að leggja
blessun sína yfir listafólkið þannig
að aðrir sem líta á sig sem menning-
arneytendur komi til að njóta þess
sem umrætt listafólk hefur fram að
færa.
Því var ekki að heilsa með Flavi-
an Ensamble. Það fékk litla sem
enga umfjöllun í blöðum ef frá er
talin fréttatilkynning í Morgunblað-
inu. Að vísu kom hópurinn fram í
Ríkisútvarpinu rás 1 á sunnudegi
milli kl. 15 og 16 en það virðist
ekki hafa náð eyrum þess fólks sem
helst hefur áhuga á þeirri tónlist
sem hópurinn flutti. Þetta kom fram
í afar dræmri aðsókn ef undan eru
skildir tónleikar í Bolungarvík sem
er heimabær Hrólfs en þar má segja
að hann sé spámaður í sínu heima-
Elsbeth Moser, Hrólfur Vagnsson og
Stein.
landi. Flavian Ensamble er skipað
Elsbeth Moser og Hrólfi Vagnssyni
á harmoníkur, Alexander Stein á
flautu og Christoph Marks á selló.
Á efnisskrá tónleikanna var:
J. S. Bach Ricercar
úr „Musikalisches Opfer“
Isang Yun
Intermezzo
Domenico Scarlatti
Sónötur í C-dúr og C-moll
Vladimir Subitzky
Meditation nr. 2 Misterioso
Vladimir Subitzky Misterioso
Alexander Stein 4 US
J.S. Bach
„Sónata í D-dúr“ Adagio og Allegro
Claude Debussy Syrinx
Torbjöm Lundquist Rondo
Ladislav Kupkovic ???????
Þau hjónin Elsbeth og Hrólfur
hafa leikið oft fyrir íslenska harm-
oníkuunnendur, sérstaklega Hrólfur
en hvorki Alexander Stein né
Christoph Marks hafa komið hingað
áður. Hrólfur hafði í huga að koma
aftur í haust og halda tónleika, en
þá þurfa harmoníkuunnendur að
taka betur á móti honum en í vor.
Víst er það fengur fyrir harmoníku-
unnendur að fá Hrólf hingað með
þá kunnáttu og tækni sem hann hef-
ur yfir að ráða. Það má velta því
fyrir sér hvort fleiri kæmu á tón-
leika hjá honum ef hann hefði meira
„léttmeti" á efnisskránni sem næði
til stærri hóps áheyrenda. Það
mundi þá heita „að laga sig að þörf-
um markaðsins“.
Hvað sem öllu líður verða ís-
lenskir harmoníkuunnendur að gera
það upp við sig hvort þeir vilja fá
Hrólf til að spila hér öðru hverju
eða ekki. En ef fáir sækja tónleika
hjá honum er eins víst að hann gef-
ist upp á því og þá tel ég illa farið.
Það gengur ekki fjárhagslega að
taka á leigu húsnæði fyrir tónleika
sem aðeins fáir sækja að ekki sé
minnst á ferðakostnað. Þ.Þ.
Látnir höfðingjar
Nýlega bárust þær fregnir að
bandoneomnleikarinn Astor Pi-
azzolla hafi látist í júlímánuði í
sumar, 71 árs gamall. Hann var einn
kunnasti bandoneum-leikari heims
en hann blandaði saman ólíkum
tegundum tónlistar og samdi fjöld-
ann allan af verkum. Frægastur er
hann þó fyrir túlkun sína á
argentískri tangótónlist sem hann
flutti eftir ýmsa höfunda og sjálfan
sig en sennilega er “Libertango”
það sem flestir kannast við eftir
hann.
Nýlega lést bandaríski hljóm-
sveitarstjórinn Lawrence Welk, en
margir sem á sínum tíma horfðu á
Keflavíkursjónvarpið muna eftir
skemmtiþáttum sem hann var með
“The Lawrence Welk Show”.
Lawrence lék sjálfur eitthvað á
harmoníku en hafði fastan harm-
oníkuleikara í hljómsveit sinni í
þáttunum sem flestir harmoníku-
leikarar muna sennilega eftir, hinn
norskættaða Myron Floren.
Þ.Þ.
23