Reykjavík - 23.02.2013, Page 9

923. febrúar 2013
Ingólfstorg tekið út úr breytingum á deiliskipulagi
Reykjavíkurborg hættir við að byggja menningarhús við Ingólfstorg. Nasa salurinn verður rifinn, en fjölnota samkomusalur í götuhæð kemur í staðinn
Breytt deiliskipulag Land-símareitsins var kynnt opin-berlega í vikunni í Tjarnarsal
Ráðhússins. Miðað við þá miklu um-
ræðu sem orðið hefur í tengslum við
fyrirhugaðar breytingar á svæðinu,
ekki síst í tengslum við Nasa, hefði
mátt búast við fullum sal, en svo var
ekki. Engu að síður var nokkur fjöldi
mættur.
Helstu breytingar á deiliskipulaginu
eru þær að það tekur ekki til Ing-
ólfstorgs, eins og áður var ráð fyrir
gert. Reykjavíkurborg hefur ekki í
hyggju að reisa þar menningarhús
eins og gert var ráð fyrir í vinnings-
tillögu ASK arkitekta sem kynnt var
síðastliðið vor.
Samkvæmt breyttu skipulagi sem
unnið var af ASK arkitektum eru
nýbyggingar við Vallarstræti lækk-
aðar, Nasa salurinn verður rifinn og
byggður nýr fjölnota samkomusalur
sem verður í götuhæð. Ný hús verða
byggð við Vallarstræti og þau hönnuð
með það fyrir augum að falla að þeim
húsum sem fyrir eru í nágrenninu.
Landsímahúsið verður hækkað
og sett á það svokallað mansard þak
með kvistum og yngra Landsíma-
húsið sem er við Thorvaldsenstræti
verður hækkað úr fimm hæðum í sex
að hluta.
Þá er gert ráð fyrir að gömlu húsin á
reitnum fái að halda sér, en í gildandi
deiliskipulagi, sem er frá árinu 1987,
er gert ráð fyrir því að þau verði rifin.
Samkvæmt upplýsingum frá
Reykjavíkurborg voru eftirfarandi
markmið höfð að leiðarljósi:
• Að stuðla að góðu samspili almenn-
ingsrýma í Kvosinni, bygginga og
nærumhverfis.
• Lögð áhersla á umhverfisleg og
samfélagsleg gæði hins manngerða
umhverfis.
• Borin virðing fyrir sögulegri arf-
leifð, staðaranda og menningarlegu
hlutverki.
• Hugað að aðgengi fyrir alla og að
flæði gangandi, hjólandi og akandi
umferðar sé gott.
• Að nýbyggingar og frágangur þeirra
verði í hæsta byggingarlistalegum
gæðaflokki, sem eflir virkni og nota-
gildi svæðisins.
Þá kom fram á fundinum að gömul
og virðuleg tré, þeirra á meðal elsta
tré Reykjavíkur, sem standa í Fógeta-
garðinum muni standa þar áfram
óhreyfð. Einnig kom fram sú hug-
mynd að bílaumferð um Kirkjustræti,
sem liggur milli Pósthússtrætis og Að-
alstrætis, verði takmörkuð verulega. Á
fundinum var fullyrt að skuggavarp
myndi lítið aukast verði þessar tillögur
að veruleika.
Í tillögunum er lögð áhersla á
tengslum á milli Ingólfstorgs, Austur-
vallar og Fógetagarðsins og að auðvelt
aðgengi verði þar á milli.
Fundargestir fengu tækifæri til að
spyrja arkitekta og embættismenn
á fundinum. Áhyggjum var lýst yfir
því að hótel á þessum stað kallaði á
meiri bílaumferð um svæðið, ekki
síst umferð stórra rúta. Sem tillögu
að lausn á þeim vanda var nefnt að
rútur ækju ekki um allar götur á svæð-
inu, heldur væru ákveðnir staðir þar
sem þær stoppuðu til að taka upp og
setja af farþega.
Tillögurnar má sjá hér á síðunni, en
hægt er að skoða þær nánar í Ráðhúsi
Reykjavíkur og einnig í þjónustuveri
Reykjavíkurborgar í Borgartúni 12-14
sem og á heimasíðu borgarinnar.
Kynning á tillögunum stendur til
6. mars næstkomandi og er á þeim
tíma hægt að koma athugasemdum
eða ábendingum á framfæri. Sam-
kvæmt upplýsingum frá Reykja-
víkurborg verður þeim ekki svarað
skriflega, heldur notaðar sem innlegg
í áframhaldandi vinnu. Athugasemdir
og ábendingar er hægt að senda á
skipulag@reykjavik.is.
færri mættu en ætla hefði mátt á
kynninguna, miðað við umræðuna
sem átt hefur sér stað.
arkitektar og embættismenn sátu fyrir svörum. Hér er horft til suðurs yfir Kvosina.
Á þessari mynd er horft frá alþingishúsinu yfir austurvöll að nýju byggingunni
framan við Landsímahúsið þar sem nú eru bílastæði.
Á þessari loftmynd má sjá hvernig breytingarnar fyrirhuguðu passa inn í
umhverfið.
Á hálum ís í Egilshöll
Áhugi á skautaíþróttum hefur snaraukist og nú eru tveir löglegir ísknattleiksvellir í Reykjavík.
Skautasvellið í Egilshöll var tekið í notkun árið 2003. Það er 30 metrar sinnum 60 metrar að
stærð, eða 1.800 fermetrar og er full-
gilt keppnissvell fyrir ísknattleik. Það
eru því tveir löglegir ísknattleiksvellir
í Reykjavík, því eins og kunnugt er,
rekur borgin skautasvell í Laugardal
og þriðji völlurinn er svo á Akureyri.
Það er hins vegar Reginn, dótturfélag
Landsbankans sem rekur svellið í Eg-
ilshöll, en félagið á húsið.
Heimavöllur Bjarnarins
Reykjavíkurborg kaupir tíma á svell-
inu fyrir Ísknattleiksfélagið Björninn,
sem er með heimavöll í Egilshöll, en
Skautafélag Reykjavíkur er með sinn
heimavöll í Laugardalnum. Og það er
rígur á milli félaganna segja þeir Egill
Gómez rekstrarstjóri skautasvellsins
og Magnús Örn Ragnarsson starfs-
maður. „Já, mjög mikill, það er auð-
vitað samkeppni og þannig verður það
að vera.“
Stúkan tekur 250 manns í sæti, en
einnig er hægt að koma fyrir sætum í
veislusal sem er við svellið. „Þannig að
við getum boðið um 400 manns í sæti.“
Þeir segja aðsóknina á ísknattleiksleiki
góða og aðstaðan dugi, en þegar um
stórleiki eins og úrslitaleiki er að ræða
sé húsið alveg fullt og hafa verið allt að
þúsund manns að fylgjast með því sem
gerist á svellinu.
Það má reyndar bæta því við að
Björninn er kominn í úrslitakeppnina
og einmitt í dag fá þeir Skautafélag
Akureyrar í heimsókn þar sem keppt
verður um heimaleikjaréttinn í úrslita-
keppninni. Hann þykir mikilvægur því
í úrslitakeppninni þarf að bera sigur úr
býtum í þremur leikjum og það lið sem
vinnur heimaleikjaréttinn er því öruggt
með í það minnsta tvo heimaleiki, en
slíkt þykir mikill kostur eins og þeir
vita sem fylgjast með íþróttum.
Íslenskir
ísknattleiksmenn góðir
Íslenskir ísknattleiksmenn standa
sig mjög vel að sögn þeirra félaga og
keppa þrír í Danmörku í nokkurs konar
hálfatvinnumennsku. Þá segja þeir
framfarir skautafólks, bæði í ísknattleik
og listdansi á skautum hafa orðið mjög
örar eftir að skautahallirnar komu. Það
sem kannski standi listdansinum að-
eins fyrir þrifum sé hvað strákar séu
áhugalausir um að stunda þá íþrótt.
Fyrirtæki og hópar keppa
í ísknattleik og krullu
Þeir Egill og Magnús segja aðsókn á
skautasvellið fara sífellt vaxandi. Það
megi ekki síst þakka því að þar á bæ
hafa menn verið duglegir við margs
konar nýjungar. Þeirra á meðal er
hópefli bæði í ísknattleik og krullu
eða curling eins og það heitir á ensku.
Þeir segja fyrirtæki nýta sér þetta.
Ísknattleikskeppendur fá skauta sem
og allan hlífðarbúnað fyrir utan auð-
vitað kennslu og er leikurinn ljósmynd-
aður og verðlaun veitt. Og það sama á
við um krulluna, sem er minna þekkt
íþrótt hér á landi, en er vaxandi. Þá er
ekki óalgengt að eftir leik fari hópurinn
svo í veislusalinn við svellið og snæði
pizzu.
Böll á skautasvellinu
Einnig eru böll fyrir yngra skauta-
fólk með diskóljósum og reyk og þess
háttar.
„Fólkið kemur alls staðar að. Við
fáum marga úr skólum í Hafnarfirði
og fólk ofan af Skaga, Mosfellsbæ og
Árbæ.“
Að sögn Egils og Magnúsar eru þeir
vel staddir hvað búnað og aðstöðu
áhrærir og Egill bendir á að Magnús
sé einn helsti sérfræðingurinn í skerp-
ingu skauta, enda skautamaður sjálfur. Svellið er löglegur keppnisvöllur.
Magnús og egill segja mikinn áhuga
á skautaíþróttum.