Reykjavík - 31.05.2014, Blaðsíða 2

10 félagslegar íbúðir á 4 árum
Félagsbústaðir bættu við sig 10 félagslegum íbúðum frá árinu 2010 og til loka árs 2013. Þetta
má lesa úr skýrslum stjórnar Félags-
bústaða.
Árið 2010 voru keyptar 11 íbúðir
en jafn margar voru seldar. Árið eftir
voru keyptar 4 almennar íbúðir en
12 seldar. Árið 2012 voru 29 íbúðir
keyptar en 21 seld og í fyrra voru 14
íbúðir keyptar en 4 seldar. Íbúðum
Félagsbústaða hefur þannig fjölgað
um 10 á þessum þremur árum.
Á þessum tíma voru málefni fatl-
aðra færð frá ríki til sveitarfélaga.
Samfara því voru á árinu keyptar 66
íbúðir af Fasteignasjóði Jöfnunarsjóðs
sveitarfélaga í 19 sambýlum.
„Almennar leiguíbúðir í eigu Fé-
lagsbústaða í árslok 2013 svara til 15
íbúða á hverja 1000 íbúa í Reykjavík
sem haldist hefur óbreytt undanfarin
ár,“ segir í skýrslu stjórnar Félags-
bústsaða fyrir síðasta ár. Í skýrslu fyrir
árið 2010 sagði að íbúðaeign Félagsbú-
staða hefði svarað til 18 íbúða á hverja
1000 íbúa í lok þess árs.
2 31. maí 2014REYKJAVÍK VIKUBLA
Ð
Segir kennara selja réttindi
„Ég þykist vita að þessi svokall-aða 32% hækkun launa grunn-skólakennara sé alls ekki 32%
hækkun á greiðslum sveitarfélaganna
vegna launa kennara,“ segir Unnur
Kristjánsdóttir, grunnskólakennari,
sem fjallar um nýjan kjarasamning
grunnskólakennara í ítarlegri grein
hér í blaðinu.
Atkvæðagreiðsla um samninginn
hefur staðið undanfarna daga, en
niðurstöður hennar höfðu ekki verið
birtar þegar blaðið fór í prentun.
Unnur, sem sat í samninganefnd
grunnskólakennara um árabil, segir
meðal annars að samanburður við
samning framhaldsskólakennara sé
óhagsstæður grunnskólakennurum.
„M. a. vegna þess að við seljum aldurs-
afsláttinn, tökum afleysingar og gæslu
inn án þess að fá greiðslu fyrir sem þeir
þurfa ekki að gera. Þeir gáfu eftir fimm
prófadaga sem væntanlega verða kenndir
framvegis. Störf og menntun þessara
kvennarastétta eru sambærileg í dag.
Í nýja samningum eru sömu
menntunarákvæði og í þeim sem nú
gildir. Ég hefði viljað sjá að kennararnir
sem nú eru að útskrifast með meistara-
gráðu fengju betri launatilboð og
menntuninni sýnt almennt meiri
virðing. „ Sjá bls.6.
Andstæðingar hjálpa
Framsóknarflokknum
Samfylkingin hefur mælst með yfirburðarfylgi í Reykjavík í síðustu skoðanakönnunum sem
birtar hafa verið. Þá hefur fylgi við
Framsóknarflokkinn stóraukist á ör-
fáum dögum, en lítillega hefur dregið
úr fylgi við Vinstri græn og Pírata.
„Varla er hægt að skýra þetta með
öðru en að verið sé að gefa fráfarandi
meirihluta einkunn með þessu og lík-
lega Degi B fyrir farsælt samstarf við
Jón Gnarr,“ segir Grétar Þór Eyþórs-
son, prófessor í stjórnmálafræði, um
fylgi við Samfylkinguna.
Hann hefur tekið saman þrjár nýj-
ustu skoðanakannanir í Reykjavík;
kannanir MMR, Fréttablaðsins og
Félagsvísindastofnunar sem birtist
í Morgunblaðinu. Vegið meðaltal
sýnir að Samfylkingin er komin yfir
35 prósenta fylgi en Björt Framtíð
hefur verið á mikilli niðurleið miðað
við kosningu Besta flokksins og Sjálf-
stæðisflokkurinn stórtapar frá síðustu
kosningum, miðað við kannanir. Ekki
eru síðri tíðindi í því að fylgi við Fram-
sóknarflokkinn hefur tekið stökk upp
á við á örfáum dögum.
„Líkast til er fólk sem er andsnúið
Moskunni að gefa sig meira upp á
Framsóknarflokkinn en áður. En svo
má ekki gleyma að flokkurinn hefur
verið í sviðsljósinu frá því í byrjun
apríl þegar til stóð að Guðni Ágústsson
færi fram. Það út af fyrir sig getur hafa
hjálpað flokknum. Andstæðingar hans
hafa margir hverjir farið hamförum
í gagnrýni og hneykslan og þannig
haldið honum inni í umræðunni allan
þennan tíma. Merkilegt að svona lítill
flokkur hafi fengið alla þessa athygli,
en líklega skýrist það þó eitthvað af
því að flokkurinn fer með forystu í
ríkisstjórninni,“ segir Grétar Þór.
Tókst ekki hjá Reykjavík
„Það voru viðræður og við vorum að sjá hvort eitthvað væri hægt að
gera, en það gekk ekki fyrir skóla-
árið sem byrjar í haust,“ segir Björn
Blöndal, aðstoðarmaður borgar-
stjóra og oddviti Bjartrar framtíðar,
um húsnæðismál nýs einkaskóla sem
hugmyndir hafa verið um að yrði
með kennslu á grunnskólastigi frá
næsta hausti.
Grein var frá því í síðasta tölublaði
að í mars síðast liðnum var stofnuð
sjálfseignarstofnunin Reykjavík
International School ses. Níu konur
standa að félaginu og hafa sótt um
leyfi fyrir skólann til menntamála-
ráðuneytisins. Skólann á að fjár-
magna með skólagjöldum meðal
annars, auk opinberra framlaga,
og verði hagnaður af rekstrinum,
á hann að renna í að styrkja skóla-
starfið.
Hugmyndin er að skólinn verði
fyrir alþjóðlega nemendur, en
einkarekinn alþjóðaskóli er einnig
í Garðabæ.
Heimildir blaðsins herma að úr
húsnæðismálum skólans kynni að
leysast í samstarfi við Landakots-
skóla. Sölvi Sveinsson, skólastjóri,
vildi ekki ræða málið þegar Reykja-
vík vikublað leitaði eftir því.
Kaffistofur Háskólans í fortíðinni
„Þetta er hluti af fortíðinni sem greinilega er þarna ennþá hjá þessari virtu stofnun,“ segir Harpa
Ólafsdóttir, forstöðumaður kjaramála-
sviðs Eflingar.
Reykjavík vikublað greindi frá því
að konum sem starfa við kaffistofur
Háskóla Íslands er iðulega sagt upp
störfum á vorin, en þær ráðnar aftur
að hausti.
Félagsstofnun stúdenta rekur sex
kaffistofur á háskólasvæðinu. Fimm
þeirra er lokað yfir sumarmánuðina.
Félagsstofnun stúdenta sagði blaðinu
að þetta væru rekstrarforsendurnar,
að hafa kaffistofurnar aðeins opnar níu
mánuði á ári, og að konurnar væru
ráðnar upp á þessi býtti. Þetta hefði
tíðkast árum og áratugum saman.
„Þetta er alveg horfið úr grunnskól-
anum, þar sem þetta var með þessum
hætti,“ segir Harpa Ólafsdóttir, en
starfsfólk grunnskóla í sambærilegum
störfum fór gjarnan á atvinnuleysis-
bætur, að hluta, yfir sumarið hér áður
fyrr. „Nú getur fólk verið með ráðn-
ingarsamning allt árið. Það var barátta
að breyta þessu, en lenging skólaársins
hefur hjálpað til.“ Hún segir að öðru
leyti að málið í Háskólanum hafi ekki
komið inn á borð til Eflingar og hún
geti því ekki haft skoðun má málinu.
„En það kemur mér á óvart að þetta sé
með þessu móti.“
Ljóðskreytt myndlist
á Kjarvalsstöðum
Tvær sýningar með verkum í eigu Listasafns Reykjavíkur verða opn-
aðar í dag klukkan 16 á Kjarvalsstöðum,
Reykjavík, bær, bygging og Hliðstæður.
Á sýningunni Reykjavík, bær, bygging
má sjá hvernig borgin kom íslenskum
listmálurum fyrir sjónir á hundrað og
tveggja ára tímabili, allt frá 1891 til 1993.
Reykjavík Bókmenntaborg UNESCO
hefur valið Reykjavíkurljóð eftir 10
skáld frá árunum 1931-2013 til að
ljóðskreyta sýninguna. Þetta er fyrsta
samstarfverkefni Listasafns Reykja-
víkur og Reykjavíkur Bókmenntaborgar
UNESCO á þessu sviði.
Verkin á sýningunni Hliðstæðum
spanna 73 ára tímabil en þar er verkum
ólíkra listamanna spilað saman, tveimur
eða þremur í senn, til að draga fram
líkindi þeirra á milli. Í flestum tilfellum
eiga listamennirnir fátt sameiginlegt,
eru af ólíkum tíma, innblásnir af ólíkum
hugmyndum og stefnum, en samt sem
áður kvistar af sama meiði, segir í til-
kynningu frá Listasafni Reykjavíkur.
„merkilegt að svona lítill flokkur
hafi fengið alla þessa athygli,“ segir
Grétar Þór Eyþórsson prófessor.
Vegið meðaltal þriggja kannana úr vikunni fyrir kjördag sýnir mikið fylgi við
Samfylkinguna, um 20 prósenta stuðning við Sjálfstæðisflokkinn og Bjarta
framtíð. Píratar mælast með 7,3 prósent, VG 6,2, Framsóknarflokkur með
7,7, Dögun 1,4 og alþýðufylkingin með 0,3 prósent. Mynd: Grétar Þór.
Dottandi, berrössuð og bakvið rimla
Íslenskir stjórnmálamenn eru sýndir í öðru ljósi á sýningu í Tjarnarbíói sem ber heitið Á nærfötunum:
Hin hliðin á íslenskum stjórnmálum.
Sýningin, sem hangir uppi í kaffisal
hússins, er fyrsta einkasýning Ásgeirs
Ásgeirssonar, fréttaljósmyndara sem
þekktur er undir heitinu Geirix.
Á sýningunni má sjá áður óbirtar
myndir sem og fræga mynd af þeim
Steingrími J. Sigfússyni, þingmanni VG
og Bjarna Benediktssyni, fjármálaráð-
herra, í sjómanni. Myndin sem tekin
var í kringum stjórnarskipti í fyrra er
í einkaeigu en Geirix lét myndina af
hendi rakna á sínum tíma til styrktar
fjölskyldu Ingólfs Júlíussonar, frétta-
ljósmyndara heitnum.
Þá má á sýningunni sjá gegnsæis
stefnu Pírata berum augum en meðal
verka er mynd af fimm efstu fulltrúum
Pírata í Reykjavík á bossunum einum
saman. Kaffisala Tjarnarbíó er opin
frá hádegi til ellefu á kvöldin alla daga.
Harpa Ólafsdóttir.
Óskum sjómönnum og
fjölskyldum þeirra til
hamingju með
sjómannadaginn
Ögurvík býður sjómönnum,
starfsmönnum sínum, sem og
öllum landsmönnum,
gleðilegt ár.