Reykjavík - 31.05.2014, Blaðsíða 6
Gufunesi · 112 Reykjavík · Sími 559 2200 · efnamottakan.is
Ertu að taka til í …
… garðinum
… geymslunni
Komdu spilliefnunum og raftækjunum
á söfnunarstöðina næst þér …
… við sjáum um framhaldið!
6 31. maí 2014REYKJAVÍK VIKUBLA
Ð
Gallar og kostir kjarasamnings grunnskólakennara
Eftir Unni G. Kristjánsdóttur, grunnskólakennara og fyrrum samninganefndarmanns
Ég sagði nei við kjarasamningi grunnskólakennara!Kostir samningsins er að laun
kennara hækka um allt að 32% og að
sumu leyti er samningurinn einfaldari
en sá sem enn gildir. Ég tel einnig gott
að umsjónarkennsla er hærra metin í
samningnum, verkstjórn skólastjóra
verður skýrari og faglegt samtal ætti
að vera meira.
Kennsluafsláttur seldur
Gallarnir er að kennsluafsláttur er
„seldur“ og t. d. fyrir mig með kennslu-
skyldu á næsta ári upp á 19 tíma þýðir
þetta að kenna 7-9 tímum meira á
viku en ella. Launin mín hækka um 40
þúsund og þannig sel ég kennsluafslátt
minn á 1000 krónur á tímann.
Gert er ráð fyrir að kennarar taki
bekki í tog þ. e. leysi „hinn“ kennar-
ann af í allt að 7 kest. á mánuði. Ergo,
kennarar gætu lent í að vera með
40-50 nemendur í hópi, þetta raskar
kennsluáætlunum og er í alla staði
mjög ófaglegt. Núna eru það aðallega
verkgreinakennarar sem taka „hinn“
nemendahópinn í tog og fá greidda
1/ 2 kennslustund fyrir og hefur það
fyrirkomulag verið lítið umdeilt.
Gæslan
Í nýja samningnum kemur fram að
meðal þeirra starfa sem skólastjóri
getur falið kennara að viðhöfðu sam-
ráði, er gæsla. Síðan 2001 hafa kennarar
ekki gæsluskyldu en kennara hafa
fengið gæslu greidda með yfirvinnu-
kaupi. Þó gæslan sé ekkert stórmál
fyrir mig, þá er hún ekki hluti af því
sem kennarar mennta sig til í háskóla í
dag í 5 ár og einkennilegt að yfirmenn
skólamála telji það mikilvægt að ráð-
stafa vinnutíma kennara í slík verkefni.
Kostnaður sveitarfélaga
Ég þykist vita að þessi svokallaða 32%
hækkun launa grunnskólakennara sé
alls ekki 32% hækkun á greiðslum
sveitarfélaganna v/ launa kennara.
Hvernig getur það verið? Jú, núna hafa
allir kennarar sem ekki hafa kennslu-
afslátt 2 tíma á viku í yfirvinnu. Þessi
yfirvinna leggst af, peningar sparast v/
afleysinga og kennslustundamagnið
eykst við að kennsluafslátturinn fer út.
Ég áætla að kostnaðaraukinn verði á
bilinu 12-15% sem þýðir að erum við
að borga sjálf eigin launahækkun að
meira en háflu leyti.
Faglegt sjálfstæði
Einnig les ég út úr samningnum aukin
yfirráð stjórnenda yfir vinnatíma
kennara. Það þarf ekki að vera slæmt
og vel get ég unnt góðum skólastjóra
að hafa hönd í bagga með ýmsum ver-
kefnum okkar. Margir kennarar þurfa
í dag að vinna ýmis aukastörf sem þó
skv. núverandi samningi að vera „fag-
leg“ þ. e. námsefnisgerð, handleiðsla
nýrra kennara og fleira. Hin hliðin er
að allar stéttir háskólamenntaðs fólks
eru sérmenntaðar og núna útskrifast
grunnskólakennarar með meistara-
gráðu. Það er sameiginlegur skilningur
háskólamanna að faglegt sjálfstæði sé
grundvallaratriði í starfi. Ofangreint
skýtur því skökku við faglegum metn-
aði og sjálfsmynd.
Undarlegar sögur
Meðal þess sem mér líkar illa í um-
ræðunni um hinn nýja kjarasamning
eru þau stéttarsystkyni mín sem trúa
að ef við gefum ekki sjálf eftir kennslu-
afsláttinn sem er nú við 55 og 60 ára
aldur, verði hann tekinn af okkur með
lögum (eða af ESB!). Af hverju það
ætti að gerast gagnvart grunnskóla-
kennurum en ekki t. d. framhaldsskóla-
né háskólakennurum er mér hulin
ráðgáta. Undarlegar sögur og áróður
Samanburður við samning fram-
haldsskólakennara er mjög óhagstæður
okkur grunnskólakennurum m. a.
vegna þess að við seljum aldursafslátt-
inn, tökum afleysingar og gæslu inn án
þess að fá greiðslu fyrir sem þeir þurfa
ekki að gera. Þeir gáfu eftir fimm prófa-
daga sem væntanlega verða kenndir
framvegis. Störf og menntun þessara
kvennarastétta eru sambærileg í dag.
Menntastéttin
Í nýja samningum eru sömu menntun-
arákvæði og í þeim sem nú gildir. Ég
hefði viljað sjá að kennararnir sem nú
eru að útskrifast með meistaragráðu
fengju betri launatilboð og menntun-
inni sýnt almennt meiri virðing - við
erum menntunnarstéttin og menntun
er okkar mál.
Réttindi seld 2001
Ég starfaði í samninganefnd FG um
árabil og tók þátt í gerð þriggja kjara-
samninga. Ég hafði ánægju af þessu
stússi en það var líka mjög erfitt. Ég er
ein þeirra sem sat í Karphúsinu í verk-
fallinu 2004 og átti drjúgan þátt í að þá
var samið í stað þess að undirgangast
lagasetningu. Ég var líka með í 2001
samningnum þegar skólaárið var lengt
og fleiri réttindi seld. Síðast tók ég þátt
2007 í samningi sem miklar vonir voru
bundnar við. Enginn þessara samninga
leiðréttu launa grunnskólakennara í
raun.
Afgreiðsluferli samningsins tel ég
einnig vera gallað, fyrst samþykkjum
við eða synjum launahækkunum í
byrjun tímabilsins og hvort við viljum
breyta kennsluskyldu grunnskóla-
kennara til framtíðar. Síðan ákveðum
við hvert og eitt hvort við viljum
„selja“ kennsluafsláttin eða vera á lægri
launum með minni kennsluskyldu og
síðan á að búa til svokallað vinnu-
mat. Selja áður en við vitum innihald
vinnunnar er ekki rökrétt.
Togstreita
Almennt tel ég samninginn ekki stuðla
að bættri skólaþróun þar sem vinnuá-
lag mun aukast og sérþekkingu meðal
kennara er ekki gert hærra undir höfði
en áður. Þá hefur þegar skapast tog-
streita milli kennarahópa, yngri gegn
eldri og sérgreinakennurum finnst þeir
sitja eftir.
Ofangreint rek ég því það sem mér
finnst verst við núverandi samning
er að sumir sem harðast gagnrýndu
mig og mína samferðamenn í samn-
inganefndunum eru þeir sömu og núna
sátu við samningaborðið. Samningana
2001 fann t. d. núverandi formaður
FG (og fleiri í samninganefnd) allt til
foráttu því þar væru réttindi seld en
stendur núna fyrir samningum þar sem
mikið meira er „selt“ og á lægra verði
en nokkru sinni áður. Mér misbýður
slíkur tvískinnungur.
Mér finnst skylda mín að segja
þetta svona og að þora að vera heiðar-
leg gagnvart þeim mörgu sem enginn
sagði takk við og jafnvel fóru illa út úr
störfum sínum í forystu séttarfélagsins
okkar grunnskólakennaranna.
KjaramáL
Ólafur Loftsson formaður Félags grunnskólakennara lýsti því að samningaviðræður hefðu ekki verið auðveldar,
enda lögðu kennarar niður störf til að fylgja kröfum sínum eftir. Hann sést hér á fundi hjá sáttasemjara ásamt
Rósu Ingvarsdóttur, formanni Kennarafélags Reykjavíkur. Þrátt fyrir það hafa viðbrögð við samningnum verið
misjöfn í hópi grunnskólakennara.
„mér misbýður svona tvískinnungur,“
segir Unnur G. Kristjánsdóttir.