Reykjavík - 31.05.2014, Blaðsíða 11

Tómatasósa með
engifer frá Helgu
Mogensen
1 dós sýrður rjómi
Hræra saman við 60 ml
tómatasósa
Ásamt ½ tsk salt og
2 tsk engifer safi
Saxa smá myntublöð saman
við og skreyta
Tómatar eru hollir og góðir. Myndir: Svavar Halldórsson og Hari.
Bleika ídýfan klikkar ekki yfir kosn-
ingasjónvarpinu.
31. maí 2014 11REYKJAVÍK VIKUBLA
Ð
matarsÍða svavars
Svavar Halldórsson
svavar@islenskurmatur.is
Veljum rétt um kosningahelgi
Kosningar eru rétt eins og evrópska söngvakeppnin og áramótaskaupið
fullgild ástæða til að setjast niður við sjónvarpið og eiga góða kvöldstund
með tilheyrandi áti . . . og stundum drykkju. Nú um helgina fylgjast lands-
menn spenntir með úrslitum sveitastjórnarkosninga, raða í sig snakki,
ostum og ídýfum undir fróðleik og tölum frá Ólafi Þ. Harðarsyni, Rakel
Þorbergsdóttur og Boga Ágústsyni. Sjónvarpsdagskráin er svo krydduð
sorg og gleði frambjóðenda.
Okkar er valið . . .
Oft lofa frambjóðendur meiru en þeir
geta staðið við og okkur líður ekkert
sérstaklega vel eftir að hafa kosið þá.
Hið sama á líka við um mat. Sumt er
með afbrigðum girnilegt eða í aðlað-
andi umbúðum, en gerir okkur ekk-
ert gott. Stundum lokar maður samt
bara fyrir skynsemina og lætur vaða
– fellur fyrir sætindum eða lýðskrumi.
En okkar er auðvitað valið. Sumir finna
fyrir einhvers konar ónotatilfinningu
inni í kjörklefanum, nú eða þegar þeir
belgja sig út af óhollustu á kosninga-
nóttu.
. . . að falla ekki
í freistni . . .
Auðvitað vitum við innst inni að óholl-
ustan er ekki góð fyrir okkur, frekar
en lýðskrumarinn er góður fyrir sam-
félagið. En við veljum stundum fram-
boð og lista á sama hátt og snarlið
fyrir kosninganóttina – stundum út
frá skynsemi en stundum ekki. Matar-
blaðamaður ætlar sér ekki þá goðgá að
ráðleggja fólki hvað það á að kjósa. Hins
vegar er hann með nokkrar ábendingar
varðandi matinn.
. . . og velja
íslenskt og hollt . . .
Við erum þó svo heppin að geta valið
úr fjölda frambærilegra frambjóðenda
og hið sama á við um kosningasnarlið.
Óhollusta er í lagi endrum og eins, því
óhollur biti fylgir okkur ekki í fjögur
heil ár eins og óheppilegur borgar-
fulltrúi. En allt er auðvitað best í hófi.
Matarblaðamaður mælir með íslensku
snakki, kexi og ostum á kosninganótt .
. . og svo auðvitað íslensku grænmeti.
Svo má alveg sérstaklega mæla með
glænýrri íslenskri tómatsósu sem er
frábær grunnur í sósur og ídýfur .
. . . til að leggja
grunninn . . .
Tómatar eru meinhollir – um það eru
engin áhöld. Stór hluti af þeirri hollustu
skilar sér í tómatsósunni. Finnskir vís-
indamenn við Oulo háskóla mæltu með
því fyrir fáeinum árum að krökkum sé
gefin tómatsósa út á nánast allan mat.
En það má reyndar ekki vera hvaða
tómatsósa sem er. Hún má ekki vera
ein af þessum rauðu sykurleðju e-efna
sírópum sem sumir framleiðendur kalla
tómatsósu. Hún þarf að vera af hollari
gerðinni .
. . . að vellíðan
líkama og sálar . . .
Þannig er nýja íslenska tómatsósan sem
framleidd er úr hollum og hreinum ís-
lenskum tómmötum. Matgæðingurinn
Helga Mogensen lagði dótturfyrirtæki
Sölufélagsins lið og útkoman er glæný
vörulína af frábærum tómatvörum.
Löng hefð er fyrir því að nota tómatsósu
sem ídýfu-grunn og klárt mál að
nokkur hluti af þeim fjörtíu milljón
tonnum sem jarðarbúar neyta árlega af
þessari töfrum gæddu sósu fer í ídýfur.
. . . eftir kosningar.
Hér á síðunni er uppskrift að ídýfu úr
nýju íslensku tómatsósunni . En svo
má auðvitað líka bara borða niður-
skorið grænmeti sem kosningasnakk,
gultætur, kál, gúrkur eða einhverja af
þeim tíu tómatategundum sem fram-
leiddar eru á Íslandi. Allir eiga þeir
það sameiginlegt að vera bráðhollir,
framleiddir á umhverfisvænan hátt
og svo eru þeir líka flestir afskaplega
bragðgóðir. Matarblaðamaður mælir
sérstaklega með Piccolo tómötunum
frá Friðheimum. Gleðilega kosninga-
nótt og megi heilsan verða sem best á
sunnudaginn.
Viðskiptahúsið ehf. hefur fært skipasöluna undir dótturfyrirtækið Atlandic Shipbrokers.
www. shipbroker.is
Hlíðarsmári 6, 201 Kópavogi · info@shipbroker.is
Sími:566-8800 · Gsm:894-0361/863-6323 · Fax: 566-8802