Fréttir - Eyjafréttir - 13.09.2007, Síða 12

Fréttir / Fimmtudagur 13. september 2007
Ættarmót Andersena haldið í Eyjum
Um næst síðustu helgi héldu
Andersenar ættarmót í Eyjum,
þ.e. afkomendur Danska Péturs,
sem svo var nefndur og Jóhönnu
Guðjónsdóttur fyrri konu hans og
Magneu Jónsdóttur seinni konu
hans. En heimili þeirra var að
Sólbakka við Hásteinsveg 3.
Ættboginn, sem frá þeim er
kominn, er orðinn mjög stór eða
rúmlega 300 talsins. Stór hluti
hans býr á fastalandinu en einnig
mjög stór hluti hans í Eyjum. Til
að átta sig á því hvaða fólk er hér
um að ræða, má nefna Marý i
Mozart Njálsdóttur, Ingu Ander-
sen, Evu Andersen, Víu Andersen
og Willum Andersen en Danski
Pétur var afi þeirra.
Danski Pétur, sem svo var kall-
aður, eða Hans Peter Andersen,
var fæddur í Fredrikssund í
Danmörku 20. mars 1887 og hefði
því orðið 120 ára á þessu ári.
Fyrri kona hans, Jóhanna Guð-
jónsdóttir, fæddist í Landeyjum,
27. febrúar 1889. Magnea Jóns-
dóttir, seinni kona hans, fæddist
29. mars 1911.
Danski Pétur kom upphaflega
til landsins til að kenna Islend-
ingum á vélar. Arið 1907 fluttist
hann til Vestmannaeyja og varð
vélstjóri á fiskibátum. Síðar gerð-
ist hann útgerðarmaður og skip-
stjóri á m.a. Skógarfossi og Metu
og verkaði sinn fisk sjálfur. Síð-
ustu starfsár sín var hann verk-
stjóri í Lifrarsamlaginu.
Snyrtimennska og umhirðu-
semi var hans einkenni og hafa
margir hans afkomenda fengið
þau gen í arf. Fyrri konu sína,
Jóhönnu Guðjónsdóttur, missti
hann árið 1934. Seinni konu sinni,
Magneu Jónsdóttur, kvæntist
hann árið 1938 . Hún lifði mann
sinn. Danski Pétur lést árið 1955
úr hiartaáfalli.
Atkomendumir hittust í Odd-
fellowhúsinu á föstudagskvöldinu
og gæddu sér á dýrlegum mat og
skemmtu sér. A laugardeginum
var hist á Skansinum, en þar
stendur húsið Landlyst, þar sem
Danski Pétur og Jóhanna hófu
sinn búskap. Þá var gengið að
hraunbolla í nýja hrauninu, þar
sem gróðursettar voru hríslur,
ein fyrir hvern afkomanda þeirra.
I hraunbollanum var einnig af-
hjúpað skilti með nafninu Sól-
bakki, sem hjónin Oskar Þórar-
insson og Inga Andersen gáfu.
Börn Danska Péturs og Jó-
hönnu voru Eva, Willum, Knud,
Njáll, Emil og Guðrún. Með
Magneu, seinni konu sinni, átti
hann Jóhann og Valgerði.
Afkomendur Evu Valgerðar Ólafíu Andersen, ásamt mökum. Eva var elst systkinanna, fædd 1908. Hún var
lengst af húsmóðir í Reykjavík.
Afkomendur Willums Jörgens Andersen. H ann fæddist arið 1910 og var
lengi skipstjóri og útgerðarmaður á Metu VE.
Afkomendur Njáls Andersen. Hann fæddist árið 1914. Hann var rennismiður
að mennt og var einn af eigendum Vélsmiðjunnar Magna.
Afkomendur Knuds Andersen. Hann var fæddur árið 1913. Hann var
lengi skipstjóri og síðar meir verslunarmaður í Vélsmiðjunni Völundi.
Afkomendur Emils Marteins Andersen. Malli fæddist árið 1917. Hann var skip-
stjóri og útgerðarmaður á Júlíu VE og síðar Danska Pétri VE.
Afkomendur Guðrúnar Svanlaugar Andersen. Hún fæddist árið 1921. Gunna er
vinstra megin fyrir miðju í rauðum jakka.
Hún var húsmóðir á stóru heimili í Sandprýði.
Afkomendur Jóhanns Júlíusar Andersen. Hann fæddist árið 1938.
Jóhann stundaði sjómennsku alla sína tíð, lengst af sem stýrimaður á fiskiskipum.
Valgerður yngst systkinanna, er þriðja frá vinstri. Hún er barnlaus.
Valgerður Andersen fæddist árið 1944. Hún er húsmóðir í Eyjum.