Fréttir - Eyjafréttir - 17.07.2008, Síða 8
8
Fréttir / Fimmtudagur 17. júlí 2008
Að taka Evrópu með trompi
-Ragnar Þór Jóhannsson segir frá tveggja mánaða ferð sinni um tólf
Evrópulönd í viðtali við Ellert Scheving
Viðtal
Ellert Scheving
Ellert@ eyjafrettir.. is
Ragnar Þór Jóhannsson er Eyja-
maður sem í vor lét draum sinn um
lestarferðalag um Evrópu verða að
veruleika. Hann er nýkominn heim
eftir ævintýralega ferð sem stóð í
tvo mánuði. Hann var einn á ferð
og heimsótti tólf lönd. Hann er í
skýjunum með ferðina sem gekk
vel nema þegar hann komst í kynni
við vegabréfaeftirlit í fyrrum aust-
antjaldslöndum. Blaðamaður Frétta,
Ellert Scheving, greip Ragnar Þór
glóðvolgan og fór yfír það helsta
sem á daga hans hefur drifið síð-
ustu tvo mánuði.
Byrjaði á sjó fimmtán
ára
Ragnar Þór er fæddur 5. október
árið 1988, hann er sonur Jóhanns
Ragnarsonar og Júlíu heitinnar
Bergmannsdóttur. Hann á systurina
Berglindi. Ragnar hefur stundað
sjómennsku síðan hann var fimm-
tán ára. „Ég byrjaði á sjó þegar ég
var fimmtán ára, fór tvo túra á
Narfa VE. Eftir það fór ég einn túr
á Frá VE og stuttu eftir það fékk ég
fast pláss á Gullberginu hjá honum
Eyjólfi. Þá var ég orðinn sexlán
ára,“ sagði Ragnar.
Honum líkar sjómennskan vel og
segist hafa lært mikilvægar lexíur á
sjónum. „Mér líður afskaplega vel á
sjó og þar lærði ég að vinna. Einnig
öðlast maður það hugarfar að það
þarf að vinna fyrir peningunum á
sjónum."
Langaði að skoða
heiminn
Ragnar ákvað í vetur að nú væri
tími til kominn að skoða heiminn
örlítið. Hann lagði af stað f Evrópu-
reisu í maf síðastliðnum, ferðaðist í
rúma tvo mánuði, einn á báti og
heimsótti alls tólf lönd. Það þarf
mikið hugrekki til að leggja í svona
ferð eins sín liðs en það var ekki
mikið mál fyrir Ragnar sem er
fullur af ævintýraþrá.
„Mig langar að skoða heiminn,
það er svo margt sem er hægt að
skoða fyrir utan ísland. Þetta er líka
kjörinn tími til að fara þegar maður
er enn ungur, vitlaus og ekkert
bundinn. Éf maður hefur tækifæri
til að fara þá á maður að grípa það.
Það er svo margt að skoða um allan
heim.“
Lagði af stað með
bakpoka og lestarmiða
Ragnar ákvað við undirbúning
ferðarinnar að vera ekkert að flækja
hlutina, láta kylfu ráða kasti þegar á
hólminn var komið. Þeim sem
þekkja til Ragnars kemur þetta
verulega lítið á óvart. „Ef ég segi
nú alveg eins og er þá var ég ekki
með neitt plan, þetta var allt frekar
óskipulagt. Ég flaug út með lestar-
miða og bakpoka sem innihélt að-
eins nokkrar flíkur."
Ragnar byrjaði ferðina í Kaup-
mannahöfn og þaðan hélt hann til
Þýskalands. I Hamborg beið hans
óvæntur atburður. „Ég var eina nótt
í Kaupmannahöfn og svo þurfti ég
að ferðast til bæjar sem heitir
Rödby. Þaðan gat ég tekið lest til
Hamborgar. Þegar ég var kominn til
Rödby fann ég þessa blessuðu lest
sem á stóð Hamburg. Ég steig upp í
hana og var alveg pottþéttur á að
þetta væri lestin. Hún fór af stað og
mér til mikillar undrunar fór lestin
beint inn í ferju. Mér brá allsvaka-
lega þegar ég sá hvert lestin stefndi
og hálfógvænlegt að keyra svona
beint inn í ferjuna. En þá var ég
bara kominn á ferjuna og var á
leiðinni yfir til Þýskalands. Þetta
var hins vegar alveg magnað að
fara með lest inn í skip því aldrei
hafði ég séð svona né heyrt um.“
Hamborg skemmtileg
þó enginn tali þar ensku
Ragnar fetaði í fótspor Bítlanna á
ferð sinni og hóf reisuna í Ham-
borg. Þar voru Bítlamir að stíga
sín fyrstu skref fyrir u.þ.b. 45 árum.
Hamborg heillaði Ragnar sem var
þó í smávegis vandræðum með
samskipti við heimamenn.
„Hamborg er mjög flott og
skemmtileg borg og aðeins öðruvísi
en flestar stórborgir. Það fyrsta sem
ég gerði var að leita mér að tjald-
stæði og ég þurfti að fara aðeins út
fyrir bæinn til að finna það. Ég átti
nú í smá erfiðleikum með að finna
það. Ég ákvað að biðja nokkra
heimamenn um að vísa mér veginn
en enginn talaði ensku og enginn
gat hjálpað mér. Ég byrjaði þá bara
að tala íslensku við fólkið og þá
byrjaði það allt í einu að tala ensku.
Sýndi mér hvar tjaldstæðið var. Það
var hreinlega eins og fólkið nennti
ekki að tala ensku því ég var búinn
að spyrja það hvort það talaði
ensku og fólkið svaraði neitandi.“
Eftir stutt stopp í Hamborg lá leið
Ragnars til höfuðborgar
Þýskalands, Berlínar, þar sem
Ragnar kynnti sér mikla og átaka-
sama sögu borgarinnar. „Eg fór frá
Hamborg til Berlínar og þá gisti ég
í fyrsta skipti á gistiheimili. Var í
herbergi með þrettán manns þar
sem meirihlutinn var Kínverjar. Þar
kynntist ég strák frá Ameríku sem
ég skoðaði borgina með. Við
skoðuðum hana vel í tvo daga og
kynntum okkur sögu borgarinnar
sem mér þykir mjög áhugaverð.
Það er magnað að sjá hvemig hún
hefur rifið sig upp úr svo miklum
hörmungum og gaman að sjá hvað
þessi borg blómstrar í dag.”
Miinchen, höfuðborg
bjórsins
Ragnar fór frá Berlín til Miinchen
og fannst margt áhugavert við þá
borg. Einkum var það þó hin mikla
„Þetta er líka kjörinn tími til að fara þegar maður er
enn ungur, vitlaus og ekkert bundinn. "