Fréttablaðið - 27.12.2013, Síða 24

27. desember 2013 FÖSTUDAGUR| SKOÐUN | 24
Tillaga að breytingu á Aðalskipulagi
Hafnarfjarðar 2005-2025.
Svæði norðan Ásbrautar.

Bæjarstjórn Hafnarfjarðar samþykkti á fundi sínum
27.11.2013 að tillaga að breytingu á Aðalskipulagi Hafnar-
fjarðar 2005-2025 hvað varðar svæði norðan Ásbrautar
milli Selhellu og Tjarnarvalla dags. 07.10.2013 verði sett í
auglýsingu skv. 31. grein skipulagslaga nr. 123/2010.

Í breytingartillögunni felst að landnotkun meginhluta
svæðisins er breytt úr blöndu af stofnanasvæði og opnu
svæði til sérstakra nota í athafnasvæði, og verður svæðið
hluti af athafnasvæðinu Selhraun norður. Vesturhluti
svæðisins fer að örlitlum hluta yfir svæði sem skilgreint er
sem óbyggt svæði í gildandi aðalskipulagi, en austurhlutinn
yfir á jaðar miðsvæðis Valla, sem nær eftir breytingu að
göngu- og hjólreiðastíg sem skilur það frá miðsvæði Valla.
Landnotkun svæðisins breytist þannig í athafnasvæði úr
miðsvæði á austasta hlutanum, óbyggðu svæði á vestasta
hlutanum og blandaðri notkun þjónustusvæði/opin svæði til
sérstakra nota annars staðar.

Tillaga að breytingu á deiliskipulagi
athafnasvæðisins Selhraun norður
í Hafnarfirði.

Skipulags- og byggingarráð Hafnarfjarðar samþykkti á fundi
sínum þann 04.12.2013 að auglýsa tillögu að breytingu á
deiliskipulagi athafnasvæðisins Selhraun norður í samræmi
við 43. gr. skipulagslaga nr. 123/2010.

Breytingin felst í að svæðið er stækkað til norðurs með nýrri
lóð norðan Ásbrautar, sbr. jafnframt auglýsta breytingu á
aðalskipulagi. Í samræmi við aðalskipulag er nýtingarhlut-
fall á lóðinni 0,33 og byggingar allt að 4 hæðir, sem er í
samræmi við aðliggjandi lóð í Selhrauni norður og skipulag
miðsvæðis Valla. Mesta hæð bygginga verði 17 m. Að öðru
leyti gilda sömu skilmálar og fyrir svæðið Selhraun norður í
heild.

Skipulagstillögurnar verða til sýnis hjá skipulags- og
byggingarsviði á Norðurhellu 2 og í þjónustuveri Hafnar-
fjarðarbæjar Strandgötu 6, frá 27. desember til 8. febrúar
2014. Hægt er að skoða aðalskipulagstillöguna á forsíðu
vefs Hafnarfjarðarbæjar www.hafnarfjordur.is Nánari
upplýsingar eru veittar á skipulags- og byggingarsviði.

Þeim sem telja sig hagsmuna eiga að gæta er gefinn kostur
á að gera athugasemdir við breytinguna og skal þeim skilað
skriflega til skipulags- og byggingarsviðs Hafnarfjarðar-
bæjar, eigi síðar en 8. febrúar 2014. Þeir sem eigi gera
athugasemdir við breytinguna innan tilskilins frests, teljast
samþykkir henni.

Skipulags-og byggingarsvið Hafnarfjarðar.
Þú kannski starfar líka í
ferðaþjónustu? Kannski
á gististað eða í afþrey-
ingu, leigir út bíla eða
selur veitingar, já eða
olíu á bílinn? Ef þú svar-
ar framangreindum
spurningum jákvætt er
það líka þitt hlutverk að
gefa þeim ferðamönnum
sem þú talar við upplýs-
ingar. Ekki eingöngu um
náttúruperlur sem fram
undan eru eða mögulega
veitinga- og gististaði
heldur líka um aðstæður á svæð-
inu.
Í september komu rúmlega
70.000 ferðamenn til lands-
ins sem var um 13% aukning
frá fyrra ári samkvæmt tölum
Ferðamálastofu. Ekkert bendir
til annars en að einhver, jafnvel
álíka, aukning verði á komandi
vetrarmánuðum. Það merkir að
tugir þúsunda ferðamenn verða
á ferðinni í hverjum mánuði að
njóta þess sem landið hefur upp
á að bjóða.
Við Íslendingar þekkjum ágæt-
lega aðstæður hér á landi, hálku
sem getur myndast að kvöldlagi
eftir rakan dag, skafrenning sem
fýkur yfir veginn sem annars er
auður og vindhviður sem hrista
bílinn þegar ekið er meðfram
fjöllum. Svo ekki sé nú talað um
rok og rigningu, slagveður sem
getur verið svo kraftmikið að
ekki er stætt. Við þekkjum líka
þá staðreynd að þó veður sé skap-
legt á láglendi getur geisað ofsa-
veður þúsund metrum hærra
þegar til fjalla er komið.
En þessu gera erlendir ferða-
menn sér ekkert endilega grein
fyrir né þeirri staðreynd að
veður getur breyst úr blíðu í ofsa-
veður á örfáum klukkustundum.
Þar kemur þú inn, þú
sem talar við ferðamenn
og hefur tækifæri á að
upplýsa um hálkuna eða
hvassviðrið sem er spáð á
næstu klukkundum. Enn
frekar hefur þú tækifæri
á að upplýsa um stað-
bundnar aðstæður sem þú
sem heimamaður þekkir
betur en nokkur annar.
Hlutverk allra
Það verður að vera hlut-
verk allra þeirra sem
starfa í og koma að ferðaþjón-
ustu að upplýsa ferðamenn um
aðstæður hverju sinni. Taka sér
eina mínútu og ræða sérstaklega
við ferðamanninn um hvert för-
inni er heitið og benda á hvað
þarf að hafa í huga ef aðstæð-
ur gætu verið annað en eðlileg-
ar. Mikilvægt er þá að setja sig í
spor ferðamannsins sem kannski
hefur enga reynslu af snjó, hálku
eða íslensku votviðri, svo ekki sé
nú talað um sandstorma.
Það er því miður svo að fjár-
magn er ekki til staðar til að
halda uppi nauðsynlegri þjónustu
við sívaxandi fjölda ferðamanna
sem hingað koma. Má þar nefna
að ekki er rutt nema fimm daga í
viku að Gullfossi, merkingum er
víða ábótavant og fleira mætti
tína til. Vilji allra sem að þess-
um málaflokki koma er þó mikill
í þá átt að bæta úr því sem þarf.
En þetta setur enn meiri kröfur
á þá sem upplýsa ferðamenn. Það
verða allir að vita að Gullfoss-
vegur og bílastæði við Gullfoss
eru ekki rudd á þriðjudögum og
laugardögum.
Ef færð er erfið eða slæm þarf
að benda ferðamönnum á að fara
ekki á þær slóðir svo eitt dæmi
sé tekið.
Á vefsíðunni safetravel.is sem
rekin er af Slysavarnafélaginu
Landsbjörg með stuðningi ýmissa
aðila má finna helstu upplýsingar
sé eitthvað athugavert við færð
og veður hér á landi. Á vefsíðu
Vegagerðarinnar vegagerdin.is
má finna upplýsingar um færð
á vegum og á vedur.is, vefsíðu
Veðurstofunnar, má finna grein-
argott yfirlit yfir veðurspár kom-
andi daga.
Viðbragðsaðilar eins og lög-
regla og björgunarsveitir hafa
að vetrarlagi síðustu árin sinnt
hundruðum ferðamanna sem
lent hafa í vandræðum, fest bíla
í ófærð, villst af leið eða lent í
hrakningum utan alfaraleiða.
Réttar og góðar upplýsingar um
aðstæður hverju sinni eru lykil-
þáttur í því að fækka þeim tilfell-
um. Þá upplýsingagjöf þurfa allir
sem koma að ferðaþjónustu að til-
einka sér.
Talar þú við ferðamenn?
Ég fagna því að fram-
kvæmdastjórar lækninga
og hjúkrunar LSH viður-
kenna í Fréttablaðinu 20.
desember að úrvinnsla
mistaka hafi ekki verið í
lagi og vonandi nota þau
tækifærið núna til að stíga
skrefið til fulls. Þau sýna
virðingarverða auðmýkt
og hugrekki sem þarf til
að opna þessi mál upp á
gátt. Aðrir heilbrigðis-
starfsmenn sjá hér góða
fyrirmynd. Þau nefna að vatna-
skil hafi orðið á spítalanum fyrir
tveimur árum og gefa í skyn að
umrætt mál á gjörgæsludeildinni
hafi komið upp í kerfisbundnu
umbótastarfi sem allur spítal-
inn taki þátt í. Mér þykir leitt að
þurfa að benda á að ekki er allt
sem sýnist í málflutningi þeirra.
Svo ég skýri mál mitt betur er
best er að vitna í ráðstefnuna í
Hörpu 3. september sl. Þar hélt
Alma D. Möller, yfirlæknir gjör-
gæsludeildarinnar, erindi um til-
raunaverkefni í atvikaskráningu á
deildinni. Engin merki eru um að
þetta verkefni sé í gangi á öðrum
deildum. Þess skal geta að innleið-
ing atvikaskráningar hófst á spít-
alanum árið 2002. Það hefur sem
sagt tekið tæp 12 ár að koma á til-
raunaverkefni í innleiðingunni
á einni deild. Skyldi landlæknir
vera sáttur við þennan hraða á
málefninu? Ég tel ekki ástæðu til
að draga stórar ályktanir af yfir-
lýsingum framkvæmdastjóranna
eða gefa mér að allur spítalinn
hafi varpað af sér gervi guðanna.
Það er langt í frá að þetta sé trú-
verðug innleiðing. Umrætt mál á
gjörgæslunni þar sem hjúkrun-
arfræðingur liggur undir grun
hefur komið upp í þessu tilrauna-
verkefni en ekki í kerfisbundnu
átaki á öllum spítalanum eins og
gefið er í skyn.
Heiðarleg úrvinnsla
Ég er sammála framkvæmda-
stjórunum um að ákæra (dóms-
m á l) get i skem mt
traustið. Fari svo að
hjúkrunarfræðingur-
inn verði ákærður sé ég
samt ekki hvernig þau
geta leyft sér að réttlæta
þöggun. Það er á ábyrgð
stjórnenda að tryggja
heiðarlega úrvinnslu
mála hvort sem ákært
verður eða ekki. Fari
svo verður það vissulega
áskorun. Þá þarf bara
að laga það sem upp á
vantar og halda áfram á réttri
braut. Lausnina er ekki að finna
í áframhaldandi þöggun. Hún á
ekki heima í heilbrigðiskerfinu,
þar er kaldur raunveruleikinn
besti vinurinn.
Annað sem ég vil benda á í
málflutningi framkvæmdastjór-
anna eru verkferlarnir sem farið
er eftir þegar mistök eru rann-
sökuð. Hefur þú séð þessa verk-
ferla? Ekki ég heldur. Hvernig
getum við þá metið hvort rann-
sókn sé heiðarleg og að gætt sé
hagsmuna þolandans? Mér skilst
að spítalinn hafi sjálfur sett
saman þessa (leyni)verkferla og
í ofanálag rannsakar hann sjálf-
ur eigin mistök og endurskoðar
eigin verkferla.
Óháð nefnd
Þetta minnir mig svolítið á
aðskilnaðarstefnuna í Suður-
Afríku. Því langar mig að stinga
upp á að stofnuð verði óháð sann-
leiks- eða rannsóknarnefnd sem
hefur það eina hlutverk að kom-
ast að sannleikanum. Rannsókn-
arreglur og niðurstöður verða að
vera opinberar og grundvallaðar
á samvinnu almennings, stjórn-
enda og stjórnvalda. Það er stór
hópur sem á um mjög sárt að
binda vegna mistaka sem voru
þögguð og illa unnið úr. Í þján-
ingu þeirra og baráttu eru gríð-
arleg verðmæti sem heimska
væri að hunsa. Þetta fólk hefur
reynslu og þekkingu á hvernig
á og á ekki að taka á mistökum.
Margir slíkir hafa bundist sam-
tökunum Viljaspor sem bjóða
fram aðstoð til að koma þessum
málum í betri farveg, öllum til
heilla. Nú er tækifæri til að koma
með allt upp á borðið og tala um
hlutina umbúðalaust og byggja
farsælli framtíð heilbrigðisþjón-
ustunnar.
Ég fagna einnig viðtali við
verkefnastjóra gæða og eftirlits
hjá landlækni, Lauru Scheving
Thorsteinsson, í Fréttablaðinu 21.
desember þar sem fram kemur að
allt bendi til að fjöldi mistaka hér
á landi sé sambærilegur við það
sem gerist erlendis. Það þýðir að
á LSH gerast 2.500 mistök á ári,
þar af verða 600 fyrir varanlegu
tjóni og 170 láta lífið. Við þurfum
að tala um þennan fjölda í stað
þess að vona að svona sé þetta
ekki. Í sama blaði segir Ólafur
G. Skúlason, formaður Félags
íslenskra hjúkrunarfræðinga, að
hann leyfi sér að draga þessar
tölur í efa. Hvaða tölum vill hann
trúa? Ég skora á allar fagstéttir
í heilbrigðisþjónustu að leggja
málinu liðsinni sitt.
Hér er um líf og dauða að tefla
og við getum ekki leyft okkur
neinn slóðahátt. Viljaspor stend-
ur fyrir traust, virðingu og rétt-
læti í þessum málum til fram-
tíðar. Fortíðina getum við ekki
lagfært þótt mögulegt sé að gera
hana bærilegri.
Kaldi raunveruleikinn
Ábendingahnappinn má
finna á www.barnaheill.is
HEILBRIGÐIS-
MÁL
Auðbjörg
Reynisdóttir
formaður Viljaspora
FERÐA-
ÞJÓNUSTA
Jónas
Guðmundsson
verkefnisstjóri hjá
Landsbjörgu
➜ Því langar mig að stinga
upp á að stofnuð verði
óháð sannleiks- eða rann-
sóknarnefnd sem hefur það
eina hlutverk að komast
að sannleikanum. Rann-
sóknarreglur og niðurstöður
verða að vera opinberar og
grundvallaðar á samvinnu
almennings, stjórnenda og
stjórnvalda.
➜ Það er því miður svo að
fjármagn er ekki til staðar til
að halda uppi nauðsynlegri
þjónustu við sívaxandi
fjölda ferðamanna sem
hingað koma. Má þar
nefna að ekki er rutt nema
fi mm daga í viku að Gull-
fossi, merkingum er víða
ábótavant og fl eira mætti
tína til. Vilji allra sem að
þessum málafl okki koma er
þó mikill í þá átt að bæta úr
því sem þarf. En þetta setur
enn meiri kröfur á þá sem
upplýsa ferðamenn.