Fréttablaðið - 19.05.2014, Blaðsíða 10

19. maí 2014 MÁNUDAGUR| FRÉTTIR | 10

(2.589.641 kr. án vsk)
DANMÖRK Formaður Venstre í
Danmörku, Lars Løkke Rasmus-
sen, vill ekki greina frá því hversu
miklu hann hefur haldið af fatnað-
inum sem flokkurinn keypti handa
honum á árunum 2010 og 2011.
Á vef danska ríkisútvarpsins
var haft eftir flokksformanninum
að það sé einkamál hans hversu
miklu hann verji í fatnað, pitsur
og innkaup. Ekstra Bladet greindi
frá því að flokkurinn hefði varið
yfir 150 þúsundum danskra króna
í fatnað á formanninn sem sam-
svarar rúmlega þremur milljónum
íslenskra króna.
Framkvæmdastjóri Venstre,
hefur greint frá því að flokkurinn
hafi greitt fyrir fatnað handa for-
manninum í tengslum við kosn-
ingabaráttu og myndatökur. Allan
fatnað sem Rasmussen hafi síðar
tekið til eigin nota hafi hann sjálf-
ur greitt fyrir. Þetta staðfestir for-
maðurinn sem kveðst hafa verið
sendur í ákveðna herrafataversl-
un til fatakaupanna.
Áður hafði flokkurinn greitt 110
þúsund danskar krónur, rúmar
tvær milljónir íslenskra króna,
fyrir reykklefa formannsins í
stjórnarráðinu. - ibs
Flokkurinn Venstre keypti fatnað á formanninn Lars Løkke Rasmussen:
Segir fatakaup vera einkamál
LARS LØKKE RASMUSSEN Kveðst hafa
greitt fyrir þau föt sem hann hafi tekið
til eigin nota. NORDICPHOTOS/AFP
BALKANSKAGI Mikill viðbúnaður
er í Serbíu þessa dagana vegna
ótta við frekari flóðbylgjur.
Veðurfræðingar þar í landi gera
ráð fyrir því að vatnsborð einnar
lengstu ár Serbíu, Sava, geti farið
hækkandi og flætt yfir bakkana
sökum mikillar úrkomu.
Flóðið gæti þar með ógnað
stærsta orkuveri landsins, Nikola
Tesla, sem stendur við bakka
árinnar. Orkuverið sér stórum
hluta landsins fyrir rafmagni og
gæti orðið gífurlegt tjón ef orku-
verið yrði fyrir skemmdum.
Forsætisráðherra Serbíu,
Aleksandar Vucic, segir að
ríkisstjórn hans leggi áherslu
á að vernda orkuverið, en hann
hefur einnig kallað eftir aðstoð
nágrannaríkjanna. Um helgina
fór fram samstöðufundur á
vegum Félagasamtaka Serba á
Íslandi, í séra Friðrikskapellu,
þar sem rætt var hvernig best
væri að koma fólkinu til aðstoðar.
Flóðið á Balkanskaga hefur nú
þegar kostað að minnsta kosti
35 manns lífið og þá hafa tugir
þúsunda flúið heimili sín. Flóðið
hefur þó ekki aðeins lagt Serbíu
og Bosníu í rúst, Króatía hefur
einnig fengið að kenna á hamför-
unum. Yfirvöld í Serbíu og Bosníu
segja úrhellið sem flóðunum veld-
ur það mesta frá því að mælingar
hófust. gunnarleo@frettabladid.is
Óttast aðra
flóðbylgju
Mikill viðbúnaður er í Serbíu vegna ótta við frekari
flóðbylgjur. Stærsta orkuver landsins er í hættu.
ALLT Á FLOTI Maður fyrir utan heimili
sitt í þorpinu Veliki Crljeni, skammt frá
Belgrad, höfuðborg Serbíu. FRÉTTABLAÐIÐ/AP
„Það mættu margir á fundinn og
hver og einn fékk verkefni að fundi
loknum til að aðstoða,“ segir Jovana
Pavlovic en hún mætti á samstöðuf-
und á vegum Félagasamtaka Serba
á Íslandi í séra Friðrikskapellu sem
haldinn var um helgina. Um tuttugu
manns mættu á fundinn og farið var
yfir mögulegar aðgerðir til þess að
aðstoða þær þúsundir manna sem
hafa misst heimili sitt í Serbíu.
„Talað hefur verið við yfirvöld hér
á landi og við höfum einnig sóst
eftir aðstoð frá stórum fyrirtækjum
eins og Actavis til þess að fá lyf, því
það er mikið um vírusa úti sökum
óhreinlætis,“ útskýrir Jovana.
Hún segist finna fyrir miklum
stuðningi en á fyrsta degi höfðu
safnast 630.000 krónur. „Við áttum
ekki von á svona góðum stuðningi.“
SAMSTÖÐUFUNDUR
HALDINN Á ÍSLANDI