Fréttablaðið - 29.07.2014, Page 2
29. júlí 2014 ÞRIÐJUDAGUR| FRÉTTIR | 2
LANDBÚNAÐUR Ef ekkert verður að
gert mun geitfjárbúið á Háafelli í
Hvítársíðu fara á uppboð um miðjan
september. Þar eru um 22 prósent af
íslenska geitastofninum, sem telur
rúm átta hundruð dýr, og þar eru
95 prósent af kollótta hluta geita-
stofnsins.
Jón Hallsteinn Hallsson, for-
maður erfðanefndar, segir að þar
hafi menn áhyggjur af framvindu
mála. „Annars vegar vegna erfða-
fjölbreytileika íslenska geitfjár-
stofnsins,“ segir hann. „Og hins
vegar vegna þeirrar sérstöðu sem
þetta bú hefur. Það er í raun eina
ræktunarbúið hér á landi þar sem
einhver möguleiki er á því að nýta
afurðirnar. Við teljum að þarna
hafi verið unnið frumkvöðlastarf
til dæmis varðandi þróun afurða
og það er áhyggjuefni ef sú vinna
fer forgörðum án þess að möguleik-
arnir séu fullreyndir. Því ef þetta
fer úrskeiðis þá er það mér stórlega
til efs að einhver fáist til að reyna
þetta aftur.“
Skuldir búsins jukust um tíu
milljónir í hruninu en þá var enn
lítið um tekjur í þessu þróunar-
starfi, segir Jóhanna B. Þorvalds-
dóttir sem rekur búið ásamt Þor-
birni Oddssyni.
Sigurður Ingi Jóhannsson lagði
fram tillögu til þingsályktunar fyrir
kosningar 2013, ásamt Ásmundi
Einari Daðasyni sem nú er aðstoðar-
maður forsætisráðherra, um að
atvinnu- og nýsköpunarráðherra
beitti sér fyrir eflingu íslenska
geitastofnsins. Þar segir að ef ekki
verði brugðist við þeirri stöðu sem
íslenski geitfjárstofninn er í sé hætt
við að það verði um seinan. Eins og
mönnum er kunnugt er Sigurður
Ingi sjálfur orðinn landbúnaðar-
ráðherra. Jóhanna bað um fund með
honum í ágúst í fyrra ásamt full-
trúum sem eiga aðkomu að málinu.
Ekkert hefur orðið af slíkum fundi
þrátt fyrir ítrekun Jóhönnu. Hann
hefur heldur ekki svarað spurning-
um Fréttablaðsins varðandi málið.
Áhugi almennings virðist vera
fyrir hendi því geitakjöt selst jafn-
óðum upp hjá Jóhönnu, eins er mikil
eftirspurn eftir ostum sem Jóhanna
getur þó ekki framleitt. „Ég hef ekki
getað byggt upp nógu góða aðstöðu
til að fá leyfi til ostagerðar,“ segir
hún. Í fyrrasumar komu 3.400 gestir
á búið til að fræðast um geiturnar
og kaupa afurðir eins og sápur og
krem. Eins hafa margir tekið geitur
í fóstur. Segir hún að útlit sé fyrir
jafnvel meiri aðsókn nú í sumar.
„Það væri því sorglegt ef þetta færi
forgörðum nú þegar ég er loks að sjá
afrekstur erfiðisins,“ segir hún.
jse@frettabladid.is
Bíður svars ráðherra
rétt fyrir uppboð
Sigurður Ingi lagði fram þingsályktunartillögu fyrir kosningar þar sem hann hvatti
landbúnaðarráðherra til að bregðast við hættunni sem íslenski geitfjárstofninn sé í.
Stærsta búið verður boðið upp í september. Eigandinn nær ekki eyrum Sigurðar.
JÓHANNA MEÐ GEIT Framtíð hornóttra sem og kollóttra er í tvísýnu á Háafelli.
Jóhanna bíður svars frá ráðherra sem hvatti forvera sinn til að bregðast við þeirri
hættu sem steðjaði að íslenska geitfjárstofninum.
Skuldir búsins jukust
um tíu milljónir í hruninu
en þá var enn lítið um
tekjur í þessu þróunar-
starfi.
Jóhanna B. Þorvaldsdóttir,
bóndi á Háafelli.
TRÚARBRÖGÐ Múslímar um heim allan halda nú hátíðlega Eid al-Fitr
en hátíðin markar endalok ramadan, árlegs föstumánaðar. Á meðan á
ramadan stendur má hvorki neyta matar, drykkjar eða stunda kynlíf
eftir að sólin kemur upp og þar til hún sest á kvöldin.
Hefð er fyrir því að nýta þennan tíma til þess að fyrirgefa og útkljá
deilur við vini og ættingja. Auk þess er tímamótunum fagnað með
bænastundum, fjölskyldumótum, veislum, gjöfum og sælgæti. - nej
Eftir föstu í um mánuð tekur ramadan múslíma nú enda:
Múslímar halda Eid al-Fitr-hátíð
Magnús Óli, ætlið þið að
ganga að Lifandi markaði
dauðum?
„Það eru víst einhverjir aðrir búnir
að því. Við munum hins vegar senda
krans.“
Magnús Óli Ólafsson er forstjóri Innness sem
hefur kært fyrrverandi stjórnendur Lifandi
markaðar en það fyrirtæki hefur verið
úrskurðað gjaldþrota.
BRUGÐIÐ Á LEIK Þessi unga stúlka stillti sér upp fyrir ljósmyndara við bænastund í
Sanaa í Jemen í gær. Bænastundin var tileinkuð Eid al-Fitr sem hófst í gær.
NORDICPHOTOS/AFP
JERÚSALEM,AP Að minnsta kosti tíu Pal-
estínumenn fórust, þar á meðal börn,
þegar sprengjuárás var gerð á almenn-
ingsgarð á Gasasvæðinu í gær. Sam-
kvæmt palestínskum heilbrigðisstarfs-
manni særðust 46 í árásinni.
Árásin átti sér stað nokkrum mínútum
eftir að sprengja sprakk á Sifa-sjúkrahús-
inu þar sem þó nokkrir særðust. Ísra-
elski herinn sagðist ekki bera ábyrgð
á sprengingunum og hélt því fram að eldflaug-
ar palestínskra vígamanna hefðu valdið skaðan-
um eftir að hafa ekki drifið nógu langt. Palest-
ínumenn voru ekki á sama máli og sögðu Ísraela
bera fulla ábyrgð. Fyrr um daginn sagði
Ban Ki-moon, framkvæmdastjóri Samein-
uðu þjóðanna, að stöðva þyrfti ofbeldið á
Gasasvæðinu. „Í nafni mannúðar þá verð-
ur ofbeldinu að linna,“ sagði hann.
Hann sakaði Benjamín Netanjahú, for-
sætisráðherra Ísraels, og Khaled Masha-
al, leiðtoga Hamas-samtakanna, um að
vera óábyrgir og siðferðislega á rangri
braut fyrir að láta sitt eigið fólk deyja.
Hann hvatti þá til að sýna „pólitískan vilja“ og
„samúðarfulla leiðtogahæfileika“ til að binda endi
á þjáningar borgaranna á svæðinu. „Ástandið á
Gasa er mjög alvarlegt,“ sagði hann. - fb
Að minnsta kosti tíu fórust í sprengjuárás á sjúkrahús og almenningsgarð á Gasasvæðinu:
Ísraelsher kenndi Hamas-samtökunum um
BAN KI-MOON
SORG Ættingjar Hazem Eshbair hópuðust í kringum
hann en hann missti tvö barna sinna í sprengjuárás á
almenningsgarð í gær. FRÉTTABLAÐIÐ/AP
LÖGREGLUMÁL Hæstiréttur stað-
festi í gær úrskurð Héraðsdóms
Vesturlands um fjögurra vikna
gæsluvarðhald yfir tveimur
mönnum sem grunaðir eru um
að hafa ráðist á þriðja manninn á
Grundarfirði 17. júlí síðastliðinn.
Maðurinn liggur þungt haldinn
á sjúkrahúsi. Úrskurðurinn var
sagður í tilkynningu frá lögreglu
vera á grundvelli almannahags-
muna. Rannsókn stendur yfir
vegna árásarinnar og fer rann-
sóknardeild lögreglunnar á Akra-
nesi með yfirumsjón með henni.
- nej
Líkamsárás á Grundarfirði:
Staðfesting á
gæsluvarðhaldi
NOREGUR Lögregla í Noregi lækkar
viðbúnaðarstig vegna hryðjuverka-
ógnarinnar sem talin er steðja að.
Í dag verður dregið úr eftirliti og
lögreglumönnum á vakt fækkað.
Þetta kom fram á fréttamanna-
fundi norsku lögreglunnar í gær.
Talsmaður lögreglu sagði lögreglu-
umdæmin vera reiðubúin ef ske
kynni að viðbúnaðarstig yrði aftur
hækkað. Lögreglumenn verða
áfram vopnaðir og landamæra-
eftirlit meira en vanalega.
Löggæsla var stórlega efld fyrir
helgi vegna upplýsinga um yfirvof-
andi hryðjuverkavá. - aí
Dregið úr eftirliti í Noregi:
Viðbúnaðarstig
lækkað í dag
UTANRÍKISMÁL Ástandið í Úkraínu
gæti haft neikvæð áhrif á sölu
íslenskra fyrirtækja á makríl til
landsins þótt þessi áhrif hafi ekki
enn komið fram, að sögn sölu-
stjóra Iceland Seafood. Úkraína
er einn mikilvægasti markaður
Íslendinga fyrir uppsjávarfisk,
en tíu prósent heildarafla makríls
sem er veiddur í efnahagslögsög-
unni eru flutt þangað.
„Óróinn í Úkraínu er fyrst og
fremst bundinn við tvö austustu
héruðin, Lúhansk og Dónetsk,“
segir Teitur Gylfason, sölustjóri
Iceland Seafood. „Annars staðar
í landinu gengur lífið sinn vana-
gang. En því er ekki að neita að
við og aðrir förum varlega í að
senda vöru, sérstaklega sem ekki
er staðgreidd, inn á þennan mark-
að á meðan ástandið er eins og það
er.“
Teitur segir að Iceland Seafood
muni hugsanlega fara fram á stað-
greiðslu í einhverjum tilvikum í
Úkraínu til að verja hagsmuni
sína.
„Við förum mjög varlega í að
lána mönnum þarna,“ segir hann.
Makrílveiðar Íslendinga á árinu
2011 skiluðu þjóðarbúinu meira en
25 milljörðum króna og 26 millj-
örðum árið 2012. Gríðarlegir
hagsmunir eru því fólgnir í því
að sala á makrílafurðum gangi
áfallalaust fyrir sig. - þþ
Íslensk fyrirtæki fara varlega í að senda makríl til Úkraínu vegna átakanna:
Gæti haft neikvæð áhrif á sölu
MAKRÍLL FRYST-
UR Makrílveiðar
Íslendinga skila
miklum fjár-
munum í þjóðar-
búið.
FRÉTTABLAÐIÐ/ÓSKAR
SPURNING DAGSINS