Fréttablaðið - 29.07.2014, Blaðsíða 32

29. júlí 2014 ÞRIÐJUDAGUR| LÍFIÐ | 20
➜ EIRÍKUR
„Ég er almennt jákvæður
gagnvart útihátíðum enda
snúast þær um að fólk eigi
að skemmta sér saman,“
segir Eiríkur Björn Björgvins-
son, bæjarstjóri á Akureyri,
en hann hefur góða reynslu
af útihátíðum og þá sérstak-
lega á Akureyri þar sem hann
hefur starfað sem bæjarstjóri
frá árinu 2010.
„Það sem skiptir höfuð-
máli er að fólk taki tillit
hvert til annars, ekki síst til
þeirra sem dragast óvart inn
í útihátíðarstemninguna eins
og margir íbúar Akureyrar.“
Eiríkur Björn segir að
útihátíðir eigi sér ríka hefð
á Íslandi enda hafa margar
íslenskar útihátíðir verið
haldnar í tugi ára.
„Það er þó mikilvægt að
stilla öllu í hóf og fara aldrei
yfir strikið.“
➜ ELLIÐI
„Ég er hlynntur öllum þeim
heilbrigðu skemmtunum og
útihátíðum sem boðið er
upp á,“ segir Elliði Vignisson,
bæjarstjóri í Vestmanna-
eyjum, en sjálfur hefur hann
46 ára reynslu af Þjóðhátíð.
„Mín reynsla er sú að það
sem skiptir allra mestu máli
er að bera ábyrgð á sjálfum
sér og sínum. Það hvernig
við göngum fram hefur áhrif
á okkar velferð og velferð
annarra,“ segir bæjarstjórinn.
„Fyrir þá sem eru gestkom-
andi skiptir miklu máli að
vera undirbúnir, að kynna sér
út á hvað hátíðin gengur og
virða hefðir heimamanna.
Svo á auðvitað að ganga
hægt um gleðinnar dyr.“
➜ KOLFINNA
„Ég er náttúrulega Vest-
mannaeyingur og hef því
farið ansi oft á Þjóðhátíð,“
segir fyrirsætan Kolfinna
Kristófersdóttir en hún segist
líka vilja að hún hefði aldrei
farið á neina aðra útihátíð
en Þjóðhátíð yfir verslunar-
mannahelgina.
„Ég held samt að upp-
lifunin af Þjóðhátíð sé allt
öðruvísi ef þú ert frá Eyjum,“
segir hún. „Öll fjölskyldan
mín er þarna og allir gömlu
vinirnir þannig að þetta er
allt annað en fyrir Reykvík-
inga.“
Kolfinna hefur því virkilega
gaman af Þjóðhátíðinni og
segir að Vestmannaeyjar séu
rosalega fallegur staður en
hún hefur þó eitt út á há-
tíðina að setja. „Ég vildi óska
þess að það væri ekki svona
mikið ofbeldi á hátíðinni.“
➜ MARÍA RUT
„Ég fór á Mýrarboltann á
Ísafirði en ég gisti alltaf í
heimahúsi, ég er ekki mikið
fyrir svona tjaldferðalög,“
segir María Rut Kristinsdóttir.
„Ég hef allavega aldrei farið
á Þjóðhátíð, ég er alin upp
á Vestfjörðum og þaðan
er bara svo langt að fara á
Þjóðhátíð,“ segir hún og
hlær. „Ég er líka með svona
sjúkdóm, ég á mjög erfitt
með að breyta til, þannig að
það gæti alveg verið partur af
því að ég vil alltaf hafa allt í
föstum skorðum.“
María Rut segist vera
reynslulítil þegar kemur að
útihátíðum en hún fór samt á
hátíðina Halló Akureyri þegar
hún var sautján ára. „Það var
brilljant en ég hef eiginlega
ekki tjaldað síðan,“ segir hún.
„Ég nenni bara ekki að lenda í
því að tjaldið mitt rifni niður,
þá verð ég svo vonsvikin og
leið.“
➜ ÁGÚSTA EVA
„Ég er engan veginn útihá-
tíðartýpa,“ segir leikkonan
Ágústa Eva Erlendsdóttir.
„Þar sem ég er alin upp er
svo heitt að ég get eiginlega
ekki verið í miklum kulda,“
segir hún og hlær. „Ég get því
ekki sofið í tjaldi og í þau fáu
skipti sem ég hef reynt þá
hef ég annaðhvort vakið alla
nóttina, sofið inni í bíl eða
farið grátandi heim.“
Ágústa Eva segir það ekki
á dagskránni að tjalda um
verslunarmannahelgina
heldur ætlar hún að halda
sig heima í hlýjunni með
fjölskyldunni. Ef hún myndi
þó fara eitthvert þá segir
hún að Þjóðhátíð í Eyjum
yrði líklegast fyrir valinu.
„Kærastinn minn er ættaður
þaðan og ég hef aldrei farið
þannig að ég myndi örugg-
lega mæta þangað og taka
þetta alla leið,“
segir leikkonan
hlæjandi.
„Alveg í
þremur
kraft-
göllum
með
landa í
vasanum
og sofa
ekki neitt.“
BAKÞANKAR
Kjartans Atla
Kjartanssonar
NORSKI vefmiðillinn Verdens Gang
sagði frá því í gær að aðrar reglur giltu um
útlendinga en innfædda Norðmenn þegar
kæmi að landamæraeftirliti, en lögreglan
hafði þá hert mjög allt eftirlit á flugvöll-
um eftir að viðbúnaðarstig vegna hryðju-
verkaógnar þar í landi var hækkað. Og
þetta aukna eftirlit virtist beinast að fólki
með „erlent yfirbragð“, samkvæmt frétt
Verdens Gang.
Í FRÉTTINNI var sagt frá því að blaða-
maður Verdens Gang hefði fengið sent
myndband sem sýndi lögregluna sigta út
ferðalanga með „erlent yfirbragð“. Rætt
var við mann sem sagðist hafa orðið vitni
að slíku framferði lögreglunnar. Talsmaður
lögreglunnar neitaði hins vegar að hún veldi
fólk til að fylgjast með eftir útliti. Hann
viðurkenndi þó að samspil þjóðernis og
hvaðan farþegarnir koma væri notað til
þess að finna út hverjum ætti að fylgj-
ast sérstaklega með.
NÚ er erfitt að sitja hér heima á
Íslandi og segja lögreglumönnum í
Noregi hvernig eigi að vinna vinn-
una sína. Þeir eru örugglega undir
miklu álagi og geta eflaust rökstutt vinnu-
lag sitt með einhvers konar rökum.En ein-
hvern veginn getur maður ekki annað en
hugsað þrjú ár aftur í tímann, þegar hræði-
leg hryðjuverkaárás var gerð á norskan
almenning. Og þar var ekki að verki útlend-
ingur heldur Norðmaður í húð og hár sem
var á móti útlendingum. Maður sem gat
ekki sætt sig við að mannlegt samfélag þró-
ast. Maður sem gat ekki sætt sig við að búa
í sátt og samlyndi við fólk af ólíkum upp-
runa. Ef þetta eru vinnubrögð lögreglunnar
í Noregi núna virðist boðskapur Breiviks
hafa komist til skila.
SVO virðist sem okkur mannfólkinu þyki
auðveldara að benda á einhvern sem er
ólíkur okkur sjálfum, ef okkur vantar söku-
dólga. Við virðumst eiga auðveldara með
að búa til skúrka úr útlendingum en okkur
sjálfum. Umburðarlyndið virðist vera meira
í orði en á borði. „Burtu með fordóma,“
sungum við Íslendingar í Eurovision í vor,
en nokkrum vikum seinna var stór hópur af
fólki tilbúinn að taka lóð af Félagi múslima.
Enginn á að þurfa að líða fyrir hvaðan hann
kemur, hvernig hann lítur út eða hverju
hann trúir.
Almenn sátt um að ganga
eigi hægt um gleðinnar dyr
Nú styttist óðum í verslunarmannahelgina en helgin er þekkt fyrir rosalegan fj ölda útihátíða. Fréttablaðið
bað því nokkra einstaklinga að viðra skoðanir sínar á útihátíðum og taka afstöðu til þeirra.
Erlent yfi rbragð hryðjuverkamanna
Ofurfyrirsætan
Cara Delevingne
er nýjasta and-
lit tískumerkis-
ins Topshop en
svo virðist sem
hún sé ein sú
eftirsóttasta í
tískubransanum
í dag. Í nýjustu
auglýsingaher-
ferð Topshop þar sem auglýst eru
föt fyrir komandi haust má sjá tólf
myndir af fyrirsætunni í helsta
klæðnaði nýju línunnar. Þetta er í
fyrsta skiptið sem Delevingne situr
fyrir hjá breska tískumerkinu.
Meðal fatnaðar sem sjá má í
herferðinni er ný útgáfa af hinum
klassíska „biker“ jakka, hlébarða-
pils og leðurstígvél. Má því búast
við ansi grófri en skemmtilegri
fatalínu ef miðað er við fyrstu
myndir. Aðrar fyrirsætur sem
hafa unnið fyrir Topshop eru til
dæmis Rosie Huntington-Whiteley,
Lily Donaldson, Rosie Tapner og
Eliza Cummings.
Cara er nýtt
andlit Topshop
CARA
DELEVINGNE
SEX TAPE 5:50, 8, 10:10
HERCULES 8, 10:10(P)
PLANET OF THE APES 7:30, 10:10
AÐ TEMJA DREKAN SINN 2D 5
22 JUMP STREET 5
TÖFRALANDIÐ OZ 2D 4
LAUGARÁSBÍÓ Sýningartímar
ÞRIÐJUDAGUR ER TILBOÐSDAGUR

SJÁ FLEIRI SÝNINGAR Á WWW.BIOPARADÍS.IS - Miðasala: 412 7711 - Hverfisgata 54 - bioparadis.is - Hluti af Europa Cinemas
SEX TAPE KL. 5.45 - 8 - 1010
SEX TAPE LÚXUS KL. 3:30 - 5.45 - 8 - 10.10
DAWN . . . PLANET OF THE APES 3D KL.- 5 - 8 - 10.45
THE PURGE: ANARCHY KL. 8 - 10.20
DELIVER US FROM EVIL KL. 8
EARTH TO ECHO KL. 3.20
TEMJA DREKANN 2 2D ÍSL. TAL KL. 3.30 - 5.45
TEMJA DREKANN 2 3D ÍSL. TAL KL. 3:30
22 JUMP STREET KL. 10.40
VONARSTRÆTI KL. 5.20
SEX TAPE KL. 5.40 - 8 - 10.10
DAWN . . . PLANET OF THE APES 3D KL. 6 - 9
THE PURGE: ANARCHY KL. 10.40
DELIVER US FROM EVIL KL. 10.40
TEMJA DREKANN 2 2D ÍSL. TAL KL. 5.45
FAULT IN OUR STARS KL. 8
VONARSTRÆTI KL.8
-DV S.R.S
-T.V., BIOVEFURINN.IS-H.S.S., MBL
ÞRIÐJUDAGSTILBOÐ
ÞRIÐJUDAGSTILBOÐ
ÞRIÐJUDAGSTILBOÐ
ÞRIÐJUDAGSTILBOÐ
ÞRIÐJUDAGSTILBOÐ
ÞRIÐJUDAGSTILBOÐ
ÞRIÐJUDAGSTILBOÐ
ÞRIÐJUDAGSTILBOÐ
ÁLFABAKKA
AKUREYRI
EGILSHÖLL
KRINGLUNNI
KEFLAVÍK
NEW YORK DAILY NEWS
LOS ANGELES TIMES
SAN FRANCISCO CHRONICLE
Ábendingahnappinn má
finna á www.barnaheill.is