Fréttablaðið - 11.08.2014, Side 6

11. ágúst 2014 MÁNUDAGUR| FRÉTTIR | 6
Suðurlandsbraut 20, Reykjavík | Sími 588 0200 | www.eirvik.is
25%
afsláttur
FÓLK „Þetta gekk alveg framar vonum, það er
eiginlega ekki hægt að lýsa þessu fyrir þeim sem
ekki voru á staðnum,“ segir Júlíus Júlíusson,
framkvæmdastjóri Fiskidagsins mikla á Dalvík.
Júlíus telur að gestir Fiskidagsins hafi verið álíka
margir í ár og í fyrra en þá sóttu 26 þúsund manns
hátíðina.
Veðrið var með besta móti á sjálfum Fiskideg-
inum en örlítil rigning lét á sér kræla á föstudag-
inn. „Á súpukvöldinu okkar á föstudaginn var
veðrið örlítið hryssingslegt en á laugardaginn kom
Fiskidagsveðrið svokallaða, fjórtánda árið í röð,
þar sem hlýtt var og sólin lét sjá sig.“ Júlíus segir
margt hafa staðið upp úr um helgina. „Við heims-
frumsýndum neðansjávarmyndbönd sem vöktu
mikla athygli og leyfðum fólki að smakka það allra
nýjasta á matseðlinum, fiskipylsur eða filsur, sem
slógu alveg í gegn og eru komnar til þess að vera á
Fiskideginum. En það sem stendur eiginlega allra
mest upp úr er að á hverju ári náum við að búa til
fjölskylduhátíð yfir daginn þar sem ekki sést vín
á nokkrum manni og við erum einstaklega stolt af
því.“
Hann segir svo tónleikana á laugardagskvöldinu
hafa toppað allt en þar tróðu Dalvíkingarnir Eyþór
Ingi, Matti Matt og Friðrik Ómar meðal annars
upp. Lokahnykkur hátíðarinnar var svo heljarinn-
ar flugeldasýning sem vakti mikla lukku meðal
gesta. - ka
Fiskidagurinn mikli á Dalvík var haldinn í fjórtánda sinn um helgina:
Frábærir Fiskidagar á Dalvík
NÓG AÐ SMAKKA Gestir hátíðarinnar fóru tæpast svangir
heim á laugardaginn. Þessi ungi herramaður gæddi sér á veit-
ingum. FRÉTTABLAÐIÐ/AUÐUNN
1. Hvað stríða mörg prósent þjóðar-
innar við heyrnarskerðingu?
2. Hvert er listamannsnafn Ojay
Morgan sem dvelur hér á landi?
3. Hvenær verður dæmt í máli Oscars
Pistoriousar?
SVÖR1. 16% 2. Zebra Katz 3. Í september
ÍRAK Talið er að um tuttugu þúsund
manns af ættbálki Jasída hafi kom-
ist niður af Sinjar-fjalli í gærdag
en Sameinuðu þjóðirnar áætluðu í
síðustu viku að um fimmtíu þúsund
manns sætu þar föst í herkví öfga-
manna í samtökunum Íslamskt ríki.
(ÍS)
ÍS-liðar réðust inn á landsvæði
hinna kristnu Jasída í fjöllunum í
síðustu viku og ættbálkurinn flúði
af ótta við að verða drepinn en ekki
komust allir undan. Talið er að
hundruð manna hafi verið drepin
nú þegar, konur hafi verið hneppt-
ar í þrældóm og tugir barna látist
úr þorsta.
„Við heyrðum í sprengjuvörpum
morguninn sem þeir [herskáu ísl-
amistarnir] komu á Sinjar-fjall,“
segir Zahra Jardo, Jasídakona, í
samtali við Reuters. „Þannig að við
flúðum til fjalla og þeir sem þar eru
þjást af miklum þorsta. Það er ekk-
ert vatn. Þeir tóku líka stúlkur og
nauðguðu þeim. Þeir segja að Jasíd-
ar verði að snúast til íslamstrúar.“
Þeir sem ekki komast af fjallinu
hafa úr tveimur jafn slæmum kost-
um að velja: Annars vegar deyja úr
þorsta eða hungri á fjallinum þar
sem ÍS leyfir ekki að þangað séu
fluttar nauðþurftir eða koma niður
af fjallinu og verða slátrað af her-
flokknum sem ferðast um landið
allt og þvingar kristin samfélög til
þess að taka upp íslamstrú eða láta
lífið ella.
Bandaríkjamönnum hefur fimm
sinnum tekist að sleppa matarpökk-
um til ættbálksins síðan á fimmtu-
dag en talið er að tuttugu slíkar
ferðir þyrfti til þess að halda þeim
þúsundum einstaklinga, sem fast-
ir eru á fjallinu, á lífi í viku. Bar-
ack Obama, forseti Bandaríkj-
anna, hefur lofað að koma fólkinu
til aðstoðar með einhverjum hætti
en viðurkennir að erfitt sé að koma
upp öruggum undankomuleiðum af
fjallinu.
Bandarískar orrustuþotur hafa
varpað sprengjum á meðlimi ÍS
síðan á laugardag en landhernað-
ur kemur þó ekki til greina að sögn
forsetans. nanna@frettabladid.is
Um tuttugu þúsund
komust af Sinjar-fjalli
Jasídaættbálkurinn situr fastur í herkví vígamanna úr Íslömsku ríki. Hundruð
hafa látið lífið, konur hnepptar í þrældóm og börn deyja úr þorsta. Þó komust tutt-
ugu þúsund þeirra af fjallinu í gær. Barack Obama lofar neyðaraðstoð.
SLOPPIN Þessir Jasídar komust úr herkvínni eftir undankomuleið Kúrda og fengu
að fara til Sýrlands. NORDICPHOTOS/GETTY
FÁ EKKI VATN Margir þeirra sem kom-
ust niður af fjallinu eru aðframkomnir
af þorsta og hungri. NORDICPHOTOS/GETTY
➜ Þeir tóku líka stúlkur og
nauðguðu þeim. Þeir segja
að Jasídar verði að snúast til
íslamstrúar.
GASA Bæði Ísraelar og Hamas-lið-
ar samþykktu í gær þriggja sólar-
hringa vopnahlé sem gerir samn-
ingaviðræður milli hinna stríðandi
fylkinga mögulegar. Vopnahléið
hefst á miðnætti að staðartíma.
Þetta fékk CNN-fréttastofan
staðfest frá báðum hliðum.
Átökin hafa staðið yfir í rúman
mánuð og hafa Ísraelsmenn ekki
viljað fara inn í samningaviðræð-
ur á meðan þeir mega enn búast við
eldflaugum frá Gasasvæðinu. Ísra-
elar hafa mætt eldflaugaárásum
Hamas-liða af fullri hörku síðast-
liðna daga sem hefur veikt vonina
um að hægt sé að koma á vopnahléi.
Í síðustu viku gengu samninga-
menn Ísraela frá borðinu. „Við
semjum ekki á meðan við þurf-
um að verja okkur,“ sagði Moshe
Ya’alon, varnarmálaráðherra Ísra-
els, í gær.
Palestínumenn segja að ef Ísra-
elsmenn hefji ekki samningavið-
ræður við þá á ný að þá hverfi Pal-
estína einnig frá viðræðunum. „Við
létum egypsku sáttanefndina hafa
kröfur okkar fyrir viku. Við höfum
ekki enn fengið svör,“ sagði Izzat
Al-Risheq, palestínskur samninga-
maður.
„Við snúum ekki aftur í óbreytt
ástand,“ sagði í tilkynningu á vef-
síðu Hamas-samtakanna. „Við
veitum mótstöðu áfram og munum
ekki hætta að berjast fyrir kröfum
okkar fólks.“ - nej
Ísraelsmenn neita að semja á meðan Hamas sendir enn eldflaugar frá Gasasvæðinu:
Samþykktu loksins þriggja daga vopnahlé
SORG Móðir ellefu ára palestínsks
drengs sem lést í árásum Ísraelsmanna
grét sáran í jarðarför hans í gær.
FRÉTTABLAÐIÐ/AFP
EFNAHAGSMÁL Krónan stóð áfram
óhögguð í júlímánuði. Í lok mánað-
arins var gengi krónunnar 154,2 á
móti evru í samanburði við 154,5
í lok júní. Í Hagsjá Landsbankans
kemur fram að krónan hefur hald-
ið sér nokkurn veginn í kringum
155 á móti evru sex mánuði í röð.
Krónan veiktist lítillega á móti
Bandaríkjadal og stóð í 115,2 í lok
mánaðar, sem er um 2 prósenta
veiking milli mánaða. Gengisvísi-
talan hækkaði um 0,4 prósent. Í
mánuðinum tilkynnti SÍ að bank-
inn hygðist auka regluleg gjald-
eyriskaup. - jhh
Gengi krónu breytist lítið:
Krónan stöðug
á þessu ári
BRUNI Eldur kviknaði í veitinga-
staðnum Kebab grilli við Lækj-
argötu um tvöleytið í gær og var
slökkviliðið kallað út. Eldurinn
hafði kviknað út frá grilli veit-
ingastaðarins en þegar slökkvi-
liðið bar að garði höfðu starfs-
menn þegar slökkt eldinn sjálfir
með slökkvitækjum.
Þó nokkurn reyk lagði frá
staðnum og vann slökkviliðið því
að því að reykræsta staðinn og
var Lækjargata lokuð um tíma.
Skemmdir urðu ekki miklar. - ka
Kviknaði í Kebab grilli:
Eldur í grilli
í Lækjargötu
AFRÍKA Ríki í Vestur-Afríku hafa
gripið til örþrifaráða í tilraunum
sínum til þess að hefta frekari
útbreiðslu ebólu.
Landamærum Gíneu og Sierra
Leone hefur nú verið lokað. Á
sama tíma hafa yfirvöld í Zamibíu
bannað fólki inngöngu í landið
sem ferðast frá löndum þar sem
e-bóla hefur gert vart við sig.
Sjúkdómurinn er bráðsmit-
andi og heldur áfram að dreifast
hratt frá upptökum sínum í Sierra
Leone til nálægra landa.
Að minnsta kosti 960 einstak-
lingar hafa látið lífið vegna vír-
usins í Vestur-Afríku. - nej
Grípa til örþrifaráða:
Landamærum
lokað út af ebólu
BIÐJA Munkar í Vatíkaninu báðu í gær
fyrir þeim sem hafa látist af völdum
ebólu. FRÉTTABLAÐIÐ/AFP
SÚÐAVÍK Sveitarstjórn Súðavík-
urhrepps taldi brýnt að leggja
Raggagarði lið í lokafasa fram-
kvæmdanna sem eiga sér stað við
garðinn. Því var ákveðið að verða
við erindi Vilborgar Arnarsdóttur,
stjórnanda Raggagarðs í Súðavík,
og styrkja framkvæmdirnar um
hálfa milljón króna. Þetta gerir
aðstandendum Raggagarðs kleift
að ljúka við framkvæmdirnar
fyrir tíu ára afmæli garðsins á
næsta ári.
Pétri G. Markan sveitarstjóra
var falið að vinna að útfærslu
styrksins í samráði við stjórn
Raggagarðs en frá þessu var
greint á bb.is í gærdag. - nej
Súðavíkurhreppur leggur lið:
Hálf milljón fer
til Raggagarðs
FYRIR KRAKKANA Raggagarður er
kallaður fjölskyldugarður Vestfjarða og
þekktur áningarstaður ferðamanna í
Súðavík.
VEISTU SVARIÐ?