Akureyri - 09.01.2014, Blaðsíða 16
16 9. janúar 2014
Margir lent í hremm-
ingum undanfarið
Fjöldi Norðlendinga hefur lent í
vandræðum á ferðalögum innan-
lands allt frá því að jól gengu í garð.
Sérstaklega umhleypingasamt hef-
ur verið að sögn veðurfræðings hjá
Veðurstofu Íslands, hvass vindur
víða, einkum norðvestanlands og
snjóflóðahætta, sérstaklega á Vest-
fjörðum.
Á hringveginum hefur fólk hafst
við í vegasjoppum og tekið erfið-
ar ákvarðanir sem snúast um að
hrökkva eða stökkva. Flestir hafa
komist leiðar sinnar en t.d. hafa
gistihús á Blönduósi nýst þeim sem
ekki komust yfir Vatnsskarðið á
norðurleið. Langidalur hefur einnig
á köflum verið illfær eða ófær. Sl.
fimmtudag gekk á með slíku veðri
þar að alls ekki sást á milli stika
vegna blindbyls. Veðurhamurinn var
þvílíkur að kyrrstæðir bílar hristust
á veginum auk þess sem sumir fuku
út af.
Ekkert alvarlegt slys hefur þó
orðið, sem sætir furðu miðað við
ökulag óþreyjufullra bílstjóra sem
stunda framúrakstur þar sem síst
skyldi og eiga svo allt undir því að
aðrir í bílalestum hleypi þeim aftur
inn á hægri akrein áður en bíl er
mætt. Lögreglumaður sem Akur-
eyri vikublað ræddi við sagði fram-
úrakstur og tillitsleysi í umferðinni
stórskaðlegt mein þótt flestir færu
um vegina með skynsemina að
leiðarljósi.
Ólína Þorvarðardóttir sem nýver-
ið var mikið í norðlenskum fréttum
vegna starfs sem hún sótti um við
Háskólann á Akureyri er ein þeirra
sem lenti nýverið í vandræðum. Húb
hafnaði utan vegar á Steingríms-
fjarðarheiði og segist næstum hafa
tekið aðra bíla sem á eftir fylgdu
með sér. „Það fór þó ekki svo, sem
betur fór, og þökk sé símsambandinu
að við fengum góðar upplýsingar
frá lögreglu og vegagerð um stöðu
mála og biðum því róleg eftir aðstoð
björgunarsveitarinnar Dagrenningar
á Hólmavík. Sú góða björgunar-
sveit fékk ærinn starfa, því þarna á
heiðinni var fjöldi bíla í vandræðum,“
segir Ólína í pistli á facebook.
„Með góðri aðstoð tókst að ná
mínum bíl upp á veginn aftur, og
mér var skipað að snúa við aftur til
Hólmavíkur, og leiða tvo aðra bíla
niður af heiðinni svo björgunar-
sveitin gæti haldið ferð sinni áfram
og aðstoðað þá sem voru lengra
komnir yfir. Þetta tókst með töfum,
því nú hafði þæfingurinn bæst við
blinduna og fólksbílarnir festu sig
á niðurleiðinni. En það tókst að
losa þá aftur, og niður komumst við
öll heil á húfi, en vissulega ísköld
og hrakin eftir baksið við að losa
bílana.“
Björgunarsveitir víða á Norður-
landi hafa einnig aðstoðað ökumenn
í vandræðum og þá er ótalin aðstoð
óbreyttra ökumanna. a
BÆRINN LOSAR FÓLK
VIÐ JÓLATRÉN
Starfsmenn Framkvæmdamiðstöðvar Akureyrar hófu í gær að fjarlægja
jólatré sem sett hafa verið við lóðamörk dagana. Farið verður um í dag og
á morgun og aftur 13.-14. Janúar.
Gámar eru einnig staðsettir við Kaupang, Hagkaup, Hrísalund, Bugðusíðu
við leikvöll, Bónus í Naustahverfi og við verslunarmiðstöðina Sunnuhlíð þar
sem hægt verður að losa sig við trén. Tré sem safnast verða kurluð, notuð
í stíga og sem yfirlag á trjá- og runnabeð.
NOKKUR FJÖLDI AKUREYRINGA náði sér í tré úti í náttúrunni fyrir jólin en nú er komið
að kaflaskilum.
Tómatakörfur með basilikku
og balsamsýrópi
» 1 pk filodeig (4-6 blöð)
» 2 msk smjör
» 1 tsk ólífuolía
» 4 skallottulaukar, fínt sneiddir
» 1 dl balsam edik
» 1 msk púðursykur
» 250 gr kokteiltómatar eða
kirsuberjatómatar, í 4 bitum hver
» handfylli fersk basilikka, fínsöxuð
» 2 hvítlauksrif, rifin eða marin
» 2 msk góð ólífuolía til að hella yfir
» 1-2 msk rifinn parmesan ostur
Undirbúningur: 15 mínútur
Eldunartími: 20 mínútur
Hitaðu ofninn í 180°C.
Settu smjör og ólífuolíu í pönnu
og settu skallottulaukinn út í, steiktu
við vægan hita þar til fer að brúnast.
Hrærðu reglulega og passaðu að
brenni ekki.
Á meðan laukurinn brúnast út-
býrðu sýrópið; helltu balsam ediki
út í pott ásamt púðursykri og láttu
sjóða vel þar til hefur soðið niður í
3msk magn.
Taktu tómatana og skerðu í báta,
settu í skál ásamt saxaðri basilikku
og rifnum hvítlauksrifjunum. Mér
finnst best að nota mjög fínt rifjárn,
en þú getur líka kramið rifin eða fín-
saxað þau. Settu ólífuolíuna og salt
og pipar út í og hrærðu vel. Þegar
sýrópið hefur soðið niður þá hellir
þú því yfir tómatana og hrærir.
Taktu nú filodeigið og settu 1-1
1/2 blað í lítil form. Ég notaði stóra
múffupönnu, þú getur notað stór
möffins pappírsform eða hvað sem
má fara inn í ofninn sem er á stærð
við litla skál eða bolla ef þú átt ekki
stóra múffupönnu. Taktu deigið og
leggðu það óreglulega niður í form-
in/krumpaðu saman ofan í formin
svo að myndi litlar körfur. Settu nú
laukinn neðst í hverja körfu og svo
tómatablönduna ofan á.
Settu örlítið af rifnum parmesan
yfir hverja körfu og bakaðu í 180°C
heitum ofni í um 15 mínútur eða þar
til deigið er gullið og fallegt. Berðu
fram eina körfu á hverjum disk með
örlitlu fersku salati. a
Helga Kvam
allskonar.is
MaTarGaTIÐ FLEIrI UPPSKrIFTIr Á WWW.aLLSKOnar.IS