Akureyri - 13.02.2014, Blaðsíða 20

20 6. tölublað 4. árgangur 13. febrúar 2014
Verður snjókarlinn snjókerling?
Í dag hefst vetrar- og útivistarhá-
tíðin Éljagangur á Akureyri. Dagný
Reykjalín, grafískur hönnuður og
framkvæmdastjóri Bleks ehf, er í
hópi þeirra sem hafa unnið ötullega
að því að hátíðin takist sem best og
laði að sér sem flesta gesti í bæinn
auk þess að skemmta þeim íbúum
sem fyrir eru. Í viðtali við blaðið seg-
ir Dagný frá hátíðinni fram undan,
aðkomu þeirra að Vísindabók Villa
sem sló rækilega í gegn fyrir jólin
og spyr hvenær við fáum “Betri Ak-
ureyri”?
Blek er „skapandi norðlensk aug-
lýsingastofa“ eins og segir í undirtitli
fyrirtækisins. Dagný rekur stofuna
í félagi við Guðrúnu Hilmisdóttur
sem er einnig grafískur hönnuður
og báðar eru þær frá Hauganesi
við Eyjafjörð. Þær útskrifuðust frá
Listaháskóla Íslands rétt eftir alda-
mótin og hafa einmitt þurft að vera
dálítið skapandi og hugsa út fyrir
svæðið til að ná sér í næg verkefni.
Það kemur á daginn síðar í spjallinu
að flest verkefni Bleks eru sótt út
fyrir Eyjafjörð.
Með í Éljagangi frá upphafi
En hver er þáttur Dagnýjar og co í
Éljagangi?
„Éljagangur er haldinn núna
fjórða árið í röð. Akureyrarstofa og
fleiri aðilar komu að máli við okkur
árið 2011 varðandi útlit og mark-
aðssetningu á nýrri, fjölbreyttri vetr-
arhátíð. Við komum með grafískar
tillögur og hugmynd að nafni sem
var allt samþykkt. Síðan hefur þetta
þróast og við höfum tekið virkan
þátt í undirbúningi síðan. Okkar
þáttur er að kynna hátíðina og klæða
hana í búning en mjög margir koma
að hátíðinni með einum eða öðrum
hætti. Markmiðið var að byrja smátt
þannig að fyrstu árin yrðu notuð til
undirbúnings á því sem yrði svo í
framtíðinni mun stærri hátíð, að
smyrja tannhjólin og festa Akur-
eyri í sessi sem vetrarparadís. Það
er líka mikilvægt að gera eitthvað
skemmtilegt á þessum árstíma og
fá svolítið líf í bæinn. Í ár erum við
mjög heppin með mikinn snjó, bæði
í fjöllunum og í byggð. Það er fullt
af flottu fólki og sjálfboðaliðum sem
vinna að því að Éljagangur geti orðið
að veruleika og þeim ber að þakka.
Snjókarlinn fluttur til
Meðal viðburða á Éljagangi í ár eru
V-Power sleðaspyrnan sem verður í
Hlíðarfjalli og hefur alltaf haft mikið
aðdráttarafl, bretta- og skíðakeppni,
sleðaferðir, gönguskíði, brettagarð-
ur á Ráðhústorginu, ískross, ferðir
fyrir vélsleðamenn, námskeið og
margt, margt fleira. Eitt helsta tákn
vetrarbæjarins Akureyri er risastór
snjókarl sem staðið hefur á Ráðhús-
torgi. Í ár verður hann fluttur til af
praktískum ástæðum suður á flöt-
ina fyrir neðan Samkomuhúsið og
stækkaður til muna.
En er kannski kominn tími á
snjókerlingu en ekki alltaf snjókarl?
„Það er mjög góð spurning og alls
ekki útilokað að breyting verði. Það
skýrist á föstudag [á morgun] þegar
kynntar verða niðurstöðu úr nafna-
samkeppni frá almenningi. Það er
mikill áhugi á að gefa fyrirbærinu
nafn og núna í byrjun vikunnar eru
komnar hátt á annað hundrað til-
lögur, þær koma frá öllu landinu og
ekki síst af suðurhorninu, gaman að
því. Margar tillögurnar eru kven-
kyns heiti þannig að það er aldrei
að vita hvað verður. Við tökum við
tillögunum og sendum þær án nafns
höfundar til Akureyrarstofu og
fulltrúar þar munu svo velja bestu
tillöguna. Úrslitin verða svo kynnt
bæði í Föstudagsþættinum á N4 og
á www.eljagangur.is.“
Frá Éljagangi og snjókarlinum
sem kannski skiptir um kyn - eða
verður e.t.v. bara kynlaus síðar - fær-
um við okkur yfir í verkefnastöðu
auglýsingastofa á Akureyri. Dagný
segir næg verkefni í boði fyrir þá
sem leiti þeirra á landsvísu. „Flest
verkefni okkar koma að sunnan.
Viðskiptavinir okkar þar eru ekki
feimnir að leita norður til okkar.
Kannski hjálpar að við Guðrún höf-
um reynslu af því að vinna bæði í
Reykjavík og í útlöndum. Þegar við
störfuðum fyrir sunnan lærðum við
að staðsetning skiptir ekki máli ef
maður kann að nýta sér hina raf-
rænu möguleika. Við hittum ekkert
endilega oftar þá sem við vinnum
fyrir hér norðanlands en viðskipta-
vinina fyrir sunnan. Það segir sína
sögu.
Verkefnin sem við tökum að okk-
ur eru jafn fjölbreytt og þau eru mörg.
Við gerum heildarútlit fyrir fyrir-
tæki, vefi, umbúðir, bækur og svo
auðvitað bæklinga osfrv. Við fengum
mjög skemmtilegt verkefni á síðasta
ári þar sem við hönnuðum algerlega
nýtt útlit fyrir Hótel Varmahlíð í
samvinnu við Svanhildi hótelstýru,
allt frá nýju lógói, vef og markaðs-
gögnum að litavali á veggjum inn-
anhúss. Það heppnaðist mjög vel og
við erum afar stoltar með útkomuna.
DAGNÝ REYKJA-
LÍN ER höfundur
„Éljagangs“ í
þeim skilningi að
auglýsingastof-
an hennar kom
með tillöguna
að nafngiftinni.
Myndin er tekin
þegar vinna við
snjóbrettasvæði á
ráðhústorgi var að
hefjast.
NÓG AÐ GERA hjá Guðrúnu og Dagnýu á Blek. Einn lykillinn að því er að vera opin fyrir verkefnum á landsvísu.