Akureyri - 19.06.2014, Blaðsíða 4

4 23. tölublað 4. árgangur 19. júní 2014
Steinsmiðja Akureyrar • Glerárgötu 36 • S: 466 2800 • sala@minnismerki.is • www.minnismerki.is
Opnunartímar: Mán. - fim. kl. 13:00-18:00, föst. kl. 13:00-17:00
Frábært úrval af minnismerkjum!
Fagmennska • Gæði • Gott verð • 25 ára reynsla
Misstu eina krónu af hverjum fimm
Um síðustu helgi brautskráðust
326 kandídatar frá Háskólanum
á Akureyri. Athöfnin fór í fyrsta
sinn fram í húsakynnum skólans.
Háskólaárið 2013-2014 stunduðu
um 1700 nemendur nám á þremur
fræðasviðum við Háskólann á Ak-
ureyri. Af þessum hópi hafa margir
stundað fjarnám fyrir milligöngu
háskólasetra og símenntunarmið-
stöðva víða um land.
Konur eru í miklum meiri hluta
þeirra sem brautskráðust eða 253 á
móti 73 körlum.
Fram kom í ræðu fráfarandi
rektors, Stefáns B. Sigurðssonar,
að niðurskurður hefði einkennt allt
skólastarf eftir hrun en með sam-
stilltu átaki nær allra starfsmanna
skólans hafi tekist að halda fleyinu
stöðugu. „Stöðugt var leitað nýrra
leiða til lækka rekstrarkostnað-
inn. Ein leiðin sem notuð var, var
að ráða ekki í stöður sem losna og
leggja starfsálagið á þá starfsmenn
sem eftir voru. Nú er svo komið
að við höfum misst eina krónu af
hverjum fimm en þrátt fyrir það
hefur okkur tekist að greiða upp
þær skuldir sem á okkur hvíldu.“
EINN BEST REKNI SKÓLINN
„Ég fullyrði að skólinn er í dag einn
best rekni háskólinn á Íslandi þrátt
fyrir mjög erfiðar aðstæður, en ég
vil leggja áherslu á að lengra verð-
ur ekki gengið.Við trúum því ein-
læglega að botninum sé náð hvað
þetta varðar,“ bætti rektor við í út-
skriftarræðu sinni.
Á höfuðborgarsvæðinu eru um
30% íbúa með háskólamenntun
og talið er að það þurfi að auka
þann fjölda. Á landsbyggðinni eru
einungis um 20% íbúa með há-
skólapróf „og þar þarf því held-
ur betur að efla menntunarstig-
ið“, sagði rektor. Allt bendir til að
þörfin sé hvað mest fyrir aukna
tæknimenntun. Efla þarf iðn-
menntun á framhaldsskólastigi á
landsbyggðinni og síðan byggja
upp möguleika á áframhaldandi
tækninámi á háskólastigi t.d. hér
við HA. Ekki er vafi að það mun
um leið, efla sókn karla í háskóla-
nám en hún hefur farið ört minnk-
andi undanfarin ár. Að sjálfsögðu
er þetta um leið tækifæri til að
efla þátttöku kvenna í tækninámi.
En við eigum ekki síður að leggja
áherslu á að efla þátttöku karla
í hefðbundnum kvennagreinum,
eins og hjúkrunar- og kennara-
fræðum,“ sagði rektor. a
Kirkjugestir í spreng
Akureyrarkirkju er ekki sýnd til-
hlýðileg virðing sem ferðamanna-
staðar að sögn sr. Svavars Alfreðs
Jónssonar, sóknarprests. Í pistli
sem Svavar hefur birt segir að þótt
ferðamenn heimsæki kirkjuna
árlega í tugþúsundatali og þeim
fjölgi ár frá ári sé aðstaðan til að
taka á móti þeim óviðunandi. „Til
dæmis er aðeins eitt salerni í kirkj-
unni. Akureyrarkirkja er afar vin-
sæl til kirkjulegra athafna og þau
sem lagt hafa á sig göngu upp
tröppurnar til að skoða kirkjuna
þurfa stundum að bíða úti drykk-
langa stund áður en þau komast
inn,“ segir Svavar.
Akureyrarkirkja er einn vinsæl-
asti viðkomustaður ferðamanna á
Akureyri. Kirkjan blasir við far-
þegum skemmtiferðaskipa þegar
þau sigla inn á pollinn þar sem hún
gnæfir yfir miðbænum með sína
tvo turna. Húsið sjálft er listaverk
utan sem innan og fagurt dæmi um
byggingarlist höfundarins, Guð-
jóns Samúelssonar að sögn Svavars.
Ferðamannaprestur sér um að
taka á móti ferðamönnunum, veitir
fræðslu um kirkjuna og svarar fyr-
irspurnum. Auk þess er presturinn
til viðtals því stundum hafa þessir
gestir bæjarins fengið vondar frétt-
ir að heiman eða finna hjá sér þörf
til að spjalla þegar gengið er inn í
kyrrð helgidómsins. Ferðamanna-
presturinn sér líka um helgihald
fyrir þau sem þess óska, að sögn
Svavars.
Upphaflega var þetta starf til-
raunaverkefni í samstarfi Biskups-
stofu, Eyjafjarðarprófastsdæmis
og Akureyrarsóknar. Þegar til-
rauninni lauk leitaði söfnuðurinn
til fyrirtækja og stofnana á Akur-
eyri sem tengjast ferðaþjónustu
um að styrkja starfið fjárhagslega.
Héraðssjóður Eyjafjarðarprófasts-
dæmis leggur líka sitt af mörkum.
Þannig hefur það verið fjármagnað
síðustu árin.
„Þegar talað er um að efla Ak-
ureyri sem ferðamannabæ þarf
ekki síður að bæta það sem þegar
er til staðar en að búa til eitthvað
nýtt. Aðstaða ferðafólks við Ak-
ureyrarkirkju er eitt af því sem
nauðsynlegt er að bæta. Fjölga
þarf snyrtingum við kirkjuna og
koma upp einhverju húsaskjóli fyr-
ir ferðamennina, t. d. litlu kaffihúsi.
Ennfremur mætti auka enn starfið í
kirkjunni í þágu þessara gesta okk-
ar. Lengi hafa Sumartónleikar ver-
ið á dagskrá í Akureyrarkirkju en
fram hafa komið hugmyndir um að
fjölga tónleikunum enda er góður
hljómburður í kirkjunni og prýði-
leg hljóðfæri.
„Síðast en ekki síst - og fyrst og
fremst - er kirkjan þó helgidómur.
Þar á að bjóða upp á helgihald og
kyrrðarstundir sem höfða til fólks
með ólíkan trúar- og menningar-
legan bakgrunn.
Þjónustan við ferðafólk í Akur-
eyrarkirkju er ekki einkamál kirkj-
unnar. Það skiptir öllu máli fyrir
ferðamannabæinn Akureyri að
gestir hans fái góða þjónustu, hafi
góða upplifun af að heimsækja við-
komustaði í bænum og haldi síðan
heim með góðar minningar. Þess
vegna er þjónusta við ferðafólk í
Akureyrarkirkju mál sem samfé-
lagið allt ætti að láta sér annt um,“
segir Svavar Alfreðsson sóknar-
prestur á Akureyri. a
NÝÚTSKRIFAÐUR HÓPUR AF félagsvís-
indasviði Háskólans á Akureyri.