Akureyri - 19.06.2014, Blaðsíða 8

8 23. tölublað 4. árgangur 19. júní 2014

Eru
m a
ð ta
ka u
pp n
ý úr
fyrir
vori
ð!
Bæði frjálslyndur og íhaldssamur
„Ég hef köllun til kirkjulegrar þjón-
ustu og er að leita að brauði sem
ég get hugsað mér að þjóna. Ég
hef alltaf verið afskaplega hrifinn
af Akureyri og bróðir minn er bú-
settur fyrir norðan þannig að þarna
á ég fjölskyldu. Ég er því ekki bláó-
kunnugur á Akureyri og þegar ég sá
auglýsta stöðu prests með reynslu
af barna- og æskulýðsstarfi þá sló
ég til og sótti um,“ segir Davíð Þór
Jónsson guðfræðingur, en hann er
meðal átta umsækjenda um stöðu
prests í Glerárprestakalli og ná-
grannabyggðum.
ERFITT FYRIR ÓVÍGÐA KARLA
Eiginkona Davíðs Þórs sótti um
stöðu aðstoðarskólastjóra Tónlist-
arskólans á Akureyri. Hún fékk
ekki en hefur augun opin. Spurð-
ur hvort Davíð Þór sé bjartsýnn á
að fá brauðið í Glerársókn, neitar
hann því. En bætir við: „ Það eru
margir mjög hæfir umsækjendur
um þessa stöðu en ég held ég komi
ekkert síður til greina en aðrir. Það
er alltaf erfitt fyrir óvígðan mann
að sækja um svona brauð, vinnu-
reglur valnefndar eru þannig. Það
þarf fast brauð til að fá vígslu,
kirkjan vígir fólk til að þjóna
ákveðnum embættum, þú þarft að
fá embætti til að fá vígslu og það
er mjög agressív jafnréttisáætlun
í gangi innan kirkjunnar, ef karl
og kona teljast jafnhæf skal velja
konuna. Það er því mjög erfitt fyrir
óvígða karlguðfræðinga að fá emb-
ætti ef þeir hafa ekki mikla reynslu
af kirkjulegri þjónustu en svo er
hitt að vilji sóknarbarna hefur líka
mikið að segja.“
BÆÐI RÓTTÆKUR OG
ÍHALDSSAMUR Í SENN
Davíð Þór er fyrrum grínisti og
hefur leikið töluvert. Hann braut
blað sem Radíus-bróðir, var einn
lykilmanna í útvarpsþættinum vin-
sæla, Orð skuldu standa, og tekur
virkan þátt í samfélagsumræðu.
Hann segist þó ekki róttækari en
margir aðrir prestar. Einhverra
hluta vegna, rati skrif hans oft inn
á vefmiðla, kannski vegna þess að
hann þyki mjög opinber persóna.
Hann segist alltaf leggja áherslu á
samfélagslegan boðskap, ekki bara
kurteisisreglur og etíkettur þótt um
slíkt verði líka að skrifa. Hann sé
„íhaldsskurfur“ hvað varði heldig-
haldið sjálft, fari í kirkju til að upp-
lifa heilaga eða eðlilsólíka stund
öðrum stundum.
En má samt ekki segja að pönk-
inu myndi vaxa ásmegin í presta-
stétt á Akureyrin ef Davíð Þór
kæmi norður?
„Jú, ég yrði pönkari í prestastétt
á Akureyri ef ég fæ þetta starf, en
það yrði vegna þess að ég spila í
pönkhljómsveit utan vinnunnar en
ekki vegna þess að sú hljómsveit
eigi neitt erindi í kirkjustarfi.“
SKÝRIST Á NÆSTU VIKUM
Umsækjendur um stöðuna eru sem
fyrr segir átta en staðan nær til
Glerárprestakalls, Eyjafjarðar- og
Þingeyjarprófastsdæmis. Emb-
ættið veitist frá 1. september 2014
og eru umsækjendur í stafrófsröð:
» Cand. theol. Davíð Þór Jónsson
» Cand. theil. Elín Salóme
Guðmundsdóttir
» Cand. theol. Eva Björk
Valdimarsdóttir
» Mag. theol. Halla Rut Stefánsdóttir
» Séra Jón Ómar Gunnarsson
» Cand. theol. Oddur Bjarni
Þorkelsson
» Séra Sunna Dóra Möller
» Mag. theol. Viðar Stefánsson
Biskup Íslands skipar á næstu
vikum í embættið að fenginni um-
sögn valnefndar. Valnefnd skipa níu
manns úr prestakallinu auk pró-
fasts í Eyjafjarðar- og Þingeyjar-
prófastsdæmi. -BÞ
Verk Hugleiks
Verk Hugleiks á sumarsýningu
Listasafnsins á Akureyri, Íslensk
samtíðarportrett – mannlýsingar
á 21. öld, eru í einföldum stíl, svo
vægt sé til orða tekið. Engin augu,
nef, munnar eða útlínur andlits eru
á persónunum sem hann teiknar.
Þess í stað galdrar hann fólkið fram
með einu eða tveimur persónuein-
kennum, s.s. gleraugum, höfuðfati
eða hári, og leyfir áhorfandanum að
fylla í eyðurnar. Teikningin af Ólafi
Ragnari Grímssyni gæti til dæmis
ekki verið af neinum öðrum en af
Ólafi Ragnari Grímssyni, þó hún
samanstandi einungis af þremur
pennastrikum; tveimur fyrir sitt-
hvort gleraugað og einu fyrir hinn
auðþekkjanlega hársveip forsetans.
Þessi mínímalíski stíll ber ekki
vott um leti listamannsins. Þvert á
móti eru teikningarnar útpældar
og viðfangsefnin vandlega greind
niður í sín allra mikilvægustu ein-
kenni. Þetta eru skopmyndir í sínu
hreinasta og tærasta formi þar sem
listamaðurinn leggur áherslu á hið
ýkta og auðþekkjanlega en ekki
með því að stækka það fram úr hófi
heldur með því að taka allt annað
burt.
Ef eitt atriði er einkennandi
fyrir verk Hugleiks, hvort sem um
ræðir leikrit hans, teiknimynda-
sögur eða sjónvarpsefni, er það
óviðjafnanlegt skopskynið og í
verkum hans á sýningunni er fram-
setningin óneitanlega kómísk – Jón
Gnarr er til dæmis táknaður með
skotthúfu á höfðinu sem vísar í
áhuga borgarstjórans fyrrverandi
á því að klæða sig í kvenmannsföt.
Tónlistarfólkinu Mr. Silla og Baldri
í Skálmöld er stillt upp með forseta
Íslands og borgarstjóra Reykjavík-
ur og háttsettir embættismenn þar
lagðir að jöfnu við tónlistarfólk úr
hálfgerðum „költ“ hljómsveitum.
Óttar Proppé, pönksöngvari og al-
þingismaður, fellur þó svolítið á
milli hópa og getur jafnvel talist
einhvers konar tengiliður þeirra á
milli.
Verk Hugleiks Dagssonar eru
til sýnis ásamt verkum 70 annarra
listamanna á sumarsýningu
Listasafnsins á Akureyri, Íslensk
samtíðarportrett – mannlýsingar
á 21. öld, sem stendur til 17. ágúst.
Listasafnið er opið alla daga nema
mánudaga kl. 10-17 og er aðgangur
ókeypis.
TEXTI Listasafnið á Akureyri.
BÆÐI RÓTTÆKUR OG íhaldssamur í senn, segir Davíð Þór Jónsson sem sótt hefur
um stöðu prests á Akureyri. Einar Bragi.
ÓLAFUR RAGNAR OG Baldur í Skálmöld eru m.a. myndgerðir í verkum Hugleiks.