Fréttir - Eyjafréttir - 25.06.1992, Blaðsíða 7

FRÉTTIR - fimmtudaginn 25. júní 1992
Fimmtqn árq Eyjastúlka n siglingu a Caiu q Amazonfflióti:
Þarna voru menn tilbúnir að drepa fyrir
einn silf urhring sem kostar 1000 krónur
Að fá tækifæri til að sigla niður Amozonfljót er ævintvri sem fáum býöst og
fyrir 15 ára Eyjastelpu hlýtur það að vera stórkostlegt ævintýri. Þetta
tækifæri bauðst Aldísi Gunnarsdóttur sem fór með pabba sínum, Gunnari
Eggertssyni, á víkingaskipinu Gaiu niður fljótiö og suður með strönd
Suður-Ameríku til Ríó. Þar með lauk siglingu Gaiu sem lagði upp frá Noregi
17. maí á síðasta ári. Upphaflega átti Gaia að sigla yfir Norður-Atlantshafið
til Ameríku í kjölfar Leifs Eiríkssonar og átti ferðinni að Ijúka í Washington.
Þegar þangað var komið var ákveðið að halda áfram til Ríó i Brasilíu á
umhverfisrráðstefnuna miklu, sem þar var haldin. Gunnar ákvað að halda
áfram með Gaiu og var það til þess að Aldísi bauðst þetta tækifæri.
# Gaia á siglingu niður Amazon fljótið.
• Aldís Gunnarsdóttir
Aldís sagði við FRÉTTIR að
pabbi sinn hefði nefnt ferðalagið við
sig þegar hann hringdi til hennar á 2.
í jólum. Þá var hann staddur ein-
hvers staðar í Karabískahafinu. Hún
var strax ákveðin í að slá til og hófst
ferðalagið 10. apríl og þar með hófst
tæplega tveggja mánaða ævintýri.
Frá íslandi flaug hún til Noregs til
móts við Dag Sæviksen, sem var að
taka við skipstjórn á Gaiu, en Ragn-
ar Thorset var að fara í frí. Frá
Noregi flugu þau til Parísar, þaðan
til Ríó og frá Ríó til Manaos, borgar
inn í miðri Brasilíu við upptök Ama-
zon.
Viðbrigðin voru mikil þegar hún
steig út úr flugvélinni í Manaos.
„Þegar ég fór frá íslandi var hiti
neðan við frostmark, en þegar ég
kom til Manaos einum og hálfum
sólarhring síðar var 40 stiga hiti og ég
var ennþá í kuldagallanum sem ég
var í þegar ég fór frá íslandi," sagði
Aldís.
En það var fleira sem hafði mikil
áhrif á Aldísi því Manaos er ein af
fátækustu borgum Brasilíu og þar sá
hún fyrstu götubörnin sem fóru um í
hópum.
Enginn tók á móti þeim á flugvell-
inum en á því var eðlileg skýring.
„Pabbi hélt að við kæmum ekki fyrr
en daginn eftir og var sofandi þegar
við komum.“ En allt bjargaðist og
þau fundu Gaiu þar sem hún lá í
höfninni.
Næstu dagar fóru í bið í heldur
óskemmtilegri borg að áliti Aldísar.
„Þetta er mjög léleg borg og skítug
og lítið að skoða. Þar er mikið af
götubörnum sem ráfa um í hópum.
Og þarna eru menn tilbúnir að drepa
fyrir silfurhring sem kostar 1000
krónur íslenskar.“
Eftir fimm daga bið var lagt niður
Amazon fljótið og tók siglingin tíu
daga til borgarinnar Belemi. Sigling-
in var mjög þægileg. „Þetta var besti
hluti leiðarinnar því Gaia ruggaði
ekkert, en það var lítið að sjá nema
fljótið og frumskóginn á bökkunum.
Svo voru það pyrenafiskarnir sem
eru litlir, en stórhættulegar kjötætur
sem ráðast á menn ef þeir komast í
tæri við þá.“
í Belemi var stutt stopp og næst
var haldið út á Suður-Atlantshaf.
Viðbrigðin voru mikil, að koma af
lygnu fljótinu út á úfið úthaf. „Þegar
við komum út frá Belemi byrjaði
fjörið. Við vorum tíu daga á leiðinni
til Natal sem var næsti viðkomustað-
ur. Þetta var versti hluti leiðarinnar,
alltaf mikill mótvindur og veltingur.
Er Herjólfur alveg hátíð hjá því sem
ég kynntist þarna. Ég var sjóveik í
fyrstu tvo dagana og gerði lítið annað
en sofa.“
En sjóveikin rénaði og eftir tíu
daga barning komust þau til Natal.
„Það var æðislegt að standa á landi
þegar við komum til Natal þar sem
við stoppuðum í tvo daga.“
Áfram var haldið og komið við í
borgunum Resife og Salvador á
leiðinni til Ríó. Þegar þangað var
komið var margt heimsfrægt fólk
statt þar vegna umhverfisráðstefn-
unnar. Var tekið á móti þpim með
mikilli viðhöfn. M.a. tók gamla
kempan, Roger Moore, sem
þekktastur er sem James Bond, á
móti skipstjóranum. „Ég sá hann
aldrei en Bianca Jagger heilsaði upp
á okkur og tók pabbi helling af
myndum af okkur saman. Þarna var
líka norskur prins og konan hans og
karl úr Miami Vice sjónvarpsþátt-
um.“
Gaia vakti mikla athygli enda ferð
hennar helguð umhverfisvernd í
heiminum. Ljósmyndarar og blaða-
menn fjölmenntu og voru tekin við-
töl við Aldísi á MTV og fleiri sjón-
varpsstöðvum. „Ég sá aldrei viðtalið
sem tekið var við mig á MTV og veit
ekki hvort það hefur nokkurn tím-
ann verið sýnt“, sagði Aldís og
fannst greinilega ekki mikið til koma
að vera í viðtali á einni vinsælustu
sjónvarpsstöð í heimi.
Þann 8. júní var mikið um að vera,
Vigdís Finnbogadóttir forseti kom í
heimsókn og Eiður Guðnason um-
hverfisráðherra og var farið með þau
í stutta siglingu. Fleira heimsfrægt
sá Aldís. „Farið var með okkur á
tónleika og vissum við ekki fyrr en
allir í salnum voru beðnir um að
standa upp og þá gekk Sylvía Sví-
adrottning í salinn."
Ekki snérist allt um umverfisráð-
stefnuna hjá Aldísi þá tíu daga sem
hún stoppaði þar, en allan tímann
var Gaia til sýnis. „Ég fór upp á
Sugar love en komst aldrei upp á
stóru styttuna af Kristi, skoðaði mig
um á ströndinni og keypti mér föt.
Allt var morandi af lögregluþjónum.
Þeir voru á hverju horni, en götu-
börn sáust varla. Maður gerði sér
enga grein fyrir því hvað hættulegt er
að ganga um Ríó en okkur var
bannað að ganga með skartgripi því
þeir bjóða hættunni heim.“
En öll ævintýri taka enda og eftir
tíu daga fór Aldís frá Ríó. Ekki gekk
það þrautalaust því fluginu til Parísar
seinkaði um fjóra klukkutíina sem
varð til þess að hún missti af flugi til
London. „Ég varð að gista eina nótt
í París og ekki munaði miklu að ég
missti af vélinni því ég svaf yfir mig,
en það bjargaðist allt saman og heim
kom ég 12. júní.“
En hvað stendur efst í huga Aldís-
‘ar eftir ferðina? „Að ganga um
gamla borgarhlutann í Salvador. Þar
eru fyrstu húsin sem Portúgalir
byggðu í Brasilíu og eru kirkjurnar
byggðar að einhverju leyti úr gulli,"
sagði AldísGunnarsdóttirsem hefur
verið góður fulltrúi þjóðar sinnar í
Brasilíu.
Af Gaiu er það að frétta að ferð
hennar lauk í Ríó og verður hún flutt
til Noregs þar sem hún fer á safn.
Faðir Aldísar, Gunnar Eggertsson
stýrimaður á Gaiu, er kominn til
landsins og lauk þar með siglingu
hans um úthöfin sem staðið hafði í
rúmt ár.
• Lítíl stúlka í Brazilíu horfir af byrðingi Gaiii.