Fréttir - Eyjafréttir - 09.09.1993, Side 10

•: >:•>:•
Wá :
Fimmtudagurinn 9. september 1993
Laiulnytjaneínd:
Sættir í Haugadeilunni?
Líkur eru á að sættir séu í sjón-
máli í deilunni um beit á
Haugasvæðinu. Stefán Geir
Gunnarsson, formaður landnytja-
ncfndar, hefur lagt fram
sáttartillögu sem núverandi rétt-
hafar beitar á svæðinu hafa
samþykkt fyrir sitti leyti. Ekki cr
þó samstaða innan nefndarinnar,
einn var á móti og annar gerði
fyrirvara við eitt atriði hennar.
Tillagan gerir ráð fyrir að rétt-
hafar fái að halda afmörkuðu
svæði á Haugunum og í stað beitar-
iandsins sem þeir missa, fá þeir að
bcita fé sínu í Sæfeilinu.
í megindráttum er tillaga Stefáns
Geirs, sem hann lagði fram á fundi
landnytjanefndar 30. ágúst sl., sú að
öll beit búfjár verði bönnuð á Hauga-
svæðinu utan skika sem rétthafamir,
Friðrik Ásmundsson og Sveinn Hjör-
leifsson, fá að halda. Hafa þeir girt
skikann af og notað til vetrargjafar og
sauðburóar. I staðinn fái þeir af-
markað svæði til beitar í Sæfelli sem
verður girt á kostnað bæjarins og
afsali sér um leið þeim rétti sem þeir
hafa til þessa haft á Haugasvæðinu
utan skikans.
Fram kemur að tillagan sé samin
eftir vettvangskönnun Stefáiis Geirs
með Ólafi Olafssyni, bæjartækni-
fræðingi og Elíasi Baldvinssyni,
forstöðumanni Áhaldahússins og
fyrir liggi samþykki og stuðningur
Friðriks og Sveins.
Ágúst Bergsson lét bóka mótmæli
við sáttartillögunni. „Eg mótmæli
lausn á deilu um fjárbeit á Hauga-
svæðinu, vegna þess að beit í Sæfelli
hefur alltaf verið almenningsbeit á
haustin. Með þessari lausn er mjög
gengið á þá hefð,“ lét Ágúst bóka.
Bjami Sighvatsson, frá Asi, sagóist
samþykkja lausnina en lét bóka eftir-
farandi: „Samþykki lausnina en
mótmæli að opinbert fé sé notað til að
girða fyrir hobbý-bændur.“
Stefán Geir átti síðasta orðið í
bókunum á fundinum. „Tel þetta einu
færu leiðina í þessari deilu. Tillaga
mín var samin í framhaldi af ítar-
legum viðræðum við alla aðila í
þessu máli og samþykki ég því þessa
tillögu," sagði Stefán Geir í bókun
sinni.
Tillagan kom inn á borð bæjarráðs
á mánudaginn og var samþykkt af
fulltrúum sjálfstæðismanna en
Ragnar Oskarsson gerði fyrirvara og
vísaði til bókana Ágústs og Bjama.
Húsum í miðbænum fækkar
Nýlokið er við að rífa hús ísfélagsins við Hilmisgötu og hreinsa í burtu
grunn lögreglustöðvarinnar sem brann um árið. Hluti af svæðinu verður
notað undir bílastæði.
Mikil hreinsun er af húsum sem horfið hafa undanfarið en á móti
kcmur að miðbærinn er að verða nokkuð tómlegur, vantar tilfinnanlcga
ný hús í stað þeirra sem hafa horfíð.
Tilboð opnuð í vegagerð á Heimaey:
Eyjamenn úr leik
-huggun að hugsanlega verður ráðist í meiri
framkvæmdir vegna lágra tilboða.
Allar líkur eru á að lagning slit-
lags á þjóðvegi á Heimaey lendi í
höndum fyrirtækja af fasta-
landinu. Tiiboðin voru opnuð á
mánudaginn og skiluðu 13 fyrir-
tæki inn tilboðum, þar af komu tvö
frá Eyjum. Það lægsta kom frá
Ræktunarsambandi Flóa og
Skeiða og var upp á 21,6 milljón
króna en tilboðin héðan voru upp á
rúmar 34 milljónir og 39,2
milljónir.
Kostnaðaráætlun Vegagerðarinnar
hljóðaði upp á 35,1 milljón króna og
er tilboð Ræktunarsambandsins ekki
nema 61,6% af kostnaðaráætlun.
Næst lægsta tilboðið hljóðaði upp á
31,7 milljónir sem er 90,4% af
kostnaðaráætlun, þriðja lægsta var
92,2% af kostnaóaráætlun, eitt var
upp á 92,9 og eitt upp 95,7%. Vest-
mannaeyjabær og Öeiri buðu 34,1
milljón sem er 97,2% af kostnaðará-
ætlun og Einar og Guðjón og
Vélaleiga Þórðar buðu 39,2 milljónir
sem er 111,7%. Samkvæmt þessum
tölum viróast Eyjamenn því eiga litla
sem enga möguleika á að fá verkið.
Guðjón Hjörleifsson, bæjarstjóri,
segir að nú eigi eftir að fara yfir til-
boðin og kanna hvort þeir lægstu ætli
að standa við sín tilboð. A þeirri
vinnu ab ljúka í vikunni að sögn
Guójóns, og fljótlega eftir helgi liggur
fyrir hver fær verkið.
Guðjón sagði það viss vonbrigöi
hvað möguleikar Eyjamanna eru litlir
en hann segir aó við ramman reip sé
að draga því verktakar upp á landi
hafi yfir aö ráða mjög öflugum tækja-
búnaði sem ekki er fyrir hendi hér.
„Það sem ég sé í stöðunni er að menn
hér reyni að semja við fyrirtækið sem
fær verkið. Það gæti t.d. verið hag-
kvæmt fyrir verktakann að semja við
eigendur vörubíla hér í stað þess að
borga ferðir og uppihald manna sem
hingað kæmu,“ sagði Guðjón.
Ef lægsta tilboði yrði tekið hefði
það einn kost í för með sér því þeir
peningar sem eftir verða nýtast í
aðrar vegaframkvæmdir í Vest-
mannaeyjum.
Skattskráin:
Laun
prestanna
ofreiknuð
-mistökin voru
skattsins.
Bjarni Karlsson, sóknar-
prestur Landakirkju, vill koma
því á framfæri að laun sem
honum og konu hans, séra
Jónu Hrönn Bolladóttur, voru
ætluð í síðasta blaði séu langt
frá raunveruleikanum. Hann
segir að mistök hafí verið gerð
við útreikning á sköttum þeirra
en nú hafí þeim borist leiðrétt-
ing ásamt afsökunarbeiðni frá
skattinum.
í FRÉTTUM í síðustu viku var
greint frá launum þeirra hjóna og
voru þau reiknuð út samkvæmt
skattskránni 1993. Samkvæmt
henni voru mánaðarlaun Bjama
225.888 krónur og laun Jónu
Hrannar 95.624 krónur. Þetta
segir Bjami að sé langt frá því að
vera rétt enda brá honum í brún
þegar hann fékk skattseðilinn í
hendur en þar stóð að þau hjón
væru stórskuldug við skattinn.
Nú hafa þau fengið leiðréttingu
mála sinna og hió rétta er að
Bjami hafði 180 þúsund í
mánaðarlaun á síóasta ári og Jóna
Hrönn 65 þúsund. Mismunurinn
liggur í að öll aukalaun skrifast á
Bjama og Jóna Hrönn var í
fæðingarorlofi.
FRETTUM er bæði ljúft og
skilt að koma þessari leiðréttingu
á framfæri en nú verður staðar-
numið í birtingu á launum að
þessu sinni. Vegna þessarar
athugasemdar og eins vegna
athugasemdar Grétars Þorgils-
sonar í síðasta blaði skal tekið
fram að alfarið er stuðst við upp-
lýsingar í skattskránni sem var
lögð fram um mánaðarmótin júlí-
ágúst. Þar eru aðeins birtar
upplýsingar sem miðast við
heildarlaun og eins kemur ekki
fram hvort um áætlun er að ræða
eða ekki. Þessa fyrirvara verður
að hafa í huga þegar gluggað er í
skattskrána.
Annað sem rétt er að komi
fram, er að öll vinnsla og út-
reikningar eru í höndum manns
sem ekki starfar á FRÉTTUM og
er á engan hátt reynt að hafa áhrif
á val hans á fólki.
Hámeri var það heillin
Strákarnir á Guðrúnu VE fengu heldur óvenjulegan feng í netin í síðasta
túr. Voru það fimm hámerar sem höfðu fíækst í netunum. Strákarnir á
Guðrúnu höfðu ekki lent í því áður að fá hámerar í net, eða önnur veiðar-
færi.
Guðrún er með netin austur við Ingólfshöfða og hefur rótfískað undan-
farið eins og reyndar aðrir nctabátar. í þessum túr voru þeir með 60 tonn
sem fengust í fímm lögnum, mest þorsk.
Iláskólinn og Vestmannaeyjabær:
Viljayfirlýsing um
rannsókna- og þróunarstarf
Háskóli íslands og Vestmannaeyja-
bær hafa undirritað vilja-
yfírlýsingu um rannsókna- og
þróunarsamstarf þcssara aðila á
sviði sjávarútvegs, eins og kom
fram í blaðinu fyrir skömmu. Há-
skólinn ætlar að koma hér á fót
útibúi en veitt hefur verið fé til
stofnunar prófessorscmbættis í
fískifræði sem tengist aðstöðu í
Eyjum og Náttúrugripasafninu.
I samstarfinu stýrir stjóm sex
manna, þrír frá Vestmannaeyjabæ og
þrír frá Háskóla íslands, skipaðir til
þriggja ára í senn. Hlutverk stjómar
verður, að hafa umsjón með sam-
starfinu og móta meginstefnuna á
sviði rannsókna og þróunar.
Framkvæmdaraðili verður Sjávar-
úvegsstofnun Háskóla Islands sem
vinnur í nánu samstarfi við fulltrúa
frá Eyjum.
I viljayfirlýsingunni kemur fram
að komið verði upp sameiginlegri að-
stöðu með Rannsóknastofnunum
atvinnuveganna og Náttúrugripasafni
Vestmannaeyja. Stefnt er að því að
leggja stund á langtímarannsóknir á
tilteknum sviðum þegar fram í sækir,
en einnig er ástæða til að leggja
áherslu á afmörkuð verkefni, sem
skila skjótum árangri. Fjármögnun
verkefnanna verður að öllu jöfnu sótt
í innlenda og erlenda rannsókna- og
þróunarsjóði. Stefnt er að því að
halda árlega sjávarútvegsdag um
páskaleytið og verða þar kynntar þær
rannsóknir og þau verkefni sem
unnið er aó hverju sinni.
Fulltrúar í samstarfsnefndinni eru
þessir: Guðjón Hjörleifsson. fulltrúi
bæjarstjómar. Gísli Gíslason, fulltrúi
rannsóknastofnananna í Eyjum.
Sighvatur Bjamason, fulltrúi fyrir-
, tækja í Eyjum, Gísli Már Gíslason,
fulltrúi Líffræðistofnunar H.í. Gísli
Pálsson, fulltrúi Sjávarútvegs-
stofnunar H.I. og Þorsteinn I.
Sigfússon, tilnefndur af Háskólaráði.
HJÁLPARSTARF AÐVENTISTA
Nú er að hefjast hið árlega söfnunarátak HJÁLPARSTARF
AÐVENTISTA hér í Eyjum. Þessi söfnun á sér langa hefð og miðar að
því að afia fjár til að lina þjáningar þeirra sem líða vegna vanþróunar,
náttúruhamfara og styrjalda. Þar sem það er hægt, er stuðlað að upp-
byggingu og endurhæfingu. HJÁLPARSTARFIÐ er framlag aðventista
til að vinna gegn afleiðingum styrjalda, þurrka, hungursneyða, náttúru-
hamfara og annarra hörmunga sem herja á mannkynið. Þetta hjálparstarf
þekkir engin landamæri og starfar fullkomnlega óháð stjómmála- eða
trúarskoðunum. Eina markmið starfsins er að hjálpa þar sem neyðin er
stærst. Næstu daga er tækifæri þitt til að rétta hjálpandi hönd og styrkja
þetta líknarstarf, með frjálsu fjárframlagi, þegar söfnunarfólk okkar bankar
uppáhjáþér. Aðventsöfnuðurinn í Vestmannaeyjum.